شو أكلتي ولدج اليوم؟؟

مساء الخير...

جود القمر..هلا اختي بالنسبه للارز بالحليب ما اعرف طريقته ان شاء الله البنات يعلمونج...
وعن الخبز تقدرين اتقطعينه صغار واتصبين فوقه الحليب...وتقدرين اتعاطينها التوست بعد...


حلوين المشم...ياهلا وغلا فيج اختي ...ومشكوره على الوصفات الحلوه...لازم اجرب البيض مع الطماطم لمهاري وان شاء الله يعيبها..

tamara2005 ...مشكووره اختي على الوصفه المفيده...

أم إلياس ..هلا اختي...بالنسبه لسؤالج يعتمد على البيبي..يعني متى ما بغا حليب رضعيه...بس انتي حاولي اتقللين الرضاعه عشان ياكل عدل..

اليوم العصر عطيت مهاري فواكه مهروسه...

العشاء ارز وروب..

مشكورة القيوانية على ردك الكريم


لكن هل ينفع الحليب العادي للبنت سنه وشهرين ولا لازم حليب الأطفال الخاص؟؟


وجزاك الله كل خير

جود القمر...يا هلا الغلا...
بالنسبه للحليب انا من يوم عمر مهاري 8 شهور واعطيها حليب نيدو او ابوقوس مع الخبز عادي والحمد الله ماصار فيها شي...

مساء الخير...

وينكم اليوم؟؟؟ الموضوع راد للصفحه الثالثه...

عالعشاء عطيت مهاري خضروات وشوي ارز وروب...

والله ارسلت كذا مره اسأل هل ينفع اعطي ولدي دانينو بالفرواله او الخوخ اللي من منتجات المراعي ولا لا ولدي عمره ماشاء الله تسع اشهر وثلاث اسابيع ولا احد رد علي ..........................

اميرة الورد

والله ما اعرف شو حليب دانينو الي تقصدينه ولا جان رديت عليج الغاليه..اذا خاطرج تعطينه سمي بسم الله وشربيه ما عليه شر ان شاء الله

انا امس عشيت مروان

عيش وروب اممممممممممم نصه انا كلته هههههههه

والظهر اختي اتغديه لاني اكون فالدوام

وكل يوم بعشيه عيش ورو ب احس انه يشبع وما ينش الفليل يرضع إلا الصبح الساعه 7:30

بس ولدي ماصخ ياكل كمن خشوقه والباجي كله في ويه هههههه

™©أميرة الورد©™;4684491:
والله ارسلت كذا مره اسأل هل ينفع اعطي ولدي دانينو بالفرواله او الخوخ اللي من منتجات المراعي ولا لا ولدي عمره ماشاء الله تسع اشهر وثلاث اسابيع ولا احد رد علي ..........................

اختي انا سمعت من دكتور مختص انه الياهل معدته ماتسحمل البكتيريا الموجودة في الالبان وحتى استخدام ادوات مثل الخلاط الكهربائي الموس الحديد الي فيه يحمل بكتيريا بعد

™©أميرة الورد©™... السمووحه اختي.... بالنسبه لسؤالج عن دانينو بالفراوله او الخوخ اتوقع عادي اتعاطينهم ولدج..انا لما كملت مهاري 8 شهور كنت اعطيها منهم واعطيها كريم كراميل بعد.. بس حاولي م اتعاطينه دايما منهم لانه الطازج احسن ..يعني سوي له زبادي بالموز والا الخوخ واعطيه وان شاء الله يحبه...

عروس الموج.. يا هلا بام مروان والله...ضحكتيني انا بعد يوم اعشي مهاري عيش وروب آكل وياها لوووووووووول...وصدق يشبعهم ويرقدون عدل طول الليل..بس احس مروان بعده صغير على العيش فليل انا من كملت مهاري 10 شهور بديت اعشيها عيش وروب..حاولي اتعاطينه خضروات مع شوفان وايد مفيد ويشبع...

عالعشاء عطيت مهاري شوربه خضروات...

السلام عليكم ورحمة الله ..

أول مرة أشارك في الموضوع عجبني صراحة ..


بنتي اليوم الصبح سويت لها سيريلاك صحة وما أكلته ولا ملعقة ولا نص ملعقة ..

وكنت ماخذة زبادي للأطفال مدري المرراعي لو الصافي أكلت ملعقتين بالغلط كلهم ..

الظهر ولا شي :tears:


بالليل معكرونة وبطاطس مقلي شوووي:tears:..


والله تعبت معاها لا تقولون لي سوي وسوي لأني أسوي وينقط في الخمام الله يعزكم حرااااااام ما أقدر ..

قلت ما أدري أجرب معاها أشياء مغمسة بالحليب .. يعني هل أستخدم لها حليب مثلا المراعي المبستر ؟؟؟ ضروري أبي إجابة للسؤال مع العلم إن إبنتي عمرها 9 شهور وأسبوعين تقريباً..

أمس :

تريق ولدي روب

وغذيته طبخة اخترعتها والحمدلله عجبته " مكرونة لسان العصفور حطيت معاها صفار بيضة وجبن كيري " أفضل الجرة أطرى " ، وحطيت شوي شوي صلصة طماطم "

والمغرب تفاحة

فطور بنتي اليوم جبنه سلايس

وخبز ولبنه

وأول مرة اعطيها خبز مع لبنه لان ماعندي توست قطعته لها

والحمد لله ماصار اللي انا خايفة منه وماغصت به هههههههههههه

مع اني عطيتها اياه قبل لكن مع الصالونه بحيث يكون لين جدا

وغذاها معكرونة بيضاء


والعشاء الله أعلم العلم عند الله

هلا حبيباتي
وينكم الموضوع صاير في الصفحة الثانية

اليوم ريوق ولدي بسكوت فارليز اول مرة ياكلة والحمد الله عجبة
والغداء ماسويت لة شي
والعشاء عصير تفاح كنت ابي اسويها مهروسة بس مانضجت عدل ويوم ضربتها في الخلاط صارت عصير
والحمد الله عجبة

بنات بلليز ابي وصفات جديده بنتي عووش عمرها 9شهور

عطووني وصفات جديدة للاكلات احسها ملت من اكلي

ارجووووووووووووووووكم لاطنشون لي

عروس الدوحه...حبيبتي شوفي الموضوع من البدايه وان شاء الله بتحصلين وصفات مفيده ومتنوعه...

عالعشاء عطيت مهاري عيش وروب...

امس فطور بنتي الله يحفظها

جبن وتوست


وغذاها

رز ابيض مع بيض وطماط


وعشاها

مسقعة باذنجان

اليوم الريوق بس حليب لان شربته حليب وردينا رقدنا

الغداء
رز مع عدس وقرع +روب لازم طبعا..

العشاء

قررت اني ااكله رز +روب كل يوم عسب يكون بارد على بطنه

اليوم ولدي ريوقة بس حليب
والظهر سويت له عيش مضروب في الخلاط
وعلى العشاء يمكن اسوي لة سيريلاك او تفاحة

وبسالكم ولدي الحين بيدخل السادس
يصير اعطيه معكرونة مسلوقة ومضروبة في الخلاط

بنت النواعم... هلا حبيبتي ...عادي تقدرين اتعاطين ولدج معكرونه وحطي معاها جبن كيري بيحبه ان شاء الله..

عالعشاء عطيت مهاري خضروات مسلوقه...

مشكورة حبيبتي القيوانية
يعني عادي اعطي ولدي جبن في هالعمر
واي جبن عادي ولا لازم كيري؟