تجمع حوامل الثلاث الشهور الأولى1-2-3

هلا والله قمقومه أنا بعد صايرة جذي مثلج

هلا والله Romanove الله يسمع منج يااااااااااارب

هلا أريج حبيبتي شخبارج ؟؟ طمنينا عليج شنو قالوا لج ؟

الحمدلله حبيبتي البيبي بخير بس ماباقولكم شنو فيني كل كروشه تقول احساسها اول هههههههه

السلام عليكم .
حبي الغالي ما تشوفين شر و اهم شي ريحي عمرج و بلاش لعب ستات :) واشتقنالج ..
ام حسين شخبارج وعساج بخير و النون يرافس .. اهم شي وناسة ..
قمقم شخبارج يا الغالية و شخبار صديقة بنيتي يارب يحفظها .. كلي و اشربي واهم شي الريوق والحليبو تعشي خفيف حتى ما تنغثين ..
اريج شووووو فيج :) انا اقول بنوتة و حلوة بعد :)
.... عني انا لا جديد و رجعت لقواعدي بالبيت و بها الصالة ملل و الاكل انسااااااه للا بعد ما اتذكر ها البيبي اقول لازم اكل علشانها ..

لوليس و ريمانوف .. بشرونا عنكم عساكم بخير

اريج_خاشقجي;4614026:
الحمدلله حبيبتي البيبي بخير بس ماباقولكم شنو فيني كل كروشه تقول احساسها اول هههههههه

هلا أريج
صعب علي كذا إقولك شنو احساسي ممكن تصيب ووممكن تخيب
فـ إذا تبينها تصيب عطيني اول حركه تحرك فيها الجنين باول بدايته
ووين مكانه بالضبط

وبعدها بخبــــــــــرك:D

<<<<<<< أنتظرك

هلا صباح الخير كروشات شخباركم؟

السيده سوسو: انا بخير حبيبيتي ولله الحمد :) انتي طمنيني عنج يالغاليه!!

اريج : اريجوووووووووه <<< مسويه حالي امون!!

مادري ليش في بالي ان انتي حامل ببنيه!! يااااااارب تطلع بنت عشان لما زوجي يروح جده واروح وياه.. اقعد معاك وبناتنا يصيرو صوووحاب !!

بس تدرين حبيبتي.. بغض النظر ولد او بنت.. الحمدلله على كل نعمه اعطانا اياها!!
وعلى قولهم اللي يجي من الله حياه الله :)

حبي الغالي.. ها حيبتي شلونج اليوم؟


قطرات: يسعد صباحك يارب :)

حبي الغالي سلامتج يالغاليه ماتشوفين شر .....هدي اعصابج وريحي عمرج عالاخير وان شاءالله خير ....والله يثبت حملج ياااااااااااااااااااااااااااارب

اريج_خاشقجي اموري كلها طيبه الحمدلله.....ننتظر شو قالولج واللي من الله حياه الله اهم شي الخلقه السليمه يااااااااارب

عروسة03 الحمدلله على سلامتج واكيد نذر ما نسيناج والله يثبت حملج يااااااااااارب


ntsh الله يسهل عليد فديتج.......

غداري الف مبررررررررررروك الحمل ...والله يقر عيونج بشوفة البيبي ياااااااااارب

Romanove ان شاء الله المره الجايه تتاكدين من نوع البيبي وتخبرينا لاتحاتين فديتج

loneliness زهور بنفسجيه


يسعد صباحكم شو اخباركم اليوم بشروني.............

هلا ياقلبي فيد باك..

انا بخير الحمدلله.. شكلي بزكم ع اليوم او بكره!!

صحيت من النوم وراسي مصدع مره!! + ان حلقي احسه محتقن.. الله يستر بس من تقلبات الجو!!

loneliness;4615214:
هلا ياقلبي فيد باك..

انا بخير الحمدلله.. شكلي بزكم ع اليوم او بكره!!

صحيت من النوم وراسي مصدع مره!! + ان حلقي احسه محتقن.. الله يستر بس من تقلبات الجو!!

