تجمع حوامل الثلاث الشهور الأولى1-2-3

بنات احس تحديد جنس اليبي شاغلكم
انا احب اعرف بس ما يشغلني كثير لان حب البيبي والرضى به يأتي فجأه
بعد الولاده وانا في احد عيالي قالي الطبيب انه بنت وطلع ولد وو حده قالو لي بنت وطلعت بنت
اسالي للفضول بس لا يشغلش هذ الشي مره
با النسبه للملابس خذيها موحده بعدين اهتمو في شراء البربطوزات واللفات علشان البرد ولا تكثرين
لان البيبي يكبر بسرعه يبغالك كل بعد فتره تغيرين ملابسه لانها بتسغر عليه وزي الفساتين ما تقدرين
تلبيسن البنت وهي مولوده الا بعد فتره بعدين لا تنسين الهديا الي بتجي للبيبي
اعرف طفشتكم بس احس البعظ بكريات و ما عندهم خبره وعذروني

مرحبااا بنااااات...

كيفكم وش اخباركم؟؟؟

يسلمووو لي اللي رحبو فيي وثااااااانكس...

لونلينس :الله يتمم لك على خير والله ونااااااااااااااااسه انهم بنات انا حامل بوحده ولما قالوا لي انها بنت بغيت اطيررررررر من الفرحه شلون اذا كانوا ثنتين ...

الله يخليهم لش ويتمم لك على خير وتفرحي فيهم ويبعد عنك الحســـــــــــــاد يااارب...

صباح الخير :9_33:

بن حارب احنا بخير ونسئل عنكم بس بعض التقلابات عند دخول اي شهر جديد


نبعة الريحان اهلا وسهلا معانا انت تفضلي عندنا لانه احنا اخذنا وعد مانطلع من التجمع ونكون صامدين الى اخر شهر التاسع انشاء الله ، وتمام ان عرفتي جنس البيبي بس ماقلتي وش بتسمينها وانت الحين في اي شهر ؟؟


قمقومه واااااااااو زين سويت الرباعي توني البارحه اقترح على زوجي انه انا اسوي والله يخلي فطوم لك وتشوفينها عروسه


فيد باك صلي على النبي ورفعي صدقه وترى مايجي من وراء الازواج الى النرفزه بس انت لاصار معاك استعيذي بالله ، يارب تبعد عنك كل المشاكل


ام شوق الحمدلله ان دمك ارتفع وطمئنيتي انشاء الله ماعليك شر


اريج شخبارك يالغلا مثل ماتعرفين كنت في بيت اهلي وعلى ماجاء زوجي ياخذي يمكن الساعه 9 وبعدها على ماوصلنا البيت فطرنا ورجعت نمت وعاد في الويكند تقل جلستي لانه زوجي يجلس على النت اكثر شي ، اتوقع هالوخز يمكن بدايه لحركة البيبي لاتخافين


loneliness الله يخلي لك بنات بالاصل انت ماشتريتي الا احساسك ان خلاص اكيد هم بنات انشاء الله تشوفيهم عروستين مثل القمر ، اموت على مقاضي الاطفال خلاص من شهر 12 بروح اقضي مافيني صبر ، والله يعينك على طريق الرياض انشاء الله تروحي وتجين بالسلامه وانشاء الله راحتك مافيها خساره وتحصلين الي تبغين ، لاتنسين تحطين لنا صورة الرباعي


سوسو ماتشوفين شر يارب والله يخلي لك فطامي فديتها هالبنت احبها


قطرات الندى امممم صحيح داهيه :wink: بس على كذا ماستفدتي خخخخ بس اكيد من خبرتك راح تعرفين ، هذا مواول حمل لك صح ؟؟



النفس البرئية هلالالالالالالالالالالالالالاو الله عاش من شافك الحمدلله انك بخير ومبروك على معرفة جنس البيبي ها وش بتسميه ؟؟


