تجمع حوامل الشهر التاسع - فقط -

يتصفح الموضوع حالياً : 3 (3 عضو و 0 ضيف)
‏مسلمه..وافتخر, ‏UMABDULRAHMAN, ‏أم المهند

ما شاء الله

التجمع العماني موجود

هلابكم



انتم في الدوام

والله انكم مثقلين على نفسكم

حاولو تاخذوا اجازه لو اضطراريه....
الشغل ماينتهي
والراحه مطلوبه
خاصه بهالشهر

والله المفروض الاجازه تبدا من الشهر التاسع
الى نهاية النفاس


بس من يسمع؟؟؟؟؟؟

الله يعين على اوامر الدوامات

صباح الأنوار لكروشات الشهر الأخير .. كيفكم وكيف الثقل والتعب معاكم ، إن شاء الله مشين أموركم على قدم وساق .

سوسو أم شوشو حبيبتي والله حاسة فيك يا قلبي بس بيت أمزح وياك من هالضيقة وتتونسين شوي .. لأني جربت وتعبت منها بربك موووت كله حك وهرش ودم ، بجد بجد الله يشافيك منها اليوم قبل باكر يااا رب .


كوكو ( كربلاء ) يا قلبي عليك ، هذا حال الدنيا مشاغله ما تسمح يفضى لأحبابه ، والله يجمعكم ويلاقيكم ولو بالصدفة على خير يا رب ..

توتي ( موتي ولا حزن زوجي ) ، يا مرحبا ملااايين .. شخبارك وشو مسوية عساك طيبة مع الحمل ، عيل إنتي مثلي أنا بعد أمشي في الأسبوع الثاني من الحمل وحاسة إن المشوار لسه مطول وتمنى ما أعوشر يااا رب وأولد في موعدي أو قبله بأسبوع ع الأقل وأجيب بنوتتي سالمة وغانمة آمييين .. طمنينا عليك يالغالية .

أختي مسلمة وأفتخر ، يسعد صباحك يالغلا .. شخبارك وكيف أمور الحمل وياك .. خبريني الحين بأي أسبوع بارك الله فيك ..

أم فجورة .. أشوفك ضمن المتواجدين .. مو صبحتي وهاه ماشي كذا ولا كذا .. الله يطلعك بالسلامة

أختي مسلمة ..

إن شاء الله نتلاقى في الجنة يا رب إيه والله أختي مسلمة شفتي كيف ، نحن بالدوامات وقررنا أنا وأم فجورة ما ناخذ إجازة إلا حزة تجي الأوجاع خخخخخخ قولي أخاف توولدون بالدوامات هههههههه ، لا والله يالغالية بس والله من باب توفير الإجازات لما بعد الولادة لأحباب قلوبنا اللي راح يشرفونا قريب .

والحمد لله نحن أطياب يسرك الحال والحمل هم الحمد لله كل شي تمام مع زيادة في الحجم والكرش والثقل والنفس البطيئ ، وبصراحة أشوفني هاليومين مبتلية بإنتفاخ بسيط في ريولي ويديني وشوي أنفي صاير شكلي غريييب .. بس أواسي نفسي بأنها يالله هانت وشوية وربك يعجل بالفرج قولي آمييين .

طمنينا عليك

صباح الخيرات لكل الحوامل في التاسع والصامدات

اخباركن

والله مبتلشات بهالمواعيد
محد مرتاح غيري
من شهر 6 ما رحت موعد
بس عاد اذا ما ولدت لين 7/7
بروح المستشفى عشان اطمن ع البيبي

يالله مستنين اخباركم
وعسى اخبار الولادات تزيد فالويكند الجاي يا رب

مسلمة وافتخر

ابوووووي زملاؤنا الرجال في العمل صاروا يرحمونا بس
المدراء ولا مس شعرة من احساسهم
لا زلنا صامدون في الدوامات

ما علي ترا اذا صارت لي ولادة بالدوام " اتمنى تجي الالام بالدوام والا في بيت امي
اما في بيت اهل زوجي فضايح كل حد بيعرف الصغير قبل لا الكبير . الله يستر بس

المشتشفى اقرب ما يكون لمكان العمل من البيت
يعني ع طول ورانا بينا وبينه شارع..

سكتي يا ام المهند

امس بكيت من الالم

بس ما كان الم ولادة

وهذا كان في الداوم

حسيت كانه حد يطعن فيني بسكين داخل الرحم

لا انا قادرة اوقف ولا امشي

فسكرت باب المكتب وجلست شوي على الكرسي

لحد ما راح هالالم

الله هونها وخف

أم المهند;3920071:
غلوي عيل إنتي مثلي سكرتيرة ربي يكون في العون ..

الله يعينا على هذي الشغله مسؤولية ومذله :(

وموعد ولادتك شوية بدري لا تستعجلي بالمشروبات من الحين حبوبة .. خلي كل شي يجي طبيعي وبإرادة رب العالمين .

وانا بعد كنت افكر امس لما كنا امشي وان شاء قبل موعدي 3 أيام بشرب :)

ومبروك جنس البيبي ما شاء الله ..


الله يوصله بالسلامة وتفرحين بشوفته قريب يا رب

ومشكوره حبيبتي ولج مثلها :)

:

هلا توتي
اخير وصلتي

مرحبا مليون

وكيف التاسع والثقل معك ،،،،

UMABDULRAHMAN;3925364:
صباح الخيرات لكل الحوامل في التاسع والصامدات

اخباركن

والله مبتلشات بهالمواعيد
محد مرتاح غيري
من شهر 6 ما رحت موعد
بس عاد اذا ما ولدت لين 7/7
بروح المستشفى عشان اطمن ع البيبي

يالله مستنين اخباركم
وعسى اخبار الولادات تزيد فالويكند الجاي يا رب

هيه والله صدقتي محد ملعوزنا غير هالمواعيد ان شاء نولد بالسلامه وكل شي يكون بخير :)

والله يسمع منج فالويكند نسمع اخبار تسر :):D_smil1:

soso84;3919673:
صبااااااااااح الخير يل كروشات.. شخباركم...

شروق حبيبتي انتي متأكدة بتطلبين الطلق الصناعي؟؟؟ لا يا وخيتي خليها على رب العالمين وان شاء الله يجيج كل شي طبيعي... انتي للحين ما صار موعدج صح؟؟؟

انا اليوم كان عندي موعد بالمستشفى بس مارحت... خفت يربطوني على سالفة الضغط.. والحي متوهقة اراجعهم متى؟؟

انا وزوجي قررنا بنصبر لي يوم الخميس.. بيصير لي 40 اسبوع ويومين... اذا ما جاني الطلق بتوكل على الله وبرووح للموت برجوولي.. اقصد لطلق... لان اخاف على البيبي الصراحة... مافيني شدة يصير شي بسبب الضغط.. تعبانة كل هالشهوور..

بكرى موعد ولاتي وكلي امل ان الليلة يجيني الم طبيعي.. ادعو لي يابنات..

والله يالغاليه مادري اطلبه ولا لا بس مره تعبت ارجولي وايديني انتفخت بشكل مروع وغير الالم وتخدر على طول مااقدر احركهااااااااااااا

اما موعدي يوم السبت 7/7 بس ماباقى شي على الموعد وانا مافي بوادر ولاده

وانشالله يارب يسهل ولادتك الليله وبكره باذن الواحد الاحد والبيبي بين ايديك وانت وياه بصحه وعافيه يارب :)

UMABDULRAHMAN


فديتج نسيت اقولج صباح النور







مرحبا الساع


احب انقل لكم اخباري امس

طلعت من الدوام 2 ونص رحت المارينا ومريت صوب بيبي شوب واشريت للياهل انا وريلي

وبعدين رحنا اشترينا اسكريم :) لانه كان خاطري اسكريم وبعدها ردينا البيت


وبعد ما صليت المغرب رحت اسواق الامارات منها اشرى اغراض للبيت ومنها امشي شوي

المهم بعد ما خلصت وتشريت قلت لريلي انا ما اقدر اتم واقفة ظهري متكسر فخذت عنه السويج عسب اروح السيارة وانا ناسيه

اني عمتي ويانا :) خليتها ورحت ما شوف غير حرمه تزقرني من بعيد سوت اعلان على اسمي

خخخخخخخخخخخخخخخخخخخخخخخخخخخ المهم قالت انا خاطري امشي شوي شو رايج نتمشى صوب الدوار وبعدين نرجع

وانا الصراحه ما حبيت اكسر بخاطرها وقلت يلا ومنها نتعب شوي وان شاء يسهل علينا الولادة

المهم رحنا ومشينا تقريبا لي الدوار وبعدين قالت خلنا انكمل لي البيت الاحمر (كان في بيت لونه احمر )) جان اقول مو مشكلة

هانت ما بقى غير شوي وبنوصل المهم يوم وصلنا قلت لها يلا نرجع قالت لا لي الزياله ذيك تبي تعق العصير قلت لها هذي

الزبالة جريبنا عقيها هنيه قالت لا ابي هناك

وقلت يلا معاج


المهم بعد الزباله خليتها ترد بعد ما قلت لها ان السويج عندي وريلي رايح السياره وعنده الاغراض خلنا نروح ليسويلنا عرس :) في الشارع هههههههههههههههههههههههههههههههههههههههههههه

جان تضحك ونرد لي السيارة وهي ما شاء الله عليها ماخذه الشارع كله مو راضية تمشي على الجنب لازم فالنص وموقفة

هالسياير هههههههههههههههههههههههههههههههههههههه خبلت فيني بس بعد ونااااااااااسه :)


ورديت البيت



بس تعرفون يوم كنت امشي احس بطني يعورني كنه يايتني الام الدورة بس بعدين خفت
بس شو السبب ؟؟؟!!!!!

مسلمه..وافتخر;3925296:
ما شاء الله

التجمع العماني موجود

هلابكم



انتم في الدوام

والله انكم مثقلين على نفسكم

حاولو تاخذوا اجازه لو اضطراريه....
الشغل ماينتهي
والراحه مطلوبه
خاصه بهالشهر

والله المفروض الاجازه تبدا من الشهر التاسع
الى نهاية النفاس


بس من يسمع؟؟؟؟؟؟

الله يعين على اوامر الدوامات

مرحبا الساع حبوووووووووووووبه:B_wink:



هيه والله صدقتي شو نسوي بعد الله كريم انا يوم طلبت قالو لي اذا تبين بنخصم عنج مال الاربعين :eeksign: جان اقول لا خليناي الحين هنيه والله كريم الله يسهل علينا ويسر امورنا

كربلاء;3920394:
الشروق .. ام عبادي .. سوسو .. طمطم .. ام عبد الرحمن .. وكل الحوامل

الله يسهل عليكم وتولدون خلال هالاسبوع طبيعي

اللهم اميــــــــــــــــــن يارب :confused:


دعواتكم :)

وع وع وع احس بلوووووووووووعه ويووعانه حدي والدوام ملعوزني ممنوع الاكل في الدوام مع اني متريقة بس ما عرف شو اسوي :(

elsherog



ان شاء الله يا رب تربين طبيعي ربي يسهل عليج ويسر لج ولا تحاتين ان شاء الله خير

واستغفري ربج وحركي ايديج ع بطنج

وان شاء الله تسهل لج الولادة


:)

موتي ولاحزن زوجي;3920992:
هلا حوامل شلونكم اليةن انضم لكم وانا في الاسبوع الثاني من التاسع ولكن اخر مره كنت عند الدكتوره من اسبوع قالت لي الراس فوق وعندي تلفزيون يوم الخميس علشن تشوفه نزل والا

هلا وغلا وينك من زمان يالغاليه :) اشتقنالك

لاتخافين حبيبتي انا مثلك ثاني اسبوع في التاسع كان البيبي راسه فوق ورجع لف لوضعه الطبيعي وانشالله انتي كذلك :9_33:

elsherog




شورق حبيبتي نقلت لج هذي الادعيه عسب تستفيدين منها



إذا تعسرت ولادة المرأة فتقرأ هذه الآيات
وسورة الزلزلة في ماء ، ثم تشربه المرأة وتمسح منه على بطنها فإنها تضع بسهولة – بإذن الله – وقد جُرب ذلك فنفع الله بها ، وهذا داخل في قوله تعالى ( وننزل من القرآن ما هو شفاء ورحمة للمؤمنين ).

1- الآية الأولى : ( اللهُ يعلمُ ما تحملُ كُل أُنثى وما تغيضُ الأرحامُ وما تزدادُ وكُلُّ شيءٍ عندهُ بِمقدارٍ ) { الرعد : 8 }

2- ( والله خلقكم من تراب ثم من نطفة ثم جعلكم أزواجاً وما تحملُ من أنثى ولا تضع إلا بعلمه وما يعمر من معمرٍ ولا ينقضُ من عُمُره إلا في كِتابٍ إن ذلك على الله يسير ) { فاطر : 11 }

3- ( والله أخرجكم من بطون أُمهاتكم لا تعلمون شيئاً وجعل لكُمُ السمع والأبصار والأفئدة لعلكم تشكرون ) { النحل : 87 }

4- سورة الزلزلة .

..........
فتوى الشيخ محمد العثيمين : بسم الله الرحمن الرحيم هذه الآيات الكريمة جربت للقراءة للحامل التي تعسرت ولادتها ففرج الله بها ... إما تقرأها على الحامل أمراة أو يقرأ بماء ثم تشربه الحامل ويمسح منه على بطنها قاله كاتبه محمد الصالح العثيمين في 3/8/1414 هـ .
........
مجلة حياة العدد (30) بقلم : منى
أختيار/ أبو أسامة .
.......

منقول ،،،














والسموحه منج

مسلمه..وافتخر;3925283:
صباااااااااح الخيرات حواملنا

كيفكم وكيف الحمل والملل منه يالله والله تعب الحمل
بس الله ياجرنا خير يارب

صباح الانوار ...........

هلا وغلا كيفك انتي احنا ولله الحمد بخير وقاعدين ننتظر :sad:

ام عبدالرحمن ..................


مايصير يالغاليه تتركين مواعيدك خاصة في هذي الفتره المتابعه ضروريه يالغاليه

والله يقومك بالسلامه ....

غلا عمـــــري;3925493:
elsherog



ان شاء الله يا رب تربين طبيعي ربي يسهل عليج ويسر لج ولا تحاتين ان شاء الله خير

واستغفري ربج وحركي ايديج ع بطنج

وان شاء الله تسهل لج الولادة


:)

صباااااااااااااااح الخيرات ياعسل ............

يارب وتسلمين على هالدعوات الحلوه مثل راعيتهاااااااااااااااااااااااا:B_wink:


وجزاك الله الف خير وسهل ولادتك يالغاليه .