لـيـلـة الحـنا في قطر والدول المجاوره "أفكار و خبرات متجددة" مع عنود الغيد

متابعتكم ياهل قطر والله انكم عجيبين وافكاركم تهبلللللللل قاعده اخذ افكار حق اختي وبالنسبه للاخت اللي قالت المناظر في محل بالبحرين ووين بالضبط وشو اسم المحل اللي تعرفينه عن المحل قوليه وان شاء الله اعرفه لان عندي خبره بالبحرين ومشكورات جميعا

:clap: متابعتكم ياهل قطر والله انكم عجيبين وافكاركم تهبلللللللل قاعده اخذ افكار حق اختي وبالنسبه للاخت اللي قالت المناظر في محل بالبحرين ووين بالضبط وشو اسم المحل اللي تعرفينه عن المحل قوليه وان شاء الله اعرفه لان عندي خبره بالبحرين ومشكورات جميعا

غالية ياقطر
خلي البنات يزفونج
بس يكونوون أكبر من اللي بالزفه الخليجيه
لبسهم الغالب عليه أحمر & أصفر
عندج حرير بومبي مايقصر
لبسيهم ساري وخليهم يحطون ورده على اليمين
ويسوون عجفه ويجيبونها على جنب
وممكن بعد اتلبسينهم قلايد فل "على شعورهم بعد"!!
واذا وزنج تمام "مب دوبااا" :bigsmile:
جربي اتسوين لج عرشه تقعدين فيها
وتأجرين لج بنات "بعااافيه شووي"
يشيلوونج فيهااا :shy:
شرايج؟!! :smile:
،،

ام ملاك7
على راااسي والله متابعتج لنااا
وتسلمين على الكلام الحلو من ذووقج :shy:
وإن شالله كريستالة قطر اتفيدج بهالشآن..
حياج الله (f)

أم نونية

احناااا فوووق تثبتناااا :shy:

وتسلمييين على الصور..
تعبناااانج معانا (f)

عنود الغيد

تسلمين حبيبتي افكارج حلوه وعجبتني وااايد شكلي بلبسهم ساري وقلايد فل وبخليهم يمشوون جدامي

اما فكرت العريش انا مب دوبا لا جسمي زين بس انا اخاف الصراحه يقطوني اتعور ولا شي وانا وراي عرس يمج

خخخخخخخخخخخخخخخخخخخخخخخخخخخخ


احلى شي في العافيه خخخخ تخيلي

بس بسألكم يابنات مافي شي نحطه بعد مانتحنى نخلي الحنه تصبغ

انا احط فكس بعد ماشيل الحنه ويصبغ بس مادري اذا في شي ثاني

ياليت تعطونا خبرتكم في هالشي

غاليه ياقطر بعد ماتنشف الحنه لاتغسلين يدج بالماي لا

بس قشريها عدل وفركي يدج بزيت زيتون وانشالله تصبغ وبيطلع لونها عجيييب

انا دوماستخدم زيت الزيتون:)

وينكم ياهل قطر يالله لاتبخلون علينا بأفكاركم والله شكلها ليلة الحنه روعه عندكم وشكرا على الترحيب بي معاكم

روووووووووعه

تسلمووووووووون

والله يعطيكن العافيه

تبارك الرحمن .. شهالموضوع الغاوي يا عنوود ^_^

ما شاء الله على أفكاركم .. كل فكرة تقول الزود عندي ..

:

غالية يا قطر ..

مثل ما قالت لج تايم آوت لا تغسلين يدج بالماي .. فركي الحنا و بعدها حطي فكس ..

و الحنا بتصبغ عدددددل ..

غالية ياقطر

هلا حبيبتي أسمحي لي .. أنشغلت هالفترة .. أحم أحم ماأدري أش عندج ولا أش وراج .. خخخخخ ..

المهم .. يوم حنة اختي الأولى طبعاً الله يحفظ بناتنا واااايد ..

وكلهم كاشخين الصغار كلش عطيناهم البوكشه (( تعرفونها )) ماأدري وشلون يوم الحنة جاتني الفكرة وعلى طول قلتها حق أمي وأمي نفذتها ترسنها قطع عشان تبين منتفخة أوكي ..
وحطوها البنات على كتوفهم .. واللي أكبر منهم أشوي عطيناهم المرش .. واللي أكبر منهم الفناره .. واللي أكبر منهم مداخن وفيهم عود عاد أنحطه لهم قبل لا يطلعون عشان تنشم ريحته عدل .. المهم أول شي طوفت اليهال الصغار اللي تقريبا لين 9 سنين وخليتهم يمشون وأنا جدامهم وهم يتمايلون لين أوصلوا النص خليتهم يدورون وهم مصطفين لان الناس دور مادورهم فخليتهم مره يمين وينزلون مرتين ومره يسار وينزلون مرتين ومره جدام ونفس الشي وورا نفس الشي طبعاً عالأغنية اللي كنا حاطينها كأنهم يرقصون مثل الأول وفديتهم ماصدقوا وأسمعوا الكلام وكنت طبعاً جدامهم وأمثل معاهم .. خخخخخخخخخخخخ .. ألحين أفكر وأقول وشلون سويتها .. وبيتنا ماس وحشره .. هههههههههههه .. وعقبها دشت أختي ووراها البنات الكبار اللي من سناينا وهم يصفقون ورها ويغنون ..
هذا طبع فينا في كل أعراسنا والحنة .. لا إله إلا الله علينا .. قبل لا تدخل العروس أحنا نغني لها ونصفق لين تبدا الأغنية وعقب ماتخلص الأغنية بعد نقول ألف الصلاة والسلام عليك ياحبيب الله محمد 3 مرات ونشغل الاغنية ولا يبدأ الطق .. وايد يستانسون علينا في أعراسنا صج لا إله إلا الله علينا صوتنا يكون واحد وقوي والكل يسمعنا ..

المهم لاتنسين تخلين اليهال يصورن معاج صوره جماعية قبل لا ينزلون ..
وليا أنزلوا وزعوا اللي كان في يدهم عالكوشة بطريقة حلوة .. وبس .. وأنا حاضرة لج وفي خدمتكم يالغلا ..



ام ملاك7

أسمحي لي والله ماأعرف أسم المحل بس أعتقد في المحرق .. وبحاول أسال لج حد من هلي ولو يعرف وين تحصلين هالاشياء في البحرين إن شاء الله ..

عنود الغيد

فديتج والله ..

عاد بغيت أفاجئج بطريقة حلوة وأخبرج قبل لا أحد يخبرج فديتش ..

وأأأأأأأأمطخ على رأسج << عسى ماتكسر .. خخخخخخخخ ..

وعلى قلبي وعسى مانشوف حناج عين على يدج قولي آآآآآآمين ..




[COLOR="RoyalBlue"]أم نونية

يازين النقوش اللي حاطتها ويازين حناج وريحته ..

عاد أخبر يحطون ديتول وجاز ولا هذي بس صالوناتنا .. هههههههههههه ..[/COLOR]

تسليمن عنود على الموضوع الحلو ..


حلات العروس يوم الحنه تلبس الذهب القديم من (( الطاسه - المرتعشه - المعره - الخوص - المضاعد - الخواتم - الحزام - الجف - الشغاب ..... الخ


ويبت لكم بعض الصور لان دورت صور ذهب في النت ماحصلت حصلت كذا صوره بس ..
























انشالله يعجبكم ..

أش هالزين يازينتنا

عقبال مانشوف هالذهب عليج قولي آآآآآمين

غالية ياقطر
أهم شي اللي خايفه على عمرهاااا :dd:
وحاااظرين لج!!
أي شي في خاطرج أشري انتي بس :shy:
وبخصوص الطريقة اللي اتخلي الحنا يجني
ماماتي اتحط عصير ليمون وسكر بمله واتحطه على الحنا بقطنه
وماشالله يجني يستووي ماااروون !!
،،

الليازي
تووو الناااس حجيه!!
مابغيتي اتمرين اتشوفين الموضوع :angry:
ولا عشانج مب امسويه مامريتي!!
على العموم حياااج الله..
واذا في نويتي اتغيرييين رايج
احنا موجوداااات :shy:
،،

أم نونية
ياااااي
تسلمييين على هالطريقه!!
اتصدقين عااااد!!
انها تشبه طريقة حنا جدتي
فديتهاااا والله .. الله يخليها لناااا .. ويطول بعمرهااا :shy:

والله يعااافيج ..!! :bigsmile:

تايم آوت
إي عدل شغلج
زيت الزيتون بعد يخليه يجني :shy:
،،

ام ملاك7
احنا موجودااات حبوبه
آآآآمري؟!! :shy:
،،

حورية الدنيا
الله يعافيج حبيبتي
بس ليتج امشاركه معانا بشي من عندج :shy: