تجمع حوامل الثلاث الشهور الأولى1-2-3

تيد ملبوس العافية والله يهنيك فيهم وانشا ء الله تعرفي جنس البيبي وتبشرينا


amel01 انا اشوف تصرفك صحيح لانه صعبه تبعدي عن زوجك ، طيب وش راي زوجك في لموضوع


قمقومة ... قم قم صحيح بدون عروس ضائيعين

كيف فطومه بيجي صديقه حسين بيلعب معاه ههههههههه

حبي الغالي;4610877:
هلا خواااااااااااااااااااااتي شخباركم والله وحشتوني وااااااااااااااايد ومشكوريييييين كلكم على سؤالكم عني

أنا كنت مرقده في المستشفى من 3 أيام من يوم الثلثاء الفجر نزل عليي دم نزيييييييف ورحت المستشفى بسرررررعه وقالوا ليي لازم تترقدين لان المشيمه نازله وأذا ما وقف الدم أحتمال تولدين ولادة مبكره .. والله انا ذيك الحزة مت من الخوف ومن الصيااااااح وقلت لهم يعني أحتمال يموت البيبي قالوا ليي أحتمال ..
المهم ترقدت وعطوني سيلان وأدويه والحمدالله النزيف وقف والمشيمه أرتفعت ورخصوني بس قالوا ليي لازم أرتاح ولا اصعد درج وخبركم شقتي فوق يعني لازم أركب درج فقلت بروح بيت أبوي جم يوم بقعد هناااك

والله حسيت روحي بموووووووووت يوم قالوا ليي أحتمال البيبي يمووووت :(

حبيبتي مااااااااااااااااتشوووووووووووفي شر والله يثبت حملك عليك بالراحه التاااااااااامه

والله يقومك بالسلامه

حبي الغالي.. ماتشوفين شر يالغاليه

حاولي تقعدين في بيت اهلج كم يوم.. صحتج اهم ياقلبي

وطمنينا!

هلا بنات والله الحياة من دون المنتدى ملل وطفش وكلكم لكم وحشه .........السيده سوسو مبروك زواج اختك و زهوور بنفسجيه مبروك وربي يجيبه بالسلامه ياااااااارب ..حبي الغالي يارب يارب يارب يثبت حملج يارب وانتبهي على نفسج حبيبتي والف سلامه عليج ........فيد بااك شلونج يالغاليه عساكي بخير والبيبي ....لونلس حبيبتي الله يهيدي الناس بس في ناس للاسف ما يحبون الخير للغير الله يصلحهم وانتي حبيبتي لا تقولي اي شئ لانم ما تدرين وش انفسهم وانا معك الانسان يحب يفرح مع غيره بس يالله ربك كريم وبالنسبه للحركه حتى انا من امس اقول ما احس بشئ وخفت وبكيت وزهور طمنتني وحسيت بحركه خفيفه وباروح اليوم اتطمن ودعواتكم وربي يحفظ اجنتنا كلهم يارب ........امل عملتي عين العقل حبيبتي زوجك وبيتك وطفلك اهم من الف منصب .......قطرات وتيد كيفكم يالغاليات وكيف الييبييات ؟؟.....بنات مشتاقتلكم والله

الله يسلمكم ياااااااااااااااارب وأدعواا ليي الله يثبت حملي انشاءالله ويتمم ليي على خير

ااااااااااااااامين يارب حبي الغالي ربي ما يكسر خاطر كروشه فينا يارب

الحمد لله على سلامتكم كلكم
والحمد لله انكم كلكم بخير وصحه وسلامه انتوا والبيبيات

والله يفرحكم بشوفتهم ان شاء الله

امين رب العالمين

اريج. هلا حبيبتي المشكله الحين خفت اني اخبر اي احد عن اي شي بشتريه او بسويه.. جد مو كل الناس تتمنى الخير لغيرها!! الله يحفظنا من عيون الناس بس..


حبي الغالي.. ان شاء الله مافيه الا كل الخير ياقلبي والله يثبت لج الجنين وتقر عينج بشوفته يارب

حبيبتي لونلس الله هو خير حافظ وربي يحفظ كل الببيات يارب وانشاء الله ينامون بالسراير ويكبرون ويكسرونها ههههههههه وهم بصحه وعافيه المهم راحتك ومن حقك تشترين باوي وقت يريحك حتى لو حامل بشهر ..... حبي الغالي قلبي معاكي ويابنات ادعولي باروح مراجعه وخاااااااااااااايفه

تسلمين اريج ياقلبي..

