لـيـلـة الحـنا في قطر والدول المجاوره "أفكار و خبرات متجددة" مع عنود الغيد

مررررررررررررررررررررااااااااااااااااااااااحب

في عرس بنت خالتي سوينا حركات شعبية تراثية%

لبسنا البنيات الصغار صروال مع كندورة ( وهي جلابية قصيرة مطرزة بنفس تطريز الصروال) ولبسناهن مخنق

ومع دخلة العروس مسكوا في ايديهن فوانيس صغيرة

أما البنات الاكبر فلبسن ثوب كنورة(دراعة) مع شيل سودة مال اول اللي مطرزة بخوص فضي

وحطن في شعرهن مشموم ومسكوا مهفات (العرس كان في شهر 8 عز الحر)

والعروس لبست لبس أحمر بحريني مع الطاسة والحزام والمرتعشة (هدية من أم المعرس لكنتها) يعني من ساسها لراسها ذهب وباقي الذهب كان مال العروس

أما التوزيعات فكانت (خرايط) يعني أكياس قماش مخيطينها في البيت وحطينا فيها مكسرات وحلويات

:shy: :shy:

غالية ياقطر:
شظايا الماضي

انا اخبر خالتي تعرف وحده اسمها أم حسن قطرية تجهز لج ليلة الحنه كاملة من كوشه ومناظر قديمة واشايء تراثية ولاتسوي لج الجلوة هي بنفسها كله ب3000 ريال اذا بغيتي بكلم لج خالتي وبطرش لج رقمها على الخاص

ابي رقمها بليييييييييز

ممكن تسوون المكان كله فيه مثل الخوص وتتعلق مناظر مالت لول مادي وين يحصلونها
الخوص والجريد موجود في سوق عمان بالمتر تختارينه
المناظر تترتب وتنسوى قعده للعروس على الدواشج خضراء مع الزري ويدخل الفضي معاه
طبعا يدخل التور معه ودرجات التخريم الخفيف والمتين

البوفيه ينحط على سفر كبار شعبي
العروس تلبس الطاسه والمرتعشه
والكف وتعكف شعرها صغار وايد عكفات مثل لولو لو شعرها طويل
او عكفتين وتحط المشموم
هذا الي في بالي والسموحه

اممم تذكرت شي يمكن يفيدكم

ترى تحصلون اشيا تصلح للجلسه الشعبيه

مثل الفنر وغيره في رااااااااااامز

ولاتنسون التوزيعات بين فترات يجيبون اشيا تصلح

وممكن تاخذون من عندهم شموع حمرا وتغلفونها بتور فالبيت بتطلع روعه

وووووبعد وشو

كان في شي فبالي بس نسيت

اذا تذكرت برد وبقولكم

شظايا الماضي:
بنااااااااات
كلمت انا ام حسن مالة الجلوة
قالت لي بتييني ومعاها بنتين وبيسون لي الجلوة في مدة اقصاها ساعتين
بقيمة 3000 ريال

ماتسوووى :angry:
خذيلج أم صلاح اتسويلج الجلوه .. وعقبها طق وأغاني ثانيه وبنفس السعر :gum:
،،

شمعه جلاس قطر
ماشالله ليلتج ترتييييب:clap:
بس شلوون 7 خواتم وجف ؟؟
الجف برووحه معاه 5 خواتم
إلا اذا اللي عندكم بدوون :dd:
الله يهنيييج إن شالله ويتمم لج على خير (f)
،،

سحر الشرق
الله يعافيج حبوبه (f)

أم نونية:

يعني بالعربي حجزوا ناس شفتوهم ...ومشهورين
وأنا أرشح أم صلاح-بدرية

me 2
:gum:

و بالتوفيق ان شالله
في طلبيات التوزيعات (f)
،،

اغـــلى دمـــوع
العفووو حبوبه :shy:
،،

غالية ياقطر
جزاج الله خير.. على هالخبرية
وبالفعل السوق العماني
عندهم أشيا لا يستهان فيهااا :gum:

hamdooty
أفكااارج عجيييبه :clap:
تسلمين على هالطرح الحلو
ومشاركتج ويانا (f)
،،

RoO7 QtR
الله يسلمج ويعافيج حبيبتي :shy:
الفكره على انها امكرره وااايد
بس بعد اتسلي الناس ليين مايبتدي العرس
خصوصا الناس اللي مش قراب ولا أنعزموا على الحنا
لكن الإهداءات أول مره تمر علي :gum:
ماقصرتي (f)
،،

ام حمد القطريه
ياهلا والله ..
تسلمين على هالأفكااار..
وبانتظااار أفكااار جديده :shy:
،،

دلوعه قطريه
اهم شي رامز :bigsmile:
محد علمني عليه ولا قووم سوقه عندي إلا انتي
وللحين مارحته :sad:
فكرة الشموع الحمرا والتووور <<<خياااااااال (y)
وبانتظار الشي اللي راااح عن بالج:gum:

والله ان الموضوع شي
تسلم يدج عنود الغيد

بقولكم عن ليلة حنتي وليلة جلوتي بس وقت ثاني لان ماعندي وقت الحين

[QUOTE=عنود الغيد]

شمعه جلاس قطر[COLOR="indigo"]
ماشالله ليلتج ترتييييب:clap:
بس شلوون 7 خواتم وجف ؟؟
الجف برووحه معاه 5 خواتم
إلا اذا اللي عندكم بدوون :dd:

هههه لا فديتج بو خاتم واحد الجف اللي عندي

مااشاء الله علييكن يا بناااات قطر ....


يعطيييكن الـــــف عااااافية يارب وعساااكن على القوة يارب


بصراااحة الموضوووع وااايد حلو ومفيييد

وان شاء الله انا بسوي بحث بيين الصدييقااات وبسأل عن ليلة الحنا عندنا في الامارات وبخبركم


وكل التوفيق يارب

شمعه جلاس قطر:

عنود الغيد:


شمعه جلاس قطر
ماشالله ليلتج ترتييييب:clap:
بس شلوون 7 خواتم وجف ؟؟
الجف برووحه معاه 5 خواتم
إلا اذا اللي عندكم بدوون :dd:

هههه لا فديتج بو خاتم واحد الجف اللي عندي

زاااااده استغربت من الموضوع :shy:

لووول

أحلام صغيرة
الله يسلمج حبيبتي
وبانتظااار تقرير جلووتج (f)
،،

الجميرية
الله يعافيج يالغالية
وتسلمين على الكلام الحلو

وننتظر نتيجة البحث :shy:

والله موضوع يستحق التميز والتثبيت متعوب عليه حيل
بس مقهوره ماطلعت لي كل الصور

مدري وش اسمي:
والله موضوع يستحق التميز والتثبيت متعوب عليه حيل
بس مقهوره ماطلعت لي كل الصور

تسملين على هالكلام الحلو :shy:

ومناااا إلى المشرفاااات :gum:

تــــــم تثبيت الموضوع لتميـــزه وفائده


يعطيـــــــــج العافيه عنووده عالفكره الاكثر من ممتازهــ


وتستاهلـــــــــــون يالغاليــــــــــات

عنود الغيد

أدري في قلبج تقولين هذي قالت لي رجعة وصار لها يمكن أسبوع ولا أكثر ..

ولا مرت حتى عالموضوع .. خخخخخخخ .. بس والله أنشغلت ..

والصراحة يبي له تشاركين في هالموضوع والفكر صافي وتكونين قاعدة على راحتج ..

أول شي يعطيج ألف عافية على هالموضوع الحلو ..

واللي الصراحة أحلى عندي من يوم العرس .. لان هاليوم الكل يكون على عفويته ..

وهاليوم يكون خفيف والكل يستانس فيه حتى العروس ..

وعقبال ماننعزم على حناج إن شاء الله .. >>>> من قلب دزت روحها ..



عطــــ الليل ــــر

صور الكوش اللي حطيتها ستايل مغربي ..

وحلو لو الوحدة تسويه وهي لابسة اللبس المغربي ..

وهالشي شفته في الإمارات يميلون للباس المغربي الشعبي بليلة الحنا ..

وتسلمين حبوبة على صور ملابس الحنة .. واااايد يعجبني الستايل العماني ..

وبخصوص البطايق مافي داعي أنا أشوف .. بتقولين لي ليش ..

لان هاليوم غير عن العرس بسيط وعفوي صج فيه ناس وحشرة بس مافي داعي ..

تكلفين ببطايق تكون منفصلة عن بطاقة العرس اللي نحط فيها كرت صغير لدعوة الحنة ..

وخلوا البطايق للعرس ..

والله يعطيج العافية ..



غالية ياقطر

إن شاء الله تعدي حنتج على خير ..

الصراحة تجنن فكرتج وتوزيعج لليوم ..

وحلو حتى إن تبدلين ملابسج ..

