تجمع حوامل الشهر التاسع - فقط -

UMABDULRAHMAN;3919553:
هلا الشروق

ويصير تفوتني بروحي
يعني طمطم كانت معانا
وانتي ليش تبغي الطلق الصناعي

اكيه سوسو هاربة منه
وانتي تروحي ليه برجليك

؟؟ليه؟؟؟

تعبت ابي اولد وارتاح ومابقى على ولادتي 7/7 الا 4 ايام يارب يتممها على خير ........

ونشوف احلى بيبياااااااااااااااات يارب :)

هلا غلاوي
كيفك
انا احس بالالام الدورة اكثر لما اجي انام
والا عاد لما يتحرك البيبي
اقولها ها ها عن يعجبج المكان واتمين فيه
احسن لك طلعي في الموعد الاولاني
حبيبتي
لا تخلي امك تحاتيك

UMABDULRAHMAN;3919560:
الشروق
يا بختك حبيبتي بالاجازة
والاهم اجازتك مع الشيخ بدر شلونها
يعني انتي كموظفة كم بتكون؟؟؟
احنا بس اجازة الوضع 50 يوم
والباقي من رصيد اجازتنا الاعتيادية هذا اذا رؤساء العمل حنوا ووافقوا عليها

فانا معزمة اذ 33 يوم زيادة
يعني راح يكون عمر فجورة 83
صح قليل بس عاد تسامحني
اذا قدرت اخذ لها كذا فبكون شاطرة
لان الاجازات عندنا هلليلة كبيرة

اقول كيف وضعية بدر هل ماخذ الوضعية الصحيحة للولادة ؟؟

ان شاء الله ما تجي الجمعة الا واحنا بغرفة الولادة يا رب
يوم اتذكر احط ايدي على بطني واقرأ سورة الزلزلة
عسب اعجل في الولادة

انا بخير حبيبتي
والكروشة مثل ما قلتي انتي
كل مرة تجي على صوب
مرة تلقين البيبي جهة اليمين
ومرات تلقيه يتجمع فوق ويشد علي

طال عمرك احنا اجازتنا كمعلمات 40 يوم وفيك تمددينها الى 90 يوم اذا الطبيب كتبلك على اجازه مرضيه او تاخذي اجازه امومه بربع الراتب فصل دراسي كامل

وبالنسبه لوضع بدوري لا ولله الحمد تعدل :)

من بؤك لباب السماء انشالله ماتجي الجمعه الا واحنا ولاده يارب :) :)

أم المهند;3919343:
هلا غلوي مو صبحتي ..

أنا يا قلبي بخير ولله الحمد .. مشي وما أعرف وين أمشي بسبب الإعصار اللي خرب علينا الشوارع والمنتزهات وهذا مو زين لي بالعكس لازم أشد الهمة الحين .. والبنوتة فديتها صايرة كسولة مسكينة المكان ما عدا يسعها هههههههه .. بس تخبرين وزنها 2 كيلو و400 غرام حلو ؟؟ هذا كان وزنها من أسبوع تقريبا . الطبيبة طمنتني ولله الحمد بأنه حلو بس يالسة أتخيل إنها بتجي ما مربربة فديتها .. يالله أهم شي صحتها ووصولها بالسلامة وتاليها نهتم في ربربتها ولا شو رايك .

عندي موعد يوم الأربعاء هاذي وعسى خير يا رب .

