•¦×¦ :: ... لقــــاء مع العــروس (.....) تفضلـــوا ياعرايـــس وسألـــوا... :: ¦×¦•

زينة قطر:
ماشالله البنات ماقصرو ماتم سؤال ماسالوج
بس الحين مافي سؤال في بالي ..
الله يرزقج بالذريه الصالحه ان شاء الله ..

وانا موجودة برسم الخدمه لاي سؤال :clap:

مادري إذا هالسؤال مسموح به و لا لا ..

**

بعد مرور هالمدة من الزواج ( الله يخليكم لبعض ) ..

وشو الطبايع و الصفات اللي خذتيها من ريلج .. و هو شخذ منج ؟؟

*
*

قبل العرس ..

كنتي تثقفين نفسج في مواضيع الزوج بشكل عام .. و إذا اي وشو أكثر المواضيع اللي

قريتي فيها ؟

يسلمووو ..
موضوع احلى من رائع ..
ويارب توفق عروستنا انشاء الله وجميع العرايس
سوالي ..
شعورك اول ماطلعتي انتي وياه من بيت اهلك؟؟
متى بديتي التجهيز قبل الزواج بكم وش اول شي بديتي لي ؟

دوحانية:
) ..
وشو الطبايع و الصفات اللي خذتيها من ريلج .. و هو شخذ منج ؟؟
قبل العرس ..
كنتي تثقفين نفسج في مواضيع الزوج بشكل عام .. و إذا اي وشو أكثر المواضيع اللي
قريتي فيها ؟

هلا بدحدوحه مرة ثانيه اسالي اللي بخاطرج يالغلا

السؤال الاول : خذت منه قوة الشخصيه وعلمني ما اهتم بالناس دام اني راضيه ربي ونفسي وامي

وابوي وزوجي :up:

ومع اني عصبيه وايد بس علمته على الهدوء عاد هذي مادري اشلون صارت :think:

السؤال الثاني : ما كان عندي وقت قبل الزواج للقرايه خصوصا ايام التجهيز نص وقتي للدراسه

والنص الثاني للتجهيز الله يسلمج :shy:

بس كنت احاول اقرى مقالات من النت

بس الحين بعد الزواج والتخرج قريت كتب ساعدتني واااااااااااااااااااااااايد وانصح كل بنت

تقراها قبل الزواج عشان تتفادى الاخطاء اللي طحت انا فيها وهي:

الرجال من المريخ والنساء من الزهرة <<<<< هذا الكتاب انصح فيه وبشده لازم لازم تقرونه يعلمج

طريقه التعامل مع الرجل

وكتاب دروس من الحياه للمرأة<<<<<<< هذا وايد حلو بعد توني وصاله لنص الكتاب يعلمج اشلون

تتعاملين ويا نفسج

المحادثات الصعبه<<<<<<<كتاب وايد مفيد للتعامل ويا الناس راح يفيدج وايد

تالا~:

شعورك اول ماطلعتي انتي وياه من بيت اهلك؟؟
متى بديتي التجهيز قبل الزواج بكم وش اول شي بديتي لي ؟

السؤال الاول: باول يوم زواج طبعا كنت جايه مع امي للفندق وطبعا بت هناك ويا زوجي

ثاني يوم طلعت من الفندق العصر زرت بيت ابوي طبعا اول ما دخلت شفت امي تنتضرني بوسط

الحوش فديت قلبها الله يخليها لي يارب ادعو لها بنات :shy:

وصار الفلم الهندي حضنتها لي قلت بس وحبيت راسها وتمت هي تصيح وانا احاول امسك

نفسي مابي اخرب مكياجي :bigsmile:

وبعدين طلعنا عشان نزور هله هني اول مرة اطلع وياه من بيت هلي

كان الاحساس غريب حلو ومر بنفس الوقت حسيت بشعور حلو وانا قاعده وياه بالسياره

اخيرا نا وبو الشباب ويا بعض خصوصا اني ما طلعت وياه بالخطوبه ولا مرة (r)

بس بنفس الوقت كنت احس اني مخنوقه واحس بالغربه شوي لاني رايحه لبيتهم خصوصا

انهم غرب عنا وان زوجي بيروح مجلس الرياييل وبتم بروحي وياهم وانا ماعرفهم من قبل

:sad:

السؤال الثاني:التجهيز بديت فيه من بعد الخطوبه على طول لان فتره الخطوبه كانت قصيره 6

شهور وكنت ادرس بهالوقت فنص الوقت ضايع فبديت من اول اسبوع بعد الخطوبه

ما بديت بشي محدد كنت اروح السوق واشتري اللي بخاطري

بس كنت احاول اجهز القاعه واحجزها بالاول وادفع للقاعه والكوشه والطاولات عشان اعرف

كم راح يبقى لي من الفلوس واعرف اشلون اقسمهم على المشتريات الباقيه

ما شاء الله البنات مب مقصرين في الاسئله

اشكرج عالنصايح يا قطر

والله يوفقج بحياتج الزوجيه

مشكورة حبوبة على وساعة صدرج ..

