لـيـلـة الحـنا في قطر والدول المجاوره "أفكار و خبرات متجددة" مع عنود الغيد

هذه بعض المعلومات عن ليلة الحنا جمعتها من اكثر من موقع

واتمنى الفايده للجميع:)




الحناء من أهم معالم الزواج في المجتمعات الخليجية والعربية
كافه فالحناء من أساسيات زينة العروس ولذا فقد اكتسبت ليلة الحناء وهي الليلة اللي تسبق
يوم الزفاف أهمية كبيرة إلي المرأه الخليجية فقد كانت هذه الليلة في السابق تتم باجتماع أهل
العروس وأقرب النساء إلي العريس كوالدتة أو أخته فقط تقوم العروس بارتداء ملابس ليلة
الحناء التي غالبا تكون خضراء اللون ذات تطريز ذهبي , كما ترتدي قطع الذهب المختلفة
مثل الطاسة "" و المرتعشة "" و الحيول "بأنواعها وتجلس على " دوشق " أخضر مذهب
غالباَ ما يكون قماشه مستورداَ من الهند ثم تضع قدميها فوق " تكيه " أي وسادة تحضرها
" المحنية " تضع الحناء على راحتي العروس أولاَ أما على شكل " قصّه " أو أشكال مستمدة
من البيئة كالورود وجذوع النخيل باستخدام خوصه نخيل حيث يتم غمس طرفها في الحناء
ثم رسم الشكل المراد رسمه بعد ان قامت بتقميع الأصابع ثم تنتقل إلي الأرجل فتضع عجينة
الحناء في أسفل قدم العروس مع تقميع الأصابع ورفع الحناء على جانبي القدم مع بعض النقاط
على أصابع القدم بعد أن تجف الحناء لا تغسل العروس رجيلها بل يوضع عليها قماش أخضر
يلف بطريقة محكمه يكون الحناء في يوم الزفاف أي اليوم التالي قد اكتسب اللون البني الغامق
وهو ما يكسب العروس مظهرا يعبر عن فرحتها بهذا اليوم ...

* * * * * * * * * * * * * * * * * * * * * * * *

تحنى العروس عادة في بيت اهلها قبل زفافها بيومين في جلسة عائلية تضم القريبات وبعض الصديقات القريبات من العائلة والجارات وتقوم الداية (يطلق هذا الاسم على المرأة التي تقوم بعملية رسم ووضع الحناء للعروس) أو إحدى قريبات العروس بعجن الحناء بماء الورد وماء واللقاح ويكون الفتيات في اناشيدهن ويرددن
ليلة الحنا على العذراء سعود********* نورها مثل البدر والعين سود
نورها مثل البدر وسط السما********* معوّدة بالله ومحمد رسول السما
ليلة الحنا على العذراء إبهنا******** نالت العز والسعادة والهـــــــــنا
ربي يحفظها عن عين الحسود******* عينها مثل النجم بنـــــــت الدلال
وينشدن أيضاً:
والليلة بفرح جينا نهنيها *********** يحضرها النبي بغرفتها يهنيها
حلو الحنّا منقّش بيدهامشكلة ******* اشحلاته يا خلق ما ينوصف مثله
حنّاج عالنجم مثل القمر وأحلا****** ذهبها لابستنه وحنــــّـــــــه بيديها
حناها الليلة صاير بالأفراح ******* والعاني إليها خاطره يرتـــــــــاح
خسرها البايع وربح شاريها******* ربح شاريها الحلوه المحبوبــــــة
نسأل الله يلبي مطلوبه ********** مثل حب الذهب حنّاج مصبوبــــة
وتبدأ الداية في تخضيب العروسة وتزيينها وتجمل الأيدي وتخضب الأقدام بطرق معروفة لتعمل شكلاً مزركشاً يطلق عليه ((حنة النقشة)) ويكون بالعجين أو حنة نقش
وهناك طريقة تسمة ((حنة الخضاب)) وطريقة ثالثة يطلق عليها ((سادة أو قَصة))
بينما تستخدم أغلب الفتيات في ليلة الحناء طريقة ((حنة النقش)) ويكون الحناء موضوع في إناء مننحاس والشموع والفوانيس مشعولة والفتيات يعملن حلقة دائرية والعروسة مع الداية في الوسط والجميع بأناشيدهن قائلات أثناء الحنّاء:
حنّاج عجين يا (فلانه) ***** حنّاج عجين
لازفوج على رجلج يا (فلانة) **** لا تستحين
وينشدن أيضاً :
يا زفة العذراى يامحلاها******** ويلوق بالكفين حناها
يا محلاها من على الكرسي **** كل الحبايب واقفة حداها
شال الزري لايق على رأسها **** من فوها ليحدر غطاها
وكلما أنتهت أهزوجه من أهازيجهن أتين بأخرى :
ياخلق سمو عليها******* لايق الحنّا بديها
يللي تحنيها بهداية ****** نقشي حناها بهداية
ومن أناشيدهن السريعة :
لابسة الديباج لخضر ******* ها اللـــــــه هاللـــــــه
ثوب بني ثوب أصفر ******* ها اللـــــــه هاللـــــــه
خدها كالورد أحمــــر ******* ها اللـــــــه هاللـــــــه
وردة شفنـــــاج إحنه ******* ها اللـــــــه هاللـــــــه
خاضبة الكفيـــن حنّه ******* ها اللـــــــه هاللـــــــه
زهر وردي وماء وردي ******* ها اللـــــــه هاللـــــــه
قمر عندنا مثل شمــــسِ ******* ها اللـــــــه هاللـــــــه
وعندما تنتهي الداية من الحناء والتزيين للعروس ينشدن أخرى:

عروسة مكملة حلوة معانيـــــــها
والليلة بالفرح يينا نهنيـــــــــــها
شو حلوه يا خلق ما ينوصف مثله
حنَاج مثل القمر يزهي بلياليـــــها
مثل حب الذهب حنَاج مصــــبوب
تسلم يمين اللي تحنيهــــــــــــــــــا
غنوا للحلوة وباركوا ألــــــــــــيها
تستاهل لو يت النسوان تهنيـــــها
وبعد عملية الحناء تلف أرجل العروس بقماش خوفا من أن تتسخ الملابس وماتبقىمن الحناء في الوعاء يتسابقن عليه الفتيات وما يتبقى من الوعاء والعجين الخاص بنقش العروس تحملنه بعض النسوه لأولادهن الصغار وينهينتلك الجلسة أحياناً بهذه الأهزوجه:
والخلايق حافينهـــــا ****** مثل وردة يا حسنها
والعطر يفوح منهــــا **** وردة مفتحه بغصنها
باركو ليها بعرســــــها**** ربي يعينها ويحرسها
نقش حناها أحمــــــــر **** وحولها النسوان تفتر
ياحلاها لبنية يا حلاها ***** كلنا جينا نبارك إليها

* * * * * * * * * * * * * * * * * * * * * * * * *

:shy:

في ناس يعزمون على الحنا بالبطاقات بحط لكم كوليكشن بطاقات و توزيعات كشوخيه تصلح للحنا ..

شرايكم ؟؟

بعدها بحط صور الكوشه ..

عطر الليل

فكرة حلوة

والبطاقات رووعه


عساج على القوة وننتظر الباقي

ياي مشاء الله عليكن بنات قطر ................

والله انا من الامارات وعايلتنا ما عندها سوالف الحنى بس انا الي باقيه شكلي إن شاء الله
إذا عرست ويى النصيب بسويلي ليلة حناء عسب استانس انا بالهسوالف التراثيه لاني وايد احب
هالاشياء ..............

وخطر في بالي وايد اشياء حق هاليله بما اني اصمم كوش .........

لو كان في البيت ناخذ حجره اتكون متوسطه يعني مش وايد كبيره ونيب بزاويه بعد ما نفرشها بنايلو

يالنايلون وفوقه انيب تراب بطريقه كنه عقوب بالبر نحط مثل الاستاند الصغير بديكورات العريش او خيام ا
خيام اول مع كل الاكسسوارات التراثيه من دلال قهوه قديمه وجيه ونخلي مكان حق قعدة العروس

شوا رايكم بالفكره ...............

تحياتي ................

تايم آوت
الله يعافيج حبيبتي
وانتي بعد ان شالله انجهز لـ ليلتج..
وتسلميين على المعلومااات الحلوه....:shy:
،،

أم نونية
مشكوره حبيبتي على النقشات..
والأفكار الحلوه :clap:
،،

غالية ياقطر
آنا بعد آبي رقمهااا
آبي أخذ فكره عن تجهيزاتها وشغلها :shy:
،،

*درب المحبه*
الله يعافيج حبوبه..
حلوه فكرتهم..
بس أحسها تصلح لأهل المعرس!!
جدي الله يرحمه سواها في عرس خالي
7 ليالي عرضة ورزيف :shy:
،،

عطــــ الليل ــــر
حبيبتي صورج محلهااا بالصفحه الأولى !!!
وتسلمين على صور الأزياء & التوزيعات & البطاقات
وبانتظار صور الكووش :shy:
،،

shooqalmaha
يامرحباااا ملايييين
وحيالله هل الامارااات
فكرتج حلووه :ok:
بس لو اتنفذينها بالحوش أو حديقة بيتكم أحلى
شو قلتي؟؟ <<< ترمس مثلكم (a)

