تجمع حوامل الشهر التاسع - فقط -

2m2m
الله يسهل عليكي ويقومك بالسلامه
ولاتنسينا بالدعاء

توتي مشكوره حبيبتي على هاذا الدعاء وقوليلي اخبار ليوله الصغيره
اكيد طلعت حلوه على امها:B_wink:

سوسو انا ولادتي الأولى بعد ما كملت اسبوعين من العاشر رحت وقالولي لازم طلق صناعي
دخلت يوم السبت الساعة 6 الصباح المستشفى عطوني حقنه شرجيه وبعدها بنص ساعه
كشفت علي الدكتوره وقالت الرحم مفتوح 1 سم ونص
وحطت لي اول تحميله
وقالت لي قومي تمشي مشيت ثلاث ساعات متواصله وبعدها حطو علي التخطيط
بس ما في لا طلق ولا آلام
ويوم كملت 6 ساعات حطو التحميله الثانيه ونفس الشي مشي ولا في آلام ولا طلق والرحم لسه 1سم ونص
قالت الدكتوره خلاص الحين نامي وبكره الساعه 10 الصباح نحط التحميله الثالثه
وجا يوم الأحد الساعه 10 كنت نايمه صحوني وقاست لي الرحم وقالت مفتوح 4 سم بعد ساعه نوديكي غرفة الولاده
الساعه 1 ودوني غرفة الولاده وما كان عندي اي آلام
والرحم لسه 4 سم
حطوني طلق بالمغذي وبعد 5 دقايق جاني الم فضيع وحسيت اني ابغى اشد
قمت اصيح واصارخ
جات الدكتوره وقالت لي خلص وصل 10 سم شقت لي العجان وياربي من الم العجان
والله نسيت الم الولاده ولا نسيت الم شق العجان رخم انهم حطولي تخدير موضعي
بس مافاد
وقالت لي الدكتوره يلا شدي شديت 4 مرات والخامسه طلع الراس والسادسه طلع الجسم كله
الحمد لله كانت والاده سهله وانشالله تكون ولادتي هاذي سهله بعد
بس الي قهرني اني صرت فرجه للممرضات
تخيلو الي في غرفة الولاده 14 ممرضه ودكتوره
2 من الممرضات يساعدون الدكتوره ووحده تسجل وقت الولاده والباقي يتفرجون وهم مستانسين
:sad: وانا مقهوره
ادري صدعت روسكم بس قلت يمكن الي راح تولد بطلق صناعي تستفيد شوي من تجربتي

سوسو لا تلعبين بنفسك انا جربت كل شي من الاعشاب الي تجيب الطلق وماكو فايده
بس جاتني آلام في بطني وعسر في الهضم
وامساك والا من ناحية الولاده ماسوت شي
:9_33:

الله يسهل عليكم حبيباتي...

مممممم حرام على بالي ولادة الليلة ومرتبة نفسي من قالت الدكتورة مفتوحه النفس 1 سم !!!!!

المهم السلامة واليسر..........اللهم إني أسالك حسن الخلق وسهولة الطلق(دبر كل صلاة )

لا تنسون يابنات دبر كل صلاة

]يالله بحق هذه الليلة تفرج على كل حامل وتيسر وتسهل عليها
2m2mان شاء الله تقومي بالسلامة وربنا يفرج ويسهل عليك وهانت يلا كلها كم ساعة وتشوفي طفلك بين احضانك :)
ادعيلي يالغالية ان اولد بسرررررررررعة وتكون ولادتي سهلة
ام عبادي يلا ان شاء الله تكون ولادتك اسهل من الاولي يارب
سوسو خليها على الله ولاتجربي هالاشياء وان شاء الله راح تولدين بامر من ربك في الوقت المناسب..دعواتنا معك

خلااص هونت ماني بشاربة شي... خليها على الله...

ام عبادي والله خوفتيني من الشق.. انا ميته خوف منه.. لانه يشقون بدون بنج.. لدرجة اني افضل القيصرية لان لما يشقون انا خبر خير.. مو قدامي ياخذون المقص مادري المشرط ويشققوني... اااااااااااااااه يايمة... بس مابي اولد... الله يستر بس...

ياااااااااااااااااااااارب تهون علينا كلنا يااااااااااااااااااارب..