يالله انا استأذنكم.. الساعه قربت تصير 4.. وابي اطلع من الدوام قبل لا تطلع روحي..

انتبهوا لحالكم ولبيبياتكم..

الله يحفظنا ويحفظ كل غالي عندنا يارب!

لونليس
اهم شي هالحين ريحي بالك ولاتفكرين بأي شي يعكـــر مزاجك
ومثل ماقلتي الناس مو كلهم يتمنون الخير للاخرين وانتبهي لنفسك
أختي
انتي نيتك صافيه وودك تفرحين الي تشوفين بالاخبار الي تقولينها لهم عن نفسك
بس حتى لو قلتي لهم عن اليوم الي انتي تعيشينه وبالتفصيل الممل هم مايقتنعون بشي
وصدق من قال

إرضاء الناس غاية لاتدرك
ولاتنسين
من خاف سلــــــــــــم

<<<<<<<<<<<< ماتنعطي وجه هههههههههههه
ترى شوفي يا اختي ترى ما أقول لك هذا الكلام عبثـــــا الى من خلال تجربتي وتجارب اخواتي
من جميع الي حوالي
واتمنى انك تستفيدين وإذا تبين أكثـــــــر عطيني خبـــــر هههههههه

الله يحفظ أجنتنا ياااااااااااااااااارب العااااااااااااااالمين

السلااااااام عليكم..

حوامل شلونكم..
ما ادري اذا تذكرون انا كان عندي نزيف و ترقدت في المستشفى.. الحمدلله صرت أحسن.. النزيف وقف و للحين على المكثبتات.. مشكورين بنات كل اللي وقف معاي و دعى لي.. يا ربي ما تشوفين اللي شفته.. و يثبت لكم.. و يرزقكم اللي في بالكم. و تقومون كلللللللللللللللللللللللكم بالسلامة..

كروشات كيفكم وكيف البيبيات انشاء يحفظلنا اياهم بصراحة انا دخلت في الشهر الرابع من 2 الشهر بس مو حابه اروح على هذاك التجمع بتقبلوني معكم بس بعدني ما عرفت شو نوع الجنين والوحام مجنيني مراجعة على طول انا هلا بالدوام وبخلص الساعة خمسة دوامي من الساعة الثامنة صباح الى الساعة الخامسة بعين الله :21_195:

هلا يابنات

انا توني عرفت اني حامل من يومين وللان مو عارفة انا في اي شهر لان دورتي مو منتظمة واخر دورة لي في شهر تسعة بس مو عارفة هل صار الحمل في ذاك الوقت ولا بعدين

المهم لو اسوي سونار راح يبين الحين؟؟؟؟

الحمد لله على سلامتك حبي الغالي لازم ترتاحين ولا تعملين مجهود وإذا كنت تشتغلين خذي عطلة.أنت في شهر؟

زهور بنفسجية وأريج شكرا إلكن ريحتوني شواي لأني البارح الساعة 4 الصبح كنت أبكي لأني ما لقيت غير هطا الحل. وزوجي في ذلك الأسبوع اللي كنت رايحة أبتدي فيه الشغل كان زعلان وعصبي ونفس الوقت ما رضي يفرض علي رأيو علشان ما ألومه بعدين

هلا خيووه عروسه03 الحمدالله على سلامتج وانا بعد توني مرخصه من المستشفى صار ليي من 3 أيام نزيف والحمدالله الحين وقف وكانت السبب أن المشيمه نازله .. انتي شنو سبب النزيف ؟؟

