أمل منسي:
:shy: حيالله عروووستنا قطر 122
وااااي تصدقين صج انصدمت عبالي انج عروس يديده مشاء الله عليج طلعتي خبره
الله يوفقج بحياتج ويرزقج بالذريه الصالحه
1- شخبارك اول شي ... عساج طيبه وبيخر..؟؟
2- ذكرتي باحد اجوبتج السابقه عن تجهيزات شهر العسل.... عاد انا فهمت انها تجهيزات السفره
فياريت توضيحن لي لان اختج امل غشيمه :sad:
شنو بعد تجهيزات شهر العسل...؟ بالتفصيل ابي اعرف عشان ابدي اجهزها لوووووووووووول
3- متي بديتي تطبيخن بعد العرس...؟؟
4- هل عانيتي من ناحيه تغير المكان وصرتي ماتقدرين ترقدين في بدايه حياتج ولا عادي بسرعه تاقلمتي على المكان ...؟؟
هلا حبوبه صج والله عبالج اني عروس ياااااااااااااااااااااي وناسه صغرتيني وايد :cool2:
السؤال الاول : انا الحمد لله طيبه وسعيده باسئلتكم (f)
السؤال الثاني: تجهيزات شهر العسل الله يسلمج سفرتي كانت مفاجاه اول شي وثاني شي
ما كنت اعرف المده وثالث شي ما حصلت شي بالدوحه كلبس يعني لاني مالبست العبايه
بالسفر اكنت البس قمصان طويله :sad:
المهم اني وديت اغراض شوي والمده كانت طويله وثاني شي زوجي كان يقولي لاتشترين
من الدوحه اشتري من برا فانا ماشريت على اساس بشتري ملابسي اللي بلبسهم لشهر العسل
من برا على ذوقه وفي النهايه توهقت هناك وما حصلت شي :angry:
فصج صج تحسفت على هالشي صج السفره كانت حلوة والحمد لله بس ما قدرت اكشخ هو
كان اكشخ مني بدلاتي ينعدون على الاصابع :sad:
فالشي اللي انصحج فيه وانصح كل عروس لاتعتمدين على السوق بشهر العسل جهزي
نفسج بالكامل من قبل السفر
يعني حطي فبالج تبين بدلتين لليوم الواحد لانج بتطلعين من الصبح لحد بعد الغدا بعدين
ترجعين تريحين فلازم تبدلين مرة ثانيه خصوصا لو سافرتي بالصيف تعرقين وايد لازم تغيرين
لبسج
شي ثاني الصنادل وانتوا بكرامه انا ماخذتها بكعوب وحركات عبالي رايحه سهره :dd:
حاولي تاخذينهم على شكل نعل وتكون كعوبها كامله فهمتوا اشلون؟؟؟
وتلاقون هالاشكال بشكل حلو ومريح عند ماركسبنسر
شي ثاني نسيت الاوتي الصغير :sad: خصوصا ان قانون بعض الدول الاوروبيه مثل ايطاليا
ما يسمح بوجود الاوتي بالغرفه يعني ماراح يعطونج اوتي تبين طرشي ملابسج الاندري
بس صعب تطرشين قمصان نومج يعني :angry:
فودي معاج احسن لو تاخذين الاوتي اللي على بخار يكون احسن عشان ما تحرقين ملابسج (r)
غير ذي عند قصان النوم وديهم كللللللللهم وياج حتى القصار او القمصان الشفافه وحاولي تبدين
تلبسينهم بعد اسبووعين عشان تتعودين
عندج البديات اللي بوخيط او بدون اكمام ويا التنانير القصيره هذي للعصريه واخذي معاج فساتين
قصيره
عندج الكير فري اخذي منه وايد تحتاجينه بكثره بالسفر :up:
طبعا المسك للجسم يوم تلبسين قمصان النوم والبدي لوشن والعطور
كوتكس اخذي معاج احتياط يمكن تجيج الدورة
مناديل جونسون لمسح المكياج وتحملي تنامين بلمكياج بتدمرين بشرتج :no:
شسوار عشان تستشورين شعرج حاولي تسبحين انتي قبل زوجج وودي معاج ملابسج ومكياجج
لو بتحطين مكياج داخل الحمام وانتي بكرامه اسبحي ولبسي ملابسج وحطي مكياج وجففي شعرج
بالمجفف اللي بالحمام وبعدين اطلعي وبيكون دورة يدخل يسبح بهالوقت حاولي تستشورين
شعرج على السريع :up:
بالسفر حولي تغيرين من طريقه حطه الشيله لان اغلب القوت بيششوفج بالشيله وحاولي تلبسين
بانيه تحت الشيله عشان شعرج ما يطلع
جربي الشيل اللي شريتيهم هني بالدوحه شوفي مو خفااف ما يشفون يثبتون على الراس
عشان ما تتوهقين هناك
براون اخذي معاج مكينه براون وموس حلاقه بتحتاجينهم اذا ماكنتي تضربين بليزر :yes:
مع اني انصح الوحدة تضرب ليزر لجسمهم كامل من الوجه للرجل قبل العرس عشان على الاقل تفتك
من الحف بشهر العسل
حاولي تحطين بشنطة ايدج كل شي تحتاجينه فاين عادي وفاين معطر مقراظ بانادول قطور
للعين اذا دخل بعينج شي بولو وعلوج وكير فري :shy:
لاتلبسين الماس وايد بالسفر لان الحراميه وايد هناك اخذي ساعه مافيها الماس وايد وخاتم مو كبير
وايد باليمين والدبله باليسار
استعملي كريم واقي من الشمس على ويهج وايدج ورجولج عشان ما تسود :angry:
نظاره شمسيه للشمس :cool2: وكيمرا للتصوير (p)
اممم هذا اللي اتذكرة واذا تذكرت شي جديد راح اخبرج
السؤال الثالث: انا ما اطبخ لاني ساكنه فبيت اهل زوجي ساعات ادخل اذا لي مزاج اسوي سوييت
او سندويشات صغيره هالشكل مو اكثر (f)
السؤال الرابع: لا والله ماعانيت وايد الحمد لله بس كانت تطير النوده من عيني يوم اصحى بالليل
واشوف بو الشباب النايم احسه وضع غريب شوي سبحان الله بورقه صرت احل على رجال غريب
