تجمع حوامل الثلاث الشهور الأولى1-2-3

حبيبه رائد ترى الم الصدر طبيعي يحصل للحامل وحاولي في اليت لاتلبسين ستيان ولاتلبسين ستيان فيه حديد لبسي دائما قطني


وبالنسبه للحر من هالجو الي يموت الواحد انا من الحر احس بالدوخه والتعب اكثر

بس عليك بالاشياء البارده الزبادي والخيار حتى الجلي ترى يبرد


وعليك بالعافيه على كيكة الفراولة شكلها مشهيه :gum:

حبيبه رائد شهيتيني ع الكيكه

عليج بالعافيه

مرحبا بنات ..شحالكم كلكم .. وديمة ياختي ماعلية مرت علينا ها الحالة والله الوحده تكرهه عمرها ونفسيتها بابلاط من الوحام ..بس الله بيفرجها انتي بس ابتعدي عن الوجبات الدسمة تصيرين بخير ...
لبى قلب .. كان خليتي ريلج مع ولده ما بيسوي بة شي لانة بعد ولده لو تركتية يمكن ما يعصب ..ثاني مرة ابتعدي مابيصير لا الزين ..
وبعد امممم نسيت شو باقوول ....:think:
ههههههه امي تسالني بنتي باي شهر الحين قلت بنص الاسبوع 13 قالت اقولج انا ماعرف اسبوع بو اسبوع اي شهر كل ما سالتج قلتي اسبووعع شعرفني اي شهر ضحكت عليها قلت توني بارابع الاسبوع الياي نص الرابع يحليل امهاتنا :1_81:

رجعت لكم ووووووووووووووه بسسسس

زهور بنفسجيه

لا توصي حريص مالبس الا اللي قلتيه ..بس لسه احس بألم ...

والكيكه تفضلوا عليها ... :flower:

لبى قلب وليدي ..

اي شئ تشهينه لاتحرمي نفسك منه .. سويه على طول بدون تردد ... :gum:

شوفوا اش سويت قبل شوي .. صار مالي خاطر اتغدى كان اشهى سلطه زيتون وسويتها باللي متوفر وحطيت جزر زياده ... :balloons:



وبسسسس نعود لكم بالاخبار بعدين .... نوقطه

السلام عليكم ورحمة الله وبركاته
ازيكو يا حوامل اخباركو ايه

الله يبارك فيج حبيبتي ويهون علينا كلنا

مرحبا كروشات اي والله انتي صادقة سوسو ياحليل امهاتنا

لبى قلب وليدي سلامتك ان شاء الله ماتعورتي

حبيبة رائد عليك بالعافية على الكيك بس كيف صلحتيها بالقدر وشكل السلطة تشهي بالنسبة لالم الصر الله يعين ماني طايقة صدري الله يعين

زهور بنفسجية المستشفى يحسبون اسبوع الدورة لان هلاشياء جايتنا من الغرب والغرب يمارسون الجنس حتى اثناء الدورة واحتمال كبير يحدث حمل لذلك يحسبون اسبوع الدورة والا لو تلاحظين ان حركة الجنين عادة ماتحدث الا في نص الشهر الرابع كني كثرة هذرة في هالموضوع

باقي الكروشات قمومة ولولو وحبيبة وام احلى حمودي وش اخباركم ان شاء الله تمام

هلا خوااااااااااااااتي شخباركم وشخبار الحمل وياكم
صج تعب بس يلا بتعدي الايام على خير انشاءالله
اختي حزينة الايام انتين بتولدين 27/2 وانا 26/2 ولبى قلب وليدي 25/2 كلنا ورى بعض

ماشاء الله ورى بعض
وباقي الكروشات متى ولادتكم ؟؟

بالنسبة لي الولادة في 16\3 الله يسهل

انا عاطيني موعد 23 /1 بس على حسابي وعلى كلام يدتي انه معظم البكريات يتاخرون عن الموعد حاسة بربي اول فبراير

الله يهون على الجميع
الحمدلله ماتعورت بس زعلت انا مارضى على ولدي كلش وبعده صغير عمره اربع سنين انا ادري باخربه بدلالي بس شسوي بجري وماعندي غيره للحين الله يرزقه بالسند قريب اخ واخت الله كريم

