حملة نسائية ضد ؟؟؟؟ عفوا ً ممنوع دخول غير الأعضاء

مرحبا بنات
شخباركم والله انا داخله المنتدى وانا ضايقه حيل ادور اي رجيم اسويه
بصراحه انا ما اوزن كلش وامس رايحه المستشفى عندي عمليه صغيره بايدي ولما وزنت الا وزني 85 :cry:
والله انصدمت وجاتني ضيقه المهم سويت العمليه وطلعت وانا من كثر ما انا متضايقه رحت وتعشيت واكلت وااايد بعد
انا طولي 160 وترى المتن مايبين على وااايد يعني اللي يشوفوني مايقول ان وزني هالقد يقول بنص ال70 لان المتن موزع وترى ناس واايد يقولون لي جسمي حلوو بس انا اقول لهم لان ما يشوفونه من تحت العبايه وانا ما افصخ عباتي بالزيارات وجيه هاي اللي خلاني ما انتبه لروحي
بنات واللي يرحم والديكم خلنا نوقف مع بعض ونساعد بعض ونشجع بعض
انا راح ابتدي الرجيم معاكم من بكره وبالتزم به انشاء الله بس انا عندي مشكله مااكل السمك شاسوي !!

انا معاكم عندي مناسبتين بعد رمضان
ابي اضعف
بعتمد هالاسبوع على التبوله و السلطات مع ورق العنب
يضعفني 4 كيلوات بالاسبوع مجربة من قبل

صباح الخير ..
شخباركم بنات وشخبار الرجيم معاكم ..
انا قعدت اليوم وشربت شاهي احمر مع اني مو متعوده لازم كرك بس شاسوي قاومت نفسي بس هاي هين انا احين بروح عندي محاضره وتعرفون في البريك لازم نقعد بالكفتيريا ويبتدي التخربط كافي وشبس ومادري شو بس انا انشاء الله ماراح اضعف وبشرب ماي ..

ايييه عندي سؤال بعد الحين اقدر اشرب دايت كولا او بيبسي ؟؟ وبين الوجبات اقدر اشرب شاهي ؟؟

.
.


السلام عليكم ورحمة الله وبركاته ..


أخباركم يا بنات ..


أخبارك اسبرانزا .. عساكِ طيبه

ابشري ياغاليه كلنا معك ^_^

.
.

انا وزني 75 وطولي 167 والي انحف انحف انحف من غير حساب ههههههههااي


ماكان عندي رغبه اعمل رجيم ولا شيء

ومع الوقت قررت وابتديت من تاريخ 25\7 ... يعني تقدري تقولي صار لي 15 يوم من ابتديت ..

انا اتخذت رجيم لحالي .. ابتديت اني اصوم الى الله صوم طول اليوم وبعدين يكون الفطور والسحور على الدايت ماشيء

بعدت عن جميع السكريات والدهون وجميع انواع النشويات .. رز ومعكرونه وخبز وكل شيء

احب الشاي كثير واستخدم معاه سكر اسمر مع حليب منزوع الدسم

والزبادي دووم منزوع الدسم او قليل الدسم اذا ماحصلت منزوع

كثرت من السلطات .. واشرب كمايه كبيره كبيره من الماي

اعمل تمارين خفيفه في شقتي واصعد وانزل على السلم كثير

واتحرك اكثر من سابق واتمشى على طول ..


تجنبت كل الوجبات الجاهزه وكل انواع البطاطس والشوكولا والعصائر

وحتى المشروبات الدايت ما اخذها اذا فقدت من جسمي بعدين راح اخذ منها ...

طبعا ان هل الحين معي الدوره وماينفع اصوم ..

لكن ما اكل وعامل شبه الصووم بس اشرب المويه كثير او اكل فوااكه طبعا البرتقال والتفاح وكيوي

او سلطات واكثر من الخضراء .. او التبوله الجاهزه ..

وان شا ءالله بس اخلص الدوره برجع الى الصوم ثاني .. لان الصوم ساعدني كثير ..

.
.

وفي هل الفتره يا بنات انا حسيت اني نحفت اشووي

حتى زوجي قال لي حس بتغير فيني .. بس انا ما حبيت اعرف وزني

لاني من لنوع اذا شفت وزني نزل بتنازل عن الرجيم ومجربه هل الطبع

عشان كذا اذا مره حسيت حالي نحفت راح اوزن وان شا ءالله خير ...


.
.

