•¦×¦ :: ... لقــــاء مع العــروس (.....) تفضلـــوا ياعرايـــس وسألـــوا... :: ¦×¦•

الله ونااااسه

توني طايحه عالموضوع ...

وين سويتي حفلة الخطوبة ؟ووين سويتي فستان العرس ؟


وين رحتي شهر العسل ؟جاب لج اي ساعه بصباحيتج؟
تشتغلين ولا ؟ ومتى تخرجتي ؟ وشنو كان تخصصج؟((( اشدخل )))


متى اول مرة قلتيله احبك او حبيبي وشنو ردة فعله؟


بمللج بالاساله بس صبري علي ودي انام الحين ..

احترت في اسمي:

الله ونااااسه

توني طايحه عالموضوع ...


وين رحتي شهر العسل ؟جاب لج اي ساعه بصباحيتج؟


[COLOR="DarkOrchid"]بمللج بالاساله بس صبري علي ودي انام الحين ..

najmat " sama2:

1- أول لما رحتــى بيت الزوجيـة بى ايش حسيتـــى ’؟
2- وين قضيتــى شهــر العســل ؟
3- كيف قضيتـــى شهــر العسل يعنــى اوصفلـى احســاسكــ كيف

هلا حبوبه

السؤال الاول: اول مرة ادخل بيت زوجي صحت وايد حسيت اني فمكان غريب :cry:

السؤال الثاني: شهر العسل كان باوروبا

السؤال الثالث: شعور حلو وغريب بنفس الوقت اني مسافره ويا خطيبي بروحنا :shy:

وبنفس الوقت تكونين مشتاقه لهلج بشكل غريب يعني نا اول يوم كان عادي وثاني يوم

بعد بس ثالث يوم قمت اصيح بطريقه هستيريه :cry: كل ذي شوق لهلي مع اني ما قصرت

كنت اكلمهم كل يوم الله يعين بو الشباب على الفاتورة :dd:

احترت في اسمي:

وين سويتي حفلة الخطوبة ؟ووين سويتي فستان العرس ؟
وين رحتي شهر العسل ؟جاب لج اي ساعه بصباحيتج؟
تشتغلين ولا ؟ ومتى تخرجتي ؟ وشنو كان تخصصج؟((( اشدخل )))
متى اول مرة قلتيله احبك او حبيبي وشنو ردة فعله؟
COLOR]

[COLOR="Sienna"]السؤال الاول: حفله الخطوبه كانت في البيت

السؤال الثاني: كلود

السؤال الثالث: مثل ما جاوبت قبل باوروبا :shy:

السؤال الرابع: شوبارد (f)

بالنسبه لللاسئله الباقيه اعفيني من الاجابه لاني اشوف انها ما تخص الموضوع اللي نتكلم

عنه وهو تجهيز العروس

اسفه حبوبه
اي سؤال ثاني انا حاضره :shy:

[

رايقــــة:

عندي احساس عطاها شي غير الساعة
يعني قولي اشجاب لج في صباحيتج ؟؟؟:shy:

يا عيني على تصحيح الاسئله وانتي :up:

بس المشكله احساسج خاب جابلي ساعه شوبارد:bigsmile:

الله موضوع وايد حلووووو ,انزززين بسألج

1- فتره الخطوبه ماتعمقتوا بالكلام كلش,خوفتوني طايحه الميانه بيني وبينه شسوي ؟

2-طيب ابي اعرف اكثر موقف محرج مع اهل زوجج تمنيتي محد يمر فيه؟

ذهب55:
\
1- فتره الخطوبه ماتعمقتوا بالكلام كلش,خوفتوني طايحه الميانه بيني وبينه شسوي ؟
2-طيب ابي اعرف اكثر موقف محرج مع اهل زوجج تمنيتي محد يمر فيه؟

السؤال الاول: لا اختي عادي تعمقت وسولفت وقطيت الميانه حالي حالكم (r)

بس اللي كنت اقوله اني ما كنت اسولف بالساعات ويا زوجي مكالماتنا كانت قصيره نوعا ما

بس مو لحد اني ما اتعمق بالسوالف او اني ما اقط الميانه لا بالعكس اسولف واخذ راحتي (f)

السؤال الثاني : اممممممممممم هو اكثر من موقف بس بنفس الطريقه

يعني ساعات تقولين كلام تقصدين فيه شي بس يظهر بصورة غير الصورة اللي انتي تقصدينها

فيفهمونج غلط :sad:

