فينكو يا بنات يا مصريات؟؟؟؟؟؟

shadow of love 22-11-2006 514 رد 41,730 مشاهدة
s
ازيك يا فردوسيه و امل وملكه مصر عاملين ايه يا بنات
مش مشكله السعر يا ياسمين المهم تكون حاجه كويسه
بصي انا مجربتش قبل كده كريم اساس خالص
بخاف انه يدهنن الوش
يعني الاويل فري بيكون زي البودر والا ايه
وايه احسن ماركه اجيبها
بيقولوا هنا في المنتدي كلينك طبيه وحلوه
قلت اروح عند العزبي اشوفها عنده
انتي ايه رايك
وايه نظام البودره اللوس ديه يا امل
f
بصي يا شادو كريم الاساس الاويل فري ده كريم عادي بس خالي من الزيوت و بالنسبة للمكان اللي ممكن تجيبي من عنده في محل faces في كارفور ومحل مزايا في سيتي سنتر اللي في مكرم عبيد و عند الكلية الحربية والماركات الحلوة make up for ever وclinic ممتازين .:clap:
a
السلام عليكم و رحمة الله و بركاته

اهلا يا بنات، ازيكم عاملية ايه؟؟

ازيك يا شادو؟ ايه حكاية تشات عروس دي؟؟ انا مسمعتش عنها قبل كده. بالنسبة للوس باودر دي بودرة سايبة مش مضغوطة و بتحطيها بالفرشاة بعد كريم الاساس لتثبيته. خبير تجميل كلارينس كان قال لي ان الصح اننا نستخدم البودرة السايبة بعد الاساس، اما المضغوطة بنستخدمها لما نكون خارجين و بس بنظبط الميك اب او لو عرقنا او فيه مناطق دهنية محتاجة تظبيط. انا باستخدم اللوس باودر من اوريفليم بس فيه في ماركات تانية طبعا. بالنسبة للباودر مش حتحتاجي تستخدميه لو استخدمتي اساس بوبا زي ما قلتلك لان هو ملمسه مخملي يغنيكي عن الباودر، بس اسألي في المحل الاول اذا يناسب بشرتك و الا لا

سلامي لكل البنات الجميلات
m
ايوه كده يا بنات مصر اتجمعوا
طيب اللي حواجبها خفيفيه زي بتعمل فيها ايه انا برسمها بالايشادو
s
ازيك يا امل ميرسي يا قمر علي ردك و عامله ايه؟؟؟
شات عروس موجود هنا في المنتدي في منتدي الاسره والمجتمع كل البنات المصريات متجمعه
وكل واحده بتعرف نفسها وبنشات مع بعض
بالنسبه لكريم الاساس انا هجيب كلينك الكل بيقول انها طبيه ومش بتضر البشره
لان انا بشرتي حساسه ودهنيه اما اللوس بودر اانا هشوف بتاعه اورفيليم وهسأل عليها الاول اذا كانت تناسبني والا لا
ازيك يا منجو منورانا والله انا حواجبي كانت خفيفه زيك بس الحمد لله دلوقتي بقت كويسه
انا كنت بحط عليها كل يوم زيت خروع والكوافيره بتاعتي كانت بتقولي اجيب فص توم وامرره علي كل حاجب شويه
بس انا لما لقيت زيت الخروع جاب نتيجه ماستخدمتش الثوم
m
[glow=330099]مرسيه ليكي يا شادو على ردك[/glow]
p
ازيكم يا بنات
ازيك يا امل ايه اخبارك عامله ايه بقولك يا جميل انا بسمع عن بودره الاضاءة يا ريت تقوليلي شكلها ايه ونوعها وكمان بتتحط فين ؟؟
عايزة اسئل كمان عن كريمات العنايه اليويمه يعني زي ما امينه شلبايه بتقول منظف او غسول وتونك وكريم النهار وكريم الليل وكريم العين عايزة اعرف اجيب نوع ايه ومعلش يا جميل هتعبك معايا
s
ايوه والله معاكي حق انا كمان كنت عاوزه اعرف انواع الكريمات ديه ايه وطبعا يا امل تكون كويسه علي شان البشره الحساسه
ر
ما شاء الله موضوع جميل
a
السلام عليكم و رحمة الله و بركاته

ازيكم يا بنات؟؟ معلش اتأخرت عليكم و لسه شايفة الاسئلة حالا

شادو و بوسي ازيكم يا جميلات؟

اهلا يا بوسي يا قمر، شوفي بودرة الاضاءة اللي باستخدمها من بوبا و هي لوس باودر و باحطها بالفرشاة الكبيرة. تحطيها على الجبهة و على عظام الخد البارزة (ابتسمي و حطيها) و على الانف و الذقن. بتبقى لونها ابيض لؤلؤي و بتدي ضي حلو اوي.

فيه كمان يا بنات كريم و بودرة للون البرونزي من اوريفليم جيورداني حلوين اوي و بيخلي اللوك جمييييييييل جدا خصوصا لو لابسة حاجة على نحاسي او بني او بيجات

بالنسبة لبرنامج الحماية يا بوسي انتي و شادو، هو مكون زي ما امينة قالت من منظف (يكون رغوة او ميلك تستخدميه بقطنة) + تونك ملطف للبشرة + كريم نهار + كريم ليل + كريم للعين. ده موجود في ماركات كتير اوي زي: نيفيا فيزاج، لوريال، كلارينس، اوريفليم، كيلنيك. عموما أحلى مجموعة هي كلارينس و كلينيك لانهم ماركات تهتم بالبشرة اصلا و بتهتم بالحاجات دي اوي بس هي ماركات غالية جدا، يعني ممكن علبة كريم الليل مثلا تلاقيها ب 300 و شوية. لوريال اقل في التمن بس تجيبي الاصلي، يعني يا اما صنع في باريس يا المانيا مش حاجة تانية. نيفيا فيزاج معجبنيش اوي و كريماته دهنية زيادة عن اللزوم. طبعا يا شادو اي ماركة حتجيبي منها فيها حسب انواع البشرة يعني و انتي بتشتري تعرفي البياع انك عاوزة للبشرة الحساسة و هو يديكي اللي انتي عاوزاه.

على فكرة يا بنات اوريفليم فيها مجموعات البشرة دي و لمختلف انواع البشرة و اسعارها معقولة بالنسبة للماركات العالمية التانية. و عموما كل واحدة ترتاح لنوع معين او ماركة معينة تستخدمها لان انا مثلا ممكن نوع ميعجبنيش و مرتحش عليه لكن واحدة تانية تمدحه و تشكر فيه و بشرتها ترتاح عليه، ده بيرجع لنوع البشرة و لعوامل كتير مساعدة منها التغذية و الجو و صحة البشرة نفسها وقت الاستخدام

يا رب اكون افدتكم المرة دي

تحياتي لكم كلكم
s
ازيك يا امل عامله ايه فعلا اتاخرتي علينا شويه بس اكيد عندك ظروف ربنا يعينك يا رب
وفعلا احنا بنستفيد منك
بصي بقي يا قمر انا نزلت عند العزبي وملقتش كلينك خالص بس لقيت كريولين وبرجوا بس انا حسيت ان كريولين احسن لقيت كريم اساس الاويل فر حلو ومط انتي ايه رايك اجيب ايه بس البنت قالتلي ان برجوا خفيف علي البشره
a
اهلا يا شادو يا جميلة، الف شكر على التماسك العذر ليا في التأخير يا قمر

بالنسبة للاساس انا مجربتش لا كريولان و لا بورجوا فمش عارفة مين فيهم الانسب بس انتي تشوفي الاتنين و تجربي من السامبل على بشرتك و شوفيه عامل ازاي، انا باعمل كده في اي اساس باشتريه عشان اشوف ايه اللي يناسبني اكتر. و طالما الاويل فري موجود و عجبك يبقى توكلي على الله و هاتيه بس بعد ما تجربيه على بشرة وشك مش ايدك لان الاتنين مختلفين تماما و احنا بنغلط لما بنجرب كل حاجة عالايد.

و ان شاء الله تلاقي الانسب ليكي و يعجبك

تحياتي العطرة
ن
ادة يا بنات ايه الجمال دة

الموضوع تحفة
تسلم ايدك يا شادو :clap: :clap: :clap:

بالنسبة ليا انا مع الميك اب

انا احسن كريم اساس استخدمته المرتبه الاولي بوبا تحفةةةةةةةةةةةةةةةةةةةةةةة
المرتبه التانيه اماندا حلو بردوا جدا وسعره 45 جنيه بس

النوعين دول هايلين لاصحاب البشرة الدهنيه زيي

البودر فعلا احلى حاجة من اوريفلام ومن لوريال

الماسكرا نيفيا هايله واوريفلام
لونا بكرهها جدا ااااااااااااا كل منتجاتها وحشة ماعدا الجلوس

الجلوسات الحلوة اوريفلام وتشاو
البلاشر تشاو واماندا وحاجات كتير واوريفلام
s
امل ميرسي يا حبيبتي علي ردك انا اللي عاجبني اكتر ولقيته اويل فري كان كريولان بس مجربتوش علي
اللي جايه
s
مجربتوش علي وشي جربته علي ايدي المره اللي جايه هجربه علي وشي
s
ناني ميرسي يا قمر علي مرورك
بصي يا ناني انا لما دخلت صيدليه العزبي رحت علي طول علي برجوا وكريولان من كتر البنات هنا ما بيتكلمو عليهم بس الصراحه لقيتهم جامدين اوي بس الاسعار في العالي اوي يعني مثلا اساس كريولان 198 جنيه وبرجوا 75 بس الصراحه حاجه كده زي ميكب الارتيست وبرده لقيت بوبا المستورد مش المصري
بصي يا قمر اصلي مذبذبه اوي في موضوع البودر وكريم الاساس اوس انا لما هروح العزبي تاني هشوف بوبا واماندا ولو لقيتهم حلوين وسعرهم معقول هجيبهم اهو احسن من الغالي ولقيت اللوس بودر ب 136 جنيه هي اللوس بودر بتاعه اورفيليم حلوه وبكام وبعدين اخاف اختار لون من البرموشن يجيلي لون تاني والا انتي ايه رايك
ن
شادو ازيك يا قمر

بصي انا بالنسبة لكريم بوبا فانا كنت اقصد الاصلي مش المصري التقليد
كريم اساس بوبا دة ب 100
هو هايل جدا
مش دهني وثابت وبيوحد اللون بشكل طبيعي

بس والله اماندا اللى ب 45 جنيه فيه كل المميزات دي بردوا ويشبه بوبا جدا
انا ارتحت لاماندا جدا وهستخدمه على طول ان شاء الله

بالنسبة للوس بودر فدي يا قمر ملهاش الوان ودرجات زي البودرة المضغوطة
دي هي لون واحد بتبقى شفافة وبتدي مظهر طبيعي جدا للبشرة
انا دايما اسمع خبراء التجميل ينصحوا بيها اكتر من المضغوطة
وهي في اوريفلام ب 64 جنيه
بس طبعا ساعات بينزل عروض ممكن يكون عليها تخفيض او حاجة
s
ناني امل ميرسي علي المعلومات الجامده ديه بجد استفدت كتير ووفرتو عليا اروح لامينه شلبايه علي شان كنت عاوزه حد يحددلي الميكب بتاعي علي شان انا بعك كتير اوي في الميكب وان شاء الله لما هشتري هقولكم انا جبت ايه
ن
شادو ايه الاخبار جبتي الميك اب ؟؟؟؟؟؟؟؟
ب
عضوه جديده وياريت كنت بفهم فى المكياج لكن للاسف مش بفهم فيه لسه مبتدئه حتى كنت كتبت موضوع فى ركن الاستفسارات وطلبت مساعدة البنات المصريين او بنات المنصوره انهم يفيدونى فى شوية اسئله عن المكياج لكن للاسف مفيش حد رد عليا ياريت كان عندى خبره فى المكياج لكن البركه فيكم يا قمرات نستفيد منكم:shy:
X