شو أكلتي ولدج اليوم؟؟

مرحبا خواتي
هلا اختي ام محمد (سميتي) انا بعد ام محمد
سمعي حبيبتي انه كنت مثلج ينيت مع الدكاتره كل واحد يقولي شي واخرتها تطلع الاعراض اللي عنده عشان التسنين بيطلع له سن والشي اللي كان يعاني منه ومتعبه ويخليه ما ينام الليل ولا يدرون عنه ولا عرفو له اخرته وديته حق اخصائي اطفال قالي انه في ربو بعيد الشر عن عيالكم
عطاني له بخار وهالسوالف وطاب الحمدالله ولين ترجع له الحاله اوديه المستشفى ومعاي التقرير مال الاخصائي وبس من يقرونه بعد ما يحتاي يفحصون يسون روحهم فاهمين يقولون انه فيه ربو وويكتبون لي الادويه اللي كان كاتبها لي الدكتور وكانو يخربطوونن علي على سوالف الاكل لا تعطينه روب ولا موز ولا برتقال ولا مادري ايش حرمت ولدي مسكين من اشياء وايد لحد ما قالت لي مرت حماي عن دكتور خاص للربو والله والحمد الله قمت اعالجه عنده صج انه كانت اتعابه غاليه بس كلشي يهون عشان حمودي فديته ولمن سالته عن الاكلات قالي ماعليج من هالخرابيط الاكل مايضر عطيه اي شي والله ريحني قمت اعطي ولدي كل شي ولا احرمه من شي والحمد الله الف مره اعتدلت صحته ولا رجع له الربو فأنصحج يا um_mohmedانج تودين ولدج لأخصائي احسن بيكون فاهم المرض وعلاجه عدل
وعشان الحديد ما فهمت ايش اللي تبينه بالضبط ياليت توضحين لي اكثر
والله يخلي لج حمودي:B_wink: