تجمع حوامل الثلاث الشهور الأولى1-2-3

حبيبه رائد مو ضروري حبوب التثبيت انا بحملي الاولي ماخذيتها
خذيتها بها الحمل لاني اجهضت مرتين يعني على حسب حالتج وكلام الدكتوره

ام احلى حمودي مبروك البيت وعسام منزل مبارك بس دربالج على عمرج لاتتعبين روحج بليز علشان الجنين


باقي الكروشات اشلونكم عساكم بخير

مرحباااااااااا

حبيبه رائد اول حاجه الف مبروك الحمل وبعدبن 00
حبوب التثبيت تاخذه الوحده اذا كان في خطر على الجنين انه ينزل يعني اذا في افرازات بنيه او دم



ام احلى حمود مبروك اليت الجديد وعساه منزل مبارك وسعد لكم واهم لاتعبين روحك شوي شوي




لبى قلب وليدي شخبارك واخبار البيبي 000


وين باقي البنات انشاء الله المانع خير

امس شفت الجنين ياربي توه صغير وفرحت حييل وبعد اسبوعين بروح اسمع صوت نبض الجنين

بنات اشلونكم عساكم بخير

وينكم التجمع صاير هدوء هاليومين
لبى قلب وليدي
يعني اسبوعين و تروحين عنا يالله ربي يسهل علينا و نلحقج ان شاء الله

ام احلى حمود
مبروك البيت اليديد و ديري بالج على نفسج

باقي البنات وينكم
السيدة سوسو , زهور بنفسجيه و حلا و الباجي طمنونا عنكم


اي صح صح
لبى قلب وليدي
سؤال ماله علاقه الموضوع لووووول
اذكر قبل على ايام تجمع ام فرووحة الله يذكرها بالخير قلتي انج تودين ولدج حضانة حامل المسك
اشلونها و من اي عمر ياخذون و شلون رسومهم

السلام عليكم ...بنات شحالكم ان شاء الله كلكم بخير و الحلوين اللي مصيفين في كروشاتكم ..
انا عني بخير والحمد الله بنات باقولكم شي :21_207:






















اليوم دشيت الرابع .. :21_87:مالي خاطر اروح هناك بقعد عندكم .. اذا ما تبوني بعد بروح :9_28:

هلا لولو .. شحالج انا بخير .. شخبارج انتي وشو اخبار الفطفووط ووحامج ان شاء الله انج طيبة ...
ها البنات اليومين مادري شو فيهن لوحام شاد حيلة فيهن يارب يسهل عليهم و يصيرون بخير قبل رمضان

هلا والله السيدة سوسو
انا بخير الحمدلله و فطفوطي صاير دلوع ما يبي احد
الوحام بدا يخف شوي ما عدا اللوعه تيي و تروح هانت ما باقي شي


مبروك دخلتج الرابع وان شاء الله التاسع يارب

انا اقول خلج قاعده معانا نبيـــــــــــــــــــج والله تعودنا عليج

لولو حضانه ولدي واحه الاصلاح خوش حضانه بالقرين

سوسو مبروك دخولج الرابع خليج تعودنا على وجودج

اخباركم
انامنزعجه شويات من عوار البطن لعوزني الله يعين

سيده سوسو مبروك دخولك الرابع وعقبال التاسع وعقبال مانسمع عن ولادتك

وخليك معانا مانقدر على فراقك :21_207:

مبرووووووووووووك سوسو وعقبال ماتدخلين التاسع

لبى قلبي ولدي
انتي قلتي ولادتج شهر فبراير بس متى بالضبط؟؟؟
ابقي احد معاي بس مو عارفه انا تاريخ الولادة مثل ماطلعته لي سوسو 6 فبراير
وابقي اسئلك عن عوار البطن انا بعد من فتره يروح ويرجع سئلتي الدكتوره عنه او لا؟؟
وعن حبوب التثبيت الدكتورة عطتني اياة بالرغم من حملي الاول كان طبيعي بس هالمره عطتني حبوب التثبيت من الشهر الاول بدون مايكون عندي افرازات او دم بس تقول عن تصير انتكاسات واسقاط فجأة وبتستمر بالحبوب الى الشهر الرابع واذا شافت الجنين قريب من عنق الرحم بتخليني اكمل بقية الشهور

:21_131:يارب يا بنات تفرحون في بيبياتكم و يبارك فيكم .. انا ما زلت استخدم الفوليك اسيد و الدافستون و التحاميل .. للتثبيت و التثبيت من الله اول شي .. والله يالبى قلب وليدي .. انا من يومين كل يوم بليل ايني عوار من الطرفين في بطني من تحت تقولي ختي كلمتها المعتادة عادي عادي الحامل كل شي يعورها .. سالت مرت عمي قالت يمكن علشان الحمل و يتوسع الرحم .. الاثنين الياي موعدي باشوف شو صار مع المشيمة و بسال عن ها الوجاع .. والله ايسر الامور ..
بنات انا من حملت و شعري جاااف و خشن .. قبل كان ناعم و حلو مادري ليش صاير جذية لاني قبل لا احمل صابغتة و يمكن تاثير الصبغة الحين .. والله ملوع جبدي :think:حاليا ازيتة و استخدم حمامات زيتية ... شو تغيرات اللي صارت عندكم ..؟