اممم الظاهر لما يكون الزوج أكبر منج يعلمج أو تاخذين منه نفس الصفة قوة الشخصية ..

لأن هذا اللي صاير معاي بعد ..

بخصوص القراية ..

و كتاب الرجال من المريخ .. انا ما قريته .. لكن كنت مسجلة في دورة للمقبلات على الزواج

والدكتور المحاضر لخص لنا الكتاب بطريقة حلوووووة وااايد ..

و عرفت اشيا ما كنت اعرفها عن كيفية التعامل مع الزوج ..

- إن شاء الله إذا لقيت وقت باحاول أسوي دورة في نفس الموضوع -

:) مشكووورة مرة ثانية ..

وردة الشتاء الفولاذيه:
ما شاء الله البنات مب مقصرين في الاسئله

اشكرج عالنصايح يا قطر

والله يوفقج بحياتج الزوجيه

مشكورة اختي على المرور والدعوه ننتضر اسئلتج :clap:

دوحانية:
مشكورة حبوبة على وساعة صدرج ..

اممم الظاهر لما يكون الزوج أكبر منج يعلمج أو تاخذين منه نفس الصفة قوة الشخصية ..

لأن هذا اللي صاير معاي بعد ..

بخصوص القراية ..

و كتاب الرجال من المريخ .. انا ما قريته .. لكن كنت مسجلة في دورة للمقبلات على الزواج

والدكتور المحاضر لخص لنا الكتاب بطريقة حلوووووة وااايد ..

و عرفت اشيا ما كنت اعرفها عن كيفية التعامل مع الزوج ..

- إن شاء الله إذا لقيت وقت باحاول أسوي دورة في نفس الموضوع -

:) مشكووورة مرة ثانية ..

انا معاج بنقطه ان الرجال لما يكون اكبر منج يقوي شخصيتج :clap:

وبالنسبه للدورة اي والله ياريت تفيدين البنات وتذكرينا شوي بالكتاب :shy:

مشااااااء الله شخصيتج متزنه الله يحميج قطوره من العين


سؤالي لج كل انسان يعرف انه فيه مواطن جمال ومواطن العكس هل مره حسيتي انه متضايق اوحسسج بأن هالشي مب حلو فيج او مايعجبه, اذا ايه اش شعورج وشلون تتصرفين .

سؤالي هل التكشخ الدايم والعطر الدايم يملل الزوج ولا تنصحينا انه مانهمل العطور.


ابي اسألج بس خايفه يكون محرج بس والله احاتيه شلون تصرفتي اول مره جاتج الدوره هل قدرتي تقولين له الدوره معاي ولا في طريقه اهون والله احاتي الموضوع وانا من النوع اللي يطيح بالفراش بالدوره والمشكله تاريخ العرس بوقتها شسوي مادري


سمعت انه قمصان النوم الحرير والستان يفضلونها الريايل على الشك والمكياج الثقيلفبحكم خبرتج هل هي اللي اكثرها


اخر سؤال مرااات يجيني شعور ودي اذبح خطيبي معنه ماسوا شي ولما يقولي احبج احس باشمئزاز ونرفزه هل هذا طبيعي ولا انا فيني خلل

ذهب55:

سؤالي لج كل انسان يعرف انه فيه مواطن جمال ومواطن العكس هل مره حسيتي انه متضايق اوحسسج بأن هالشي مب حلو فيج او مايعجبه, اذا ايه اش شعورج وشلون تتصرفين .

سؤالي هل التكشخ الدايم والعطر الدايم يملل الزوج ولا تنصحينا انه مانهمل العطور.