وبخصوص المصاحف الصغار تقدرين تسالين عنهم وتشوفينهم في المكاتب

وأنا شفت منهم مرة في الرونق اللي في المطار .. بيطلع عليج بوايد أرخص من لاريسا ..

والله يوفقج إن شاء الله وتبشرينا بعدها بأحلى حنة ..

والله يهنيج يااااارب ..



ام حمد القطريه

ما شاء الله عليج تعودنا نشوف لج ردود ومشاركات تشرح الصدر ..

والمناظر اللي تتكلمين عنهم شفتها مرة في البحرين في محل يبيعهم ..

وننتظر أحلى أفكارج ..

وبنات لاتنسون أم حمد تقدر تساعدكم في التوزيعات أفكارها وشغل يجنن وماعليه كلام ..



احترت في اسمي

الكراسي البيض اللي تدورينهم في ناس وايد تمتلكهم ..

وتحطهم للأجر .. وإن شاء الله حصلتيهم .. لان البنات ماقصروا وفادوج ..



باربي_Qtr

تدرين هالعبط نسويه بعد أحنا .. ههههههههههههه ..

يوم حنة أختي كشخت باللبس المصري اللي هو مثل الشبك وعليه الفولك الملون الكبار ..

ولبسة ربطتهم على شعري وحطيت مكياج نعوم ولبست شلحة قصيرة من تحت ..

لان الجلابية كانت فيها فتحتات ولازم ماأسدهم .. ولبست مضاعد لان هالمصر معروفين به ..

صج طلعت مصرية جوي جوي .. وشكلي يساعد الصراحة .. ههههههههههههههههههههههه ..

وعقب يوم خفوا الناس رحت وبدلت ولبست جلابية مصرية ثانية بس اللي هي نايلون وفيها مخبة

وهذي تعرفونها في منها كانوا وايد بالمعرض .. وتميت أرقص وأستعبط بها .. هههههههه ..

صج الحنة غيررررررررررررررررر عن العررررررررس الربشة والجنون غيرررررررررر ..

أما عرس أختي الثانية .. لبست جلابية كويتية راقية .. واستعبطت أخر الليل ..

بس مب وايد لان الجلابية ماتساعد وايد بهدلتني ..

وفي حنة بنت عمي .. كانت مسويه جلوه وكانت جايبه أم صلاح ..

كنت كاشخة بجلابية كويتية كشخة .. وأخر شي بدلت لبست مرة ثانية المصري ..

وبنت عمي لبست ثوب وتلثمت ودخلنا نرقص على دقني .. ههههههههههههههههههههههههه ..

صج أستانسوا علينا الطقاقااااااااات .. خخخخخخخخخخخخخخخ .. وحتى اهلنا ..

وإن شاء الله نبدع في حنة بنت خالي ..



وجدان الشوق

أفكاركم أنتي ومرامية وايد حلوة ليش ماتقولونها للبنات وتفيدونهم ؟؟!!..




شظايا الماضي

عندج أم صلاح (( بدرية )) ، وعندج عائشة الفضالة ..

وفي وحدة بعد تجي من البحرين مع بنتها بسأل لكم عن أسمها ورقمها وكم تأخذ إن شاء الله ..



أم نونية

تسلم لنا أفكارج والله .. ومثل ماقلتي ونصحتي البنات ..

بصمة شغلج غير عن بصمة شغل المحلات والله ..

أحنا دوم لو الشي مب متوفر عندنا نحاول نسأل وين نحصله ..

ونستلفه حق هالليلة ونرجعه .. ولو المحلات تحط وأحنا جربنا فت ول ..

بعد نزيد عليهم ونحط من عندنا لازم لازم نضيف بصمتنا في الحنة ..



*درب المحبه*

حلوة فكرتج .. بس تدرين أتمين متلكوته بهالشيلة ولا تفصخينها ..

حلاته الحنة بس حريم .. لان تأخذين راحتج أكثر ..

والعرضة لو يحبون البنات يسون الفكرة يوم واحد يكفي ..


تايم آوت

تسلمين يالغالية على هالمعلومات الحلوة واللي كلها ريحة حنة >> تموووووت عالحنة ..

يالله ياربي نجهز لج ليلة حناج وعرسج إن شاء الله ..




shooqalmaha

خلاص لازم أنتي تطلعين غير عن هلج وتسوين هاليوم الحلو ..

لان طعمه والله وايد أحلى من العرس ..

وفكرتج تجنن الصراحة .. ومثل ماقالت عنوده فديتها أحلى تكون في الحوش ..