هالشي يسبب لي احراج :sad:

اتمنى انكم ما تطيحون بهالمواقف (f)

السلام عليكم

بنت الغــالي دايما متميزة فديتــك

والفكــرة كثير كول وروعــة

أختي qtr221 نرحب فيك بيننا

واسئلتي ؟؟؟

1- هل تحسيــن بمسؤوليــة كبيرة بعد الزواج ؟؟؟ وهل مسؤوليـات قبل الزواج تختلف عن بعده؟؟؟


2- هل انت مستعدة لتربيــة الاطفـــال بعد فترة شهر من زواجك ؟؟


3- ما اعرف اذا كان عندك عيــال ؟؟ يس كيف تلقيتي خبر حملك الاول ؟؟؟

مشكورة بنت الغالي على الموضوع ياليت تخبرينا من الي سوا لج مكياج الخطوبة والعرس والصباحية والهدية وبعد التسريحة وكوشتج من وين ماخذتها وعرسج كان وين ومهرج كفاج ولا لا

مشكوررررة بنت الغالي على هالفكرة الحلوة

وهلا والله بعروستنا صج مرت سنه ونص على زواجج بس ليحين عرووس

اوووووووووو عندي لج شكثر اسئلة بس حبة حبة

1- اول سوء تفاهم بينج وبين زوجج من بعد العرس كان عن شنو ؟؟ وشلون تصرفتي ؟؟

2-اذا حسيتي بروتين يوميا مع زوجج شلون تحاولين تكسرين هالروتين ؟؟

3- قد مرة طلعتي مع خطيبج قبل العرس ؟؟ وشكان شعورج ؟؟

4-عندج عيال ؟؟

اختي الحبوبه ممكن تقولين لي شكثر فترة خطوبتج لان انا فترة خطوبتي 4 شهور و احس انها بتخلص و لين الحين وايد استحي من خطيبي، تتوقعين بيتم الخجل فترة شهر العسل لاني احس ان الخجل الزايد يضايق؟

و مشكورييين يا حلوين على الموضوع :)

:shy:

n77n:

السؤال يقول : نسمع كثير يقولون من أول ليلة يالزوج يفرض شخصيته على الزوجة ويسيطر عليها ويخليها خاتم بأصبعة أو العكس صحيح ،، سؤالي شنو رأيك بهذي المقولة وشنو نصيبك منهااا ...؟؟؟
السؤال الثاني : الزوج شنو أكثر شي يحبه في المرة ويكون محط اهتمامه ...؟؟
السؤال الثالث : لو رجع فيج الزمن لوراء ( سنتين ) شنو أول خطوة راااح تقومين فيهااا { طبعا" بخصوص موضوع الزواج } ...؟؟
السؤال الرابع : الزوج بأول ليلة ( ليلة الدخلة ) يحب المرأة الخجولة اللي مايقدر عليها (( أعتقد فهمتي شنو أقصد )) ،، أو يحب الخجولة بس تعطيه ويه وتتفاعل معااااهـ (( بس مو مرّة أقصد يعني شي مغلف بالحياااء والخجل طبعا" )) ،، ماأدري فهمتيني ولا لا ؟؟؟
...

السؤال الاول : اعتقد بهالزمن انتهت هالطريقه من التعامل بين الازواج ويمكن موجودة

بس بشكل مو كبير ... اعتقد اللي يتعامل بهالطريقه سواء الزوج او الزوجه بيكون مريض نفسي

ويحتاج لعلاج (r)

السؤال الثاني : تقصدين شنو اللي يجذب الزوج فزوجته؟؟؟

اللي يجذب الزوج وايد اشيا اهمها عقليه الزوجه وحكمتها في التعامل مع زوجها بكل المواقف

وخصوصا المشاكل اللي تصير بينج وبينه او بينج وبين اهله الزوج ما يحب يسمع من زوجته

هلك افعلوا او هلك قالوا !!!!!!!! هذي يكرهها :down:

ويحب يشوف زوجته محترمه هله وخصوصا امه (r)

وشي وايد مهم ويجذب الزوج بدرجه كبيره هو الجنس :yes:

وطريقه اهتمامج بجسمج ورشاقتج وكشختج يحب يشوفج دايما كاشخه (f)

السؤال الثالث : امممممممممم لو رجع فيني الزمن ممكن ااجل الزواج لحد ما اخلص دراستي

السؤال الرابع: اعفيني :shy:

ويعطيج الف عافيه على الاسئله اللي حسيت فيها حكمه وعقل كبير :clap:

الوان سحرية:

1- هل تحسيــن بمسؤوليــة كبيرة بعد الزواج ؟؟؟ وهل مسؤوليـات قبل الزواج تختلف عن بعده؟؟؟
2- هل انت مستعدة لتربيــة الاطفـــال بعد فترة شهر من زواجك ؟؟
3- ما اعرف اذا كان عندك عيــال ؟؟ يس كيف تلقيتي خبر حملك الاول ؟؟؟

السؤال الاول :بالنسبه للمسؤوليه هي صح اكبر من مسؤوليتي كبنت عازبه

بس الشي اللي يسهل علي هو ان المسؤوليه تجي بالتدريج

يعني انتي بايام الخطوبه تبتدين تتحملين مسؤوليه زوجج شوي شوي

وبعد الزواج تلاقين الزوج يبتدي يعطيج المسؤوليات شوي شوي على اساس انه عاش فتره

من عمره معتمد على نفسه فصعب يعطيج المسؤوليات كلها مرة وحدة بتلاقينه يتخلى

عن مسؤولياته بالتدريج

الشق الثاني من السؤال اي تختلف يعني انتي كبنت تنامين بالوقت اللي يريحج وتصحين

بالوقت اللي تبينه تزورين اللي تبينهم وما تزورين اللي ما ترتاحين معاهم

بعد الزواج غير ترتبطين بزوجج من ناحيه النوم مثلا من ناحيه توجيب اهل الزوج والزيارات

من كل النواحي حتى اهتمامج بام زوجج بيكون هذي احدى مسؤولياتج الجديده

السؤال الثاني: ما اعتقد لاني احس نفسي صغيره على تحمل مسؤوليه طفل

بالاضافه اني كنت اكمل دراستي واحس انها نعمه من ربي اني ما حملت بهالفتره (f)

السؤال الثالث : لا والله لحد الحين ما حملت دعواتكم لي ولكل البنات المحرومات :shy:

noora qatar:

من الي سوا لج مكياج الخطوبة والعرس والصباحية والهدية وبعد التسريحة
وكوشتج من وين ماخذتها
وعرسج كان وين
ومهرج كفاج ولا لا

السؤال الاول: الخطوبه: شعر ومكياج دانيال بجاني

العرس: المكياج نجلاء عبيد والشعر منال

الصباحيه صالون احمد الصغير اللي كان فاتح بالريتز

الهديه صالون لينا

السؤال الثاني: كوشتي من ماسيس

السؤال الثالث :عرسي : بالريتز

السؤال الرابع: اعفيني :shy:

غالية ياقطر:

1- اول سوء تفاهم بينج وبين زوجج من بعد العرس كان عن شنو ؟؟ وشلون تصرفتي ؟؟
2-اذا حسيتي بروتين يوميا مع زوجج شلون تحاولين تكسرين هالروتين ؟؟
3- قد مرة طلعتي مع خطيبج قبل العرس ؟؟ وشكان شعورج ؟؟
4-عندج عيال ؟؟

السؤال الاول: اعفيني من الاجابه

السؤال الثاني: بالنسبه للروتين احاول احجز مطعم ثلا او اقترح نروح السينما هالشكل يعني

السؤال الثالث: لا والله ما طلعت ولا مرة ممنوع الله يسلمج :cool2:

السؤال الرابع : لا والله الله يرزقنا

نوونوو:

شكثر فترة خطوبتج لان انا فترة خطوبتي 4 شهور و احس انها بتخلص و لين الحين وايد استحي من خطيبي، تتوقعين بيتم الخجل فترة شهر العسل لاني احس ان الخجل الزايد يضايق؟
:)

فترة الخطوبه كانت 6 شهور

وبالنسبه للخجل عادي حبوبه راح يستمر حتى لبعد شهر العسل وهذا اللي يميز

العروس :shy:

الصراحه الموضوع وايد حلو و عيبني ^^

اممم انا مالجه صارلي 6 شهور و باقلي تقريبا 4 شهور لين العرس .. بس بعدني استحي من ريلي خص انه موقفين الزيارات من زمان .. فاحس عمري اذا رديت اشوفه بتكون مثل المره الاولى .. وخاااااايفه .. فيا ليت لو عندج شي تقولينه لي بهالخصوص بكون شاكره لج