سلامتج ما تشوفين شر يالغاليه ....اليوم الجو عندنا بااااااارد ومغيم يجنن بس خلاص انا قضيت من الزكمه والاحتقان والكحه بس اعرف نفسي اول ما يدخل البرد القارص يجيني مره ثانيه ........الله يكون فالعون ........حاولي تشربين اشياء ساخنه عشان حلقج ...انا حاليا في الدوام وقاعده اشرب هوت شوكلت واكل كرسون شوكلت عالجو الحلو عشان ادفى:smile:

بنات ابغى مساعدتكم :(
انا جد محتاره وماني عارفه ايش اسوي!!

مثل ماتدرون انا موظفه.. ساكنه بديرة اهل زوجي مو ديرة اهلي..

انا اذا ربي سهل وولدت ماني عارفه ايش اسوي!!

اجيب مربيه واوديها مع البيبي بيت اهلي.. او اوديها بيت اهل زوجي..


مشكلة بيت اهل زوجي ان امه.. مادري هي صح احبها واوثق فيها بس مهما يكون غير امي طبعا.. امي بتفهم وضعي واني موظفه وبكون تعبانه!!
امي بودي لها اولادي ببجاماتهم .. وحتى لو ماغيرت حفاضاتهم مراح تزعل لأنهاامي .. بس امي زوجي.. مادري احس ان لازم ابدل للبيبيات واغير حفايضهم.. الخ الخ..

والشي الثاني .. حماتي (اخت زوجي) ساكنه مع اهلها بنفس البيت وعندها بنت في اول ابتدائي,.
وانا بصراحه اخاف على بيبياتي من الاطفال.. تدرون اول 6 شهور.. البيبي مايبي له احد يقعد يبوسه ويسحب فيه لا تصير فيه حساسيه.. ولا يلمس راسه بقوه. خبركم اليافوخ وجمجمة البيبي لسه ما التحمت 100%!!

بعدين عمتي بتكون لحالها مع الشغاله (اللي يمكن اقدم عليها) وانا ابي الشغاله تكون مساعده اذا احتاجت شي.. بس مابيها تمسك البيبي الثاني..


لو بروح لأهلي يبي لي اطلع من الساعه 5:45 الفجر.. وعلى ما اوصل بيت اهلي صارت الساعه 6:05 او 6:10

وعلى 6:30 اطلع من بيت اهلي اروح الدوام!!
وبيت اهلي فيه امي واختي.. امي بيكون عندها بيبي واختي عندها الثاني.. والشغاله اذا امي مثلا بتدخل الحمام (الله يكرمكم ) او شي من هالقبيل!


الحل الثاني.. اودي بيبياتي حضانه.. بس هم الحضانه بتكلف!!


واخاف اودي بيبياتي لام زوجي وتزعل امي .. يعني كفاية اني ما اشوف اهلي الا يوم الاربعاء ويوم الجمعه.. وشلون الحين بحرم اهلي من شوفة عيالي بعد!!


جد يابنات البارحه مانمت من كثر التفكير!!

loneliness فعلا الموضوع يحير؟؟؟؟؟؟؟؟؟؟؟؟؟؟؟ استشيري زوجج شوفي شو يقول وقولي حق امج بعد شوفي رايها وان شاءالله خيررررررررر

تسلمين ياقلبي...

زوجي يقول: امي جدتهم مثل ما امك جدتهم ويبي يودي اطفالي عند امه!!

وامي زعلت لما قلت لها بودي اطفالي عند عمتي..

عمتي للحين مااستشرتها بسالها يوم اشوفها وبشوف شنو تقول!!

واذا حسيت ان الطرفين بيزعلون بودي اطفالي حق حضانه..

loneliness;4615250:
بنات ابغى مساعدتكم :(
انا جد محتاره وماني عارفه ايش اسوي!!

مثل ماتدرون انا موظفه.. ساكنه بديرة اهل زوجي مو ديرة اهلي..