هاتي علومك يا عسل

يا هلا وغلا فيج

الحمدلله ربي يسر عليكم بهذا الاعصار وعد على خير

اما الشوارع ما عليج ان شاء مع الايام تتحسن :)

فديتها الله يحفظها لج ويبشرج فيها ومثل ما قلتي اهم شي صحتها وبعدين نتفيج للسوالف الثانيه هههههههه



اما انا كان موعدي يوم الاحد طنشته عسب الدوام ما رضوا يعطوني تصريح لاني غبت يوم الخميس وما قدرت ادوام


فبأجله ان شاء الله 8/7 وبشوف كيف الترتوب


اما بالنسبة للمشي مستويه كسلانه والله مو قادره ما عرف شو فيني ما اقدر امشي لازم اضغط على عمري شوي :( اخاف اتعب في الولادة او لا سمح الله ولادتي تكون قيصرية الله لا قال :(


الحين انا في الدوام فاحس بحموضة ودوخة خفيفه لاني مو راقده عدل والكمبيوتر سهجل فيني بس الله كريم

بس الغاليه شو تنصحيني اشرب عسب تسهل علي الولادة لانه ما بقى شي للموعد اللي عاطتني اياه الدكتوره وانا ما احس الا بالام الولادة الله يستر

ونسيت اقولج امس الظهر بغيت ارقد فرقدت على الجانب الايمن والله نص ساعه لا اقوم واصارخ من الويع اللي صار في الجنب الايمن ما عرف من شو هل يمكن لان الياهل كان في الجانب والله ما قدرت اقوم ربع ساعه وانا احاول اغير الجهة والله جني روحي بتطلع


بس الحمدلله عدت على خير :)


وان شاء اليوم بروح البيبي شوب عسب اشرى للياهل :)

وهذي كل اخباري

صباح الخير كروشات..مشاء الله كلكم هنا.. يلا من الي ولدت.. ومن الدور عليها :bigsmile:
ام فجورة صباح الخير..ترا الحال من نفسه ياختي تعرفي انا اقل الم احس انه الم ولادة واقوم زوجي اقوله فيني ولادة وكلها دقايق ويزول الالم خخخخخخخ
شروق عزيزتي يلا كلها 4 ايام وان شاء الله ماتحتاجي لصناعي
ام مهند.. هلا وغلا شخبارك كيف الحمل معاك
سوسو وام عبادي كيفكم ان شاء الله ربيتوا..عاد البارحة صج قعدت احاتي اني لايكون اوصل العاشر :durr:
غلا..شخبارك يالغالية
بنات الحكة ذابحتني تخيلوا ما اقدر انام بسببها والبارحة تميت احك لين ماشفت بطني يدمي :( شو اسوي والله مااقدر استحمل
عندي موعد اليوم وان شاء الله تعطيني شي يهدي هالحكة ومااظطر لطلق صناعي ولا غيره..دعواتكم
صح الا بسالكم انا دكتورة الاسبوع الماضي كانت تبي تكشف علي اذا مفتوحة ولا لا بس انا رفضت من خوفي..فهل اذا طلبت اليوم مني عادي اخليها او مفروض ما من الحين

صبااااااااااح الخير يل كروشات.. شخباركم...

شروق حبيبتي انتي متأكدة بتطلبين الطلق الصناعي؟؟؟ لا يا وخيتي خليها على رب العالمين وان شاء الله يجيج كل شي طبيعي... انتي للحين ما صار موعدج صح؟؟؟

انا اليوم كان عندي موعد بالمستشفى بس مارحت... خفت يربطوني على سالفة الضغط.. والحي متوهقة اراجعهم متى؟؟

انا وزوجي قررنا بنصبر لي يوم الخميس.. بيصير لي 40 اسبوع ويومين... اذا ما جاني الطلق بتوكل على الله وبرووح للموت برجوولي.. اقصد لطلق... لان اخاف على البيبي الصراحة... مافيني شدة يصير شي بسبب الضغط.. تعبانة كل هالشهوور..

بكرى موعد ولاتي وكلي امل ان الليلة يجيني الم طبيعي.. ادعو لي يابنات..

