•¦×¦ :: ... لقــــاء مع العــروس (.....) تفضلـــوا ياعرايـــس وسألـــوا... :: ¦×¦•

شكرا على النصايح الحلوه
استمتعت بالقراءه

والله ايهنيج ياربي ويسعدج

الله يعطيج العافية و يجزيج كل خير ..

نصايح و لا أروع

الله يحفظج و يحرسج حبيبتي من العين :)

.
.

دوحانية:
الله يعطيج العافية و يجزيج كل خير ..

نصايح و لا أروع

الله يحفظج و يحرسج حبيبتي من العين :)

.
.

رايقه ... لميتا قطر....

الدانه...دوحانيه...


نورة قطر
الف شكر لكم على المرور والاهتمام وان شالله تكونون استفدوا ومشكورين على الدعوات

ما سوييت غير الواجب :)

قطرطر

الله يهنيج حبيبتي وان شاء الله ياربي كل ايامج سعيده
ماتذوقين ولاحزن ان شاء الله

وعروس على طووول

مس ان احلى دعوه اسمعها لحد اليوم

يعطيج الف عافيه اختي على المرور

استفدت وووووووووووايد من كلامج
ماشاءالله عليج الي يسمع كلامج يقول انج متزوجه من سنين
الله يكملج بعقلج ويرزقج بالذريه الصالحه


حبيت اسألج
انا مثلج بسكن مع اهل زوجي بس انا في الطابق الثاني يعني مابشوفهم وايد وانا من النوع الي مالبس جلابيات ولا احبهم بس ممكن اخذ كم وحده الي فيهم حركات وستايل كويتي
بس مااعرف كم وحدة اخذ

انتي شنو تلبسين وانتي قاعده معاهم

لان احس مايصلح كل شوي البس قميص وتنوره واطلع الجلالبيه بتكون اريح لي

يمكن لي عودة :gum:

elegant_QR:

حبيت اسألج
انا مثلج بسكن مع اهل زوجي بس انا في الطابق الثاني يعني مابشوفهم وايد وانا من النوع الي مالبس جلابيات ولا احبهم بس ممكن اخذ كم وحده الي فيهم حركات وستايل كويتي
بس مااعرف كم وحدة اخذ
انتي شنو تلبسين وانتي قاعده معاهم
لان احس مايصلح كل شوي البس قميص وتنوره واطلع الجلالبيه بتكون اريح لي

مشكورة حبوبه على الاطراء احرجتيني :shy:

بكرة ان شالله بتتزوجون وبتعطوني من خبراتكم :clap:

بالنسبه للبس اكيد الجلابيات بتكون اريح وحتى بتكون انسب خصوصا لو عندكم شباب بالبيت

اخذيلج بما انج عروس 4 جلابيات كشخه بالستايل الكويتي واكشخي فيهم اول 3 اسابيع لانج عروس :cool2:

بس بعدين بتتعبين منهم لانهم ثقال ومب عمليين اخذيلج تقريبا 5 جلابيات الحرير اللي توديهم الخياييط

وهم يفصلون لج عليهم دق تعرفينهم؟؟؟؟

هذي الجلابيات بتكون اريح وعمليه اكثر ... وحتى لو جاوكم ناس على الغدا خلاتهم او عماتهم تقدرين تلبسين من

الجلابيات الكشخه اللي خذتيهم ...او حتى لو زوجج رجع من السفر على الظهر تكشخين وانتي قاعده على الغدا

بهذي الجلابيات واول يوم رمضان ويوم الكرنكعوه حلو تلبسين من هذا الستايل

بس لو البيت مافيه شباب (r) .....تقدرين تكشخينلهم يعني تشترين بناطلين وجينزات

وانتي قاعده بالغرفه لبسي فوقهم بديات حبل وهالسوالف واول ما تطلعين بس لبسي قميص راقي واذا

تستحين لبسي القمصان الطويله اللي مثل السفر بتطلعين واااااااااااو (r)

الحلا مني وفيني:

فترة الخطوبة:(f)
1-نصيحتج للمخطوبات.. من حيث طريقة التعامل مع الخطيب..:smile:
والمواضيع الهامة اللي لازم يتناقشون فيها قبل الزواج..(r)
2-أحيانا اتعمد اني ما اكلم ابو الشباب كل يوم عشان يشتااق لي وما يزهق :bigsmile: فهل يضر هالشي
علاقتنا ويباعد من بينا؟:sad:
3-شنو الشي اللي تحذرين المخطوبات منه؟يعني الغلط اللي ممكن تقع فيه بدون لا تدري..:think:
4-شنو رايج في فترة الخطوبة هل توضح لج حياتنا شنو راح تكون بعد الزواج:shy:
يعني كم في المية تمثل الحياة الواقعية في الزواج >>ما عرف اشلون اوصل الفكرة انشاء تفهمين علي:cool2:
5-في رايج(( فترة الخطوبة كل ما طالت بارت)):think:
شكلي طولت عليج بالاسئلة وانشاء ما ثقلت عليج ..
(f)

:gum:

هلا حبوبه مشكورة على الاطراء يالغلا :shy:

وما شالله اسالتج تبين انج انسانه عاقله ومتزنه :clap:

السؤال الاول : بفترة الخطوبه كوني واضحه معاه لاتمثلين المثاليه قدامه خلج على طبيعتج

لانج اذا مثلتي عليه راح يجي الوقت للي بيكتشف حقيقتج وهني بتبتدي المشاكل :down:

ثاني شي الشي او الفعل اللي ما تقدرين تستمرين عليه طول عمرج لاتسويينه من البدايه

يعني مثلا مع خوات الريل مو تتصلين فيهم كل يوم كل يوم وبعد الزواج بالشهر مرة ما يشوفون رقمج

على جوالاتهم :no:

اذا صار هالشي بيقولون تغيرت علينا وهذا مب من صالحج :no:

من البدايه اتصلي فيهم مرة بالاسبوع احسن لج .... لو افعالج تكونين قليله بس تستمرين عليها افضل

من انها تكون كثيره بس ما تستمرين عليها شهر :down:

شي ثاني ممكن خطيبج يطلب منج اشياء لبعد الزواج مثلا انا بسافر ويا ربعي بالسنه مرتين وباقي

السنه لج موافقه؟؟؟

انتي بهالتره ما تعرفين اشلون احساس الزوجه اللي سافر عنها زوجها!!!! ولاتعرفين متى هالمرتين يمكن

بايام العيد يعني تخيلي زوجج بالعيدين مب موجود!!!!!!! وماتعرفين مع اي ربع بيروح ولا اي دوله!!!!!!!!

اشلون بتردين عليه؟؟؟؟ ......... قوليله الحين انا الحين ماعرف بشوف وضعي بعد الزواج بجرب

مبدأيا موافقه لاني ما عشت الوضع بس بعد الزواج بعيشه يمكن ما يناسبني :clap:

لانج لو وافقتي بيتم طول عمرة يقولج انا سالتج فتره الخطوبه وانتي وافقتي :down:

وشي وايد مهم ويمكن يغفلون عنه اغلبيه البنات ........ هلج تاج راسج من البدايه فهميه هالشي

مثل ما قلت قبل كل ما كبرتي هلج بعينه كبرتي انتي بعينه :up:

يعني مو مثلا تقولين له اي انا اخوي دايما يضربني والحين جيت انت اللي بتنقذني من الجحيم

اللي انا عايشته ......طبعا لاء :angry:

حتى لو اخوج يضربج مب لازم تذكرين هالشي ما اقولج جذبي وقولي اخوي حاطني على راسه

وعسى ما ااشر على شي الا يكون عندي اكيد لاء :no:

بالعكس قولي هذا اخوي من لحمي ودمي تاج راسي فديته والله :cool2:

خليه يحس ان وراج رياييل يعتمد عليهم .... لاتخلينه هو كل شي الاول والاخير بالعكس

يعني حتى لو اخوج سوا لج شي بسيط على طول قوليله اخوي فلان ما يقصر يعطيه الف عافيه

طلع من شغله مسكين وراح بعز الظهر والزحمه عشان يحجزلي قاعه العرس مثلا :up:

يعني حتى لو الشي بسيط كبريه بعينه.. :clap:

بالنسبه للمواضيع علميه من البدايه انه يقولج كل شي يصير معاه بس اشلون؟؟؟؟

من البدايه قوليله انا اليوم رحت هني وهني وكلمت فلان وفلان هالشكل ....انزين وانت

وين رحت ؟؟؟ بالبدايه تلاقينه جامد باجوبته بيقولج الشغل والبيت !!!!!!!

عادي لان اول مرة حد يساله هالسؤال ... خصوصا انه ما يبي يطلع بصورة اللي يعطي

التقرير اليومي حق زوجته

شوي شوي بيتعلم ... لو راح مطعم مثلا وماعجبج انتي هالمطعم مثلا خلينا نقول كله بنات

لاتتهاوشين معاه وتزعلين وهالشكل لاء خليه يطلع اللي بخاطرة بالاول خليه يتعلم انه يتكلم بدون

قيود ويقول اللي بخاطره كانه يسولف ويا ربعه او حتى كانه يسولف ويا نفسه :up:

بعد ما تكسبينه 100 %100 تقدرين تقولينله انا ماحب هالمكان ليش ما تروح المطعم الفلاني

اكله احلى واهدى ويعجبني اكثر :clap:

بس حذاري حذاري تقوليلنه كلمه ....لا... مثلا لاتقولين لاتروح هالمطعم :no:

قوليله انا ماحب هالمطعم افضل هالمطعم ياليتك تروحله :yes:

اعرفي ان اي شخص بالدنيا وخصووووووووووووووووووووصا الزوج يكره كلمه لاء

ولو صار وقلتيها بتلاقينه يعاند ويروح تعرفين ليش؟؟؟؟ يقولج ان العقل يحول كلمه لاء اول ما يسمعها

الا اي لازم تروح وبالتالي بتلاقينه يروح :sad:

بنفس الوقت لاتعلمينه انتي وين رايحه وجايه بالتفيصل الممل لانه راح يتعلم ولو صار مثلا ورحتي المستشفى

وقبل لاتروحين مريتي بيت صديقتج وخذتي منها اوراق مهمه للجامعه مثلا ... وانتي ما قلتيله الا انج

رايحه للمستفلى وبس ولما رجعتي قلتيله اي مريت بيت رفيجتي وخذت اوراق!!!!

بتلاقينه يعصب عليج لانج عودتيه تقولينله من البدايه :angry:

وحتى لو صار وما علميته انتي على التفاصيل وفجأه اسالج ليش ما قلتيلي انج رايحه لبيت صديقتج؟؟؟

قوليله في الطريق رفيجتي اتصلت وقالت الاوراق جاهزة ومريتها على طول

ولو عصب بزياده مثلا قوليله انا كنت ويا امي وطول عمري اطلع وياه مو معناته انتي تزوجت ما راح أأمن

امي على نفسي!!!!! :up:

لو كان يمشيلج معاش شهري مو تقولينله لا ما يحاتي وانا مابي ومن هالكلام!!!!! :no:

بالعكس قوليله ما تقصر وعساك على القوة لاخلا ولاعدم :clap:

علميه يصرف عليج من البدايه صدقيني الرجال اللي ما يصرف على زوجته بيدور وحدة ثانيه

يصيرف عليها

الله لايحطج بهالموقف يارب (f)

اعرفي شي مهم انتي بفتره الخطوبه تكونين باختبار طووووووووويل معاه

يعني كل شي يصدر منج او يسالج عننه بيكون داخل فنتيجه الاختبار :clap:

اذكر مرة زوجي سالني تبيني اجيب لج رقم جوال مميز والا عادي؟؟؟

الحمد لله اعرف ان زوجي عنده ان يجيب لي رقم مميز...بس انا فكرت فيها ليش احتاج رقم مميز؟؟؟

لما اتصل على اي جوال بيظهر اسمي مب رقمي صح؟؟؟؟ وهل بيجي اليوم اللي بتصل فيه على نفسي مثلا؟؟

قلتله لا ابيه عادي لا بتصل على نفسي ولا بتصل لاحد وبيظهر رقمي كل اللي بيظهر اسمي وبس

مع اني ما كنت حاطه فبالي انه يختبرني او شي طلع الجواب تلقائي

بعدين اكتشفت انه اختبار وبالعكس كبرت بعينه :bigsmile:

السؤال الثاني : بالعكس حبوبه هذا الاسلوب لازم تتبعينه طول عمرج من الخطوبه للزواج :clap:

لانه لو شافج متواجده عنده 24 ساعه وما تطلعين الا معاه وكل ما قالج نطلع قلتي ايه بيزهق منج :down:

بيقول بخاطره هذي موجودة عندي دايما خليني ادور على ربعي اللي ما احصلهم دايما ... واذا زاد وقت

بخليه لزوجتي دامنها موجودة 24 ساعه يعني باي وقت بتكون لي :angry:

فهمتي اشلون؟؟؟؟

بس لاتزيدين الجرعه عليه يعني حاولي كل يوم اشوف يوم وترك صعبه لانج ما راح تتعرفين عليه كلش

خففي المكالمات او مثلا لاتردين على المكالمه الا بعد ساعه مثلا قوليله كنت مشغوله شوي او قاعده

ويا هلي هالشكل بتكونين اوكي :up:

السؤال الثالث: مثل ما قلت قبل الاختبارات ممكن زوجج يحن ويحن ويحن على شي وانتي تصدقين

انه يبيه من كل قلبه في النهايه تلاقين هالشي اختبار وبس

مثلا زوجي كان يقولي ابي نفس هالكشخه اللي اشوفها عليج لما ازورج هني الاقيها بشهر العسل واحنا

برى :shy:

قلتله ما اقدر اكشخ بنفس هالكشخه لبرى يعني بلبس بس مو لبس ضيق او مب ساتر مثلا!!!!!

وبحط ميكب خفيف كريم اساس وكحل وغلوس ومسكرا بس مب مكياج صارخ وشادو 3 الون!!!!!!!!!

ولا راح اتعطر واتبخر هالشكل لانه ما يجوز يعتبر زنى والعياذ بالله!!!!!!!!!

وهو بالعكس كنت اشوفه يحن لاعادي بالعكس انا احب الوحدى اللي تكشخ وتلبس واللي تتعطر

وتتمكيج وانا ارفض وارفض وارفض بحكم تربيتي وديني وتعبت نفسيا من هالسالفه :sad:

بس مرة لبست له تنورة ضيييييييييييييييقه وايد ضيقه الا شافني وقالي لاتفكرين انج تلبسين هاللبس

برى البيت !!!!!!!!! عاد انا استغربت بالاول :eek2:

بعدين فهمت ان اللي كان يحن عليه مجرد اختبار... فقلتله باستعباط ولا بالسفر :think:

قالي تبيني اقص ريولج :cool2:

يعني بالاخير طلع الموضوع كله اختبار فاختبار (r)

شي ثاني بنات الخطوبه مب تجهيز وطلعه ووناسه وخطيب جاي يزورج وبس :gum:

لازم نتعلم نشوف صفات خطيبنا يعني لو كان عصبي مثلا فكري انا راح اقدر اعيش مع انسان

عصبي هالشكل طول عمري؟؟؟؟؟؟؟

غيور اقدر اعيش مع هالغيره طول عمري؟؟؟؟

يعني لما نشوف صفه فازواجنا بايم الخطوبه نفكر فيها بنقدر نعيش معاها؟؟؟ اذا لاء خلينا ننفصل

من الحين !!!!!!!!!!