شلون تصرفتي اول مره جاتج الدوره هل قدرتي تقولين له الدوره معاي ولا في طريقه اهون

سمعت انه قمصان النوم الحرير والستان يفضلونها الريايل على الشك والمكياج الثقيل فبحكم خبرتج هل هي اللي اكثرها

اخر سؤال مرااات يجيني شعور ودي اذبح خطيبي معنه ماسوا شي ولما يقولي احبج احس باشمئزاز ونرفزه هل هذا طبيعي ولا انا فيني خلل

احرجتيني باطرائج :shy:

السؤال الاول : بتلاقين الجواب بسؤالج ... كل منا فيه مواطن جمال وفيه عيوب.. واذا انتي فيج عيب تاكدي ان

زوجج بعد فيه عيب ... وانه مستحيل يلاقي مرة او حتى انسان بهالدنيا خالي من العيوب... خلي ثقتج بنفسج

كبيره سواء مع زوجج او مع الناس :clap:

اذا قالج شي او انتقدج فصفه من الصفات بطريقه الغشمرة عادي اخذيها بروح رياضيه واضحكي مثل يادبه او دبدوبه

بس اذا قالج شي بطريقه تجرح او تضايق قوليه لاتقولي هالشي تراني اتضايق منه :sad:

السؤال الثاني : بالنسبه للكشخه لازم تهتمين دايما بكشختج ونظافتج لان هالاشيا تهم الزوج وايد لاتخلينه يشوفج مبهدله او

مب نظيفه ممكن في بعض الاوقات تتخلين عن العطور او المكياج بس لاتتهاونين بالترتيب والنظافه يعني ممكن اليوم

ما تحطين ميكب وما تتعطرين بس شي اكيد انج لازم تلبسين قميص نوم راقي وترتبين شعرج وتستعملين ديودرند :up:

الظهر حاولي تلبسين بناطلين وبديات او تنانيير قصيره واستشوري شعرج

وحطي ميكب خفيف كريم اساس خفيف كحل ومسكرا روج وشويه بلاشر وتعطري بعطر فرنسي او عربي

العصر حاولي تلبسين قمصان نوم قطن تجي نفس قميص النوم العادي قصير وحبل بس قطن او شورتات هالشكل

باللليل لبسي قميص نوم وحطي بدي لوشن خفيف مثل استلودر القديم وستيلا وجادور ولاتكثرين مسحات على الرجل

واليد والرقبه عند منبت الشعر

وحطي شويه مسك ابيض للجسم من عند القرشي تحت اذنج او دهن عود بس ابتعدي عن الروايح القويه

والعطور الفرنسيه :down:

السؤال الثالث: بالنسبه للدورة لاتحاتين حبوبه كل ما يقرب العرس راح تتقربون من بعض اكثر واكثر

والكلام عن الدورة بيكون شي عادي.... اذا جاتج الدورة هو راح يعرف من نفسه لاتحاتين :gum:

بيشوف الكوتكس بالحمام.... وذاا ما عرف وقت الصلاه بيقولج تعالي صلي قوليله ما علي صلاه وبيفهم

الرياييل يعرفون هالسوالف ما عليج لاتحاتين :dd:

السؤال الرابع: عموما الرجال بطبعه يحب التغيير .... وبما انج عروس جديده حاولي تشترين من كل نوع

قصير طويل ستان حررير تور شفاف شورت كورسيه .... بعد العرس بتعرفين ذوقه :smile:

بس شي مهم انج تطلعين كل يوم بلوك يعني اليوم طويل وشفاف وشعرج مرفوع .... بكرة قصير وغامق وهدي

شعرج ... اليوم روج غامق بكرة فاتح هالشكل

وشي ثاني لاتكثرين من قمصان النوم الغريبه لانها ما تعجب كل الرياييل يعني مثلا الكورسيه اللي يجي معاه

دلاغ طويل وينربط بنهايه الكوسيه عرفيته؟؟؟

هذا ما يعجب بعض الرجال :down:

والسبب لان له معنى مب حلو معنى التحكم فهمتي اشلون :think:

وبنفس الوقت هذي القمصان مب مريحه في النوم انتي فكري انج راح تنامين بقميص النوم مو بس تكشخين فيه

ممكن تشترين هالاشكال للمناسبات بس لاتكثرين منها

لاني اعرف وحدة شرت تقريبا نص قمصان النوم اللي عندها كورسيهات وفي النهايه قطتهم كلهم تقول ما اقدر انام فيهم :down:

وبعدين الرجال يحب قميص النوم الهادي يعني ما يحب القمصان اللي فيها شك وخرابيط و4 قطع فوق بعض :no:

وبعدين مو تشترين كل قميص نوم ومعاه الستيان والهاف لانج ماراح تستغلين الستيانات :no:

اطقم الستيانات والهافات اخذيهم عمليين يعني يكونون باشكال حلوة وراقيه بس عمليه وبعد الزواج لاتلبسين

الستيانات والهافات الا تكون اطقم يعني مو تلبسين الهاف اسود والستيان وردي :angry:

بالنسبه للمكياج الريال يحب المكياج الهادي اللي يبرز جمالج نفس المكياج اللي نشوفه على المغنيات اللبنانيات :yes:

