الرئيسية أركان البيت والأسرة والمجتمع التربية والطفل شو أكلتي ولدج اليوم؟؟

شو أكلتي ولدج اليوم؟؟

القيوانيه 30-04-2007 517 رد 42,866 مشاهدة
ج
جمـــانة
مشرفة سابقة
08-06-2007 | 02:34 AM
بجعة يمكن عشان البهارات اللي فيه؟؟؟؟؟؟؟
ا
القيوانيه
عروس رائعة
09-06-2007 | 04:44 PM
هلا هلا...

شخباركم يا حلوات...

بنات بسألكم متى اقدر اعطي بنتي كورن فليكس لاني اليوم الصبح وانا اتريق عطيتها شوي لا ومع حليب طازج الله يعين ما يستوي لها شي...
ا
ام احلى حمود
عروس مبدعة
09-06-2007 | 05:20 PM
هلا هلا امهات:)


اليوم عطيت ولدي ارز مع تمر

بس صاير ماياكل وايد من المرض والتسنين
ا
القيوانيه
عروس رائعة
10-06-2007 | 03:42 PM
مرحبا يا امهات..شخباركم؟؟؟

انا اليوم الصبح عطيت مهاري ارز بالحليب..

الظهر خضروات مسلوقه...
أ
أم مشاري366
عروس نشيطة
03-07-2007 | 05:09 PM
الصبح مهلبية
الظهر خضار مسلوقة مع لحم
ا
القيوانيه
عروس رائعة
09-07-2007 | 01:22 PM
هلا هلا

صار لي فتره مادخلت الموضوع ...

الصبح صمون مع حليب...
الظهر عيش وروب...
د
دلوعة..
عروس مبدعة
09-07-2007 | 04:58 PM
ماشاء الله موضوع رائــــــع,,
أنا بنتي جود داشه الخامس لهااا 3 أيام
اعطيهاا خضار مشكله الظهر والساعه 6 سيريلاك والساعه 10 فواكه مشكلة
ا
القيوانيه
عروس رائعة
10-07-2007 | 04:21 PM
مرحبااا...

اليوم الصبح عطيت مهاري خبز مع حليب...

الظهر عيش وروب....

وناويه اعطيها بعد شوي مهلبيه بس كيف اسوي لها؟؟؟ بحليب الاطفال والا حليب نيدو...؟؟
د
دلوعة..
عروس مبدعة
10-07-2007 | 07:24 PM
هذه يالغلا طريقة المهلبية حليب نيدو أحلى وأطعم
سخني لك مويه 00 وبعد ماتغلي00 طفي النار00

وحضري في صحن مسحوق النشاء وشوي سكر وصبي عليها المويه

المغليه وعلى طول حركيها حتى ماتتكتل وخليها تفتر ورضعيها طفلك

كم عمر بنتك,,
ا
القيوانيه
عروس رائعة
10-07-2007 | 10:22 PM
هلا دلوعه...مشكووره الغاليه على ردج وفعلا النيدو احلى بس عادي اعطيه بنتي وهي عمرها سبع شهور ونص
أ
أم_غاية
عروس جديدة
11-07-2007 | 12:13 AM
السلام عليكم !

انا بسافر بعد 5 أيام اشاء الله و يوم يه وقت تحضير الشنطة .. اتذكرت انه الفندق ما بيكون فيه فرن و لا وسيلة عشان اسوي حق بنتي (10 شهور) خضرا و لا عيش و لا اي شي ! فمحتاره شو بتأكل بنتي غير السيرلاك و البسكوت و قطع جبن كيري و طبعا الحليب و الماي ما بيشبعونها ..

مابا استخدم االأكل المعلب ..
حرام بتم شهر ميوعة البنت

ممكن حد يفيديني ؟؟

و شكرا :)
ر
ريـــم البــوادي
عروس مبدعة
11-07-2007 | 10:44 AM
حبيبتي ممكن تاخذين معاج الغز اللي على كهربا ايي في احجام صغيره تنفع للسفر وقدر صغير وممكن شوية رز اما الخضار وباقي الاشياء تلاقينها في السوبر ماركت مافي ديره تخلا من هالاشياء وشوفي بعد انتي ايش الاشياء الللي تقدرين تاخذينها معاج
وسلامتج
تروحين وترجعين بالسلامه
ز
زوجة راشد
عروس مشرقة
11-07-2007 | 12:23 PM
السلام عليكم خواتــــــــــــــــي ...
بسالكم وانشالله انشالله اتردون عليه .. لانى صدق محتاره...
انا ولدي بعد خمس ايام بيكمل الخامس ... من دخل الرابع وانا اسوى الاتـــــــــــــــــي ...
-ارضعه طبيعي + اعطيه 3 قروص فارليز + ارز بالحليب + فواكه او خضار مهروسه اللى بالغراشششش
طبعا الرضاعه الطبيعه ع فترات طول اليوم .. والوجبات الثانيه شي الظهر وشي العصر وشي المغرب ....
سؤالي ... هالاشياء تكفي والا لاه .. خبرونـــــــــــــــــــي
ب
بنت ليوا
عروس مشرقة
11-07-2007 | 12:32 PM
أنا بصراحه ولدي من يومين دش الشهر الخامس ولا بديت أأكله بس معتمده عالرضاعه الطبيعيه طبعا لانه ما يرضع ألا من صدري وما يمسك الرضاعه الصناعيه ..