هلا أختي أمل مشكوووورة حبيبتي وأنا الحين في بدايه الشهر السادس

حبي الغالي

ما اتشوفين شر يا قلبي

ريحي عمرج

ما باقي شي

كروشات بغيت اسألكم انا الحين في السابع

وتدرون شو مستوي فيني

اتريق الساعة 10 الصبح

واتغدى الساعة 3 الظهر

وخلاص احس عمري طافحة من الاكل لين ما ارقد الليل الساعة 10 او 11 ما اكل شي

بس اشرب حليب واكل جبس وهاي السوالف البسيطة
اما اني اتعشى اتعشى لا مستحيل

ما ادري ليش ؟؟؟؟؟؟؟؟؟؟؟؟؟؟؟؟؟؟

++ ختيه الغالية loneliness ++

أنا بخير فديتج

والبيبي الحمدلله .. ايرافس طول الوقت

سرت عيادة خاصة عند دكتورة شاطرة لأنها الوالدة أصرت علي تبا اتعرف جنس البيبي

وقالت لي الدكتورة .. البيبي امسكر ريوله .. وعقب قالت يمكن بنوتة :shy:

والله صرت ما أعرف شو أشتري للبيبي

بس كل مرة أقول .. خير إن شاء الله

+++++++++++++++++++

++ ختيه الغالية اريج_خاشقجي ++

سلاماااات حبوبة ما اتشوفين شر

أنا شراتج .. كل ما أظهر مكان أتعب وأحس بالدوخة

الله ايعيننا

+++++++++++++++++++

++ ختيه الغالية النفس البريئة ++

تسلمين على الرد يالغالية

هيه والله هالبيبي كله يستحي

قالت لي الدكتورة في العيادة الخاصة

شكله هالبيبي عنيد ما يبا حد ايشوفه

وعقب قالت لي احتمال بنوتة .. وبعد شوي قالت لي البيبي فتح ريوله وامبين بنوتة

كل هذا وأنا ما رمت أشوف شي واضح :21_195:

وهناك حرمة في العيادة طلعت اتعرف وحدة من ربيعاتي

فأنا تميت أسأل عنها وجيه

قالت لي طول فترة الحمل ايقولون لها بنوتة .. وآخر شي يابت ولد

بس أنا بشرت أم ريلي لأنها اتموت على البنوتات وفخاطرها

لكن طلبت منها ومن أمايه أنهن لا يقولن شي لين أتأكد بإذن الله تعالى

+++++++++++++++++++

++ ختيه الغالية **قطرات الندى ** ++

هيه فديتج .. الدكتورة في العيادة الخاصة قالت لي احتمال بنوتة

وإن شاء الله عندي موعد بتاريخ 26 - 11 .. وبحاول هالمرة أتأكد أكثر

وإن شاء الله على طول بسير أتشرى حسب الجنس اللي ايأكدون لي إياه

+++++++++++++++++++

++ ختيه الغالية زهور بنفسجيه ++

مرحبا ملايييين بأم حسين

شفتي الخجل؟؟؟ إلا على قولة الدكتورة .. هالبيبي عنيد

والله هالمرة وأنا في العين .. الدكتورة حاولت وحاولت لين قدرت اتقول لي أنه البيبي شكلها بنوتة

وإن شاء الله خير

+++++++++++++++++++

++ ختيه الغالية feedback ++

والله كل مرة ايقولون لي احتمال بنوتة

وأنا بغيت شي أكيد مش احتمال

بس أكيد الولد والبنت كلهم خير

فديتهم يا رب

+++++++++++++++++++

++ ختيه الغالية حبي الغالي ++

سلامااااات يالغالية

وإن شاء الله يا رب ايثبت لج الحمل

انتي أهم شي راحتج

لا تجهدين عمرج عشان البيبي

وبإذن الرحمن ما بتولدين إلا والبيبي بأتم الصحة

+++++++++++++++++++

++ ختيه الغالية عروسة03 ++

الحمدلله على سلامتج وسلامة البيبي

وعسى ربي ايتمم لج الحمل على خير

+++++++++++++++++++

++ ختيه الغالية ntsh ++

حياج الله ويانا حبوبة

معظمنا خلصنا الشهور الثلاث الأولى من الحمل

وما رمنا انودر التجمع وانسير التجمع الثاني

خلاص اتعودنا على هالتجمع

وإن شاء الله دوم مجتمعين على الخير

+++++++++++++++++++

++ ختيه الغالية غداري ++

مبروووووك الحمل حبوبة

وإن شاء الله ايبين وياج كيس الحمل بالسونار

بنااااااااات سويت رباعي ابعاد تدرون وش فيني؟؟؟؟؟؟؟؟؟؟؟