بالليل حاولي تعلمين زوجج على نور الابجورة يعني ونتوا تشوفون تلفزيون طفي كل الليتات وقعدي على نور الابجورة

منها جو رومنسي :shy: ومنها ترتاحين من المكياج يعني حكل وروج بيكفون وزياده

ممكن اذا جايه من عرس وحاطه مكياج ثقيل تقعدين فيه وحتى تلبسين قميص النوم مع هالمكياج كنوع من التغيير

بس اقصد بالمكياج الثقيل اللي تكون الوانه غامقه اسود واحمر هالشكل

مو اللمكياج بو شخوط وخطوط وسمج وطاووس ونقش بيضحك عليج هالشكل :dd:

السؤال الخامس شوفي حبوبه مهما صار ومهما كان الزوج رجال غريب ....

يعني لو تتهاوشين مع اخوج هوشه عده لاسمح الله بتلاقين نفسج بعد دقيقه تسولفين معاه وقلبج راضي عليه :clap:

بس مع زوجج لو اختلفتي معاه خلاف بسيط تلاقين نفسج ماتطيقينه :angry:

يمكن انتي دلوعه حبتين :cool2:

لاتكبرين المضوع وايد ولاتضيعين احلى فتره من عمرج بالزعل على اسباب انتي اصلا ما تعرفينها

اخاف يجي اليوم اللي زوجج يزهق فيه لانه مب عارف سبب زعلج عشان يراضيج :smile:

ما شاء الله عليج أختي الغالية (f)

ربي يحفظج من كل سوء ويوفقج ويسعدج ويهنيج بحياتج الزوجية دايما يارب

ويرزقج الذرية الصالحة إلي تقر بها عينج أنتي وريلج

والشكر موصول لخواتي الغاليات بنت الغالي ومجد

ربي يوفق ويحفظ الجميع (f) .

أمل 2005:
ما شاء الله عليج أختي الغالية (f)

ربي يحفظج من كل سوء ويوفقج ويسعدج ويهنيج بحياتج الزوجية دايما يارب

ويرزقج الذرية الصالحة إلي تقر بها عينج أنتي وريلج

والشكر موصول لخواتي الغاليات بنت الغالي ومجد

ربي يوفق ويحفظ الجميع (f) .

مشكورة يالغلا على الدعوه احرجتيني :shy:

دى اول مشاركه ليه معكم وانا مبسوطه جدا بفكرتكم انا مخطوبه من اربع شهور ولسه فتره على زواجى وبالرغم من كده قلقانه ومتوتره لانى مش عارفه ارتب اولوياتى

mmora:
دى اول مشاركه ليه معكم وانا مبسوطه جدا بفكرتكم انا مخطوبه من اربع شهور ولسه فتره على زواجى وبالرغم من كده قلقانه ومتوتره لانى مش عارفه ارتب اولوياتى

هلا بج اختي :clap:

بس مافهمت ايش تقصدين باولوياتي؟؟؟

بنات حبيت اعطيكم نصايح شويه في تعاملكم ويا ازواجكم

اول شي حبيت اقوله انتوا مقبلين على حياه جديده تختلف كليا عن حياه البيت العزابيه

وحياه الوحدة المخطوبه

يعني في تصرفات كثيره ما راح تعجبكم من ازواجكم او اهل ازواجكم فاشلون نتعامل ويا

هذي المواقف.؟؟؟؟ :think:

اول شي اهل الزوج

دايما حطي بينج وبينهم خط احمرلاتخلينهم يعدونه ..يعني ممكن تصدر منهم

تصرفات ما تعجبج مثلا يفتحون عليج باب الغرفه من دون استئذان!!!!

هالشي صار مع وحدة اعرفها ايش الحل؟؟؟؟ بتقولين حق ريلج هلك افعلوا وبيروح يتهاوش

وياهم؟؟؟والا بتتهاوشين وياهم؟؟؟

فكري فيها هم مادخلوا غرفتج الا محبه فيج يعني في وحدة تكره وحدة وتروح تقعد معاها

بالغرفه !!!!!! طبعا لاء

الحل يكون بأول مرة يعني اول مرة يدخلون عليج من دون ما يطقون الباب قوليلهم بصوت عادي

وانتي مبتسمه انتوا هني ترى انا خفت شوي ما توقعت حد في الغرفه انتوا طقيتوا الباب؟؟

غريبه انا اشلون ما انتبت؟؟؟ :shy:

هالشكل لاتعطينهم مجال يقولون لاء احنا ما طقينا عشان ما تحرجينهم وعلى طول افتحي موضوع