مراحب خواتي

الحمد لله الدخول اليوم ممتاز
والغالبيه موقعين دخول


اليوم عندي موعد
ولما رحت للدكتوره قالت ولادتك باقيلها اسبوعين على حسب موعدك
ويمكن تاخذين اسبوع من العاشر



يالله هو وحده اللي يعرف موعد ولادتي



(اللهم ياحي ياقيوم في هذه الساعه المباركه وعند الاذان المبارك
اسالك باسماءك الحسنى وصفاتك العلى
اللهم اني اسالك باسمك الاعظم الذي اذا دعيت به اجبت
واذا سالت به اعطيت
ان تهون علي ولادتي وعلى كل حامل
وعلى اخوات احببتهم فيك ولم ارهم

آآآآآآآآمين

اللهم صلي على محمد)))))))))

يا حي يا قيوم...ترزق بنات الرابطة كلهم دون استثناء ولادة سهلة ميسرة...

بحق محمد وال محمد...

باك لاحلى كروشات في شهورهم الاخيره

انا من قدي مشيت اليوم ساعه ونص صج من قدي:)

ام عبادي
عندي سؤاااااااااااااال
كيف طريقة الشد علشان يطلع الراس اشرحي بليز الله يوفقج دنيا واخره
لان بولادتي الاولى ماعرفت اشد وادفع نهائيااااااااااااا وسوالي مشاكل بليز علميني؟؟؟؟

سلامات لحواملنا الغاليات

الله يقومكم بالسلامة كلكم في اقرب وقت
2m2mالله يسهل عليش ويارب تقومين بالسلامة وتيشرينا ... عاد ادعي لنا بولادة سهلة كلنا خلال هذا الاسبوع ... يارب ...

بنات اني اليوم كان عندي موعد وتخيلو شقالت لي الدكتورة

اخرت موعد ولادتي من 18 الى 26 الشهر

صراحة صادني احبااااااااااااط وراسي افتر .. بس يارب اولد قبل

تصبحون على خير

مرحبا
اخباركم بنات انشالله كلكم مع النونوات تكونون بصحه وسلامه
سوسو لاتخافين راح يدقونك ابره موقع شق العجان وغير كذا يحطون لك شي سايل يخدر الموضع
احلى ام
والله ما ادري ايش اقولك
بس الي بتولد تحس انها تبغى وانتي الكرامه تروح الحمام هو زي الأمساك وتحاولين تدفعين قد ما تقدرين
بس في بنات ما عندهم قوة دفع علشان كذا ما يعرفون شلون يدفعون الجنين

وانتي كلما قالت لك الدكتوره شدي حاولي تاخذين نفس عميق وبعدها تدفعين والله يسهل علينا وعليكي يالغاليه
مسلمه انشالله ما تتأخرين عن موعدك
سونيا الله يسمع منك حبيبتي ويسهل عليكي وعلى كل حامل بعد
ويعطي كل محرومه

بنات عندي طلب واتمنى ماتردوني
ابغى كل وحده منكم اذا جات تولد تطلب من رب العالمين انه يرزق اختي بالذريه الصالحه
والله المسكينه قلبي يتقطع عليها كل ماشافت طفل تتمنى انها تشيل عيالها
الحين صار لها6 سنوات متزوجه ولا صار حمل
:1_3:

UMABDULRAHMAN;3913920:
هلا بام المهند والشروق

صح انا عندي سؤال يعني الحين بين فترة وفترة احس بالالام الدورة حتى انسى نفسي اني حامل خخخخخخخخ
واترجى شئ ساخن ينزل يعني كيف نعرف انه التقلصات بدت ونجلس نحسب بينها وبين تقلص والثاني خمس دقايق؟؟


وبعد ابشركم صرت كسولة ما امشي
بس في العمل اطلع للدور الرابع بالدرج
وصايرة احب اكل التمر ووووايد حتى في البيت ع الغداء يحسبوا لي 7 تمرات او اكثر لازم اكلهم

اما بالنسبة لجدولي اذا حسست بالالام الولادة :
اروح اتسبح بماي دافي شوي واغسل شعري
اعمل لي كوب حليب مع الزعفران
واقرا سورة مريم بعدها واصلي ركعتين حاجة وادعي الله بالسهالة
واتمشى شوي في البيت لحد ما الالام تبدا تزداد
والله يصبرنا جميعا


ها الشروق انتي شكلك عندك اجازة مو مثل اختك للحين مناضلة في الدوام
امي تقولي بسك عاد خذي اجازة
وانا اقولها يوم قادرة اروح الدوام بروح لحد ما احس بتعب
ويا رب اولد الاسبوع الجاي

يا رب

هلا وغلا بام عبدالرحمن شو اخبارك وحشتيني ..................