صوفيا شخبارك يالغلا الحمدلله ان وضعك طبيعي ولاتحاتي بالنسبه لمسائلة الشغل بعد ماحملتي انسي السالفه واهتمي بحملك وانشاء الله بعد كم شهر اذا حسيتي بحركه البيبي راح تفرحي وراح تنشغلي فيه وفي تجهيزه




نسمه مشكوره على الدعوه الحلوه ، بطبع احنا نهتم بجنس البيبي من باب الفضول وثانيا عشان التجهيز ومشطوره على النصائح وكثير بقولون ان الشهور الاولى مايحتاج ملابس كثيره ياليت تعطينا عن اهم الاشياء الي نشتريها وعددها لانه ان شفت البعض في تجهيزات العروس يبالغون في العدد وحايره كم اخذ من كل قطعه مدام انك ام وعندك الخبره تنصحينا 00 ننتظرك


اما عن اخباري اممممم:tears::tears: هاليومين اي اكله ماينهضم واحس واصل الى البلعوم وصراحه هالشي يتعب ويضايق يعني حتى يوم بغيت اتغذاء عشان الوزن يزيد هالحاله تصير معاي وش اسوي والله البارحه تعبت ولاقدرت انام وحتى يوم صحيت ماخف علي

السيدة سوسو اللهم اميييييييييييييين اعوذ بالله من الشيطان

نبعه الريحان حياج الله ويانا اخت عزيزه وغاليه.

loneliness الحمدلله انج اطمنتي عالبيبيات والله يقر عيونج بشوفتهم يارب

**قطرات الندى ** تمام تمام دام ان البيبي بخير وهذا اهم شي والله يقر عيونج بشوفته ان شااءالله

=نسمه= اللهم اميييييييين .....وشكرا يا قلبي على التوضيح وفعلا انا بالنسبه لي ما عندي خبره هذا اول حمل لي

زهور بنفسجيه صباحج ورد .......اللهم امين

باقي البنات شو اخباركم شو الجديد.........عن نفسي امس اقول لزوجي الحمدلله ما رجعت من زمان قمت الصبح وعلى طول .................. الله يعين بس

صباح الخير كروشاااااااااااااااات ا

اشحالكم عساكم بخير...؟؟

صباح الخير جميعا
شخباركم عساكم بخير
البارح حسيت بالم أسفل بطني من اول مادخلت الشهر الرابع
وكان بين فتره والثانيه يجيني هالالام والدكتوره قالت لي هذا شي طبيعي من تمدد الرحم وقالت لي
لاتنسين المده الي انتي مافكرتي تحملين الى بعد هالفتــره >>> أربع سنوات ونصف
مدري هل احد لاحظ هذا الشي ؟؟

زهور بنفسجيه
اخبارك عساك طيبه
هذي ثالث حمله لي
والله يتم لي على خير
واحس تعب غير طبيعي
الله يعينا

زهووره ان شاء الله تكونين استانستي يارب والتغيير حلو ...........لونلس كيفك يا دلبو عساكي خير ها وشلون حرطة البيبات يار تزيد لاجل تستانسي .....فييد باك حبيبتي ها وشلون النفسيات اليوم؟؟ الحمدلله احس انج احسن وياربدوم ....نسمه يسلموووو حبيبتي وفعلا حنا بكريات مستجدات وياليت نفيد بعض ........باقي الكروشات قمقومه و ام هيا وعروسه و صوفي وقطرات الندى والنفس البريئه وبن حارب ونبعة الريحان وامل ......زبنات حبي الغالي مختفييه مالها حس

هلا كروشات

لاجديد


لاجديد

لاجديد

غير اني اشرب بها الماي عشان الجفاف الي ماسكني من رمضان مع اني مو مقصرة با السوائل

بس قالت لي الدكتورة لازم وانتي داخلة الحمام عزكم الله

اتبولين من تحت وتشربين الماي من فوق اتخيلو

بس

هلاااااا كروشات شلونكم

بس حبيبت اسلم عليكم،، انا توني وصلت من الرياض،، واحس اني ميته تعب

وصلت الرياض الساعه خمس المغرب.. ووصلت شقتي من الرياض قبل نص ساعه (وحده ونص الفجر)

تعبانه حيل وبقوم انام!!