عقب هالجمله مثلا... تشربون شي؟؟؟ او عندي كافي جديد تفضلوا جربوه

بهالطريقه ما تدخلين زوجج بسالفه مالها داعي وبنفس الوقت طلعتي محترمه ومتربيه صح

لانج ما تهاوشتي وبنفس الوقت كسبتيهم :clap:

شي ثاني انتي بعد العرس على طول بتجيج سلسله انتقادات ليوم العرس لاتردين عليها بالمره

عادي اسمعيها كانها سالفه عاديه وابتسمي لهم صدقيني راح يقدرون هالشي بعدين :smile:

وبالنسبه لللامور الخاصه الي بينج وبين زوجج بتلاقين بعض من اهل الزوج يسالونج عنها

هم ما يقصدون شي لانهم يشوفون ان هذا اخوهم او ولدهم وشي عادي يسالون عنه

بس ممكن يسالونج اساله تكون خاصه شوي لا تعودينهم من البدايه نج تردين على الاسئله الخاصه

يعني مثلا مرة ادخلوا علي اهل زوجي علي الظهر بيوم الجمعه بعد ما راح زوجي للمسجد

وكنت قايمه الصبح وسابحه الا شافوا شعري مبلول قالولي ليش شمسويه انتي اللي متسبحه

من الصبح؟؟؟ :gum:

انا فهمت قصدهم بس استعبطت قلت انا كل يوم الصبح اسبح ماعرف اقوم وطلع بدون سباحه

وكنت اقولها عادي بطريقه عاديه بدون اي انفعال كاني اقولهم حقيقه عني :up:

ممكن لو عندج خوات زوج مب متزوجات راح يسالونج عن حياتج الخاصه ويا زوجج هذي

اول شي حرام شرعا تتكلمين عن هالمواضيع قدام اي حد ثاني فتجنبي الرد من البدايه :yes:

اذا عندج اخوان زوج اعمارهم قريبه من عمرج لاتحتكين فيهم وايد لان الزوج يغار وايد من اخوانه

خصوصا اللي تكون اعمارهم قريبه من عمرج :down:

وبتلاقين الناس الملاقيف يسالونج عن حياتج الخاصه واشلون شعورج بعد الزواج

اقصد من ناحيه الحياه الخاصه بينج وبين زوجج حاولي تتجنبين الاسئله ذي او

حاولي تبتسمين وكانج تستحين من هالمواضيع ولاتردين ابدا :cool2:

واهم شي اللي تسمعينه من هالاذن طلعيه من الاذن الثانيه لاتشيلين بخاطرج وايد

بس اي حد يمس كرامتج او يحاول يتحكم فيج او يمس كرامه هلج لا تخلينه ردي عليه :angry:

من اول مرة حتى لو كان زوجج لانج لو سكتي من اول مرة وعديتيها بيكررونها 1000 مرة

واذا عندهم اطفال صغار لاتعلمينهم يدخلون غرفتج كلش ... لان الصغار ما يعرفون يتعاملون

مع الكبار تلاقينهم 24 ساعه قاعدين وياج بالغرفه واذا قلتيلهم اطلعوا والا شي بيزعلون

او بيوصلون الكلام لاهل ريلج وتسببين حساسيات :down:

لو عندج صاله اي اوكي خليهم يججون يقعدون عندج بس غرفه النوم لاء

ولاتلبسين قدامهم ملابس قصيره او شفافه لانهم مايعرفون وراح يوصفونج للرياييل الكبار

الغرب :down:

اما عن الزوج:

اول شي لازم تتقبلينه كما هو وما تحاولين تغيرين فيه شي

شوفي نفسج ايام الخطوبه ..تشوفين ريلج كامل والكامل الله صح؟؟ :yes:

بس بعد الزواج تبتدين تعاشرينه صح وتطلع عيوبه

هني بتحاولين تغيرنه ... وهني راح تبتدي المشاكل

الريال ما يحب يكون مثل الطفل اللي تعلمينه انتي الصح والغط كانج امه

تقبلي كما هو بالاول .... وبعدين حاولي تغيرينه بس بدون ما تبينين له

انج قاعده تغيرينه يعني بطريقه غير مباشره (r)

يعني مثلا لو زوجج عصبي لاتحاولين تغيرينه مثلا وتقولين له:

انتي عصبي ولازم تتغير وهذا مو صح وانا احب اشوفك هادي

والناس بتنفر منك!!!!!!!!!!!!