بالنسبه لللام انا احس فيه خفيف مش شي يذكر وغير كذا انا ماتزيد الالام عندي بالعكس شوي وتخف :(
اما من ناحية الاجازه فانا من زمان اجازه ومريحه والله ياشيخه مافيني على الدوام ؛)

ويارب نولد ذا الاسبوع كلنا بسهوله ويقومنابالسلامه احنا والبيبيات لان الدور علينااااااا

2m2m

يارب يسهل عليك ويتمم ولادتك بخير وتشوفين البيبي وتفرحين فيه وانت وهو بأحسن حال

ولاتنسينا بالدعاء:)

صباح الخيرااااااااااااااات حوامل وش حالكم طمنوني عنكم .............

ام عبادي بشري مافي ولاده :)

يارب يسهل علينا ولادتنا جمعيأ ويقومنا بالسلامه ويرزقنا الذريه الصالحه ويرزق كل محروم بالذريه الصالحه ....اميــــــــــــــــــــــــــــــــــــــــــــــن يارب العالمين ...



بنات انا سمعت ان اللي تكون الم الدوره عندها خفيف تكون ولادتها سهلها وخفيف يعني مش مؤلمه
واللي الم الدوره عندها متعب تكون ولادتها متعبه ......................هل هذا صحيح ؟؟؟؟

والمجربات الولاده هل هذا الحكي صحيح ؟؟؟؟؟؟؟؟؟؟؟؟

كربلاء;3917605:
سلامات لحواملنا الغاليات

الله يقومكم بالسلامة كلكم في اقرب وقت
2m2mالله يسهل عليش ويارب تقومين بالسلامة وتيشرينا ... عاد ادعي لنا بولادة سهلة كلنا خلال هذا الاسبوع ... يارب ...

بنات اني اليوم كان عندي موعد وتخيلو شقالت لي الدكتورة

اخرت موعد ولادتي من 18 الى 26 الشهر

صراحة صادني احبااااااااااااط وراسي افتر .. بس يارب اولد قبل

تصبحون على خير

فديتج لا ضايجين في عمرج :1_3:

ويقولج كل تأخيره فيها خيره:9_33::B_wink:

وان شاء الله خير

انتي اشربي حليب بالخروع وامشي وايد وان شاء الله تربين قبل


وانا بعد ضايج حالي وايد افكر هل ولادتي بتكون طبيعية ولا كيف ..:sad:؟؟

يا رب تكون طبيعية وبجرب اشرب حليب بالخروع وامشي وايد مع اني مو قادرة امشي ما عرف ليش

الله يستر اخاف اتعب بالولادة

الله يصبرنا ويسهل علينا ويبشرنا بالولادة الطبيعية وصحة الياهل تكون 100%

وكل ما تمشين استغفري



اللهمـــــــــــم افتح لها ابواب رحمتك ويسر امرها وسهل عليها وبشرها بغلام صالح معافى من كل ضرر

اللهم امـــــــــــين



ولا هنتـــــــــــي :)

elsherog;3918796:
صباح الخيرااااااااااااااات حوامل وش حالكم طمنوني عنكم .............

ام عبادي بشري مافي ولاده :)

يارب يسهل علينا ولادتنا جمعيأ ويقومنا بالسلامه ويرزقنا الذريه الصالحه ويرزق كل محروم بالذريه الصالحه ....اميــــــــــــــــــــــــــــــــــــــــــــــن يارب العالمين ...



بنات انا سمعت ان اللي تكون الم الدوره عندها خفيف تكون ولادتها سهلها وخفيف يعني مش مؤلمه
واللي الم الدوره عندها متعب تكون ولادتها متعبه ......................هل هذا صحيح ؟؟؟؟

والمجربات الولاده هل هذا الحكي صحيح ؟؟؟؟؟؟؟؟؟؟؟؟

صبااااح النور والياسمين


انا تــــــرتوب


شحالج انتي ..؟؟




والله جان زين كلامج صح لاني احس بالالم الدورة خفيفة بس الصراحة ما احس بتعي وايد الا يوم ارقد

او اتم واقفة فترة



بغيت اتخبرج هذا اول حمل لج ؟؟!!