بكره اخبركم شو شريت!!

يالله تصبحوا على خير!

زهور بنفسجيه <<< ماعندك ماعند جدتي هههههههههههههه
<<<< تمون عليك صح هههههههههه

بنشوف وش عندك بكره ...

loneliness
الحمد لله على سلامتك
ونوم العوافي

مرحبا يالغاليات

أول شي حبيت أبشركن أنيه سرت موعد المستشفى

ومن خلال السونار الدكتورة راوتني الأعضاء الداخلية للبيبي من كبد ومعدة و و و و ....

التصوير كان ملون + 3D بدون ألوان

وطلبت السي دي


لكن البيبي كان راقد على بطنه

ولا عرفت شو نوعه :sm215:

الحمدلله على كل حال

+++++++++++++++++++
+++++++++++++++++++

++ ختيه الغالية بن حارب++

اشحالج يالغالية؟؟

كله ولا زعلج يعلنيه افداج

لكن والله ذكرتج في ردي اللي قبل

ورحبت بج

أفا عليج يالغالية

ونحن جم بن حارب عندنا؟؟

عسى ربي يديمنا خوات

وحقج علي فديت روحج

+++++++++++++++++++

++ ختيه الغالية حبي الغالي ++

عسى ربي يرزقج أحمد الصغير وهو صحيح وسالم

واتقر عينج بشوفته

+++++++++++++++++++

++ ختيه الغالية **قطرات الندى ** ++

تسلمين على الرد يالغالية

لا فديتج ما قصدت أضيعج ولا شي

لكن أنا قلت لج

أول الحركة كانت مبكرة عندي

ومش واضحة واااايد

بس كنت أحس بها عند المثانة صوب اليسار

لكن خفيييفة ومب كأنها حركة


لكن من ابتدى الجنين يتحرك بوضوح

وهنيه أقصد من دخلت الشهر الرابع والخامس

فالحركة الواضحة .. أول ما صارت كانت عند السرة

وبكل وضوح


على العموم

اللي اييبه رب العالمين أكيد فيه خير

وبنت أو ولد .. كله خير من رب العالمين


يزاج الله كل خير حبوبة

+++++++++++++++++++

++ ختيه الغالية *ضي القمر* ++

بشرينا .. شو جنس البيبي؟؟؟

عسى ربي يرزقج إياه صحيح وسالم .. آاامين يا رب

+++++++++++++++++++

++ ختيه الغالية قمقومة ... قم قم ++

تتهنى فطامي بأغراضها يا رب

وعقبالي يا رب أعرف شو جنس البيبي وأسير أتشرى له وأخلص

+++++++++++++++++++

++ ختيه الغالية feedback ++

فديته فصولي خله ايرافس وياخذ راحته

بالنسبة لي

فأنا أراجع في مستشفى الوصل .. وفنفس الوقت .. في مستشفى الإمارات

لأنه مستشفى الوصل حكومي .. وهو المستشفى المتخصص بالولادة في دبي

ومستشفى الإمارات خاص .. أراجع عندهم بين فترة وفترة

لأني شرات ما قلت قبل

عندي فقر دم ونقص حديد حاد

وحبيت أنها اتكون المتابعة في مستشفى خاص


الله ايسهل علينا يا رب


وحبيت أقول لج

ابتعدي عن الزعل هالفترة

واستغفري رب العالمين

شو ذنبه البيبي تدعين عليه؟؟؟

هذا بعده ما طلع للدنيا وانتي تدعين عليه بالموت .. وعقب بشو بتدعين؟؟

حبوبة

السموحة .. لكن والله ما هان علي البيبي تدعين عليه بهالطريقة

عسى ربي ايحفظه واتقر عينج بشوفته

آااامين يا رب

+++++++++++++++++++

++ ختيه الغالية زهور بنفسجيه ++

آااامين يا رب

اتمر الأيام وأشوف عمريه دخلت الشهر التاسع

+++++++++++++++++++

++ ختيه الغالية اريج_خاشقجي ++

أنا بخير ايسرج حالي

وانتي اشحالج؟؟؟ واشحاله البيبي؟؟؟

إن شاء الله بخير؟؟

+++++++++++++++++++

++ ختيه الغالية *ام هيا* ++

عساج تولدين بالسلامة

واتكون الولادة سهلة ومريحة


هيه نعم أنا ولادتي قريبة منج

عطوني ما بين 25 إلى 28 - 3

وإن شاء الله خير

+++++++++++++++++++

++ ختيه الغالية ted++

الحمدلله يوم خف عنج الوحام

وإن شاء الله ايخف أكثر وأكثر وترتاحين في حملج

+++++++++++++++++++

++ ختيه الغالية sofy_eg++

الله ايتمم لج الحمل على خير

وداومي على الفوليك أسيد بشكل يومي في الشهور الثلاثة الأولى

وإن شاء الله ربي يحفظ لج الحمل وايديم عليج الصحة العافية

+++++++++++++++++++

++ ختيه الغالية عروسة03 ++

ما تشوفين شر حبوبة

وعسى ربي ايثبت لج الحمل .. آااامين يا رب

طمنينا عليج يالغالية

+++++++++++++++++++

++ ختيه الغالية loneliness ++

أنا بخير يعلنيه افداج

وانتي اشحالج واشحال البيبيات فديتهم؟؟

+++++++++++++++++++

++ ختيه الغالية السيدة سوسو ++

عسى ربي ايعينج وايسهل عليج حملج

أنا بخير حبوبة .. والبيبي طول الوقت ايرافس فديته

وأعاني شراتج من عوار في الظهر رغم أنه بطني ما بين

عسى ربي ايعيننا

+++++++++++++++++++

++ ختيه الغالية النفس البريئة ++

منورة التجمع حبوبة

ومبروووووك الولد .. وإن شاء الله اتقر عينج بشوفته


اتعرفين؟؟

اتخبلت على موعد ولادتج <<< لأنه نفس يوم ميلاد أبو الشباب

أنا أتمنى الولادة عندي تتقدم جم من يوم

يا أولد في 17 - 3 على تاريخ ميلاد ريلي

أو تاريخ 20 - 3 على تاريخ ميلاد أبو ريلي


لكن في النهاية

كل شي بيد رب العالمين .. والحمدلله على كل حال

+++++++++++++++++++

++ ختيه الغالية نبعه الريحان++

حياج الله بيننا حبوبة

ابصراحة نحن اتعودنا على التجمع هنيه

وإن شاء الله دوم مجتمعين على الخير

هلا حبيبيتي قطرات الندى..

الله يسلمك ويحفظك يارب،، كيفك ياقلبي وكيف البيبيات؟

رومانوف،، هلا بعد قلبي،، انا بخير حبيبة قلبي والبيبيات بخير الله يسلمج،، شلونج انتي والبيبي؟

السلام عليكم حبيباتي...........البارحه قلت لا موبقادره على الجلسه بالبيت ابي اخرج اغير منظر ورحت عزيز مول وامشي على اقل من مهلي بالمول ورحت مذؤكير عندهم تخفيضات 50 بالميه بس نفس الشئ الاشياء طلعت 400 ريال مدري وين التخفيض!!!!!! و عند المطاعم زحمه واطفال شئ مو بطبيعي وفجاه حسي بدوخه واشوف الناس وما اشوفهم وامي الله يخليها جلستني عالكرسي وجابولي كاستين عصير برتقال وشربوني بالقوه وبعدها صرت احسن بفضل الله...ما عاد اخرج من البيت واعيدها ابددد حرمت بس والله بعذري حبيت اغير منظر .....كروشات التجمع كلكم وشلونكم وشلون بيبياتكم يااااااااااارب الجميع بخير وعافيه

مرحبا كروشات وش اخباركم

هلا وغلا بك و زهور بنفسجية تسلمين لغاليك وننتظر المفاجئة عجلي علينا :)