يمكن تستغربون كلامي بس انا شفت بنات على الكوشه تهاوشوا وتطلقوا

وسمعت عن بنات تطلقوا بعد ما جاوبا اول ياهل :sad:

والسبب كان صفه بالزوج ما قدرت تستحملها.........انزين 6 شهور او 8 شهور خطوبه اشلون

معارفتتيه مثلا؟؟؟ امبلا كانت تعرف بس عمرها ما انتبهت لانها بتعيش هالشكل طول عمرها!!

انتبهوا يا بنات لاتقولون نخاف من كلام الناس ... انتي اللي راح تتعبين طول عمرج

بنفس الوقت مافي رجال كامل اذا فزوجج 5 صفات صعبه بتلاقين فرجال ثاني 15 صفه تقتل

انا اتكلم عن الصفات اللي لاتطاق مثلا عصبي بجنون ممكن يذبحج لو عصب عليج

وغيور كانه مريض نفسي ممكن يطلقج لو شافج ابتسمتي بالشارع

او انه يشرب...ما يصلي ...مايصوم.. تحسنه مب طبيعي

السؤال الرابع: تقريبا 10% بس :think:

تعرفين نبره صوته شكله الخارجي صوته وهو معصب وهو نايم وهو تعبان وهو متضايق

بعض الاشياء الللي يحبها واللي يكرهها وين راح تسكنين ووين بتروحين شهر العسل

امممم بعد شنو؟؟؟ اشياء عامه جدا اما الاشياء الخاصه بتكون قليله

يعني كل اللي بتعرفينه اشياء بسييييييييييييطه جدا

وبتلاقينه بعد الزواج شخص ثاني يشابهه خطيبج فبعض النواحي

وبتشوفين صفات فيه او طريقه تعامل كنتي تشوفينها قبل بالخطوبه بس ماكنتي تنتبهين لها

حياه الخطوبه وناسه وبــــــــــــــس :gum:

بس بحياتج الزوجيه بتلاقين الزين والشين الحلو والمر السهل والمتعب الدلع والقهر

بتلاقين كل شي لازم تستحميلن.. الحياه الزوجيه صعبه شوي وخصوصا اول سنه هذي

عباره عن حرب او ثانويه عامه اذا خلصتيها منها بتعيشين احلى حياه من بعدها :clap:

السؤال الخامس: بالعكس مثل ما قلت هذي احلى فتره بعمرج حلو لو تطول شوي اشوف الخطوبه لو تكون سنه بتكون الفتره مناسبه

بس بصراحه ماعندي خلفيه صحيحه يعني ما اقدر افيدج مجرد وجهه نظر انا اشوف بس عمري

ما جربت هالشي لان فتره خطوبتي كانت 6 شهور صج على اخر فتره كنت اتمنى ان العرس

يقدم اكثر بس الحين اقول لو اني طولتها كانت احسن :cool2:

بالعكس حبوبوه اسلتج اسعدتني كانت مميزة ومافيها تكرار وخصوصا انج تناولتي فتره الخطوبه

اللي ماركزت عليها انا بنصايحي :clap:

اليوم يا بنات خلصت استضافتي

ومن بكرة ان شالله بنشوف عروس جديده

حبيت اشكر بنت الغالي على الاستضافه واشكر الاخت مجد :clap:

واشكركم على الاسئله الحلوة واعذروني اذا ما جاوبت على بعض الاسئله :shy:

ان شالله اكون قدرت على افادتكم في السبع ايام الللي طافت

ومشكورين على الاطرائات والاسئله الرائعه

الله يوفقكم ويسعدكم يارب دنيا واخره

(f)

:clap: :clap: :clap:



بصراحــــــهـ اخر رد لج عحبني قريته مره ومرتين و3 .... كلامج كله صح ربي يجعله في ميزان حسناتج ويسخر لج زوجج ويرزقج بالذريه الصالحــــــهـ ان شاءالله



اختياري كان موفق ... ونعم النصايح ... أهني زوجج فيج ربي يحفظج ويخليكم لبعض


أنا بخلي الموضوع مثبت للاستفادهـ ولحين افتتاح الجزء ال2 ...



يغلــــــــق