انا اذا ربي سهل وولدت ماني عارفه ايش اسوي!!

اجيب مربيه واوديها مع البيبي بيت اهلي.. او اوديها بيت اهل زوجي..


مشكلة بيت اهل زوجي ان امه.. مادري هي صح احبها واوثق فيها بس مهما يكون غير امي طبعا.. امي بتفهم وضعي واني موظفه وبكون تعبانه!!
امي بودي لها اولادي ببجاماتهم .. وحتى لو ماغيرت حفاضاتهم مراح تزعل لأنهاامي .. بس امي زوجي.. مادري احس ان لازم ابدل للبيبيات واغير حفايضهم.. الخ الخ..

والشي الثاني .. حماتي (اخت زوجي) ساكنه مع اهلها بنفس البيت وعندها بنت في اول ابتدائي,.
وانا بصراحه اخاف على بيبياتي من الاطفال.. تدرون اول 6 شهور.. البيبي مايبي له احد يقعد يبوسه ويسحب فيه لا تصير فيه حساسيه.. ولا يلمس راسه بقوه. خبركم اليافوخ وجمجمة البيبي لسه ما التحمت 100%!!

بعدين عمتي بتكون لحالها مع الشغاله (اللي يمكن اقدم عليها) وانا ابي الشغاله تكون مساعده اذا احتاجت شي.. بس مابيها تمسك البيبي الثاني..


لو بروح لأهلي يبي لي اطلع من الساعه 5:45 الفجر.. وعلى ما اوصل بيت اهلي صارت الساعه 6:05 او 6:10

وعلى 6:30 اطلع من بيت اهلي اروح الدوام!!
وبيت اهلي فيه امي واختي.. امي بيكون عندها بيبي واختي عندها الثاني.. والشغاله اذا امي مثلا بتدخل الحمام (الله يكرمكم ) او شي من هالقبيل!


الحل الثاني.. اودي بيبياتي حضانه.. بس هم الحضانه بتكلف!!


واخاف اودي بيبياتي لام زوجي وتزعل امي .. يعني كفاية اني ما اشوف اهلي الا يوم الاربعاء ويوم الجمعه.. وشلون الحين بحرم اهلي من شوفة عيالي بعد!!


جد يابنات البارحه مانمت من كثر التفكير!!

موضوعج من جد صعب ويبالها تفكير
بس عن راي انا اقولج الاقتراح انج تودينهم عند امج افضل انتي اداومين 6 ايام في الاسبوع الايام اللي تقدرين تقومين من النوم فيها من وقت روحي ودي عيالج عند امج والايام اللي بتتاخرين فيها خليهم عند اهل زوجج
وانتي تفاهمي ويا ريلج لو وافق
قولي لام زوجج ان ماشاءلله بيكونون 2 وصغار يبغيلهم عناية وانتي روحج وهناك بتكون امي واختي والمربية بس بتساعد وفهميها انج ما تبغين المربية هي اللي تعتني فيهم

والله يسهل عليج

صباح سكر للحوامل الحلويين :9_33:

اريج لاتلفين وتدورين قولي وش فيك بس انا اقول شكلك فيك ولد عشان يصير صديق ولدي


حبي الغالي الله كريم وهو خير حافظ والله يثبت حملك وتفرحي بشوفته


عروسه03 الحمدلله انك صرتي احسن والله يثبت حملك يارب


ntsh حياك الله معنا في التجمع وانشاء الله قريب تعرفي جنس الجنين والله يعينك على الدوام


غداري مبروووك الحمل واتوقع السونار رايح يبين معاك وممكن تعرفي منه انت في اي شهر


امل اتوقع ان زوجك ماهو حاب انك تبعدي عنه خاصة ماصار لكم سنة من تزوجتوا واي شي في مصلحة لزوجك وطفلك وبيتك احسن من اي شي ثاني