لاء حاولي تجيبينها بطريقه غير مباشره يعني مثلا يوم تشوفينه معصب

قوليله اشفيك معصب هدي شوي واذا بدا يتناقش معاج بعصبيه مثلا

قوليله انا ما اعرف اسمع حد يصارخ بهالطريقه اهدى شوي وبعدين كلمني

واذا شفتي صوته علا عليج قوليله انا اسمع اشفيك تصارخ؟؟؟ :smile:

لاتخلينه يرفع صوته عليج من اول مرة جيبيها له بطريقه غير مباشره

مثلا قوليله صوتك عالي لاتزاعق انا اسمع قوليها بصوت عادي

لاترفعين صوتج او تحمرين عيونج لاء خلج عاديه وكلمه بصوت

شوي واطي بتلاقينه يوطي صوته معاج :smile:

او قوليله انا مصدعه واذني تعورني وصوتك عالي ارجوك لاتزاعق

وبنات حذاري حذاري يرفع ايده عليج يمكن وحدة من 1000 بنت

بتلاقي زوجها يرفع ايده عليها ... لاتخلينه اول ما تشوفينه يرفع ايده امسكيها

لاتقولين ما اقدر عليه هو اصلا يوم يشوفج مسكتي ايده بيستحي من اللي سواه

واذا ما قدرتي حاولي تبتعدين لاتخلينه يظربج انتي انسانه مو شي ثاني عشان يضربج

انتي جيتي من بيتج معززة مكرمه ما جيتي عشان هو يضربج!!!!!!!!! :mad2:

بنات كل شي ممكن تتغاضين عنه او تستحملينه الا الضرب لا تتهاونين فيه من اول مرة

امسكيه او ابتعدي عنه واذا شفتيه ضربج صج على طول الجأي لهلهج تذكري

اللي ضرب مره راح تاخذ ايده وراح يضربج 1000 مرة :sad:

مو تستحين من هلج بالعكس هو الي مفروض يستحي مو انتي

لازم تعرفين ان طبع الزوج يختلف عن المره يعني ممكن تشوفين زوجج ساكت ... اكيد بتقولين هذا

عنده مشكله او زعلان مني مثلا بس السالفه مب جذي السالفه وبكل بساطه ان الزوج ماعنده

سالفه يتكلم فيها :clap:

شي ثاني ممكن تعبرين لزوجج عن حبج له بالمكلام الحلو او المسجات او تكتبين شعورج

ببطاقه على هديه بس تلاقين زوجج ما يسوي لج شي من هذي الاشياء هل معناته

ما يحبج؟؟؟ طبعا لاء الرجال وخصوصا الزوج يعبر عن الحب بطريقه الجنس

هذي معلومه اغلبنا ما يعرفها :cool2:

شي ثاني ممكن تسالين زوجج عن شي مثلا عن عياده جلد تقولين له انا بروح العياده الفلانيه

بس شكلي خايفه شوي منها بروح العياده الثانيه انتي ايش رايك اروح هالعياده او هالعياده

بتشوفينه يسكت فتره بعدين يقولج روحي هذي العياده :gum:

الحين وانتي قرين بتشوفين الموضوع عادي بس يوم تعيشين الحدث بيقهرج سكوته وبتقولين

انزين ليش ما يناقشني ويقولي مثلا :هذي العياده احسن لانها ... ويعطيج الميزات

ولا تروحين للعياده الثاينه لانها .... وبعطيج المساؤى

والا اقولج روحي الياده ذي بتلاقينها احسن والا تدرين العياده اللي راحتلها امي احسن منهم

باختصار الرجال يحب يعطيج القرا ر النهائي مرة وحدة عشان جذي تشوفينه يفكر بعدين جاوب

ويجاوب مرة وحدة وبس :clap:

مو مثلنا يالحريم 600 راي فدقيقه :dd:

لاتنقهرين ولاتزعلين هذا طبع كل الرجال (f)

بالمقابل لو اسلج الزوج مثلا وين حابه تتعشين... هو ما سالج الا لانه يبي يسمع

اختيارج يعني ما يبيج تقولين له مادري على راحتك لو اسالج يبيج انتي

اللي تختارين .. :shy:

ولو زوجج قالج مثلا انا حجزت وبنسافر الدوله الفلانيه او

حجزت فندق وراح نبات ليله هناك او شرا لج هديه غاليه

لاتقولين له لاء لازم نوفر فلوسنا ورانا مصاريف عيال ومسؤوليه!!!!!

الرجال لما يبي يستانس ويبي يصرف فلوسه ما يحب حد يخرب وناسته

واذا ما صرف عليج راح يصرف على ربعه وراح يسافر معاهم :eek2:

بس لازم بنفس الوقت توازنين يعني لو جابلج شي جاهز هديه او سفره محجوزه

خلاص بالعكس بيني له انج مستانسه من الهديه وافرحي واستانسي فيها

بس لو مثلا لو رحتي السوق وشفتي ساعه وايد غاليه ومثلا قلتيله شوفها حلوة ..