هلا ومرحبا بريمانوف مشكورة الله يسلمك و موعد الولادة تقريبي احتمال قبل واحتمال بعد الله يكتب لك اللي تتمنيه ياحبي لجنينك حياوي يقول عيب تشوفون ماعندكم صبر الله يقر عينك بشوفة جنينك

اهلين اريج سلامتك حبيبتي ماتشوفين شر هو صدق قعدة البيت مملة بس الصحة مهمة وانتبهي لعمرك

حبي الغالي وينك مالك حس وخبر

قمومة وسوسو وقطرة ندى وباقي الحلوات وش اخباركم ان شاء الله تمام

ROMANOVA

++ ختيه الغالية **قطرات الندى ** ++

تسلمين على الرد يالغالية

لا فديتج ما قصدت أضيعج ولا شي

لكن أنا قلت لج

أول الحركة كانت مبكرة عندي

ومش واضحة واااايد

بس كنت أحس بها عند المثانة صوب اليسار

لكن خفيييفة ومب كأنها حركة


لكن من ابتدى الجنين يتحرك بوضوح

وهنيه أقصد من دخلت الشهر الرابع والخامس

فالحركة الواضحة .. أول ما صارت كانت عند السرة

وبكل وضوح


على العموم

اللي اييبه رب العالمين أكيد فيه خير

وبنت أو ولد .. كله خير من رب العالمين


يزاج الله كل خير حبوبة

إذا كان الوصف هذا الي تقصدينه فالجنين الي ببطنك
بنت بأذن الله
ولاتنسين تجين تخبريني ولي الحـــلاوه

هلا النفس البريئه شلونج وشلون البيبي ربي يجعله من مواليد السعاده يارب وانشاء الله ماعاد اخرج ابد وربي كريم ورومانوف هلا حبيبتي وشلونج والبيبي يارب بخير يارب.... حبي الغالي مختفيه شغلها ابو احمد الظاهر ههههه وينج حبي الغالي يا القاطعه

صباح الخير اخواتي
كيف حالكم جميعا
عساكم طيبيييييييييييين

والله أرتفع ضغطي من هالمنتدى كل شوي جايه فاتحته اشوف رجع لوضعه الطبيعي ولا لا هههههههههههه
والله من جد وحشتووووووووووووني بها الكم يوم كأنهم شهـــــر ههههه

صباح الخير :9_33: لأاحلى حوامل

صدقتي ياقطرات مانقدر على فراق بعض وصج كانه صار لنا شهر مادخلنا

loneliness حمدلله على سلامتك اهم شي انك ماتعبتي في الطريق وننتظرك

Romanove شخبارك يالغالية وماعليه جنينك خجول مايبغي يفتح رجوله بس اكيد المرة ثانية بيكون واضح والاهم وضع البيبي ووضعك


اريج_خاشقجي ماتشوفين شر يالغالية والحمدلله امك كانت معاك حاولي مره ثانية ماتطلعي وقت الزحمة عشان ماتتعبي ، وملبوس العافية للبيبي


النفس البريئة وينك ليش هالقطيعة حاولي على الاقل كل يومين تدخلين علينا ترى مانقدر على بعدك ، وماقلتي وش ناوين تسموون البيبي


نداء عااااااااااااااااااااااجل حق لب قلب وليدي وينك طلي علينا ولو مررره

نداء عاااجل حق حبي الغالي وينك انشاء الله المانع خير طولت الغيبه


باقي البنات سوسو وقمقومه وضي القمر وام شوق وبن حارب وفيدباك وتيد وام هيا وصوفيا ونسمه ونبعه الريحان و تحفة الابرار و عروسه03 وباقي البناااااااااات



بنات ولله الحمد يوم الخميس عرفت جنس البيبي طلع فيني ولد واتفقنا على تسميته حسين
:happy1::groupwave::happy1:

ويوم السبت كان موعدي والحمدلله كل شي اوكي والوضع تمام