خاطري في سلطة البتزا هت وخليت ريلي يطلب بيتزا بس عشان انا اكل السلطة
لبى قلب .... لا ادلعين ولدج وايد خليه ريلج يربيه بعد عشان يطلع ريال مهما كانت تربية الام الولد لازم تربية الاب سبحان الله عشان عقب لي كبر الكل بيقول لازم طلع جي تربيت امه والله نصيحة مني لا تزعلين لو ما اتهميني جان ما قلت لج ونبهتج على ها الشي ولا تسوين من احين حواجز بين ريلج وولدج بعدين بتتمنين انه يتقرب من ابوه وهو ما بيرضا لانج انتي بتكونين معودتنه..... والشي الثاني نصيحة مني لاي حامل اهم شي جابلي عمري لا اتعصبين ولا شي ترى محد بيفيدنا اذا طحنا والله انا من كم يوم ريليجالب عنده المزاج .... والله اني ما سرت سالته شو فيك وليش جابل ولافتحت على عمري باب انا واثقة من عمري انه هو مب زعلان مني زعلان من الشغل والا من اهله فعشااااااااااان جي ساكته عنه انا مب طوفه هبيطة يطلع حرته فيني المفروض في ها الوقت نحنا الي نطلع حرتنا في ريايلنا وهم الي يتحملونا فعشااااااااااااان جي با العربي على قولت اخوانا المصريين انا شارية دماغي
واليوم سرت سويت حمام مغربي واتحنيت <<<< وحدة موتها الحنا وحفيت ومجابلة عمري ومدلعه نفسي

لا اختي لا .... لبى قلب ولدي لازم اتحطين في بالج التربية العدلة ما يبالة دلال ولا محنة قلب زيادة عن اللزوم
تراج بتندمين وبتقولين ياليت شديت وقت الحاجة
4 سنوات مب صغير نحنا اربع سنوات ابهاتهم ايودونهم المسيد وياهم عشان يتعلمون بعدين ولد يعني مستقبلا ريال باجر بيروح المدرسة الروضة لازم يتعلم يعتمد على عمره
لا اتخربينه اختي بيدج انتي تعبتي عليه وهو بجرج باجر انشا الله اتشوفينه ريال والكل يقول ام فلان ولدها ريال ونعم الريال
عيدي النظر اختي ورتبي عواطفج ومسكي عمرج ترا كل شي يزيد عن حده ينقلب ضده ... بتنسألين عنه يوم القيامة اذا ما ربيتيه تربيه عدلة وغير جي ترا باجر اذا صار ريال هو الي يلومج بيقولج كله منج انتي ما ربيتيني ما طلعت تربية ريال وبيلومج وايد خلي نظرتج المستقبلية واسعة
وبعد ارد اقولج الله يعلم انه من حبي لج .... وثاني شي الساكت عن الحق شيطان اخرس ظهر من ذمتي وانتي كيفج لحقي عمرج وولدج اختي ترا الموضوع جايد مب بسيط مثل ما انتي متخيلة

مشكوره قمقومه بس ترى ولدي هادئ وموؤدب بس دام جذيه خل اقولكم السالفه اليوم يلعب مع بنت عمه وتعرفون شطانه البنات مدري شسوى تم صراخها واصل الشارع قمت انا باطلع باشوفها وهم باقوله عيب ليش جذيه على اختك

الا زوجي طالع وصراخه شسويت بالبنت جان امسكه وهو من زود ماهو معصب جرني من جتفي علشان جذيه زعلت
اناعادي عنده ابوه خل يربيه بس في شغله تربيت عليها من صغرتي ما احاسب الصغير على هوشته مع صغير لان يهال مصيرهم يلعبون وينسون
انا ازفه وازعله لمن يغلط حتى على الخدامه اقول لا الكبار نحترمهم وهمن والله ما ارضى يطق الصغار بس اول مره يسويها :gum:

وعلى فكره رفايجي عندهم خبره بالصغار اكثر مني لان ماشاء الله عندهم اثنين ثلاثه يقولون ولدج هادئ
حتى بحضانته يقولون مسالم علشان جذيه انا دافعت عنه لانه مو موذي مو مزعج قليل يغلط يارب يحفظه

ومشكوره قمقومه على اهتمامج :9_28:

خواتي

حبيت أنضم لكن

وأسأل رب العالمين أنه ايثبت حملي وحملكن يا رب

وهذا رابط موضوعي أبشر الخوات بالحمل

http://www.3roos.com/forums/showthread.php?t=265086


بالنسبة لهالموضوع

ابصراحة استفدت من نصايحكن الحلوة

لكن حالياً أنا واااايد تعبانة

ما أروم آكل أبدا

ولا أشتهي الأكل ولا ريحة الأكل والطبخ

وحاسة الشم صارت عندي واااايد قوية

أشم كل شي واتلوع جبدي الله يكرمكن

ويمكن ايمر اليوم كله وأنا ما كلت غير وجبة خفيفة

وحتى هالوجبة غصب


ربي ايسهل علينا

هلا خوااااااااااااااااتي شخباركم وشخبار كروشاتكم
انا تعبت من السهر بس قاعده للصبح ولا أنام

يووووووووووووه انا مليت من الغثيان والاستفراغ والجوع

صباح الخير عليكم جميعا

انا ميعاد و لادتى مع النفس البريئة 16/3 ان شاء الله