فينكو يا بنات يا مصريات؟؟؟؟؟؟

shadow of love 22-11-2006 514 رد 41,730 مشاهدة
d
ايه يا بنات الحلاوه دي موضوع يجنن اوي وكان نفسي من زمان الاقي حاجه زي كده على المنتدى وطبعا امل رينا يوفقها يا رب كنت سألتها قبل كده في شويه حاجات ومقصرتش
على فكره يا بنت المنصوره انا كمان من المنصوره وبالنسبه لفرع اوريفيلام انا كنت اعرف ان زمان كان ليهم فرع وبعدين مشيو وكمان يا بنات نفسي في ماركه ايشادو حلوه وتكون درجاتها تقيله مش خفيفه
ن
أم الشهداء:
يا ترى يا بنات ما هى أحسن المنتجات للبشرة الجافة ؟ و ما المقصود ب " جليتر " و " جلوس " ؟:shy: :shy:

اهلا ام الشهداء نورتي الموضوع

وكل سنه وانتوا طيبين
وسنه جديدة سعيدة علينا كلنا ان شاء الله

بصي يا ام الشهداء
اللى اعرفة ان الجلوس دة هو ملمع الشفايف
وبيكون بفرشة مش قلم روج عادي
وفي منه لونه شفاف يتحط فوق الروج العادي عشان يديله لمعه وفي منه هو اصلا ممكن يتحط لوحده لانه بيكون ملون وبلمعه
زي كل الانواع والالوان اللى عبارة عن زجاجة بفرشة

اما الجليتر فدا لمعه للجسم
وبيكون عبارة عن جيل فيه لمعه يتفرد على الجسم بالايد
او بودر فيه لمعه يتفرد بالاسفنجة الخاصة بيه

يارب اكون عرفت ابينلك الفرق
ن
drlayali:
ايه يا بنات الحلاوه دي موضوع يجنن اوي وكان نفسي من زمان الاقي حاجه زي كده على المنتدى وطبعا امل رينا يوفقها يا رب كنت سألتها قبل كده في شويه حاجات ومقصرتش
على فكره يا بنت المنصوره انا كمان من المنصوره وبالنسبه لفرع اوريفيلام انا كنت اعرف ان زمان كان ليهم فرع وبعدين مشيو وكمان يا بنات نفسي في ماركه ايشادو حلوه وتكون درجاتها تقيله مش خفيفه

اهلا بيكي معانا يا قمر
والحمد لله ان الموضوع عجب ناس كتير
والفضل لشادوا صاحبه الفكرة والموضوع

انا هقولك على ماركة عجبني جدا الايشادو منها بس اكيد محدش هيصدق لانها مش معروفة خالص او مش منتشرة
انا عجبني جدا الايشادوا من منتجات ماي واي
بيتبت جدا وتحسي انه تقيل من مجرد مسحة خفيفة ولمعته تحفة وطبعا في من غير لمعه بس انا بحب اكتر اللى فيه لمعه
أ
نانى حبيبتى ربنا يسعدك يا قمر:flower: و كل سنة و أنت بألف صحة و سلامة :smile: و يا ترى يا نانى الجلوس يغنى عن إستخدام الروج ؟ و أين توجد منتجات ماى واى ؟ و شكراً يا عسولة (8) (8) (8)
s
انا بجد فرحانة اوى انى لقيت موضوع زى دة هنا كنا محتاجينه من زمان
انا بصراحة مهووسة بالميك اب ومستحضرات التجميل والبرفانات واحب اعرف دايما الجديد منها واستفيد من الخبرات فى الموضوع دة وان شاء الله كلنا نستفيد ونفيد بعض وبالنسبة لى آخر حاجة جربتها فى الميك اب هو كريم اساس اماندا بصراحة حلو اوى فى الخروجات ودة نانى رشحتهولى وبصراحة بشكرها جدا
والبودرة اماندا برضه بس درجة 20 اللى هى فيها جليتر جميلة برضه فى السهرات وكمان جربت البودرة البرونزية من اوريفليم تحفة وكريم الاساس كمان بتاعهم جميل
a
السلام عليكم و رحمة الله و بركاته

ازيكم كلكم يا بنات؟؟ كل سنة و انتم طيبين. ما شاء الله ايوة كده ادوها نشاط شوية و خلونا نتكلم في اهتماماتنا الماكياجية :shy:

رحيق الابداع، جزانا و اياكم صالح الاعمال يا غالية و كل سنة و انتي طيبة

شادوا الجميلة، و انتي طيبة يا سكرة، و كل سنة و انتي دايما بخير و صحة و سعادة

دكتورة ليالي، كل سنة و انتي طيبة يا قمر و الحمد لله اني قدرت اساعدك بمعلوماتي البسيطة

ناني و بنت المنصورة و ليمونادة الجميلة و ام الشهداء و سيرين سول، كل سنة و انتم طيبين

يا بنات على فكرة من انواع الشادو الحلوة اوي و ثابتة و الوانها واضحة ماركة سارا و دي تبع شركة لونا. بجد حلوة و الوانها جميلة. فيه علبة بيبقى فيها 4 الوان دي تقريبا ب 39 او 41 حاجة كده مش فاكرة اوي.

لو افتكرت حاجة تانية ابقى اقولكم عليها
م
أمل شادو نانى شكلكو عندكو خبرة كويسة قوى فى الميك أب وطبعا انا كنت نازلة اشترى اليك اب بعد العيد وكده انا عرفت منكم ماركة حلوة كتير جربها الى هى اماندا فى كريم الاساس والبودرة لكن انا عايزة اعرف ماركة حلوة فى علب الماكياج الكاملة ويكون حجمها كويس علشان تتحط على التسريحة بصراحة شكلها بيبقى حلو قوى فايه هى احسن االنواع وايه اسعارها وبالنسبة للروج ايه احسن الانواع والوان كل نوع الحلوة وارقمهم واجيبهم منين ياريت تفيدونى
a
اهلا بيكي معانا يا مروة، كل سنة و انتي طيبة يا قمر

بصي احنا ناقشنا موضوع علب الماكياج بالتفصيل في صفحة 4 في نفس الموضوع اضغطي هنا، و في صفحة 5 اضغطي هنا. و ان شاء الله تلاقي الاجابات اللي عاوزاها فيهم يا قمر. و لو حتجيبي العلبة من اوريفليم الحقيها بقى قبل ما الشهر يخلص و قبل العيد و الاجازات. اما علب بوبا فتلاقيها في محلات الميك اب الكبيرة، اسألي عليها في فورتشن او فيسز او مزايا، يا اما لو ليكي حد في الخليج خليهم يجيبوهالك من هناك
أ
أختى أمل كل سنة و أنت طيبة يا قمر :salam: و من فضلك يا عسولة ما هى أحسن المنتجات للبشرة الجافة ؟ و هل الجلوس الملون يعتبر بديل للروج أم إضافة له ؟ و ما الفرق بين بادى سبراى و بادى سبلاش ؟ و آسفة حقيقى لكثرة الأسئلة لكن أنا فعلاً معلوماتى بسيطة جداً فى موضوع الماكياج :shy: :sad:
@
اية الجمال دة يا بنات

روووووووووعة :clap: :clap: :clap: :clap: :clap: :clap:
d
بنات انا اشتريت اليوم مسكرا جيورداني بتاعه اورفيلام يا ترى فيه حد فيكم جربها وانا حجربها وقولكم انشاء الله
a
أم الشهداء:
أختى أمل كل سنة و أنت طيبة يا قمر :salam: و من فضلك يا عسولة ما هى أحسن المنتجات للبشرة الجافة ؟ و هل الجلوس الملون يعتبر بديل للروج أم إضافة له ؟ و ما الفرق بين بادى سبراى و بادى سبلاش ؟ و آسفة حقيقى لكثرة الأسئلة لكن أنا فعلاً معلوماتى بسيطة جداً فى موضوع الماكياج :shy: :sad:


و انتي طيبة يا جميلة

شوفي يا ستي، زي ما قلت للبنات كل الماركات فيها كريمات لجميع انواع البشرة و منها البشرة الجافة طبعا. انتي روحي للبياع و اطلبي الكريمات اللي تناسب البشرة الجافة، و اهتمي يكون عندك كريم نهار و كريم ليل عشان دورة الترطيب تفضل مستمرة. شوفي في ماركة نيفيا فيزاج و ماركة لوريال و اكيد حتلاقي اللي يناسب بشرتك

بالنسبة للجلوس الملون ممكن يستخدم بديل للروج لو عاوزة حاجة سيمبل او تحطيه فوق الروج لاضفاء لمعة عليه، يعني بيستخدم في الحالتين

اما الفرق بين البودي سبراي و البودي سبلاش، تقريبا مفيش فرق غير ان السبلاش أخف شوية من السبراي و ريحته بتطير اسرع، بس يا ستي دي معلوماتي عنهم

و عادي يا بنتي اسألي، ما انا نفسي اتعلمت من سؤال البنات و متابعة موضوعاتهم
a
drlayali:
بنات انا اشتريت اليوم مسكرا جيورداني بتاعه اورفيلام يا ترى فيه حد فيكم جربها وانا حجربها وقولكم انشاء الله


مبروك عليكي يا ليالي، انا بصراحة مجربتهاش، بس جربت نوع تاني من اوريفليم بس معجبنيش، بصراحة اماندا و ساندي نفعوا معايا أكتر من اوريفليم و بورجوا
أ
amaladel:
و انتي طيبة يا جميلة

شوفي يا ستي، زي ما قلت للبنات كل الماركات فيها كريمات لجميع انواع البشرة و منها البشرة الجافة طبعا. انتي روحي للبياع و اطلبي الكريمات اللي تناسب البشرة الجافة، و اهتمي يكون عندك كريم نهار و كريم ليل عشان دورة الترطيب تفضل مستمرة. شوفي في ماركة نيفيا فيزاج و ماركة لوريال و اكيد حتلاقي اللي يناسب بشرتك

بالنسبة للجلوس الملون ممكن يستخدم بديل للروج لو عاوزة حاجة سيمبل او تحطيه فوق الروج لاضفاء لمعة عليه، يعني بيستخدم في الحالتين

اما الفرق بين البودي سبراي و البودي سبلاش، تقريبا مفيش فرق غير ان السبلاش أخف شوية من السبراي و ريحته بتطير اسرع، بس يا ستي دي معلوماتي عنهم

و عادي يا بنتي اسألي، ما انا نفسي اتعلمت من سؤال البنات و متابعة موضوعاتهم
شكراً يا أمل جزاك الله كل خير , و على فكرة أنا أيضاً من المنصورة .
ن
أم الشهداء:
نانى حبيبتى ربنا يسعدك يا قمر:flower: و كل سنة و أنت بألف صحة و سلامة :smile: و يا ترى يا نانى الجلوس يغنى عن إستخدام الروج ؟ و أين توجد منتجات ماى واى ؟ و شكراً يا عسولة (8) (8) (8)

الله يخليكي يا حبيبتي على دعواتك الجميله دي

بصي الجلوس الالوان طبعا يغني عن الروج
لكن الشفاف مش ينفع يتحط لوحده
غلا لو انتي عايزة لون شفيفك وعليه لمعه بس يبان طبيعي يعني
والف مبروك على عضوية اوريفلام
هتلاقي الجلوسات اللى بقولك عليها نازل عليها عرض في شهر يناير بعد 24 ب 14 وهي شكلها زي الانبوبه والوانها عجباني جدا
ان شاء اللع هجيب منهم
لاني بصراحة بفضل النوع دة اكتر بكتير من قلم الروج التقليدي
a
جزانا و اياكم صالح الاعمال يا ام الشهداء، و كل سنة و انتي طيبة يا قمر. اهل المنصورة أجدع ناس، انا من طنطا و زوجي من المنصورة بس حاليا مقيمين في القاهرة و ان شاء الله جايين نعيد عندكم في المنصورة :) بصراحة المنصورة وحشتني اوي المرة دي و منتظرة الاجازة بفارغ الصبر!!
ن
drlayali:
بنات انا اشتريت اليوم مسكرا جيورداني بتاعه اورفيلام يا ترى فيه حد فيكم جربها وانا حجربها وقولكم انشاء الله

ان شاء الله تطلع حلوة

بس انا بحب جدا ماسكرا نيفيا
وماسكرا ايفون الزرقا

ومستنين ردك عشان نجربها لو طلعت حلوة
ن
أم الشهداء:
أختى أمل كل سنة و أنت طيبة يا قمر :salam: و من فضلك يا عسولة ما هى أحسن المنتجات للبشرة الجافة ؟ و هل الجلوس الملون يعتبر بديل للروج أم إضافة له ؟ و ما الفرق بين بادى سبراى و بادى سبلاش ؟ و آسفة حقيقى لكثرة الأسئلة لكن أنا فعلاً معلوماتى بسيطة جداً فى موضوع الماكياج :shy: :sad:

منتجات ماي واي هتلاقيها لو تعرفي عضوة في ماي واي
لانها زي ايفون واوريفلام كدة


تقصدي بمنتجات البشرة الجافه ايه بالظبط ؟
كريمات ولا ميك اب ؟

لو ميك اب فمعظم كريمات الاساس هي مناسبة للبشرة الجافة ماعدا ال oil free
هتلاقي انواع منها في اوريفلام
وكمان هيكون احسنلك البودر الكريمي
ودة حلو اوي في ماركة لوريال
وكريمات الترطيب حلوة اوي في اوريفلام
A
كان نفسي افيدكم بنات بس خبرتي قليلة جدا بالماكياج
بس فعلا اورفلام وايفون
ماركات حلوة قوي
وتشاو واماندا
بس انا اروج بشوف اللون اللي عاجبني واشترية
من غير ما ابص علي الماركة
يا تري دة غلط
افيدوني
ن
AHOM:
كان نفسي افيدكم بنات بس خبرتي قليلة جدا بالماكياج
بس فعلا اورفلام وايفون
ماركات حلوة قوي
وتشاو واماندا
بس انا اروج بشوف اللون اللي عاجبني واشترية
من غير ما ابص علي الماركة
يا تري دة غلط
افيدوني

لا هو مش غلط
هي الفكرة في انك تبصي على الماركة هي انك تشتري حاجة مضمونه على قد ما نقدر عشان منضرش بشرتنا
وكمان عشان لو ارتحتي لحاجة معينه تبقى عارفة ماركتها عشان لما تيجي تشتري مرة تانيه تسالي عليها بدل ما تدوخي وانتي بتدوري عليها
وفعلا كل ماركة من اللى انتي قلتي عليها عندها حاجات حلوة
X