المسأله يا حلوات يبي لها وقت ومجهوود

وكل منا على صبره وتعبه رااح يحصد

ولازم تجي اوقات الجسم يتعود على الرجيم ويبقى ثابت وبعدها يصير ينحف مباشره ..


.....


انا معاكم في هاذي الحمله ورااح افيدكم بكل شيء يصير معي اول اب اول

واتمنى الي ذكرته لكم يفيدكم ..


وانا بالخدمه ^_^ ..

.
.


ويالله نجهز لنا ملابس رشيقه للعيد ..


اسبرانزا شكرا يا غاليه على هل الصفحه


وكل اشوي بمر عليكم ..

.
.


أحترامي

أختكم .. شيخة ..

أهلييييييييييييييييييييييين بنوتات صباح الخيرات معلييييييش تأخرت عليكم بس كنت معزومة امس ,.....عالعموم ماعلينا ...

مرحبا أخواتي الأعضاء الجدد لنادينا أهلا ً بك يا (((( Miss world .."جورية " ...كويتية 23 ....princess qtr ..نانو عروس 2007 ... يارب ترزقني..)))

هلا فيكم ..بالنسبة لأختي Miss world احنا ماعندنا نظام رجيم موحد ...كل وحده تعمل الرجيم اللي تبغاه بس تجمعنا هنا هو بس عشان المساندة .. والإستمرار على الرجيم ..والنصائح الخاصة بالرجيم ... ..وطبعا ً الرياضة مهمة ....
أما بالنسبة لي كم منزلة ..أنا مشكلتي ابتدت قل 6 سنين وحاولت انزل وزني بس ماكان فيه اصرار ولا عزيمه ...بس من سنتين سويت رجيم ...من دكتورة تغذية ...وعملته خلال العطلة الصيفية ذاك الوقت كان وزني 76 ونزلت 7كيلو ورجعت للمدرسة والكل متعجب كيف نحفت طبعا فرق بشكلي كثير .... وصار يطلع وينزل وصرت اسمن واسوي رجيم وانحف واسمن وانحف لحد العطلة هذي العطلة اللي قررت قرار نهائي اني انهي هالمشكلة مرة وحدة ..... وقبل شهر عملت الرجيم اللي حطيته لكم ... ونزلت عليه 4 كيلو قبل شهر كان وزني 70 وصار 66 وهاللحين انا 66وابغى اصير 57 خلال شهر ....
بالنسبة ل...."جورية " حياك الله وماشاء الله انجاز الكيلوات اللي نزلتيهم ... حلو وبعدين على فكرة انتي مو الوحيدة اللي تعك بالرجيم لازم بالجمعات والعزايم ...إغراءات صح ..هههههه ...
وعلى فكرة انا كنت أتعب من الرياضة بس ما صدقت النتائج اللي شفتها من الرياضة ...المشي كان يخليني مع الرجيم انزل باليوم كيلو ..... حلو صح ... ؟؟؟
وبالنسبة ..ل..كويتية 23 حياك الله واهلييين ...وما شاء الله حلو 12 كيلو بشهرين مرة ممتاز ... يالله خليك معانا وان شاء الله راح توصلين للي تبين ....
بالنسبة ل..princess qtr مرحبا فيك ... وترى كلنا معاك ... وكلنا راح نوقف سوا ونتعدى هالمشكلة اللي صارت هم على قلوبنا ...وترى انتي مو ملزومة تعملي الرجيم هذا ...اي رجيم تبينه اعمليه .. وخبرينا عنه ...
بالنسبة ل...نانو عروس 2007 ...مرحبا اختي حياك الله ان شاء الله تحققين اللي تبغينه معانا ... وبعدين وش سالفة رجيم السلطات والتبولة ,,,و((((ورق عنب ))))) يمممم صدق ينحف???? ... ردي لي طيب ...
وبالنسبة ل.... يارب ترزقني.... اهليييين صبحك الله بالخير صراحة ما تدرين قد ايش حمستيني للرجيم مرة وصدق الصيام ينحف ؟؟؟؟ والله شكلي بجربها .... ننحف وناخذ أجر والله حلوة يابنات لا تفوتكم .... والله يجزاك خير على تذكيرنا بالصيام ... وترى يابنات من صام يوما في سبيل الله باعد الله النار عن وجهه 70 خريفا ً .... يعني يستحق نصوم على الأقل يوم..... من كثر حسناتنا ؟؟الله يغفر لنا بس ...
مشكورة اختي شيخة ....وحياك الله باي وقت ....
مشكورييييييين يابنوتات ولا تحرمونا من اخباركم طيب ....

