تجمع حوامل الثلاث الشهور الأولى1-2-3

مشكووورة خيوو زهور بنفسجيه
انا بصراحه قلت بسافر بس تالي ناس وااايد نصحوني وخصوصآ في الاشهر الاولى كلش مو زين
وعلى سالفه الاسامي هاذي انه وزوجي على هالحال من اول ما عرف اني حامل
على طول قرر اسم البنت واسم الولد وانا طلعت من الباب الوراني مثل مايقولون ههههههههههههههههههههه

[GRADE="FF0000 FFA500 FF7F50 FFA500 FF0000"]كا العادة سهرانة الحمد الله قعدت اقرا قران و بعدة اذكار ...

استغفر الله العظيم الذي لا إله إلا هو الحي القيوم وأتوب إليه

من كل ذنب يصرف عني رحمتك أو يحل بي نقمتك أو يحرمني كرامتك أو يزيل عني نعمتك

ومن كل ذنب يورث الأسقام والضنا ويوجب النقم والبلاء ويكون يوم القيامة حسرةً وندامة .

ومن كل ذنب تبت إليك منه ونقضت فيه العهد فيما بيني وبينك جراءة مني عليك لمعرفتي بعفوك .

ومن كل ذنب يزيل النعم ويحل النقم ويهتك الحرام ويورث الندم ويطيل السقم ويعجل الألم

ومن كل ذنب يمحق الحسنات ويضاعف السيئاتويحل النقمات ويغضبك يارب السموات

ومن كل ذنب يميت القلب ويجلب الكرب ويشغل الفكر ويرضي الشيطانَ وَيسخِطُ الرحمن

ومن كل ذنب يعقبُ اليأسَ من رحمتك والقنوط من مغفرتك والحرمان من سعة ما عندك[/GRADE]

السلام عليكم كروشات وش اخباركم

مبروووووووووووووووك الحمل للحوامل الجدد والله وناسة كثر تجمعنا الله يتمم له بالخير

اهلين سوسو ماشاء الله عليك اللهم امين

اهلين القيوانية وش اخبارك من زمان عنك

مرحبا اختي لبى قلب وليدي سالفت الاسامي سالفة اجليها وش لك بعوار الراس كل واحد يولد واسمه معه لاتعبين نفسك

اهلين لولو وش اخر التطورات معك

غلطانة اختي شوق كذا في خطر عليك وعلى الجنين انتي روحي للمستشفى وان شاء الله مايكون الا خير

اختي حزينة الايام طبيعي الافرازات اللي معك لا تحاتين

والسموحة لباقي الكروشات طمنونا عنكم ان شاء الله اموركم تمام

بالنسبة لي مافي جديد كل الامور تمام الا الدوخة زايدة حبتين الله يعين

اي والله هاذة احنا مع هالسهر مادري بس متى بخلص بس احسن شي قراءة القرآن وانا سمعت بعد يقولون ان اذا الوحدة تقرأ قرآن بصوت مرتفع وااايد احسن عشان الجنين يسمع
وهذي الدوخه بعد ماادري متى بس بتخلص تعبت منها ومن اللوعه والوحام انزين بسألكم يعني هالوحام يظل طول فترة الحمل أو بس في الاشهر الاولى ؟

سلام عليكم خواتي انا مغتربة و بعيدةعن اهلي هينا الاطباء ما بيعطو مثبت شواعمل
انا دورتي الاخيرة كانت في16 6 2007
يعني هلا كم اسبوع صرت
ومتى بتقدر الدكتورة تشوف الجنين:21_176::21_176:

صباح الخير 0000000000


شوق شلون تركبين الخيل وانت تعرفين انك حامل ن طيران الى المستشفى مع الراحه التامه 000

لبى قلب وليدي الحمد لله مافيك الا العافيه وزين انك اخذتي راحه واستجمام عند اهلك

الحمدلله بالنسبة للاسماء زوجي اختار اسم الولد من قبل ماحمل وطبعا الاسم حيل عاجبني وحابته يعني متفقين عليه اما اسم البنت الى الحين مابعد نختار وانشاء الله مابنختلف :2_106:


حزينة الايام انا اعرف اذا الافرازات طبيعيه ومافيه ريحه ماعليك ضرر

انت الحين في بداية الشهر الثالث انا بحاول انزل لكم جدول اسابيع الحمل


ام احلى حمود ماعليك شر انشاء الله روحي المستشفى


basma zk زين انك طمنيتي على روحك واتوقع انك موفي الاسبوع السابع


عندك هالموقع يمكن يفيدك

http://go.3roos.com/sLScDCdMZM6



القيوانيه شخبارك من زمان ماشفناك والله يعينك على الوحام


حبي الغالي الواحد ليش يستعجل على مساله السفر اهم شي راحتك وراحة الجنين



باقي البنات لولو و النفس البريئه و السيدة سوسو شخباركم 000

وردة البنفسج الله يرزقك الذرية الصالحة يارب

خوش جدول انا بالاسبوع العاشر يارب عقبال ما اوصل الاسبوع الاربعين وانا واعيالي سالمين وكلكم يارب

سوسو ماشاء الله خوش دعاء
باقي الكروشات عليكم بالدعاء وقراءه القران تحفظ اعيالنا يارب من كل شر


توني قاعده نومي ما يتخربط وايد ما احب السهر
اتمنى للجميع الصحه والعافيه سلام

اهلين حلا وش اخبارك شفت اسمك تحت وام احلى حمود بشرينا عن صحتك

السلام عليكم ورحمة الله

لكم وحشة والله !

النفس البريئة ابشرك ما غير تسدح و راحة على الاخر الله يثبت الحمل ان شاء الله

ام احلى حمود وش لونك ؟

قرأت بعض الادعية و حبيت نتشارك فيها ؛ ياريت اللي تحجب دعاء معين تكتبه :
"اللهم اني اعيذ نفسي وجنيني وزوجي وبيتي بكلماتك التامه
من كل شيطان وهامه ومن كل عين لامه
اللهم استودعك جنيني فأحفظه يارب
من أعين الأنس ومن أنفس الشياطين
اللهم يسر حمله وولادته واحسن خلقه وخلقته
واجعله من عبادك البارين الصالحين "

" اللهم أعيذ مافي رحمي بكلماتك التامه من كل شيطان وهامه ومن كل عين لامه
اللهم أسألك أن تحفظه وتجعله معافى كامل الخلقه دون زياده أو نقصان"


"اللهم اجعله قرة عين لى ولوالده اللهم أنى أعيذه بك من الشيطان الرجيم .
اللهم أحفظه من بين يديه ومن خلفه و عن يمينه وعن شماله ..
وأقذف التوحيد فى قلبه و أعنى على تربيته يا أرحم الراحمين ..

اللهم ثبت حملي ..يارحمن يارحيم "

:9_33:

زهور بنفسجية ...
انا عندي( لــمار ) توها يا قلبي تكمل السنتين الله يحفظها وعلى اسمها هادئة و :flower: يا حبي لها الله يحفظها ، ودي لها بأخت بس هالمرة حمالي غير ؛ وامي تقول دامه حمالك غصيبه اكيد ولد! هههههههههههههه الله يجيب الخير ان شاء الله .

Layal 2000 ياهلا والله باهل طيبة

حبي الغالي : ضروري الوزن من اول يوم تجين العيادة والله استغربت انهم قالوا لك في الشهر الرابع ؛ عند كل مراجعة تاخذ لي الممرضة الوزن والضغط شئ بديهي !واظن وزنك عادي بهالعمر مامنها خلاف ان شاء الله وشيلي الوساوس منك تو الناس على التفكير في الوزن هههههههههههه

لولو وينك؟

ام سعيدة الله يعينك على الوحام الواحد يتصبر انه كله كم اسبوع وتعدي ان شاء الله ؛ المهم ما يجي رمضان الا ونفسك مفتوحة على الاكل ان شاء الله ههههههههههههه

basma zk نفس اللي صار لي روحي لطبيبتك واذا احتاج الامر خذي مثبتات وعليك بالراحة التامة والحمدلله انه وقت اجازة وما في دراسة الان



poosy cat ممكن تعرفين نوع الجنين من الرابع وفيه الالترا ساوند يوريك من الان لو حبيت! انا عني حاطة فبالي انه ولد هالمرة الى الان مختلف حملي عن بنتي واذا جاءت بنت فخير وبركة لمورتي تبي لها اخت ! ههههههه


لبى قلب وليدي: لك وحشة والله

على سالفة الاسامي انا مع السيدة سوسو اختياري في الاسامي حلو والكل انبهر باسم لمار والبيبي الحين اذا كان ولد او بنت انا الي باسمية === دكتاتورية

الحين هو يترزز على يقول يا ام مشاري بس على مين!