السلام عليكم يا حوامل
ايه اخبار الحمل معاكو
سوسو مبروك دخولك الرابع يا قلبي وعقبال التاسع ان شاء الله
شاركي مع اللي في الرابع بس خليكي معانا برضو
ومنك نستفيد برضو
ههههههههه
بيقولو الشعر الجاف في الحمل يبقى انتي حامل في ولد وربنا اعلم طبعا
انا بقى العكس شعري حلو جدااااااااا اليومين دول بيقولو حامل في بنت
طبعا كلها حاجات بتاعة ربنا والعلم عنده
ربنا يقومنا بالسلامة يارب

بيبي ستوري ولادتي اذا الله اراد وكتب لنا الحياة بتكون 25\2

سوسو امبيه طحتي على الجرح شعري مافيه شيء بس التغيرات اللي صارت اني اسمريت واي عاد انا بيضا ودايم اتشيحط عند ريلي بالبياض اني ابيض منه واحلى اليوم يشوفني يقول علامج تغير لونج اشفيج اسمريتي هههههه

لولو وزهور وحبيبه وباقي البنوتات اشلونكم

اووووووووف يعني جالسين تتكلمون عن تغيرات :21_133:


انا عن نفسي ماشوف شي تغير بس اول ماحملت بنت عمي شافتني وقالت لي تراك حلويت حيل من حملتي :21_207:

هلا والله ..........................
شخباركم كروشات انا دخلت الرابع صارلي 3 اسابيع ..... قبل كم يوم حسيت بضربات البيبي واضحة
واليوم سرت كشفت طلعت بنوتة ياربي يسلملي قلبها
سوسو ..... عن الشعر مي تو بس سويت خلطة في تامنتدى وايد نفعتني تمام التمام
انا الصراحة غبت عنكم لانه شاشة كمبيوتري انكسرت ووديته الصلاح واليوم مخلص اتولهت عليكم

كروشاااااااااااااااااااااااااااااااااات
انا لين الحين البطن لازق في الظهر وزايدة 3 كيلو الحمد لله يعني من 38 استويت 41 .....
زهووووووووووووووور كنتي طايفتني في الوزن طفتج خخخخخخخخخخ

سوسو ..... لا اتحاتين رقادج بيعتدل والوحام بيخف وايد احين وبتحسين من اول اسبوع في الرابع
اقولكم كروشااااااااااااااااااااااااااااات بغيت اسألكم شو اخبار احلامكم ........... انا وايد الحلم وكله خرابيط ويقولون عادي

مدري عندكم مشكلة باضافة الردود والا بس انا؟

لبى قلب وليدي انا ولادتي 26/2 عقبك بيوم بسوالله يسهل علينا وعلى كل الحوامل
انا بعد صرت سمره والكل يقول ليي :sad:
بس هاا اذا ولدتي انشاءالله بالسلامه لازم تقولين ليي شنو جبتي اوكي :B_wink:

مقمقمقمقمقمقمقمقمقمقموووووووووومة .... وخري وخري وينج انا سالت مرة وحده عنج و باقي البنات سالوا . عقب قلت مابتم لزقة كلة اسال يمكن البنت ملت :sad: ... صدق تولهت عليج .. المهم حبوبة يعل البنت مبروكة عليج و يارب تشوفينها بين ايدييج و تقر عيونج بشوفتها .. ابشرج من اول ليلة تعير ر قادي رقدت الساعه 1 ونص ووعيت الساعه 3 ونص يوعانة .. :21_93:المهم انة صار تغير ..
عن السمار لا صرت اشد بياضا لاني حبيسة البيت انا ان شاء الله الاسبوع الياي و باشوف اذا اقدر اعرف جنس البيبي ..
زهور .. حبيبة ..لبى قلب ,,ام حمودي ..حلا حبي الغالي ,,, وبقية البنات .. شخباركم .. وشو استعدادكم لرمضان ان شاء الله قضيتوا دينكم ؟؟ يارب يارب يستجاب لاعمالنا و يتقبل دعائنا:21_131:

قمقوومة ...في اي اسبوع من الشهر الرابع حسيتي بالنبض .. وشلون الحركة .؟ وكم مرة حسيتي ؟
لاني قاعده اتريااااااا ة انا بعد ... وتدرين انا احساسي ان فيني بنت ..احلامي كلها تدل على البنات فديتم ..
وبعدين احسن لج ان ما يصير لج كرشة تسلمين على جسمج وما يتغير ولا يتشقشق .. وانا بعد ما بين شي مثل اول و يمكن بعد وزني نازل لاني بروحي بالبيت ولا اطلع ما اشتهي الاكل بس مقزرتنها فواكهه وحليب وفتوش ..