اللي عندها مشكله مع طفلها تخبرنا بها وسنحلها بأسرع وقت ممكن

انا عارضه مشكلة بنتي في موضوع بروحه وبعدين اكتشفت انج انتي ممكن تساعديني وتعطيني الحل ...فسويت كوبي بيست!!!


مرحبا..


مشكلتي الازليه هي بنتي البكر اللي عمرها 3 سنوات ونص اللي مااعرف شلون ابتدي بكتابتها او من وين...

اول شي من انخلقت هالبنيه وانا اشغل لها هالتلفزيون تطالعه

فالبدايه يوم كانت صغيره كنت اخليها تشوف التلفزيون بساعات محدده وزادت هالساعات وزادت لحد ما طفشتنا صارت ماتخلينا نشوف شي عالتلفزيون كله هي اللي تشوف وبس

والحين لأن عندي بيبي حديد فالبيت ومتغربه في امريكا (يعني بنقعد سنه ونص وبنرجع) ولأنها دوم تحط بالها وبال البيبي يعني تغار منها وتضربها فأبي افتك من شطانتها خذت لها تلفزيون صغير معاه دي في دي وحطيته في غرقتها

وخلاص من عقبها البنت يا في المدرسه او اذا رجعت البيت تجابل هالتلفزيون لييييييييين ما تنام

والمشكله انه لو سكرت عنها التلفزيون وشلت السيديات عنها تفضى حق اختها ويبتدي عاد الينون والشطانه ,,,

خااااااااااااااطري بنتي تكون من هالبنات الحنونات واللي كله لازقين بامهم ...هذي عكسهم..شيطانه وعنيده..ومب حنونه كلللللش لا علي ولا على ابوها ولا على اختها ...يعني لو تشوفني اصيح ماتقرب صوبي ولا ينكسر خاطرها علي.. حتى انها ما ترضى تحط راسها على حضني تخيلوا...


....وطبعا دوم هي مع الشغاله هي اللي تأكلها وتسبحها وتلبسها ..تدرون ليش
لأني كسووووووله وبسبتي انا هي صارت هالشكل ...اعتمدت عالشغاله من كانت بيبي والحين ماقدر اتحمل شطانتها وحركاتها



مرات احس ان راحت علي لان دوم يقولون انه اهم شي في التربيه اول 3 سنوات لانها اساس التربيه...وانا متأكده انه مهما سويت الحين اكيد النقص اللي شافته اول 3 سنين بياثر على شخصيتها لما تكبر.!!!انتو معاي بها الشي صح
..عشان جذيه قاعده اعوض بنتي الثانيه اللي فقدته الاولى...

قولولي شسوي ...ابي بنتي تتغير وابي اغير عاداتها ابيها اشكل شخصيتها مره نانيه....شلون احس صعبه وايد ومستحيله لاني مابديت من البدايه


والله انا وااااااااااايد متضايقه من هالسالفه ودوووووووووووم احس بالذنب من جبتها لين الحييييين.....مادري شسووي.... وانا احيييييييين اشوف اهمالي اشسوه فيها


البنت مب سيئه لكنها غير مباليه وعصبيه ومافيها حنيه وفي نفس الوقت لما اقارنها مع عيال الناس احس بنتي تصرفاتها واايد احسن منهم لاني بعد ماهدها على كيفها اعلمها الصح من الغلط وواشجعها وازرع فيها الثقه ووو... لكن في اشياء غلط في تربيتي لها)




اصحاب المعرفه واللي يفهمون في تربية الاطفال واللي مروا بنفس مشكلتي وحلوها ياليت تساعدوني ...هذا اذا في حل....!!!!

اختي توتة البحرين اشكرج على الرد .....وحبيت اقول ان فعلا في اشياء كنت غافلة عنها و نبهتيني فيها ....بس حبيت اقولج ان بنتي هي الوحيدة ما عندها اخوان علشان افرق في المعاملة معها و مع غيرها .....وبحاول اغير اسلوبي معاها في فرض الأمور وتحاور معها بدل الحدة والعنت..... والله يعينا على تربيتهم....وشكرا اختي توتة البحرين

:shy: اختي توتة البحرين اشكرج على الرد .....وحبيت اقول ان فعلا في اشياء كنت غافلة عنها و نبهتيني فيها ....بس حبيت اقولج ان بنتي هي الوحيدة ما عندها اخوان علشان افرق في المعاملة معها و مع غيرها .....وبحاول اغير اسلوبي معاها في فرض الأمور وتحاور معها بدل الحدة والعنت..... والله يعينا على تربيتهم....وشكرا اختي توتة البحرين

مرحبا أختي العزيزة توتة، ، ، متابعة موضوعج اول بأول يعطيج العافية.

