شو أكلتي ولدج اليوم؟؟

عطيت ولدي مح بيض مع جبن كيري


اكل اشوي


وبعدين ما رضى ياكل لا تفاح ولا شي الا لما رجعت سويت له الخضار

انا ولدي الصغير حمودي كنت ااكله سيريلاك اما الحين صرت ااكله مثل اللي احنا ناكله و ااكله خضرا و فواكه

ام احلى حمود...هلا الغاليه..هني وعافيه على قلب حمودي..انا لين الحين ما جربت اسوي حق مهاري روب بالفواكه لانه عندها امساك واخاف الروب يزيدها..ان شاء الله اسوي لها قريب..

مرايم السعودية..يا هلا فيج اختي...

شوووووووق..حياج الله ويانا ..بس ما قلتي لنا كم عمر ولدج؟؟

عالعشاء عطيت مهاري رز بالحليب..


اقول بغيت استشيركم..انا كنت اعطي مهاري حليب امبرس وهو من الولاده لين 12 شهر.. بس من كم اسبوع موول ماترضى تشربه يعني يادوب رقم واحد بس:sad: قلت بغير الحليب يمكن ملت منه..شريت لها اليوم سيميلاك غين ادفانس بس بعدني ماجربته لها...بغيت اسألكم حد فيكم يعطي عياله هالحليب؟؟

سلاااااام

اليوم عطيته الظهر تفاح مع برتقال مهروس

والعصر غضاار

والعشاء روب:)

القيوانيه..

اي انا عطيت ولدي سميلاك.. وايد زين ويدبدب الياهل... تلاقين لون بودرته اصفرررررر ...
بس فيه شغلة انه ثقيييل.. فاذا بنتج من النوع اللي يتمغص على اقل شيء.. او ترجع وايد لا تعطينها اياه..

بالنسبة لولدي اليوم عطيته
الفطور كورن فليكس بالحليب
والغدا أرز مع صالونة سمك خلطته وعطيته ياه
والمغرب تفاح
والعشا شوربة دجاج

البارحه عشيت ولدي

بريد مع روب

وعصير فواكه

وجربت معاه لأول مرة ربيان اكل نصها

صباح الخير
كيفكم
انا مادخلت امس بقولكم برنامج امس مع انه ما اكل شي غير الفطور ولا الباقي تناتيف
الفطور كان محلبيه عيش مع الحليب وخلطت وياه قرع مطبوخ وتفاح وموز في الخلاط
الغده خضار مهروسه مع العيش والسمكما اكل الا لقمتين
العشي خضار مهروسه مع البيض وما كمله اقل من الربع
اما السناك
سناك وحد بس
حليب فراوله
وبس

هلا والله..

شخباركم؟؟؟

اليوم جربت لمهاري حليب سيميلاك لين الحين احسها متقبلتنه وتشربه الحمد الله...ان شاء الله ما يسوي لها غازات والا امساك...

الصبح عطيتها فواكه مشكله
الظهر ارز بالحليب..

هلاااا خوااتي

انا ولدي عمره 6 شهور

اليوم الساعة 9 عطيته سيريلاك الأرز بالحيب مع ماء الزهر

والظهر عطيته غذاا خضار جزر وبروكلي مع جبنه كيري

والحين العصر بعطية فواكه مهروسه ..

انا اليوم اكلت متعب الصباح سيرلاك
واغداء بطاطا مهروس مع رز وبازاليا

بس اليوم

اذا كمل 6 شهور بصير اكثر الوجبات

على فكره تعرفون .....................الماش .................... زي العدس

افكر اسويه لولدي انا مع كل وجبه احط له كم حبه بس كنت مفكره اسوي وجبه كامله منه فياليت الي عنده فكره تفيدني

هلاا

طيووف..يا هلا فيج الغاليه...

كنده88 ..هلا وغلا حبيبتي...بالنسبه للماش والله ما ادري اذا زين ولا لاء حق اليهال بهالعمر ..انا افكر اعطي مهاري عدس بس متردده ما ادري زين الها ولاء... يا ليت اللي عنده فكرة ايفيدنا..

انا اليوم الصبح عطيت مهاري ارز بالحليب..

الغدا خضروات مسلوقه..

العشاء ارز بالحليب..

امس عالعشاء سويت حق مهاري كوسا وجزر مع الشوفان وطلع طعمه حلو والحمد الله عجبهاا..

هلا القيوانه

الشوفان احس ممكن يغص فيه الطفل ............ كيف طريقته ودي اسوي لمتعب منه ............. ..؟

انا قلت بكره بسويله قرع مع رز .............. افكر اضيف له شوفان بدل الرزايش رايكم؟

مرحبا بنات

متى اقدر اعطي ولدي الشووفان

هو عمره 4 اشهر ونصف

هلا حبيبتي كنده طريقتي هي

اسلقي الخضار الي تبين (( كوسه -جزر -بطاطس -قرع )
حطيهم بقدر مع مويه ويخليهم ينسلقووون واذا استووو حطي عليهم 3 ملاعق شوفان وقصري النار وخليهم يطبخون شوي واضربيهم بالخلالالاط وبالعافيه وجذا ماراح يغص ان شاء الله...


غلا الدوحة ..هلا الغاليه احسن لج تنتظرين شوي..انا عطيته مهاري لما كملت 6 شهور...

هلا وغلا في امهات المستقبل حبيت اسلكم

انا والدي مااكلته شي الين الحين بس رضاعه طبيعيه الحمد الله


الحين بيكمل 5شهور في تاريخ 13 وبيدخل 6شهور شوه اعطيه اول شي كبدايه


ممكت تفيدوني الله خليكم وخلي عيالكم يارب

هلا وينكم ردوا علي

ليش يقولون الاندومي مب زين ....؟؟

انا اليوم اول يوم اعطي مريوم اندومي .. بس شوي عطيتها ...

هاي بنات
كيفكم وكيف العنونات
انا اليوم اكلت ولدي الصبح سيرلاك الغدى عيش وسمك بس ما اكل وهذي ثالث يوم ما ياكل الغدى
العشى كان عيش مع خضره مطبوخه والحمد الله اكل شوي
والسناك الاول كان حليب فراوله
والسناك الثاني عطيته شوربة شوفان بالحليب مع شوية مكسرات مطحونه وحليته بالسكر وشوكلاته نستلا <<<<<<<<حشى موب سناك هذي الا عزيمه خخخخخخخخخخ بس هذي كان بدل الغدى لأنه ما تغدى ونام لما صحى عطيته اياه

حبيبتي ام الغالي
انصحج اول شي تبتدين له بالرز مع الحليب يعني ملعقه صغيره وتخلطينها مع الحليب وتجربنها له وكل يوم زيديها شوي لين يتعود
او تاخذين الرز تبع ميلوبيا وتسوين له نفس الطريقه