بنااااااااات


كلمت انا ام حسن مالة الجلوة


قالت لي بتييني ومعاها بنتين وبيسون لي الجلوة في مدة اقصاها ساعتين


بقيمة 3000 ريال

بتكلم عن ليله حناي

حجزت في فندق جنه الخليج القاعه احليوه وتصلح حق حنا
عدد المعازيم من 150-180 وطلبنا البوفيه ل100 بس
السبب .. << بنضيف على البوفيه بوفيه ثاني فيه اكل شعبي ( هريس-مضروبه-مرقوقه-برياني ربيان"مربين" )
الحلويات بلاليط-خنفروش-عقيلي-) حق 100 شخص

حجزت كوشه حنا خضرا .. ان شاء الله بقلب القاعه كلها خضرا
غلفت الفاين تغليف اخضر .. وبنحط على الطاولات تور اخضر+سله من السعف فيه مشموم(في الوسط)+ بيكون على الطاولات صحن مكسرات +قطع حلوى بحرينيه +صحنين نخي وصحنين باجلا غير عن القهوه والشاي

بلبس دراعه>> لاحظوا ان قلت دراعه .. خضرا فيها زري ذهبي وفوقه ثوب نشل
جهزت ذهب ليله الحنا مكون من 7خواتم 3 حق اليمين و4حق اليسار وجف ذهبي مع مضاعد وطاسه ذهب وحزام ..<< طبعا مش ذهبي ذهب الوالده الله يطول عمرها .. وخلخال ..>> هاي الوحيد اللي لي

حجزت مكياج وشعر

امممممممم
ايه حجزت لي حريم يسون لي ليله الجلوه ويغنون لي
امينه في معانيها هالله هالله

التوزيعات حنا داخل علب حلوه خشبيه+منظره (مرايه) صغيره مع معصار الحنا

وقلت لثنتين حريم وحده تجي تخبز وتبيع خبز رقاق للي يبي .. والثانيه تصب اللقيمات للي يبي

وبس

واذا تذكرت شي والا بضيف شي بإذن الله بكتبه


ربي يوفقكم

شظايا الماضي:
بنااااااااات


كلمت انا ام حسن مالة الجلوة


قالت لي بتييني ومعاها بنتين وبيسون لي الجلوة في مدة اقصاها ساعتين


بقيمة 3000 ريال

:eek: :eek: :eek: :eek:


انا بعد اللي حجزتها ب3000 بس من اول الحنا لين اخره ماحدد وقت

اما ساعتين!!!! ترى ما يمدي هلج يبون يفرحون وياج عل الاقل لين من 8 لين 11 ونص

[/QUOTE]


مشكوووووووووووووووره عطر الليل على هالصوره
هاي بالضبط نفس المناظر اللي بوزعهم يوم حناي ماخذتهم من الهند .. ولقيت عند لايف ستايل بس فرق 20ريال في السعر:eek2:


خذت ثلاث حبات بي عشان اوفي بالعدد

شمعه جلاس قطر:
:eek: :eek: :eek: :eek:


انا بعد اللي حجزتها ب3000 بس من اول الحنا لين اخره ماحدد وقت

اما ساعتين!!!! ترى ما يمدي هلج يبون يفرحون وياج عل الاقل لين من 8 لين 11 ونص

بنااااااااااااااات لو سمحتوا ممكن تعطوني رقمها ام حسن .... انا ادور من متى وحده للجلوه

Qa&#358;a&#1103; &#946;&#945;&#946;&#1105;


ارسلت لج الرقم على الخاص

يعطيج الف عافيه اختي عنود الغيد ..وعساج عالقوه

ما عليج امر اختي شمعة جلاس قطر ابي الرقم

وشكرا

سحر الشرق:
يعطيج الف عافيه اختي عنود الغيد ..وعساج عالقوه

ما عليج امر اختي شمعة جلاس قطر ابي الرقم

وشكرا

ياقلبي تبين رقم من؟
اللي بتسوي لي الجلوه
والا اللي بتسوي لي الكوشه والا اللي حجزت عندها الاكل الشعبي

؟؟؟؟؟؟؟؟

شمعه جلاس قطر:
ياقلبي تبين رقم من؟
اللي بتسوي لي الجلوه
والا اللي بتسوي لي الكوشه والا اللي حجزت عندها الاكل الشعبي

؟؟؟؟؟؟؟؟

:shy: ابي ارقامهم كلهم ..وجزاج الله الف خير .

:o شمعة قطر

حبيبتي انا بعد بغيت الارقام الله لا يهينج

هلا وغلا
حبيباتي
أنا على استعداد إني أسوي لكم
توزيعات الحنة(فيها حنة)
بشكل غريب ومميز
واللي حابة عالخاص...

تسلمين الغلا ع الموضوع الرائع وبتريه يديدج

اليوم رحت سوق عمان اللي عندنا في السوق المركزي

وشريت اشياء قديمة وااايد وحلووه اللي تجهز حق ليلة الحنه تمرهم هناك