وشو الاعراض اللي تحسين فيها ؟؟


فيدني ربي يسهل عليج ويسر امورج لاني صج محتاجه لجوابج :sad:

2m2m


الله يسهل عليج ويقومج بالسلامه انتي والبيبي وتبشرينا





soso84



هونيها وتهون

ولا ضايجين بعمرج

هانت الغاليه

ما يقى شي

صبرنا كل هالشهور وما نقدر نصبر هالايام

ان شاء الله ربي يسهل عليج وتولدين بالسلامة وتبشرينا :)

ام المهند


حبيبتي طمنيني عليج

شو اخر اخبار الحمل وياج ؟؟!!!

كربلاء

حبيبتي


طمنيني شحال ام شهد

مالها حس


وينها

ولدت ولا بعدها


والله اني خايفة عليها

وهالايام دوم في بالي


؟؟؟!!

غلا عمـــــري;3919195:



صبااااح النور والياسمين


انا تــــــرتوب


شحالج انتي ..؟؟




والله جان زين كلامج صح لاني احس بالالم الدورة خفيفة بس الصراحة ما احس بتعي وايد الا يوم ارقد

او اتم واقفة فترة



بغيت اتخبرج هذا اول حمل لج ؟؟!!


وشو الاعراض اللي تحسين فيها ؟؟


فيدني ربي يسهل عليج ويسر امورج لاني صج محتاجه لجوابج :sad:

هلا وغلا باغلا عمري.......................

انا يالغاليه انا هذا اول حمل لي .........وبالنسبه للاعراض طال عمرك لي يومين احس البيبي يتجمع بقوه يصير زي الكوره بعدين يفك وغير كذا الم بسيط اسفل البطن زي الم الدوره بس في اليوم مايجيني الالم الا مرتين او 3.........................

والله يسهل علينا اجمعين:)

أم المهند;3914026:
هلا بأم فجورة هلا بالغلا هينك اليوم من غبشة ؟؟

أقول بالنسبة للي تحسين فيه هذي علامات المخاض الأولى يسمونها وممكن تكون كاذبة .. وفعلا هي تجي بالضبطططط مثل أوجاع الدورة بس بما إنها ما متتالية وتجيك مرة وحدة في اليوم أو على فترات متباعدة وايد في اليوم فما تشيلي في بالك لسه وقت ..

يعني ام المهند هل يكفي يوم واحد عشان احس بهالالام او انها تجيني من فترة واختك خبر خير


لكن إذا جات التقلصات ورا بعض وإنتي كونك بكر ممكن تجيك كل ربع ساعة أو أقل بشوية في البداية فتزهبي هذي هي علامات الولادة وكل ما مرت ساعات تتزايد لين توصل أقل شي 5 دقايق وهنا روحي المستشفى ع طووول بالذات إذا نزل عليك ماي أو شوية دم ..

وإن شاء الله يااا رب نسمع أخبارك اليوم قبل باكر بس همتك بالبشارة ..

أما عن التمر فبصراحة أنا ما جالسة أحسب كم وحدة آكل ، قد ما أقدر عشان أشبع آكل يعني تخيلي أمس كان ريوقي رطب ، ما عشان موضوع الولادة ( تو الناس ) بس عشان تعرفي موسمه ولا يقاوم إمممممممممم ..

صدقتي اصلا انا بعد ما اكله عشان الطلق او غيره بس لاني صايرة احبه اكثر شئ فبين فترة وفترة
تشوفيني ماسكة كم حبة اكلها حتى اليوم ما جبت معي فواكه اكتفيت بالرطب بس

وفعلا كلامك عجبني عن الحركات اللي بتسويها أول ما تحسي بالآلام بس تعتقدي بتقدري تسويها ولا عاد ذيك الساعة إنتي ما فيش بارض خخخخخخخخ ..

ما قلتي انه ممكن تكون التقلصات ما بين ربع ساعة وربع ساعة ثانية
انا ان شاء الله بسوي هالاشياء

حتى في وحدة من الزميلات امس واللي والدات قريب تقول " خلاص استعدي حال ااااااااااي وووواااي قالت لها الثانية لا شكلها ما النوع اللي ما يصرخ قلت لهن: اتمنى اني اتذكر اني ما
اصرخ وانه الصراخ ما راح ينفعني بشئ غير اني بتعب"
والله المستعان ،،،

يتصفح الموضوع حالياً : 2 (2 عضو و 0 ضيف)
‏elsherog, ‏UMABDULRAHMAN


ياصباااااااااااااااح الخيرااااااااااااات أم عبدالرحمن ............

طمنينا عنك كيفك اليوم وكيف الكروشه :)