فينكو يا بنات يا مصريات؟؟؟؟؟؟

shadow of love 22-11-2006 514 رد 41,730 مشاهدة
s
ناني ازيك عامله ايه
تتصوري اماندا طلع حلو الوي انا مكنتش متصوره انه مط ومش بيخلي الوش دهني اوي اومال ايه بقي الحاجات الغاليه ديه اللي كنت هتدبس فيها انا قولت اجيب اماندا واجر وخلاص واهه مش هخسر كتير بس فوجئت انه بجد جميل وهشتري قريب البودر من اورفيليم بس مستنيه واحده صاحبتي تجيبلي البرموشن علي شان هي مشتركه وكه وميرسي بجد جدااااااااااا يا ناني
امل انتي فين مختفيه يا رب تكوني بخير مستنينك يا قمر
بنت المنصوره اهلا بيكي معانا انا كمان مكنتش بفهم اوي في الميكب بس البنات هنا ربنا يخليهم فهموني حاجات كتير اوي وانتي كنتي عاوزه تسالي علي ايه؟؟
ن
بنت المنصورة:
عضوه جديده وياريت كنت بفهم فى المكياج لكن للاسف مش بفهم فيه لسه مبتدئه حتى كنت كتبت موضوع فى ركن الاستفسارات وطلبت مساعدة البنات المصريين او بنات المنصوره انهم يفيدونى فى شوية اسئله عن المكياج لكن للاسف مفيش حد رد عليا ياريت كان عندى خبره فى المكياج لكن البركه فيكم يا قمرات نستفيد منكم:shy:

اهلا بيكي يا قمر
نورتي

طيب انتي ممكن تنضمي لينا هنا وتسألي اي سؤال
وان شاء الله نقدر نساعدك
ن
شادوا يعني خلاص اشتريتي اماندا

وساكته يا قمر
مش تيجي تطمنينا وتقوللنا عملتي ايه

عموما الف مبروك الكريم

والله فرحتييني انه عجبك

وان شاء الله البودر كمان يعجبك اوي
انتي ممكن تتفرجي على البرموشن برحتك على النت
هتلاقي على موقعهم برموشن ديسمبر معروض
ب
نانى انا عايزه اعرف يعنى ايه شنطة مكياج انا سمعت عنها وسمعت ان بيكون فيها كل المكياج لو تعرفيها فهمينى وبتكون الوان المكياج درجات من شنطه لشنطه وايه اسعارها وانواعها عايزه اعرف كل ده وياريت تساعدينى وتردى عليا:shy:
ب
ازيك يا نانى
انا عايزه اعرف يعنى ايه شنطة مكياج انا سمعت ان فيها كل المكياج من كريم الاساس للبودره والشادو الكلام ده صحيح طيب لو تعرفيها هى مكوناتها ايه وهى درجات فى الالوان يعنى بتختلف من شنطه لشنطه وانواعها واسعارها ايه وياريت تساعدينى وتردى عليا:shy:
ن
بنت المنصورة


بصي انا مش هقدر اساعدك في الموضوع دة بجد انا اسفة
انا شنطة المكياج الوحيدة اللى اعرفها هي الشنطة الفاضية اللى بتشتريها عشان تحتفظي وتجمعي فيها الميك اب بتاعك :shy: :shy:
لكن غير كدة مش عارفة بصراحة

طيب اعرف كمان علبه مكياج
بيكون فيها درجات كتير من الايشدوهات والروج والبلاشر وكمان الفرش بتعتها وكام درجة لكريم الاساس وبودر وماسكرا وبتختلف احجمها
بس انا عن نفسي مش بفضل العلب دي خالص
انا بحب اختار كل حاجة من الماركة اللى انا بحبها وبرتحلها
وكمان انا شايفة ان العلب دي بيكون فيها درجات والوان كتير ممكن متكنش مناسبة ليا او مش عجباني
طيب انا اجيب حاجة مش هستخدمها ليه
فبلاقي ان لما انقي كل حاجة لوحدها على حسب ذوقي واستخامي هيبقى احسن بكتير
ب
شكرا يا نانى
طيب كمان مساعده بسيطه عايزه اعرف ايه الالوان اللى تطلع عليا انا بشرتى بيضه وأشترى أنواع مكياج ايه:shy:
ن
طيب انتي بشرتك جافة ولا دهنيه ؟؟؟؟؟؟؟؟؟؟؟
لازم تحددي نوع البشرة عشان كريم الاساس