حلا يا حلاة سوالفج
وماتشوفين وحش على قولة اخوانا المصريين حتى انتوا وحشتوني كلكم

ها عطيني خطه علشان افرض عليه الاسم اللي ببالي من الحين

وبعدين شنو هذا الانتراساوند ؟؟؟؟ ينفع لنا انا موعدي مع دكتورتي بعد جذيه اسبوعين باكون ببدايه الرابع تتوقعين يبين جنس الجنين؟؟ ع العموم اللي يجي من الله حياه الله المهم السلامه


اخبار قمقومه لايكون راحت التجمع الثاني ؟؟؟ الله يتمم لها يارب
كلها اسبوعين واروح هناك وانتظركم كلكم منو معاي بالاسبوع العاشر ترفع ايدها فوق ههههههه

الله يتمم لنا ولكم على خير

ممكن أنضم ىإليكم

آنه حامل في نهلية الثالث

أولا :- الغثيان ذابحني

ثانيا :- الدوخه

ثالثا :- عوار الجسم والتشنج إللي قاعد يصير بجسمي

السلام بنات طمنتوني منحية الافرازات بس اذا انا بداية الثالت ث ليش احس مرات ان لوعة اخف من اول ؟؟؟

هلا يا بنات ...ان تطلع سالفة الوحام نفس ما قلتن يعني تنتهي بنهاية الثالث....

والله رايقه اقول متى بروح وباخذ اغراض للبيبي... احسه شي حلو التجهيز .... واممم وعن سالفة الاسامي من الحين انا وريلي نتضارب منو بيسمي ... اقوله انا اتعب وانته تسمي بكل بساطه.... بس الله كريم ...

اإشحالك يا بنات طمننا عليكن ... صح انا ما اكتب وااايد بس دايم الصبح وانا في الدوام ما عندي شغله غير اني ادش المنتدى واطمن عليكن...

:flower::flower::flower:

مشكووورة خيووو حـــــــــــــلا بس احنا عندنا في البحرين جذي
مايسوون وزن ولا شي الا في الشهر الرابع

اهلا يا بنات
وحشتوني
اخباركو ايه
انا في الشهر التاني بس الغثيان مبهدلني مانمتش منه طول الليل
يلا كله يهون عشان خاطر البيبي اللي هينور حياتنا
ربنا يسهل حملنا جميعا يارب

مساء الخير كروشاااااااااات0000

لبى قلب وليدي باقي لي اسبوعين ويصير لي 10 اسابيع واهم شي ان الله يتمم علينا بخير وعافية


حـــــَــــــلا شخبارك والله يخلي لك لمار وينولك الي في بالك يارب


وتشكري على الدعاء والله يحفظ لن جنينا ويطلع سالم ومعافي من كل سوء


لجونه الف مبروك الحمل والله ياساعدك ويخفف عنك الوحام بس غريبه الحين انت في الثالث ولا خف عنك


حزينة الايام معروف من الشهر الثالث يخف الوحام وحمدي ربك وشلك بالوعه والله تضيق الخلق



wadeema اشتقنا لك حييل ، تصدقين حتى انا انتظر وقت التجهيز ومتحمسه حييل بس اقول توه الناس خليني اصبر الى الشهر السادس على الاقل ، خاصة الاسبوع الي فات رايحه الجمع وشفت حاجات رووعه للاطفال


حبـيـبـه خليه على الله وكل شي يهون عشان البيبي



شخبار باقي الحوامل 000:D_smil1:

السلام عليكم ورحمه الله

الف مبروووك لكل ام على هذه النعمه والله يرزق اللي ماعندهم يارب...

مضى على حملي شهر واحد الله يتمم لي بخير ..
بس لما قريت موضوعكم خربطوني ..؟؟ هل لازم اخذ حبوب التثبيت ؟؟؟ وكمان هل لازم اخذ حبوب فيتمينات ؟؟
الزبده .. هل ضروري ضروره قصوه كل هالعقاقير .. يعني ماينفع نأخذ اكل طبيعي ..

متابعه حمل ان شاء الله من بكره بتابع بمستشفى ..

وبصصصص ... دعواتكم الحاره لي وللجميع .... نوقطه

سلاااام عليكم حوامل شلونكم ان شاءالله بخير

انا صايره مادخل وايد لاني مشغووووله يوم الجمعه ان شاءالله راح انتقل لبيتي الجديد وخبركم حامل وعندي بيبي يعني حالتي لله ههههه على قولت امي مانقدر عليج تبين تسوين الف شي بمره وحده تبين تحملين وتبين بيت وتبين تاثثين وكلشي خخخخخخ