UMABDULRAHMAN;3919569:
هلا غلاوي
كيفك
انا احس بالالام الدورة اكثر لما اجي انام
والا عاد لما يتحرك البيبي
اقولها ها ها عن يعجبج المكان واتمين فيه
احسن لك طلعي في الموعد الاولاني
حبيبتي
لا تخلي امك تحاتيك

تسلمين حبيبتي

وانا احس بالالم الدوره بس خفيفة ومرات
وحركة البيبي ملعوزتني لاني ارقاي على جهة اليمين فهو يكون هناك


الله يعينيا ويسر علينا

يا رب ويبشرني خير :sad:

سونيا حبوبة والله ماعندي فكرة عن الكشف... بس احس ان يألم اذا مافيكي طلق.. شوري اللي مجربين احسن..


بنااااااااااات انا شامة ريحة خيانة... شكلها ام عبادي وملوكة سوتها بعد.. مالها حس من البارحة.... يارب تكون صج ولدت.. وتكون دعت لي اصير وراها الليلة.. الله يسهل على الجميع ... شكلها طاري المقص والمشارط خوفوها وخلوها تولد..ههه... يارب ياكريم

غلا عمـــــري;3919606:

ونسيت اقولج امس الظهر بغيت ارقد فرقدت على الجانب الايمن والله نص ساعه لا اقوم واصارخ من الويع اللي صار في الجنب الايمن ما عرف من شو هل يمكن لان الياهل كان في الجانب والله ما قدرت اقوم ربع ساعه وانا احاول اغير الجهة والله جني روحي بتطلع


تصدقي انا يعد صار معاي نفس الشي وقعدت اصارخ وخفت اني لايكون ضغطت على البيبي.. بس ياريت لو حد يفسر لنا

وهذي كل اخباري

حبوبات .. بالنسبة للنومة في هالشهر لااااازم تكون على الجنب الأيسر بقدر الإمكان لأنها تساعد على الولادة وتجنب نومة الظهر ، وهالله هالله في القومة ما تستعجلوا تراه إحتمالات لف الحبل حول رقبة الجنين لا سمح الله واردة في هالحالة بسبب ضيق المكان عليه وهالله هالله في التقليبة بعد ، هو صح يبغى لنا كرين ( رافعة ) عشان نتقلب بس نفس الشي ديروا بالكم .

بالنسبة لتكور الجنين في هالشهر بعد أمر عادي لا تخافون ، فعلا الوضع مؤلم بالذات لما يشد حيييييييييييل أو يجي على صوب واحد بس هم لا تخافوا الوضع طبيعي وهذا لأن الجنين بدأ المكان يضيق عليه فيبغى أي فجوة عشان يتمدد ويتماغط .. فديتهم والله .

غلا عمـــــري;3919606:
يا هلا وغلا فيج

الحمدلله ربي يسر عليكم بهذا الاعصار وعد على خير

اما الشوارع ما عليج ان شاء مع الايام تتحسن :)

آميين يا رب العالمين وفعلا يالغلا الشوارع تعدلت بس عاد مو زي أول .. يعني لازال الغبار والطينة موجوجة شوي شوي ، وتدرين مو زين لنا كحوامل نتمشى في هالتلوثات عشان التنفس ع الأقل .

فديتها الله يحفظها لج ويبشرج فيها ومثل ما قلتي اهم شي صحتها وبعدين نتفيج للسوالف الثانيه هههههههه

جميعا يا رب العالمين

اما انا كان موعدي يوم الاحد طنشته عسب الدوام ما رضوا يعطوني تصريح لاني غبت يوم الخميس وما قدرت ادوام


فبأجله ان شاء الله 8/7 وبشوف كيف الترتوب

شو تشتغلي غلوي ، وبصراحة أشوفنا مزودينها نحن حبتين ، يالسين ذالين روحنا لهالدوامات وناسين موضوع صحتنا وراحتنا ... الله يسهل علينا يا رب

اما بالنسبة للمشي مستويه كسلانه والله مو قادره ما عرف شو فيني ما اقدر امشي لازم اضغط على عمري شوي :( اخاف اتعب في الولادة او لا سمح الله ولادتي تكون قيصرية الله لا قال :(

فعلا موضوع التعب في الولادة إذا ما مشيتي تراه وارد .. مسكينة شريفة أم سعود إذا تعرفينها تكاسلت على آخر الأسابيع في المشي وشفتي تاليها ولدت بقيصرية ربي يطلعها بالسلامة ، البيبي ما رضى ينزل طبيعي وتعرفي المشي له دور في توسيع وتحريك عضلات الحوض .

الحين انا في الدوام فاحس بحموضة ودوخة خفيفه لاني مو راقده عدل والكمبيوتر سهجل فيني بس الله كريم

كلنا في الهوا سوا .. الله يعينا يا رب ويسهل علينا

بس الغاليه شو تنصحيني اشرب عسب تسهل علي الولادة لانه ما بقى شي للموعد اللي عاطتني اياه الدكتوره وانا ما احس الا بالام الولادة الله يستر

متى الموعد اللي عطتك إياه ؟؟ خلني أتأكد في البداية لا تسيرين وتبلين على روحك وإنتي لسه تو الناس .

ونسيت اقولج امس الظهر بغيت ارقد فرقدت على الجانب الايمن والله نص ساعه لا اقوم واصارخ من الويع اللي صار في الجنب الايمن ما عرف من شو هل يمكن لان الياهل كان في الجانب والله ما قدرت اقوم ربع ساعه وانا احاول اغير الجهة والله جني روحي بتطلع


بس الحمدلله عدت على خير :)

حاسة فيك بربك العزيز .. هذا حالنا بس حاولي زي ما قلت نامي ع اليسار فقط وهالله هالله في روحك يالغالية .

وان شاء اليوم بروح البيبي شوب عسب اشرى للياهل :)

بعدك ما رتبتي حالك ؟؟ يالله أبوي عجلي لا تتعجل الولادة عليك ههههههه صح شو جنس البيبي عندك ؟

وهذي كل اخباري

soso84;3919673:
صبااااااااااح الخير يل كروشات.. شخباركم...

هلا صباح الخير سوسو شخبارك .. عساك طيبة إن شاء الله

انا اليوم كان عندي موعد بالمستشفى بس مارحت... خفت يربطوني على سالفة الضغط.. والحي متوهقة اراجعهم متى؟؟

يا أختي إذا عندك الضغط مرتفع فديري بالك تراه مو زين للياهل في أسابيعه الأخيرة إنتبهي ، في الغالب يولدون الحرمة بالطلق لمصلحتها ومصلحة الجنين

انا وزوجي قررنا بنصبر لي يوم الخميس.. بيصير لي 40 اسبوع ويومين... اذا ما جاني الطلق بتوكل على الله وبرووح للموت برجوولي.. اقصد لطلق... لان اخاف على البيبي الصراحة... مافيني شدة يصير شي بسبب الضغط.. تعبانة كل هالشهوور..

وأنا بعد أنصحك تروحين ، لأن إحتمالات إن الجنين يعملها في بطنك واردة وهذا أمر خطير عليه يعني يختلط السائل مال الرحم مع براز الجنين ولك أن تتخيلي الباقي .. والله يهون عليك يا رب

بكرى موعد ولاتي وكلي امل ان الليلة يجيني الم طبيعي.. ادعو لي يابنات..

أمييين يا رل العالمين ما نشوفك ويانا باكر ونسمع عن خبر ولادتك قادر يا كريم بس حاولي تحرضين الولادة بالمشروبات والوصفات والمشي أهم شي وربك المسهل يالغالية

elsherog;3919568:
تعبت ابي اولد وارتاح ومابقى على ولادتي 7/7 الا 4 ايام يارب يتممها على خير ........