. وقالج تبينها خلينا نشتريها لج وانتي تعرفين انها وايد غاليه

هني ممكن تقولين له لاء ما يحتاي خلنا نحط اللفوس فالبيت مثلا احسن

او اي الساعه حلوة بس ما تسوى... :gum:

طبعا المصاريف الرئيسيه خليها على الزوج حتى لو انج تشتغلين وعندج فلوس

اطلبي منه فولس للعيد مثلا خليه يحس انه مسؤوول عنج وطبعا طبع الرجال

الشرقي يحب انه يكون رجال البيت واللي يصرف على زوجته حتى لوعندها

ممكن لو زوجج من النوع اللي يتقبل المساعده انج تساعدينه بالديون

بس لو تعرفين ان زوجج ما يتقبل لاتحنين عليه وتعرضين المساعده

ترى بهالطريقه تجرحينه وتكسرين كبرياءه وبتحسسنه انه مب رجال :down:

شي ثالث يوم تزعلين من بو الشباب وحتى لو هو اللي غلط بحقج لا تنتظرين منه كمله اسف

لانها صعبه عليه

ولاتفكرين ان الدنيا فلم رومنسي وان زوجج بعد شوي بيدخل عليج بوردة حمرا وبيقولج سامحيني

انا دايما اغلط بحقج !!!!!!!!!!! :no:

اذا سواها لج مرة او مرتين بتلاقينه بعد 10 مرات بيزهق

فلا تخلينه يوصل لمرحله الزهق ولا تتعاملين معاه بهذي الطريقه :no:

يعني لو زعلتي منه او زعليته وطلع وبعد شوي رجع خلاص تكلمي معاه عادي وكان شي ما صار

خلاص خلي الامور بينكم سهله لاتعقدين الامور عشان ما يزهق منج

وابتدي معاه هالشي من البدايه من شهر العسل :up:

طبعا انا ما اتكلم عن المشاكل الكبيره هني انا اتكلكم عن السوالف البسيطه

اما المشاكل الكبيره واللي تاثر فيج لاتخلينها تعدي وبنفس الوقت تتم بخاطرج لانج راح

تراكمين الامور والمشاكل على بعض وبعد فتره بتنفجرين فيه مرة وحدة

حاولي تحلين المشاكل وتطلعين اللي بخاطرج وحدة وحدة واول باول :up:

شي ثاني ساعا الوحدة فينا تقعد من اسبوع تخطط ليوم رومنسي وتقععد تشتري اغراض وتسوي

وترتب فهالغرفه وتحط شموع وتحف جسمها وتتعطر وتسوي شعرها ومكياج وخرابيط

في النهايه ما تلاقي الرد اللي يبرد خاطرها من ريلها !!!!!!!!!! :sad:

وتزعل وتتحطم وتعصب وتصيح :cry:

شوفي يوم تسوين ليله رومنسيه دايما قولي لنفسج انا اسوي عشان نفسي كفايه اني

ادخل الغرفه واشوفها بشكل ثاني كفايه اني يوم اشوف نفسي بالمنظرة اشوفها

بشكل حلو يعني انتي لما ترتبين ليله رومنسيه رتبيها لنفسج بالاول بعدين لزوجج

ودايما تخيلي رده فعله تكون وسط يعني لاتتخيلين مثلا ان زوجج الحين بيدخل

وبيقولج حلو وروعه وليش متعبه نفسج وعيونه تنترس دموع وبيحضنج وهالشكل

عشان ما تتحطمين لو ما صار اللي تخيلتيه :smile:

وبنفس الوقت لا تتخيلين انه بيدخل وبيعصب على ريحه العطر الزايده بالغرفه

لانه مصدع مثلا او انه بيحط راسه وبيرقد بدون ما يلتفت عليج

لانج لو تخيلي هالشكل ودخل وقالج حلو مثلا انا اليوم تعبان ومحتاج لشي من

هالنوع .... راح تعتبرين الموضوع وايد كبير يعني انتي شوفي اشلون

متخيله الوضع واشلون تحقق على ارض الواقع ... اكيد راح يستغرب

من رده فعلج وبيقول هذي مو طبيعيه

خلي رده فعلج وسط !!! :clap:

ويوم يسافر زوجج مثلا مع ربعه لاتقولين له لاء ولاتروح وليش ما تروح معاي

وانتي ما تحبني ومن هالكلام!!! لاء خليه يروح يستانس شوي الرجال اذا

كان من النوع الللي يحب يسافر ويا ربعه ليش تحرمينه؟؟؟ :angry:

خليه يروح يسافر ويرجعلج فرش بس لايبيخها كل يوم والثاني سفر

ودايما خلج الانسانه اللي يعتمد عليها فحياتج خليج ذراعه اليمين حتى باشيا ء

بسيطه .. :z_clap:

ممكن مثلاتكون هذي الاشيا البسيطه شنطه ايدج اللي شايلتها بالسفر

حاولي تحطين فيها كل شي تحتاجينه انتي او هو

فاين عادي وفاين معطر عود اسنان علوج بولو دهن عود.........الخ

يعني حاولي تكونين له سكرتيرته الخاصه اللي ماشيه معاه

وشايله كل شي يحتاجه هو فهتي اشلون؟؟؟

بالنسبه لنفسج:

بنات اهم شي الدين مو عشان الريل تاخرون صلاتكم او تنسون قرايه

القران لان هالعبادات تقربج من ربج وريلج :yes:

مو معناته انج تزوجتي خلاص تنسين نفسج وحياتج الخاصه لاء

ضيفي زوجج لحياتج بس ...لاتلغينها عشان زوجج

يعني مب يوم تتزوجين تنسين هلج وربعج وشغلج عشان زوجج

اهم شي هلج هم تاج راسج كل مارفعتيهم بعين ريلج

بتلاقينه يرفعج ويعزج

بعدين بنات مو كل شي للريل !!!!!!!!! :no:

يعني يوم تسويين تنظيف بشره او بديكير ومنيكير قولي انا اسوييهم لنفسي

اسوييهم عشان يوم اشوف نفسي بالمنظرة اشوف نفسي حلوة

يعني لو زوجج ما يهتم بالمانيكير والباديكر هل معناته خلاص انج ما راح

تسويين مانيكر وباديكير بالعكس دلعي نفسج اذا انتي ما دلعتي نفسج اشلون

تبين الناس يدلعونج؟؟؟ :think:

اذا انتي ما حطيتي اعتبار لنفسج وسوييتي كل شي لريلج اشلون تبينه

يحط لج اعتبار؟؟؟ :think:

اهتمي دايما بنفسج اقري كتب وثفي روحج خليه يشوف قدامه مره مثقفه

حاولي الصبح تقرين على الاقل العنوان الرئيسيه بالجريده عشان

يوم يتكلم عن حدث سياسي تكونين بالمود معاه :clap:

او حاولي تقرين شريط الاخبار على الجزيره وحاولي

انتي تخبرينه حتى لو بمسج مثلا حط على قناه الجزيرة لقاء مع

فلان الفلاني مثلا او سمعت عن الخبر الفلاني ؟؟؟ :cool2:

حتى لو انج ما تعرفين بالموضوع وايد بس على الاقل فتحي

الموضوع وخليه يتكلم فيه وحتى لو هالشي مب من اهتمامج

حاولي تسالينه عن الاحداث السيايسه او الرياضه مثلا

شوفي ميول ريلج وين وحاولي تكونين مع الحدث :up:

اهتمي بكشختج ومظهرج قدام الناس ولا تقولين لاء تعب والا ما يحتاي

حتى وانتي قاعده بروحج بالغرفه استشوري شعرج وكحلي عيونج

ولبسي لبس مريح وحلو بنفس الوقت عشان لامريتي قدام المنظرة

تشوفين وحدة حلوة هي انتي وتزيد ثقتج بنفسج :shy:

لا تتعلقين وايد بالريل ولاتخلين نفسج مثل ظله اي مكان يروح

تلزقين فيه خليه يشتاق لج وللطلعه معاج

ولاتكونين ضعيفه مالج راي لو شفتيه يغلط بشي قوليله هذا غلط

مو تايدين كل شي يقوله...بهالطريقه بيحسج انسانه ضعيفه

ومافي حد بالدنيا يحب يعيش مع انسان ماله راي وضعيف :no:

احب اني اقولكم وايد استمتعت باسئلتكم واسعدتني الاستضافه هذي وايد

الف شكر لبنت الغالي ومجد ولكم خوتي على الاسئله اتمنى اكون افدتكم

واي خدمه ثانيه انا حاضره :shy:

يعطيج الف الف عافيه اختي قطر 221 عالنصايح الاكثر من رووووعه واللي بجد بتفيد شريحه كبيره من البنات المقبلات على الزواج وحتى المتزوجات

ربي لايحرمنا منج ولا من نصايحج

والف شكر لج يالغاليه

يعطيج الف عافيه اختي تايم اوت على المرور

شكرا على النصايح الحلوه
استمتعت بالقراءه

والله ايهنيج ياربي ويسعدج