بالنسبة للالوان البشرة البيضا تقريبا بيليق عليها معظم الالوان

هيليق عليكي اوي الروزات بدرجاته

والاخضرات والازرق والموف
وكمان لما تحبي تغيري اعملي لوك برونزي
ب
شكرا يا نانى
أنا بشرتى دهنيه ياريت تقوليلى اشترى انواع مكياج ايه(w)
ن
زي ما قلت لشادو
احسن كريم اساس للبشرة الدهنيه نوعين

بوبا الاصلي ب 100 جنيه
واماندا ب 45 جنيه

انا استخدمت الاتنين
الاتنين حلوين
اماندا قريب جدا من بوبا
وشادوا جربته هي كمان وعجبها اوي
s
بنت المنصوره ازيك انا مسمعتش قبل كده عن شنطه المكياج تقصدي بيها ايه؟
وبالنسبه لكريم الاساس فغلا اماندا حلو انا سمعت كلام ناني وجبته وطلع حلو ما شاء الله وهجرب لوس ببببببببببببببب
لوس بودر من اوريفليم والبشره البضاء انا بشوف انها ممكت يليق علايها كل الالوان بس ابعدي عن البنيات والرومادي مش هيكونو حلوين
ويا رب اكون افدتك
ب
شكرا يا شادو على المعلومات الجميله دى وبشكر نانى كمان على افادتها ليا
أما بالنسبه لشنطة المكياج أنا سمعت عنها بس يعنى ما شوفتهاش بس تقريبا هى مش مصريه هى ماركات أجنبيه وتقريبا تمنها من 200 جنيه لفوق بس دا اللى اعرفه عن الشنطه دى بس
a
السلام عليكم و رحمة الله و بركاته

انا جييييييييييييييييييييييييييت


معلش متأخرة دايما كالعادة بس سامحوني الدنيا تلاهي بقى و انتم عارفين محدش بياكلها بالساهل :)

الف مبروك عالاساس يا شادو و عقبال البودرة يا قمر، و على فكرة بروموشن اورفليم ديسمبر فيه حاجات حلوة اوي، منهم قلم الشادو باللون الاسود و اللون البني اوعي تفوتيهم، انا جبتهم و جربتهم و عجبوني اوي

بنت المنصورة يا اهلا بيكي يا سكرة، اقولك انا بقى على علبة الماكياج. هي زي ما انتي قلتي علبة بيكون فيها الوان للشادو و الوان للبلاشر و الوان روج و احيانا الوان بودرة للوجه و قلم كحل و ساعات بيبقى فيها ماسكرا. كل ده بيتحدد بحجم العلبة و كل ما كبرت كل ما كترت الحاجات اللي فيها و كل ما غلا سعرها. اشهر ماركة موجودة في مصر لعلب الماكياج هي بوبا و حتى في الخليج برضه موجودة باشكال كتير اوي و احجام كتير، بس هي غالية فعلا و ارخص حاجة فيها تلاقيها ب 200 زي ما قلتي. عيب العلبة دي بيكون ان مش كل الوانها دايما تلاقيها على ذوقك، يعني لو ظبطت في الروج ممكن متظبطش في الشادو و العكس صحيح، بس انتي بتشوفي اقرب الدرجات اللي بتحبيها عامة و تجيبيها لو تحبي. فيه ناس بتحب فعلا تجيب الحاجة مفرد عشان تضمن الالوان اللي عندها كلها تبقى على ذوقها، بس العلبة برضه بيبقى فيها تنوع و بتبقى شيك. بنات كتير بيحبوا يجيبوها عشان يحطوها على التسريحة بعد الجواز كشياكة للتسريحة، بس هي برضه مفيدة خصوصا الشادو و توعه عشان الدمج و الرسمات اللي بيدخل يها اكتر من لون.