قمقومه حاولي انك تتعشي ولو بشي خفيف عشان مصلحة فطومه وماعليك شر



رومانوف مبروك مقدما وانشاء الله على موعدك تعرفي بالضبط وش فيك



سوسو ههههههه :sm179:احس روحي صرت كبيره من احد يقولي ام حسين بس فديته عمري

وش حلاته لمن يرافس ودي امسك اصابيعه

وصدقتي مانشتهي الاكل بس كله عشان احبابنا اطفالنا


feedback يسعد صباحك بخير ونسئل عنكم


loneliness شوفي وباختصار انا اقولك اخذيهم عند امك تعرفي ليش لانه ومهم كان الام غير ام الزوج وهي الي بتتحمل اطفالك ومستحيل راح تتذمر خاصة انهم صغار ويبغي لهم راعيه تامه
والحضانه صراحه تكلف وبعدين توهم صغار حرام يتبهدلوون

بنات اخر اخباري كل شي الحمدلله والبارحة رحت السوق واشتريت بعض الاغراض :poster_kewlpics: وتمنيت اطلع حسين من بطني عشان البسه ملابسه الجديدة خخخ

ايه والله الله يعنيك والله
صرتي بين نارين عمتك وامك
بس ترا الافضل امش توديهم اليها وزي ما قالت
الاخت ماسه
لما تتأخرين بعد لا حول ولا قوة وديهم بيت اهل زوجك
..
يعني اسمحوا لي اتلقفت وحشرت نفسي
هنا في هالتجمع لان مش حامل
بس حبيت اشوف سوالفكم واستفيد
وادعو في الشهر انضم معاكم
واكون حامل
اختكم:9_33:
امل

صبا الخير حواااااااااااااامل


اشحالكم عساكم بخير...؟؟


loneliness انا مع الاخت ماسه في كلامها.... والله ييسرلج امرج...

لونلس

انا من راي

امي يعني امي يعني امي

مهما كان ومهما استوى امي

وانشا الله اقوم من النوم مو 6 الاربع انشا الله اقوم 3 الفجر بعد بودي البيبي عند امي

ولا لا سمح الله يستوي في البيبي شي واندم شو يفيد الندم بعدين

اذا بنت حميتج سوت فيه شي ولا ما دارو بالهم عليه

وخصوصا انه امج ابدت اهتمام لكن عمتج لا ما طلعت منها وقالت هاتيهم عندي

هذا راي ليش انا يايبتهم ببلاش لا ياختي تعب وحمال وسهر الليالي عشان ما اقوم من الصبح واتعنى اروح لامي

لا اتعنى بس المهم عيالي يكونون بخير ومطمنه عليهم

هلا كروشات

شخباركم وعلومكم

يا البطاريق خخخخخخخخخخخخخخ

انا بخير الحمدلله وفطوم اتسلم عليكم كلكم فديتها

وانا لا جديد لاجديد لاجديد

غير اني ها الايام كل يوم اطبخ وبانتظام خخخخخخخخخخخخ

ريلي مول ما ايب من برع وانا كرهت اكل المطاعم كلها من كثر ما من حملت وانا اتغدى من المطاعم معظم الاحيان

وبثثثثثثثثثثثثثثثث

ماسه.. والله فكرتج حلوه.. يوم اصحى بدري اوديهم لاهلي ويوم اتأخر عند عمتي..

زهور.. صحيح.. الام مهما يكون راح تقدر الظروف ولا تنتقد.. او تتذمر!!

ام شوق.. تسلمي لي ياقلبي :)


قمقومه.. والله انا نفس كلامج خيتو.. امي هي دنياي وبتحطهم في عينها مثل ماحطتني لما كنت بعمرهم في عيونها..
وبعدين بنت حماتي لو سوت شي وصرخت عليها او زعلت وعاتبتها كل العايله بتقوم ضدي بحكم انها طفله وكانت تتصرف ببرائه!! عكس بيت اهلي مافيه اطفال!!




الله يخليكم لي يا احلى عرايس على ارائكم ..ولا يحرمني منكم ويحفظ لكم اجنتكم وكل غالي يارب :)