وايد اسمع يأكلون أطفالهم من الشهر الرابع .. ما أدري هل أنا الصح ولا الباقي صح مع أن الدكتوره قالتي أبدي أعطيه من يدش الشهر السادس ..؟؟؟؟
س
سعادة الدنيا
عروس مبدعة
11-07-2007 | 01:36 PM
بنت ليوا
صح كلام الدكتورة لا تاكلين بنتج الا لما تدخل السادس خليها تستفيد من الرضاعة الطبيعية
لانج لما بتبدين تاكلينها بتخف الرضاعة عندج وايد وبتعتمد على الاكل بس حاولي انج ترضعينها ولا تعطينها الحليب الصناعي
ا
المذهب ذهب
عروس مشاركة
11-07-2007 | 02:08 PM
مب شرط السادس .. اهلنا اكلونا واحنا مال شهرين والحمدالله ما صار علينا شي .... ووالله ان الدكتور نصحنى قولدى انى اعطيه من بدايات الرابع عشان اعوده عالاكل ....
اختى زوجه راشد ... ماشالله بس ايسد لا اتزيدين عالياهل ...بس نوعيله لانه بيمل وبعدها بيرفض هالاكل ... ونصيحه لا اتخلين اعتمادج عالغرااش ... ابدي عطيه الفواكه الفرشششش احسن ....
H
Happy Moon
عروس جديدة
11-07-2007 | 02:57 PM
مرحبا امهات عروس

انا بنتي عمرها 3 اشهر واسبوع ... وللحين بس ارضعها طبيعي + صناعي
وبما انها اول بنوته لي فما عندي خبره متى تاكل وشنو اعطيها اول الايام

فممكن اساعدوني
متى ابتدى اعطيها اكل؟
وشنو أول شئ ابتدي اعطيها؟
وشنو الاشياء الجاهزه اللي تباع في السوبر ماركت اشتريها لها وتكون نوعيه ممتازه ومفيده لها؟

وبنتي كثيرة الترجيع على طووول وانا استخدم لها حليب نان ضد الترجيع وكثير ناس حولي نصحوني اني اخذ لها حليب بيبي لك يقولون شبيه بحليب الام وانتو اش رايكم؟

ومشكورين:B_wink:
ق
قمر * قطر
عروس متألقة
11-07-2007 | 08:02 PM
بنااااات انا واايد احتاار في اكل ولدي ماعرف متى الاوقات المناسبه اللي لازم أأكله فيها هو بعد يومين بيكمل الست شهور وبما اني في اجازه ولي الظهر نايمه هو ينام معاي ووقت اللي يقعد من النوم اعطيه حليب ويرجع ينام مره ثانيه لي الساعه 2 اقوم اعطيه ميلوبا بالفواكه او بالارز والعصر اعطيه روب بالفراوله وعقب اشربه حليب وبعدها وعالساعه 8 او تسع اسوي له بطاطا مهرووسه واضطر اني احط معاها جبن بدال الملح لان ولدي ماياكله بدون ملح وبعدها وعالساعه عشر اعطيه كريم كراميل و11ونص اشربه مره ثانيه حليب وهو ينام ..بس بعدها كل ساعتين او 3 يقوم من النوم عشان يشرب حليب


فمااعرف جدول اكل ولدي زيين والا لاء انا مره بس عطيته بطاطا متى اعطيه شي ثاني وشنهي الاكلات اللي ممكن اني اعطي يايها؟؟
ط
طيووف
عروس رائعة
12-07-2007 | 12:20 AM
الغالية قمر قطر المفروض تطبخين حق ولدج أكل وقت الظهر

يعني كوسا مع أرز ولا بطاطس وجزر مع كم حبة مكرونه

ميلوبا بالفواكه خليه وقت العصر أحسن .

أنا ولدي عمره 6 شهور أعطية وقت الظهر أي نوع من الخضار مع أرز

وبعدهااا بساعه أعطية فواكة مطحونه في الخلاط

والعصر أعطية بطاطس مع ملعقة زبادي أو جبنه كيري

أو أرز مع ملعقة زبادي .

وإذا رقد أعطية يشرب حليب وقت المغرب أو على الساعة 8 أعطيه

خوخ مع بسكوت أو أخلط له خوخ وكمثرى مع سيريلاك

والساعه 10 أعطية ياأكل أي نوع من الخضرة مع مكرونه

ولدي من النوع إلي مايحب يشرب حليب صناعي وايد

أكثر شئ من صدري .
ا
القيوانيه
عروس رائعة
12-07-2007 | 01:47 PM
مرحباا..شخباركم؟؟

بقولكم مهاري بنتي صار لها اسبوع تقريبا ررافضه الخضروات المسلوقه ...الحين الظهر اعطيها ارز وروب والعصر فواكه والمغرب ارز بالحليب من صحه....شو اسوي معاها عشان ترجع تاكل الخضروات حررام لانه وايد مفيد ...

قمر * قطر..بسألج الروب بالفراوله والكريم كراميل الجاهز والا انتي اتسوينه؟؟؟
X