عن نفسي مجبتش من بوبا و بقالي 3 سنين باخد عرض اوريفليم في ديسمبر، لان كل سنة بينزلوا في الوقت ده علبة ميك اب بتبقى ظريفة اوي و الوانها حلوة، بس احب انبهكم ان اوريفليم الوانها خفيفففففة، يعني اللي بيحب الالوان الهادية تنفعه و اللي بتحب التقيل الغامق اوي مش حتنفعه، تمام؟؟؟ هي السنة دي نازلة ب 119 جنيه و فيها 4 الوان روج و تقريبا 2 بلاشر و حوالي 12 شادو و قلم كحل، انا مش فاكرة الارقام بالظبط بس ده اللي جاي في بالي، و انا شخصيا عاجباني و الوانها بتناسبني. كمان العلبة ميزتها ان حجمها مناسب للشنطة لو رايحة مناسبة او مسافرة و مش عاوزة تاخدي حاجات كتير، دي بتبقى عملية

فيه حاجة تاني يا بنات؟؟ لو نسيت فكروني، و معلش متزعلوش لما اغيب عنكم في الرد بس فعلا بابقى ملخومة خالص

تحياتي لشادو القمر و لناني و بنت المنصورة و كل المصريات الامورات
ب
أنا متشكره جدا جدا جدا يا أمل والله العظيم انتى عسل ربنا ما يحرمنيش منك يا قمر انتى كده وضحتى ليا حاجات كتير عن شنطة او علبة المكياج دى
بس عايزه اسألك سؤال ضرورى تجاوبينى عليه انا سمعت كتير عن منتجات اورفليم وانتى كمان بتقولى ان الوان المكياج فيها هادى وانا بحب الالوان الهاديه جدا يا ترى منتجات اورفليم ممكن اشتريها من اى محل مكياج وعطور ولا ليها اماكن محدده او مندوبين مثلا لمنتجات اورفليم
ارجوكى تردى عليا يا قمر فى اقرب وقت ان شاء الله:shy:
s
امل ازيك وحشتيني اوي فعلا يا امل انا شفت البرموشن بتاع ديسمبر من اورفبلام حلو اوي وشفت كمان اللوس بودر اللي فيه وجربتها وكانت شفافه وعجبتني انتي ايه رايك اجبها؟؟؟؟؟؟؟؟
وبالنسبه للعلبه ديه هي كانت موجوده في البرموشن انا ماخدتش بالي؟؟؟؟؟
واقلام الشادو انا هجيب الاسود بس هو مش بينزل منهم اخضر او ازرق
ناااااااااااااااااااااااااااني ازيك عامله ايه وبنت المنصوره يارب نكون افدناكي
r
امل انا كنت عايزة اسالك عن الكريمات الكويسه للبشرة وانا بشرتى دهنيه ومركبه
وعايز اعرف ايه المنظف الكويس للبشرة
وكل حاجه تعرفيه للجسم عموما
معاش هتعبك معايا
شكـــــــــــــــــــرا
ر
أنا بشرتى عادية أساس أماندا يناسبنى ولا فقط للبشرة الدهنية ؟؟
s
رحيق الابداع انا علي ما اعتقد بس مش متاكده اوي اماندا فيها للبشره العاديه والدهنيه انتي ممكن تسالي المحل اللي انتي بتشتري من عنده في للبشره العاديه والا لا
r
امل انا كنت عايزة اسالك عن الكريمات الكويسه للبشرة وانا بشرتى دهنيه ومركبه
وعايز اعرف ايه المنظف الكويس للبشرة
وكل حاجه تعرفيه للجسم عموما
معاش هتعبك معايا
شكـــــــــــــــــــرا
ياريت يا امل تردى عليااااااااااااااااااااااااااااااااااااااااااااااااا:sad:
a
السلام عليكم و رحمة الله و بركاته

يا صباح الفل على اجمل بنانيت

معلش اتأخرت عليكم بس عشان انا بادخل النت من الشغل و كنت امبارح مسافرة و انتوا عارفين طبعا الجمعة اجازة :gum:

نيجي بقى للرد على كلامكم و تساؤلاتكم

اولا، بنت المنصورة ميرسي على كلامك الجميل و انا معملتش حاجة يا بنتي دي حاجة بسيطة خالص. بالنسبة لاوريفليم تلاقي منتجاتهم مع المندوبات زي في ايفون كده، بس انا عندي اقتراح احسن ليكي، اوريفليم عندك فرع ليها في المنصورة في سنتر او مول كبير كده بس انا ناسية اسمه، حابقى اتأكد لك منه، ممكن تعملي اشتراك فيها و ده بيبقى 25 جنية بس في السنة و تقريبا بينزل بعد كده ل 15. اشتراكك فيها حيخليكي تاخدي الحاجات بسعر كمان ارخص من الكتالوج لانك بقيتي عضوة و تقدري تحضري دورات الميك اب اللي بيعملوها و تاخدي هدايا لما تتشتري بسعر معين و في المناسبات و كده يعني. و ممكن كمان لو جبتي حاجات لاصحابك او قرايبك تاخدي هامش ربح مش بطال. يعني انتي الكسبانة في كل الاحوال بدل ما تقعدي لسه تدوري على مندوبة و تدوخي نفسك، و انتم المنصورة ما شاء الله المسافات فيها بسيطة و مكان اورفيليم حيكون مش متعب بالنسبة لك توصليله، فهمتيني؟؟

شادو يا حبوبة و انتي كمان وحشتيني يا عروستنا، عاملة ايه؟؟ بصي يا ستي علبة الميك اب موجودة في الصفحة قبل الاخيرة في البروموشن و كل ديسمبر من كل سنة تلاقيها في نفس المكان، بس بجد بتبقى حلوة و عملية، يعني لو تقدري تجيبيها تبقى فرصة حلوة . اللوس باودر هاتيها بدون تردد يا حبي لانها فعلا حلوة و عملية و حتغنيكي عن اي نوع بودرة تانية. اقلام الشادو دي اول مرة تنزل و نازل منها لونين بس الاسود و البني و انا جبت الاتنين و فعلا عجبوني جدا و ان شاء الله لو نزلوا الوان تانية حاجيبها و حابقى اعرفك

real ازيك يا جميلة؟؟ معلش سامحيني انا كتبتلك الظروف فوق و اتمنى محدش يزعل لو اتأخرت في الرد لاني مش باعرف ادخل المنتدى على طول. بالنسبة لكريمات الوجه، انا قلت لكم قبل كده ماركات الكريمات و مجموعات العناية بالبشرة المكونة من منظف و تونر و كريم نهار و كريم ليل. كل المجموعات فيها لانواع البشرة المختلفة و انتي بتشتري بتقولي للبياع نوع بشرتك و هو بيجيبلك المجموعة الخاصة بيها. اسماء الماركات مرة تانية من الاغلى اوي اوي للارخص بالترتيب هي:

كلارينس (موجودة في مصر)، كلينيك (مش متوفرة)، لانكستر (موجودة في مصر)، اولاي، لوريال، نيتروجينا، نيفيا فيزاج، جونسون كلير اند كلين، اوريفليم و ايفون

المنتجات دي موجودة في الصيدليات الكبيرة و محلات ادوات التجميل، انتي شوفي امكانياتك تشتري ايه و جربي الماركة اللي ترتاحي معاها. المهم ان بشرتك ترتاح للكريمات دي و ده مش حتعرفيه الا بتجربتك انتي الشخصية لان اللي يريحني انا ممكن مينفعش معاكي فهمتيني؟؟ منظف البشرة انا احسن حاجة بتنفعني انا شخصيا هي الفوم من جونسون كلير اند كلين اللي لون قزازته بنفسجي. السكراب للوجه احسن حاجة عجبتني من St. Ives

منتجات الجسم بقى سواء لوشن او كريم او بودي باتر او سكراب تلاقوهم في اوريفليم حلوين اوي اوي اوي و تلاقوهم في ماركة فروتيني و بروايح حلوة و متعددة و فيه حاجات تانية كتير بدأت تطلع جديد و تلاقوها في كارفور و مترو و هايبر بس انتوا دوروا و اسألوا و جربوا و بجد حتلاقوا حاجات كتير حلوة و مفيدة

يا رب اكون افدتكم و متزعلوش بقى من تأخيري، و الله مش بايدي

ياللا سلام سرررررررررررررررريع :shy:
X