شو أكلتي ولدج اليوم؟؟

القيوانية
مشكوره ياقلبي

انزين عطوني أفكار حق وجبة الريوق أحس ولدي تملل كل سيريلاك شنو اقدر اعطيه غير؟؟

ريم الدماني ... هلا فيج اختي...بالنسبه للفواكه حاولي تخلطين لها نوعين مع بعض يمكن تاكل.. والا عطيها روب مع الفواكه...وتقدرين اتعاطين بنتج الكمثرى والخوخ ..بس جربي لها نوع واحد لمدة كم يوم وبعدين النوع الثاني.. والبابايا بعد واايد حلو ومفيد...


أحلام صغيرة..العفو غناتي...تقدرين تعاطينه فواكه مهروسه او شوفان بالحليب او بالتمر...وحتى سليس مغمس بحليب...


بنتي بعدها ماتاكل عدل ووايد تعبانه من ضروسها...اسوي الاكل وارميه لانه ماتاكل منه شي..

السلام عليكم ورحمة الله وبركاته

احلام صغيرة ...

في وايد افكار للريوق .. عندج سيريلاك او عندج بقصم وحليب او عندج بسكويت او حتى كورن فليكسسسس

اممم عندج كمان تقدرين تسوين له حبوب ميلوبا سواء على عسل او خضار او ارز او قمح


انا ريوق فهادي اليوم كان كورن فليكس وشوية حليب هههههه طبعا الكورن فليكس العادي الاورجينل



في أمان الله

انا ريقت ولدي بسكوووت طبعا ما كله كله...


والمغرب عطيته كيكك سويس رول بس ما عيبه لانه ما يحب السويت طالع على امه يحب الموالح يدري انه هوو سبب ولادته المبكره هههههههههههه

العشاء

عطيته رز مع بطاطا وبروكلي والحمدالله تعشا وخذله رضعه ماشاء الله وسبحته ورقدته

القيوانيه

الله يعينج على بنتج فديتها والله لا تغصبينها عسب ما تكره الاكل اهم شي تشرب الحليب الحين بتضعف بسبت هالضروس....فديتها والله..



بنات بسالكم التفاح يوم نسلقه بعدين نخلطه فالخلاط يالقشر ولا كيف.

انا اعطي ولدي بدون ما اسلقه والقشر اشله معنه هو الي فيه فايده....

و ليش نسلق الفواكه اصلن.

هل اقدر اعطي ولدي البابايا الحين؟

من كلامكم تاكدت ان كل طفل تختلف رغبته للاكل


يعني ولدي يحب الفوكه والاشياء الحلوة

ويكره الخضروات والعيش واي شي مالح

بس بالغصب احاول اعطيه

وتوه اليوم اول مرة ياكل عيش وخضرة مهروسين وما كثر منه

بنوتااات..
كيف تسوون الشوفان مع الحليب؟؟
يعني مثل الشوربه العاديه وبعدين تخلطونه
مع حليب الاطفال او كيف؟؟
ونصيحه من دكتور أطفال..
خبرني انه عشان يستفيد الطفل من الفواكه
تغلين الماي وبعدين تقشرين الفواكه وتقطعينها
وتحطينها بالماي المغلي ..يعني ما تغلينها مع الماي
بعدين نضربها بالخلاط....

ريحانتي

انا الحين اسوي مثل ما قلتي افور الماي بعدين احط الفواكه فيه..


وطبعا الصبح عطيته سيريلاك..


والمغرب....

كمثرى


والعشاء

ان شاء الله بسويله

شوفان يالخضره

اليوم ريق ولدي مثل كل يوم بسكوت في الرضعة
والغدء سويت لة بطاطس ويا جزر
ماشاء الله عجبة
والعشاء يمكن اسوي له تفاحة مفيوحة
او اعطية من المغذي موز بالزبادي

بنات ولدي عمره ماشاء الله تسع شهور ونص ينفع اعطيه دانينو بالفراوله او الخوخ ولا بعده صغير عليها ..