ملاحظة يابنات :::: السبت راح يكون ان شاء الله البداية الرسمية للرجيم طيب من بعد السبت مافيه تأجيل ....طيب
والى لقاء اخر ملئ بالرشاقة ,,,,هههه ............ نشوفكم على خير ان شاء الله ....

أختكم / اسبرانزا Asperanza

هلا بالصبايا..
اسبرانزا شحالج؟؟
بصراحه انا عجبني الرجيم اللي انتي تسوينه وقلت اجرب اسويه معاج
واهم شي ترى ان احنا نشجع بعض انا قبل جربت واايد اسوي رجيم واروح الجم بس لان بروحي ومحد معاي ولا حد يشجعني كسلت وما قمت اروح او ماقمت اسوي بنفس النشاط اللي كان قبل مثل ما قلت اهم شي ان الوحده تتكلم وتقول عن اللي بها عشان نوقف مع بعض

هلا والله يا حلووين

اكيد فديتك الصوم بينحف اذا ابتعدنا عن جميع الاكل الي يسمنا

مثل النشويات والسكريات وغيرهاا


ثاني شيء حنا نبي ننحف براحه خطوه خطووه عشان ما نسمن من جديد بسرعه .. الي يفقد بسرعه يمتلي بسرعه ثاني

وأظن هذا شيء معروف ..

والصوم صحه للجسم .. عني انا احس اني خفيفه وما اشكي من انتفاخ بطن او كرش ابد من ابتديت للحين ..

وان شا ءالله بستمر بعون الله وتشجيعكم ...

.
.


يعطيكم الف عافيه

ويالله نصير باربي خخخخ

أهليييييين صباح الفل والكادي لأحلى بنوتات .................... أخباركم .؟؟ هاه مستعدين بكرا اليوم الكبير ....

بداية الإلتزام ...بالرجيمات ....

هاي princess qtr اوكي نبدأ بكرا ان شاء الله ؟؟؟؟

واهلييين .((يارب ترزقني )) اخبارك ؟؟؟ وبعدين صح اللي تنحف بسرعة ترجع بسرعة بس ......((((ملاحظة ))) لكل البنات

اللي يعملون رجيم ........ترى التثبيت اللي بعد الرجيم أهم من الرجيم نفسه .......لازم على لأقل شهر ما تسمنين ...علشان

جسمك يتأقلم مع الوزن الجديد وتركيب الدهون الجديد في الجسم .....فبالتالي اذا خربطتي ماراح يرجع نفس ماكان بس

راح يزيد شوي وانا مجربه هالشي بنفسي ......


يالله نشوفكم بكرا ان شاء الله لا تنسون بكرا لازم نكون كلنا بدينا الرجيم .........

اسبرانزا Asperanza

الله يوفق الجميع 0000000000انا من 3 سنوات وانا على الدايت بس وزني ما ينزل عن 85 بس جسمي اصبح حلو 00000000000

إن شاء الله بجرب هالرجيم


و مشكووووورة

أهلييييييييييين مساء الخيرات ..............................كيفكم بنتوتات .......عسى الرجيم ماشي معاكم الظاهر انكم من

الجوع طايحين ونايمين بس ....ههههههههه المهم لا تخربطون الرجيم ..... ومارسوا رياضة المشي ترى انا جربتها

خصوصا ً في جونا الحلو (((سونا طبيعي )))تخليك تنحفين كيلو باليوم ...اذا ماخربطتي الرجيم ....

يالله عاد عطونا أخباركم .......
أختكم / اسبرانزا Aperanza

مرحبا صبايا..
شخباركم وشخبار الرجيم معاكم انا بصراحه قررت اصوم منها اجر ومنها رجيم وعشان استعد حق رمضان وفطوري ماراح اخربط به انشاء الله ...

شخبار الرجيم معاكم ؟؟

السلام عليكم ورحمة الله وبركاته

اهلييييين بنوتات كيفكم

حبيبتي اسبرانز جربت طريقتك اني اكل عادي يوم وبعدين ارجع للرجيم عشان مشكلة ثبات الوزن

لكن بصراحه انا اكلت يومين عادي وتوزنت لقيت نفسي ناقصه كيلو ونص شكلي انا وزني بزيد مع الرجيم وبنقص مع الاكل ههههههههههه وحبيت أسألك انتي كم طولك لأني انا حابه اوصل لنفس الوزن اللي انتي نفسك توصليله 57 وانا طولي 161 ووزني الحالي 59.500 يعني باقي تنين كيلو ونص عشان اوصل ويمكن اذا وصلت ان شاء الله لهذا الوزن انتي عارفه الانسان طماع يمكن استمر الى أن اصل 55 كيلو بس خايفه اني يكون شكلي ضعيييييف كتيييير ومش حلو انتي شوو رايك

تحيتي
سالي

يعطيكم العافية

مساء الخير للجميع ..


كيفكم .. عساكم طيبين ..


ام بقول لكم اخباري ..

انا موااصله الرجيم وامشي واتحرك على طول واعمل بعض التمارين ..

واكلي بأفضل حال *_* >>> تعجبكم شيخة ههههه

وان شا ءالله بكرا اخر شيء واخلص الدوره وارجع الى الصووم

انا حاولت اني ما اكل كثير في هل الفتره لاني ما اصووم وكان كل يومي فواكه وخضروات واذا بتغدى بقطع دجاج او لحم مشوي وسوائل ... طبعا زي ماقلت لكم انا معتمده على جميع أنواع الحليب والبان بس كلها منزوعة الدسم ..

.
.


وان شا اءلله بنوااصل


الله يعطيكم الف عافيه

ولي عوده ..

هااااااااي بنوتات ..

اخباركم مع الرجيم ..

انا ان شاء الله ببتدي من بكره و اتمنى ان وزني ينزل ..

بقولكم بأخباري اول بأول بوزن كل اسبوع و بقولكم شكثر نزل وزني ..

و بعدين لما اوصل للوزن المطلوب بقولكم كم كان وزني و كم صار ...

مساء المحبه ..


هلا والله عطر الليل

يا فديتك شدي حيلك حبووبه

وان شا ءالله راح توصلي الى الوزن المطلوب بعون الله ...

.
.


وانا يا بنات موااصله واحس كل يوم تزيد ثقتي

واتشجع اكثر واكثر ..


وان شا ءالله خير يارب ..

وخلصت الدوره وان شا ءالله بكرا صوم وموااصله على الي ابتديت فيه اكثر واكثر ..


الله يوفقكم جميع ...


ولاتقاطعون الموضوع هذا

يالله اعطونا اخر اخباركم ..

.
.


محبتي لكم شيخه ..

شكرا على الوصفة و انشالله بجربها و يا رب انقص و انحف

هلا

عزيزتي اسبرانزا Aperanza موضوعج في قمة الروووووووعه

انا جيت في الموضوع متأخرة بس اكيد بتقبلوني لان ادري فيكم طيوبات بنات عروس

انا اعاني من كرشة البطن و نفخات في المؤخرة و كذا ...

فحبيت انضم ليكم و ان شاء الله ابدأ وياكم من اليوم

أهليييييييييييييييين حبايبي بنوتات عروس ........................هلا وغلا باللي انضموا لنا وحياكم الله ..............

اهليييين مساء الخير اختي سالي ...ان شاء الله نفع معاك طريقة كسر الرجيم ؟؟ انا طولي 160 بس انا عندي قاعدة مو مهم الرقم بالنسبة لي طالما الجسم شكله حلو ....انتي انحفي لحد مايكون جسمك حلو بعدين وقفي وحافظي عليه ....
وهلا ب(بنت دار الحي ) ...مشكورة عالتواصل واهليييييين (يارب ترزقني )مشكورة على تواصلك ياحبوبة وعلمينا اخبار الصوم اول باول ....
واهليييييين (بعطر الليل ) شكرا لتواصلك معنا .... وعلمينا اخر اخبارك .....؟؟؟

واهلا ب(أمواج المملكة )شكرا لمرورك بالموضوع بس حبيت اعلمك شي.... السر مو في الوصفة ......السر في التكاتف والتعاون مع بعض..... هو اللي ان شاء الله راح يوصلنا للنتيجة المطلوبة .....وياليت والله لو تنظمين لنا ,,,,,

مرحبا اختي (نموولة)مشكورة حبيبتي كله من ذوقك ...وطبعا مايبيلها كلام ياليت والله تنظمين لنا باعكس انتي ان شاء الله راح تشجعيننا أكثر ....وحياك الله ...و بالنسة لموضوع جسمك صدقيني تبينها تروح اعملي رياضة المشي والركض مع الرجيم وانا اضمن لك ان شاء الله الرشاقة ....والى لقاء آخر في سبيل الرشاقة ...
ولا تنسون شدوا الهمه ....