المهم في موضوعج السلسلة الغدائية كنت انتظر دوري يعني عمر بنتي بس للحين ما شفت شي، أدري بتقولي لي لان الاطفال في سن بنتي لازم ياكلون اكل العائلة، أنا معاج بس أنا بنتي متعبة جدا في الأكل يعني بالغصب الا ترضى تأكل حاجة والمشكلة الأكبر ان ابوها العزيز مشجعنها على الحلويات والخرابيط.

فيا ريت تعطيني برنامج صحي مغدي يفيدها ادا ممكن طبعاً.

شكرا لج مقدما

@@ الاميره الصاعده @@

العفــــــــــــــــــــــــــو

خرزة زرقة:
مشكور يااختي توته صج انتي طيبه وااااااااااااااااااااااااااايد واتساعدينا ربي يسهل عليج كل شي

الاخت @@ خرزه زرقه @@

العفـــــــــــــــــو عزيزتي والله يسهل علينا كلنا

@@ الاخت كتكوته نايمه @@


عزيزتي والله مو عارفه صراحه من وين ابتدي كلامي لان كلامج يوضح انك فاهمه وعاقله وعارفه وفي نفس الوقت يوضح جهالتج في تربيه اطفالج ليش ؟؟؟

المهم ما ينفع العتاب الحين علشان انتي اعترفتي وتحاولين تصححين الخطأ وهذي احسن شي بس كدرني كلامج يوم تقولين انج اتعوضين في بنتج الصغيره وتاركتها ما فيها فايده بنتج الكبيره ذي اكبر خطأ.

معلومـــــــــــــــــــــــه :

الثلاث سنوات الاوليه في حياه الطفل هي فتره تأسيس ولكن ما يمنع ان تتغير وتتشكل بطريقه ذكيه كما تتمنين ولكن بجهد كبير منج (وهذا من غلطتج بالاول ).

عزيزتي بأبدأ بعمل انا معاكي دراسه لسلوكيات بنتك ونفسيتها فنساعدها على تخطي سلوكها الخاطأ ان شاء الله.

اولا: اتركيها تتابع التلفاز لمده اسبوع نص المده اللي متعوده هي عليها بس رسوم متحركه هادفه يعني تعليميه وهادئه بشراء دي في دي تعليمي لتمل منه .

ثانيا : اعملي لها اكلات اللي تحبها بنفسك وهي تشوفك وانتي بتعمليها لمده اسبوع مع تقديمه للخادمه لتقديمه لها لانها لا ترضى ان تضايقي الخادمه ( وهي الان مثل امها للأسف).

ثالثا: اشتري لها هديه ويجب معرفه ان الهديه تعجبها كثيرا وتجليدها وتنويم الطفله الصغيره وبعدها تهدينها اياها وتقولين لها انكي سوف تلعبين معها فيها كل يوم .

ويستمر هذا الجدول لكي معها كل يوم لمده اسبوع وبعد ذلك تخبريني ما حصل معكي ونكمل معها .

الجلسه الثانيه ان شاء الله بعد اسبوع.

انتظر ردكي عزيزتي

وشكرا لثقتكي بي

ضي القمر2005:
:shy: اختي توتة البحرين اشكرج على الرد .....وحبيت اقول ان فعلا في اشياء كنت غافلة عنها و نبهتيني فيها ....بس حبيت اقولج ان بنتي هي الوحيدة ما عندها اخوان علشان افرق في المعاملة معها و مع غيرها .....وبحاول اغير اسلوبي معاها في فرض الأمور وتحاور معها بدل الحدة والعنت..... والله يعينا على تربيتهم....وشكرا اختي توتة البحرين

@@ الاخت ضي القمر 2005@@

العفـــــــــــــــــــــــــــــــو

@@ الاخت أكبر قلب @@

ابي اعرف عمر بنتج وجدولها الغذائي علشان اعدله لج حبيبتي وانا في النتظارج علشان ارد عليج

@@ الاخت احلى عروس@@

عزيزتي ما يصير تفطمينها من الزجاجه نهائيا ولكن الحين لازم ترجعين لها الرضاعه لمده اسبوع مع ادخال العصيرات والطبيعيه الطازجه و العسل والتمر وبعدها قولي لي تشربه ولا لا وباقولج شنو تسوين بعدها