ونشوف احلى بيبياااااااااااااااات يارب :)

صح كلامك والله ، شريفة وشهودة وأم النوح وجزلا كروشات يوليو اللي كانوا معانا ولدوا قبل موعدهم بفارق أسبوع أو 10 أيام بالكثير طبعا عدا أم النوح المسكينة ولدت بأول أسبوع من التاسع لظروف صحية أخرى ..

الله يقدم اللي فيه الخير ، والله يرزقنا الولادة السهلة يا رب

سوسو من بؤك لباب السما يارب

وانشالله يارب الليله يجيكي طلق اما انا عن نفسي عطوني الخميس آ خر يوم ولازم اخذ طلق صناعي لأني تأخرت كثير الحين صارلي اكثر من 10 ايام من دخلت العاشر
بس زوجي مو راضي يقولي اصبري الى يوم السبت
بنات ايش تنصحوني في انتو تعرفون ان التأخير مو زين حق البيبي
:9_33:

شو تشتغلي غلوي ، وبصراحة أشوفنا مزودينها نحن حبتين ، يالسين ذالين روحنا لهالدوامات وناسين موضوع صحتنا وراحتنا ... الله يسهل علينا يا رب

سكرتيره


متى الموعد اللي عطتك إياه ؟؟ خلني أتأكد في البداية لا تسيرين وتبلين على روحك وإنتي لسه تو الناس .



خخخخخخخخخخ 20/7 او 21/7


شو الراي بدري ولا


بعدك ما رتبتي حالك ؟؟ يالله أبوي عجلي لا تتعجل الولادة عليك ههههههه صح شو جنس البيبي عندك ؟



صج والله شو اسوي بعد

اما جنس البيبي ان شاء الله ولد :)



)

بنات خذوا هالوصفات لتسهيل الولادة للي ودها تجرب ..

شربي قرفة فهي تسهل الولادة لكن حذاااااااااار لا تشربيها والرحم لسه ما أنفتح فهذا خطر جداً يعني خذي القرفة معاك للمستشفى وإذا قالوا لك أن الرحم منفتح خمسة سنتمر أشربيه .
أما إذا شربتيها والرحم لسه ما أنفتح فلا تلومي نفسك إذا تفجرت عندك المبايض أو أي علة ثانية .

زيت الزيتون إما تشربيه أو تتدهنين فيه بعد تسخينه شوي .

ملعقه من كل من : زنجبيل مطحون / فلفل اسود مطحون/ قرفه مطحونه .
تخلط مع بعض ويوضع عليها كاسه ماء ساخن وتفور(تغلى ) على النار فوره وحده فقط ثم تحلى بملعقة عسل اصلى وتشرب .

غلوي عيل إنتي مثلي سكرتيرة ربي يكون في العون ..

وموعد ولادتك شوية بدري لا تستعجلي بالمشروبات من الحين حبوبة .. خلي كل شي يجي طبيعي وبإرادة رب العالمين .

ومبروك جنس البيبي ما شاء الله .. الله يوصله بالسلامة وتفرحين بشوفته قريب يا رب

elsherog;3919295:
بنات ممكن استفسار ..............

ممكن الوحده مايجيها الم ووبيوم واحد يجيها الالم وتكون ولاده ؟؟؟؟؟؟؟

ولا لازم يتكرر عليها الالم كذا يوم ؟؟؟؟؟؟؟؟؟

هلا شروق شخباج,,,,


وشو الحمل معاج,,,


شوفي حبيبتي طول الشهر التاسع بتحسين بآلام مثل آلام الدورة,,,,


بس وقت ما تكون منتظمة وتزيد مع مرور الوقت,,,, يعني ولادة,,,


الله يسهل عليج وعلينا ان شا الله

يتصفح الموضوع حالياً : 3 (2 عضو و 1 ضيف)
‏أم المهند, ‏رميثية

هلا رميثية ويييييييييه عاش من شافك وينك لا حس ولا خبر ؟؟ دشي شاركي ويانا وطمنينا عليك حبوبة