بناااااااااااات ممكن اسألكم سؤال

بنوتي عمرها اللحين سنه وشهرين تقريبا

لكن إلا الآن أحتار في فطورها لانها ماتحب السيريلاك ولاتحب هالأشياء المعلبه

وصرت اعطيها بريد بالجبن

وأحيانا روب (زبادي)

واحيانا بسكويت وجبن

والصراحة مااعرف غير هالأشياء ولا اعرف شممكن افطرها

ساعدوني بنات ولكم الأجر عند الله

اختكم


جود القمر

مرحبا يا امهات انا كسولة كثير ما بدخل النت كثير وانا بحب اشارك معاكم. شكرا اختي قيوانية على اهتمامك وانا بالنسبة لولدي الان عمره 9 شهور واسبوع واكلته اليوم الصبح كسترد مع حليب واحيانا بحط معاه صفار بيضة بحبه كثير وعلى الغداء معكرونه مع بندورة برضو بحبها كثير واليوم على العشا مش عارفه شو ممكن اعطيه بجوز اعطيه بطاطا حلوه مع جبنة كيري بس يا بنات ابني اكله كثير كويس بس صحته ضعيفه يعني ما بسمن والله اني بهتم فيه وبطعميه كويس بس شو السالفة مش عارفه دلوني الله يخليكم بدي الحل.

مرحبا اختي جود القمر الله يخليلك بنوتك وبالنسبه لفطورها اختي بنتك كبيرة وبتقدري تعطيها كل اشي يعني مثل بيض قلي مع خبز او رز بالحليب كثير زاكي وبحبوه اليهال ومفيد وكمان زبادي وكسترد مع حليب وساندويش مربى الفواكه . وموفقة اختي ومع السلامة

هلا عزيزاتي اعجبتني فكره الموضوع ،،، ممممممم عملت له اليوم حق ولدي عبودي ،،، موز بالتوت لذيذ وعجبه ،،، اتمنى تزورون الرابط اللي في توقيعي وتجوفون الصور والاطباق اللي اسويها علشان تستفيدون ،،،

اختي توقعيك مافيه رابط..
.
بنات بالله عليكم ردوا علي ولدي عمره ماشاء الله تسع اشهر ونص ينفع اعطيه دانينو بالفرواله اللي هو حليب وفراوله هذا من منتجات المراعي..
.

مرحبا خواتي.. اشحالكن؟؟

اسمحولي مادخلت من كم يوم كنت في بيت الوالد...

اليوم عالريوق عطيت مهاري خبز وحليب...

مشكورة اختي tamara2005
على ردك الحلو

لكن كيف هذا طريقته رز بالحليب

وعادي يعني استخدم لها الحليب العادي مايضرها ؟؟؟؟؟

ترى انا للحين مااعطيها حليب عادي إلا مع الكسترد او المهلبية البيضاء اللي بطحين الرز


وبالنسبه للخبز احسها ماتقدر تاكله لان مافيها إلا 3 اسنان من فوق و2 من تحت فماتقدر تاكله وتغص فيه
انا اعطيها بداله توست


ومشكورة حبيبتي

موضوع حلو وايد يالقيوانية ودوم أدخل اشوف شو اليديد تسلمين على هالمجهود الطيب

عندي وصفتين للريوق "الفطور"

الأولى:

خبز + حليب

خذي خبر "صمون" ونتفيه قطع صغيره وصبي عليه الحليب عشان يلين.

الثانية:

بيضة مطبوخة + طماط مقطع حجم صغير + شوي زيت زيتون

قطعي البيضة قطع صغيره "طبعا اذا كان سنة وفوق البيضة كلها واذا اقل من سنة صفار بيض بس" واخلطيها مع الطماط وصبي زيت زيتون وشوي ملح. عشان تلين الخلطة حاولي تهرسين الأكل بالشوكة.

هالوصفتين خفاف ولراح تعجب الطفل واتمنى اني افدت الجميع.

اختي جود بالنسبة للرز بحليب عادي اختي الرز المصري الي حبته صغيرة انقعيه نصف ساعة بميه ساخنة وبعدين ذوبي الحليب العادي مثل نيدو او اي حليب مجفف وبعدين خليه على نار هادية حتى يجمد شوي مش كثير ناشف وحطي معاه شوية سكر صدقيني رح تحبه كثير انا اولادي اكبر من بنتك وبحبوه كثير ومفيد. انشاءالله اكون وضحتلك الشرح وبالتوفيق. وينكــــــــــــــــــــــــــــم يــــــــــــــــــــــــا الامهـــــــــــــــــــــــــــــــــــــات

نا الحين قاعده اغديه صج تأخرت هذي مفروض عشه ...كوسه مع لجم مفروم اول مره اعطيه لحم بس قاهرني ما ياكل عقب هل تعب ..بنات عدي سؤال جم مره لازم ارضعه طبيعي وهو ياكل؟