في انتظارج

وشكرا لثقتكي بي

كروانة:



مشكورة حبيبتي على الموضوع الحلو

وأرجو إنك تحلين مشكلتي أن

ولدي عمره الآن سنتين وبمص مصاصة ومو قادرة قطعة منها لأنه

إشوف أخوة الأصغر ويمكن أنه يغار منه

وبعد مشكلتي إن ولدي معاه حساسية في صدرة ما أدري إذا ربو ومع الوقت إروح ولا

أفيدوني جزاكم الله خيرا

@@ الاخت كروانه @@

الرد في الاسفل

ولدي الين عمره 11 شهر
عنده سنه تحت و سنه فوق
اليوم السنه الي فوق طلعت
ما ياكل غير يوم نحن ناكل بس يذوق الاكل اشوي
و مره ف اليوم بزور و قوه حليب ويا بسكوت
كله يبي يرضع مني
انا بديت ااكله و هو عمره 6شهور
بديت اعطيه فواكه مهروسه
كان ياكل اشوي
و عقب قمت ااكله سريلاك و بعد كان ياكل
حاولت اعطيه رز ما كان يرضى
و كان ياكل الروب اشوي
كنت اعطيه وجبه او اثنين ف اليوم
لكن الحين مايرضى ياكل شي ابدا
والله بس لحسه و يتفل الاكل
يعني طول اليوم ع صدري
حاولت اعطيه اكلنا ما رضى
ولا حتى الخضار او اي شي
ولا يرضى حتى بالشوفان الكويكر
و فيه فقر دم
و بس يبي يشرب فيمتو لأنه يشوف ابوه او يبي شاي
حاولت اقص عليه و اسوي عمري اكل شي او اشرب شي عشان بقلدني و ياكل
بس مافي فايده
و مهلكني ما انام كل ساعه ينش يبي يرضع
والله تعبت
بلييييييييييييييييييييييييز ردي علي بسرعه

@@ الاخت moonmoons 5 @@

عزيزتي ما يقدر ياكل الياهل لا تقصبينه بس على الحليب لان في التسنين اللثه تكون تألمه مسكين والضرس يـتألم من اي اكل ان شاء الله بعد اسبوع راح يرد يأكل مثل قبل وأحسن بس الحين ما يقدر بس عطيه اللي يبيه ولا تقعدين انج بتعطينه وجبه سوي روحج عااااااااااادي عطيه بسكوت في يده وخليه بروحه وراح ياكله عطيه خبزه و خياره صغيره وخليها في يدها يسهل ظهور الضرس ( السن ) وفي نفس الوقت ياكل وعطيه عصيرات طازجه وانتي اكلي زين وراح يشرب من حليبك ويستفيد ان شاء الله

السلام عليكم ورحمه الله وبركاته شكرا جزيلا على الموضوع الرائع :clap:

مشكلتي مع البيبي عمر 8 شهور لا يتقبل الحليب الصناعي نهائيا ياخذ نقطه واحده من الحليب وعندما يعرف صناعي لا يشربه فهو معتمد كليا على الرضاعه الطبيعيه وانا بصراحه تعبت من الرضاعه الطبيعيه واريد ان اعوده على الصناعيه ولكن دون جدوى ارجو الحل :sad: ...

اضافه الى ذلك انا نحيفه و الرضاعه الطبيعيه تعيق من ازدياد وزني :confused:

عزيزتي توتة، توقعت انك بتعرفي عمرها من الشريط اللي في التوقيع، فعلى هالاأساس ما كتبت لج العمر المسامحة يعني.

المهم عمرها سنتين ونصف، ومشكلتي اني اشتغل يعني ما اقدر اتابع نصف برنامجها الغدائي.

المهم الصبح ادا تقوم تقول لي عمتي انها ترفض تآكل أي شي وتشرب بس حليب وادا كلش كلش بالغصب تاكل وياه خبز.

الظهر على الغداء، لو ويش يكون الغدا ما ترضى تاكل وتلزم عليهم الا تبغى عيش ولبن.

العصر ادا جيت من الشغل احاول اغديها معاي بس يا دوب ادا جوعانة تاكل مدتين ، ثلاث.

أحاول اعطيها فواكه بس ما تتقبل كل شي، يعني اللي تاكله بس الموز والتفاح .