اممم .. انا و لا مره هديت ريلي .. بسبة انه هالشي مش مقبول عندنا .. فماسكه عمري و باجله لين العرس .. قلت بيكون حلو اهديه في شهر العسل خص اذا مجهزه الهديه من قبل يعني بيتفاجأ فيها .. شو برايج اهديه؟؟ من حكم خبرتج و تجاربج
انا فكرت في ساعه و عطر . بس ما اعرف احتاي نصيحه من وحده معرسه ^^

أنا نفسج ادرس و بعرس و بكون بعدني ما خلصت ... و وااايد احاتي سالفة الحمل .. اكيد الحمل نعمه و الكل يباها .. بس اريد ااجل الموضوع شوي .. و مش عارفه شو اسوي .. و اخاف اسوي شي و لا سمح الله اندم عليه عقب ..

ادري الاسئله كلها عني و جي بس حبيت اسألج بما انج معرسه و صارلج فتره ما شاء الله .. يعني ماره بكل اللي نحن نمر و بنمر فيه
و مشكوووره و السموحه على اني طولت

بنوتة اماراتي:

اممم انا مالجه صارلي 6 شهور و باقلي تقريبا 4 شهور لين العرس .. بس بعدني استحي من ريلي خص انه موقفين الزيارات من زمان .. فاحس عمري اذا رديت اشوفه بتكون مثل المره الاولى .. وخاااااايفه .. فيا ليت لو عندج شي تقولينه لي بهالخصوص بكون شاكره لج

اممم .. انا و لا مره هديت ريلي .. بسبة انه هالشي مش مقبول عندنا .. فماسكه عمري و باجله لين العرس .. قلت بيكون حلو اهديه في شهر العسل خص اذا مجهزه الهديه من قبل يعني بيتفاجأ فيها .. شو برايج اهديه؟؟ من حكم خبرتج و تجاربج
انا فكرت في ساعه و عطر . بس ما اعرف احتاي نصيحه من وحده معرسه ^^

أنا نفسج ادرس و بعرس و بكون بعدني ما خلصت ... و وااايد احاتي سالفة الحمل .. اكيد الحمل نعمه و الكل يباها .. بس اريد ااجل الموضوع شوي .. و مش عارفه شو اسوي .. و اخاف اسوي شي و لا سمح الله اندم عليه عقب ..

السؤال الاول :هلا حبوبه انتي توج مالجه من شهرين عادي اختي انا تميت يمكن 6 شهور واحس اني مو على

طبيعتي واستحي منه بس شوي شوي تتعلمين عليه بعدين خصوصا انج بتعيشين معاه وبتشوفينه

24 ساعه لاتشيلين هم بالعكس الرجال يحب يشوف الحيا فيج خصوصا اول الايام لاتفكرين بالموضوع

ما يحتاي تتعبين نفسج بالتفكير بهالشي لانه طبيعي ومع الوقت بيتحسن اهم شي عيشي

هالفتره بسعاده :shy:

السؤال الثاني]: بالنسبه للهديه شوفي هو يحب يكشخ بشنو دايما؟؟؟

واشوف ان هديه الساعه والعطر صج هديه حلوة وراقيه بس لو تستبدلين العطر

بدهن عود او مخلط من القرشي مثلا بتكون ارقى (f)

[السؤال الثالث: انا افضل لو اي عروس سواء عندها دراسه او ماعندها تاجل سالفه الحمل لمده

سنه على الاقل اول شي تعيشين حياتج بهالفتره وتحاولين تتاقلمين انتي وزوجج ويا بعض

بالاضافه لتكمله الدراسه حاولي تناقشين زوجج بالموضوع واتخذي طرق طبيعيه وامنه في

تاخير الحمل

وفي النهايه اللي الله كاتبه بيصير موفقه حبوبه الموضوع انوجد لمساعده المقبلات على

الزواج ويسعدني تسالوني اي سؤال يطري علىب الكم ]]

مرحبا بعروستنا

صراحه وايد استانست يوم شفت الموضوع وعندي سؤال وبحكم انج معرسه وعندج خبره اتمنى اتفيديني

انا عرسي بعد 20 يوم ولين الحين ماملجت يعني ماأكلمه ولا يكلمني وواخر مره جفته يمكن يوم كان عمري 11 سنه او اقل ما اذكر والله
المهم انا وايد افكر في هالموضوع يعني في مشاكل اول فتره بخصوص اختلاف الاطباع ؟؟
وكيف نتصرف معاها؟؟؟

والسموووووووووووووحه حبيبتي اذا طولت عليج