لان الرمل الصراحة بيبهدل بيتكم واليهال كلش مابيقصرون .. هههههههههه ..


شمعه جلاس قطر

الله يعدي ليلة حناج على خير إن شاء الله ..

وايد حلوة فكرتج وتجهيزج للحنة ..

وحلوة فكرة المناظر لانها بتنفع البنات حق الشنطة .. ههههههه ..

وبخصوص الجف .. عرفت اللي تقصدينها وعشان أفهم عنوده ..

يلبسونه اليهال الصغار حق العيد لزوم الكشخة ..

وفي منه بو خمس خواتم وفي منه بو خاتم ..

وخبز الرقاق واللقيمات .. روعة الفكرة وشفتها في حنة وحدة من الأهل ..

صج كانت مسويه جو وزحمة عليهم .. الله يعطيهم العافية ..

وننتظر أحلى تقرير منج لليلة حناج ..



hamdooty

واااااايد نايس فكرتكم الصراحة وايد أحب تدخل اليهال في زفة الحنة ..

وبقول لكم فكرتي في حنة خواتي وش سويت مع اليهال ..



RoO7 QtR

وايد حلوة فكرة التهاني .. يبي لنا نسويها ..

تسلمين حبوبة ..




دلوعه قطريه

تسلم لنا أفكارج الحلوة وننتظر أحلى مواضيعج ..



الجميرية

ننتظر أحلى خبريه منج يالجميرية ..

وأحلى تفاصيل ليلة الحنة في الإمارات ..



مدري وش اسمي

والله مثل ماقلتي موضوع متميز ويستحق نجمة وتثبيت والله ..

وننتظر تفاعل المشرفات وتكريمهم للموضوع ..



بنت الغالي

توني أقول إن شاء الله يتثبت الموضوع لانه صج يستاهل ..

والله ماقصرتي يالغالية يابنت الغالي ..

وعقبال مانجهزج ونشوف أحلى أفكارج يااااارب ..

بنت الغالي:
تــــــم تثبيت الموضوع لتميـــزه وفائده

يعطيـــــــــج العافيه عنووده عالفكره الاكثر من ممتازهــ

وتستاهلـــــــــــون يالغاليــــــــــات

وش هالخبر الحلووو اللي فتحت عيووني عليه :shy:

>>> أحسن من خبر بعض الناااااس "اللي يعرفون نفسهم" :angry:

بعد عمرري غلاااوي
ماقصرتي والله (f)

كريستالة قطر:

عنود الغيد

أدري في قلبج تقولين هذي قالت لي رجعة وصار لها يمكن أسبوع ولا أكثر ..
ولا مرت حتى عالموضوع .. خخخخخخخ .. بس والله أنشغلت ..

والصراحة يبي له تشاركين في هالموضوع والفكر صافي وتكونين قاعدة على راحتج ..
أول شي يعطيج ألف عافية على هالموضوع الحلو ..
واللي الصراحة أحلى عندي من يوم العرس .. لان هاليوم الكل يكون على عفويته ..
وهاليوم يكون خفيف والكل يستانس فيه حتى العروس ..

وعقبال ماننعزم على حناج إن شاء الله .. >>>> من قلب دزت روحها ..

فديتج والله..
وعااادي ياقلبي الغايب عذره معاه :shy:
وتسلمين عالتواااصل
والدعوه الحلوه :smile:

"برايفت"
يازينج ويازين مفاجأتج ..
بس لا اتخرعيني جذيه مره ثانيه!!
دبووه .. كنت نايمه... :confused:

كرستالة

اخيرا رجعتي من زمان وانا اقول وينها وبعد لازم تسوين لج سوالف يعني قلتي بقولكم شلون زفتي للحنه ودخلت اليهال وماقالت اللحين بتروح ومايندرى متى بترجع الله يحفظج يالغاليه


صج بنات اللي قالت عن رامز ترى في اشياء حلوه حق توزيعات عن نفسي خذت من عندهم قراش حق العطر من كرستال شكلهم ناااعم وحلو وخذت خلطة فزاع من الدليمي وبصبهم فيهم وبسويهم توزيعات


بنات ابي اسالكم انا بسوي لي دخلتين دخلة بلبس الاخضر والذهب وزفة قديمة حق فطومه واليهال بيدشون معاي لابسين بخانق وماسكين فنر ومرش وحركات قديمه وبرجع بدخل مره ثانيه بلبس هندي وعلى موسيقى هندية شتنصحوني اسوي في الزفة الهندية حركه يعني في دخلتي ؟؟؟؟