على العشاء اتعب روحي واطبخ أكلاتنا العادية ما ترضى تاكل ، فاضطر اسوي ليها وجبة ثانية من غير قيمة غدائية مثل الاندومي ، او ساعات تقول تبغى بيضة عليها جبن.

شفتي معاناتي يا توتة.

الله يخلي لج عيالج يا رب وتفرحين فيهم

والله ياأختي ياتوتة البحرين

تعرفين انا من جيت امريكا شقمت اسوي !!!


ماخذتلها دي في دي برامج تعليميه مثل افتح ياسمسم بالعربي 22حلقه اطلع لها اياهم حلقه حلقه مب كلهم مره وحده وبعض البرامج الانجليزيه علشان تساعدها على تقوية اللغه الانجليزيه عندها وانا شايفه تطور منها في اللغه ان كان بالانجليزي او بالفصحى..عكس يوم كنت فالدوحه كانت 24 ساعه مجابله ام بي سي 4 وسبيس تون بالانجليزي وتعرفين شلون برامجها اللي تعفس الياهل عفاس ولا عاد توم وجيري دوم كانت تقلد حركاتهم ...يعني اهنيه انا مستغله تعلقها بالتلفزيون بالاشياء المفيده...بس انا مابيها 24 ساعه مجابلته مب زين على عيونها...
بس السؤال انتي تبيني احط لها برامج مفيده وفي نفس الوقت ممله علشان مع الوقت تترك التلفزيون؟؟؟او اللي انا اسويه صح بنظرج؟؟


اما عن سالفة الاكل المشكله انها ترجع في وقت رجعة ابوها وطبعا ابوها يبي اسويلها شاي وكيك وحركات واقعد معاه...بس تدرين بعد مب مشكله ...ابرز كل هاي من قبل ونقعد كلنا مع بعض ووقت ردتها من المدرسه انا اللي بستقبلها وبأكلها ...وهي مب بذاك السوء انها ماترضى تاكل شي من يدي بالعكس هي تبيني ااكلها بس انا اللي انشغل بأشياء ثانيه تخليني ماقدر اسويلها اللي تبيه...

اما عن الالعاب ياااااااكثرهم عندها...كل ماارجع من بره لاااااااازم فايدي شي لها حتى لو كان قشر...فالالعاب صارت مالها قيمه عندها ...ادري بتقولين لي غلط..بس انا قاعده احاول اني اتحكم في هالشي ....وبعد ارد واقول ان هي احسن بألف مره من الاطفال اللي حولينها...


يمكن الحين وضحت لج الصوره اكثر من اول ...!

@@ كتكوته نايمه @@

عن التلفزيون صح اللي تعملينه انك تحطي لها اشياء تعليميه بس اللي ابغيه منك ان تكون نصف الوقت اللي تحطينه لها كل يوم.

وعن الاكل سوي اللي اتفقنا عليه وان شاء الله بنشوف اللي يصير لمده اسبوع من اليوم

وعن الالفاب ابي تشترين لها شي لعبه اتحبها بس ما تقولين لها ويصير انك تلعبين فيها معها وتغلفيها بتغليف حلو وتكتبين لها بطاقه إلى احلى بنت في الدنيا احبك واااااااااااايد وتحطينها وتعطينها اياها وتقولين لها انك راح تلعبين معاها كل يوم فيها.

هذي الطرق عاديه بس الطريقه هي اللي نبيه نستفيد منه تقربك لها اكثر وحل النفسيه اللي مضايقتج في بنتج.

يالله ابتدي وقوليلي شنو صار معاج

حبيبتي توتة البحرين

اشمعنه انا مارديتي عليه

زعلت ......................................... :(

مرحبا توته

ولدي عمره اربع شهور و نصف و لين الحين ما ينقلب؟؟ هل هذا عادي؟؟ متى المفروض ينجلب ؟؟

السلام عليكم

أختي توتة البحرين

انا مشكلتي مع ولدي انه دايما يقوم بقرص اي احد وهو يبكي وهو يلعب وهو يتفرج على اي شيء يجذبة وزيادة لما يشوف اخوه الصغير يبكي يضربه ساكت يضربه

ارجوك تساعديني

ولدي عمره سنه وسبع شهور واخوه عمره خمس شهور

بالمناسبة ولدي كثير الحركه ودايم يحب يستكشف اذا انه يحب يقلب الكبيوتر ويتفرج على مداخل الأسلاك ومخارجها يفصلها ويعيد يركبها واكيد افصل الكهرباء خلال ماهو يلعب مادري اذا هاذا عادي او لا


ومشكووور