فينكو يا بنات يا مصريات؟؟؟؟؟؟

shadow of love 22-11-2006 514 رد 41,730 مشاهدة
أ
ناني فيبس:
حبيبتي في كريم اساس من اوريفلام خاص للبشرة الجافة
وهو عليه عرض في شهر ديسمبر من 44 الى 29 جنيه
جميل جدا على فكرة عندي بنت زملتي في الشغل بتستخدمه على طول
ووشها فعلا ماشاء الله منور وناعم اوي منه
هتلاقي درجات منه حسب لون البشرة
تسلمى لى يا نانى يا قمر إنتى كده دايماً كلك زوق يا حبيبتى :flower: (*) :handup:
أ
amaladel:
السلام عليكم و رحمة الله و بركاته

ازيكم يا احلى بنات؟؟

العفو يا بنت المنصورة انا معملتش حاجة خالص، احنا اخوات يا قمر

ام الشهداء، هو فعلا كريم اساس بوبا يغني عن البودرة، و لا يناسب البشرة الجافة لانه للبشرة الدهنية و المركبة. بس ممكن تشوفي حاجة تناسب بشرتك سواء في بوبا او في نيفيا بيوتي منزلين حاجات حلوة برضه و الاساس بتاعهم شكله حلو بس انا مجربتوش لسه. مش عارفة فيه بوبا في المنصورة و الا لا بس اكيد لو فيه محلات بتبيع ماركات حتلاقيه فيها. الاساس سعره كان 125 جنيه السنة اللي فاتت مش عارفة غلي و الا لسه زي ما هو

دكتورة ليالي، ربنا يخليكي يا قمر ده نورك

كل سنة و انتم طيبين يا بناااااااات
ربنا يخليك يا أمولة و يبارك ليكى و فيكى:flower: :flower: :flower:
أ
يا ترى يا أمل إيه رأيك فى كريمات التجاعيد من أوريفليم هل بتعطى نتيجة و لا كلام على الفاضى ؟ و أنا ملاحظة إن أسعارها مرتفعة جداً هل هى تستاهل الأسعار دى و لا مبالغ فيها ؟ و إيه هى أحسن الأنواع ؟ و كمان يا عسولة إيه رأيك فى العطور الشرقية اللى بنسمع عنها زى " أجمل " و " محمود سعيد " و الحاجات دى ؟
a
أم الشهداء:
يا ترى يا أمل إيه رأيك فى كريمات التجاعيد من أوريفليم هل بتعطى نتيجة و لا كلام على الفاضى ؟ و أنا ملاحظة إن أسعارها مرتفعة جداً هل هى تستاهل الأسعار دى و لا مبالغ فيها ؟ و إيه هى أحسن الأنواع ؟ و كمان يا عسولة إيه رأيك فى العطور الشرقية اللى بنسمع عنها زى " أجمل " و " محمود سعيد " و الحاجات دى ؟


اهلا يا قمر. شوفي يا ستي، اولا انتي عاوزة تستخدمي كريمات التجاعيد ليه؟؟ انتي عندك كام سنة؟؟ خلي بالك من حاجة بلاش نسبق الاحداث و نستخدم حاجات مش مناسبة لبشرتنا، يعني لو انتي تحت 35 سنة تستخدمي ليه كريمات تجاعيد و لو تحت 45 ليه تستخدمي كريمات شد و هكذا. اقولك على حاجة و خديها مني حكمة لاني عرفتها كمان من اجانب مهتمين جدا ببشرتهم. أهم حاجة انك تهتمي بترطيب بشرتك كل يوم صباحا و مساءا و لو بشرتك جافة يبقى كل ما تحتاج (يعني بعد كل وضوء رطبيها)، و اجمل حاجة للبشرة هي المنتجات الطبيعية و يا ريت لو بعد ما تغسليها تمسحيها بقنطة غرقانة مية ورد و بالمرة تعمليها كمادات لعنيكي و تمسحي بيها شفايفك، و بعدين تدهنيها زيت زيتون، عارفة الازازة بتاعة الاكل؟؟ هي دي، خدي بقطنة و ادهني وشك كله و سيبيه فترة عليه تتشربه البشرة و بعدين اغسليه و رطبيه عادي بالكريم بتاعك.

انا جربت كريمات غالية من اوريفليم و من غيرها و لاحظت حاجة واحدة هي انهم فعلا بيفيدوا في الترطيب لكن مفيش حاجة بتضيع التجاعيد او الخطوط اللي حوالين الفم و في الجبهة و لا حاجة سحرية بتضيع الهالات السوداء تحت العين. فيه حاجة اسمها نفسية مرتاحة و اسمها استرخاء هي دي اللي بتضيع الاثار دي الى جانب التغذية الجيدة و البعد عن استهلاك كميات من الميك اب في كل وقت

بالنسبة للعطور الشرقية، رووووووعة فعلا بس مش كل الناس بتحبها او بتقدر تاخد عليها و تتحملها لانها قوية. بس ميزتها انها خالية من الكحول و لذلك تلاقيها أثبت من العطور الغربية. اذا عندك فرصة تجربي العطور الشرقية هاتي حاجات على مسك و عود و بخور حتلاقيها روايح فعلا حاجة تانية خالص مختلفة عن العطور الغربية، بس انتبهي ان استعمالها يبقى خفيف اوين يعني كل ما تقنني استخدامك لها كل ما ريحتها تظهر احلى، لكن كل ما كترتي كل ما تحنقك من شدتها

يا رب اكون قدرت افيدك يا سكرة
a
sharoo_e5:
اسم الكريم بالنجليزى RIMMEL london اوك lasting finish لو عاوزة تسألينى فى اى حاجه ممكن افيدك بالنسبه للخلطات والماسكات وتحت امركم كلكم واتمنى اشوف كل بنات مصر زى القمر واحلى بنات فى العالم فى جمالهم وشياكتهم وزوقهم طبعا


مشكورة أختي الغالية على المعلومة، جزاكي الله خيرا. و ميرسي عل كلامك الجميل يا ام الذوق انتي :shy:




احلى حاجه للتجاعيد ماسك رز مطحون ويتعجن مع ماء ورد مرة فى الاسبوع وقبل النوم ياريت تدهنى وشك ورقبتك زيت اللوز المر وكمان ممكن عصير البرتقال تدهنى بيه وشك لانه فى فيتامين سى وده رائع للبشرة للنضارة والتجاعيد وابعدى عن الشمس فى اوقات الذروة واهتمى باكلك كويس واشربى ميه كتيير وربنا يوفقك


جميل جدا الماسك ده و حاجاته متوفرة في كل بيت، جزاكي الله خيرا يا قمر

شفتي يا ام الشهداء؟؟ حتى في الماسكات الطبيعي يكسب يا بنتي و فعلا شرب المية كتير مهم جدا للبشرة و كمان لتنظيم الهضم
أ
amaladel:
اهلا يا قمر. شوفي يا ستي، اولا انتي عاوزة تستخدمي كريمات التجاعيد ليه؟؟ انتي عندك كام سنة؟؟ خلي بالك من حاجة بلاش نسبق الاحداث و نستخدم حاجات مش مناسبة لبشرتنا، يعني لو انتي تحت 35 سنة تستخدمي ليه كريمات تجاعيد و لو تحت 45 ليه تستخدمي كريمات شد و هكذا. اقولك على حاجة و خديها مني حكمة لاني عرفتها كمان من اجانب مهتمين جدا ببشرتهم. أهم حاجة انك تهتمي بترطيب بشرتك كل يوم صباحا و مساءا و لو بشرتك جافة يبقى كل ما تحتاج (يعني بعد كل وضوء رطبيها)، و اجمل حاجة للبشرة هي المنتجات الطبيعية و يا ريت لو بعد ما تغسليها تمسحيها بقنطة غرقانة مية ورد و بالمرة تعمليها كمادات لعنيكي و تمسحي بيها شفايفك، و بعدين تدهنيها زيت زيتون، عارفة الازازة بتاعة الاكل؟؟ هي دي، خدي بقطنة و ادهني وشك كله و سيبيه فترة عليه تتشربه البشرة و بعدين اغسليه و رطبيه عادي بالكريم بتاعك.

انا جربت كريمات غالية من اوريفليم و من غيرها و لاحظت حاجة واحدة هي انهم فعلا بيفيدوا في الترطيب لكن مفيش حاجة بتضيع التجاعيد او الخطوط اللي حوالين الفم و في الجبهة و لا حاجة سحرية بتضيع الهالات السوداء تحت العين. فيه حاجة اسمها نفسية مرتاحة و اسمها استرخاء هي دي اللي بتضيع الاثار دي الى جانب التغذية الجيدة و البعد عن استهلاك كميات من الميك اب في كل وقت

بالنسبة للعطور الشرقية، رووووووعة فعلا بس مش كل الناس بتحبها او بتقدر تاخد عليها و تتحملها لانها قوية. بس ميزتها انها خالية من الكحول و لذلك تلاقيها أثبت من العطور الغربية. اذا عندك فرصة تجربي العطور الشرقية هاتي حاجات على مسك و عود و بخور حتلاقيها روايح فعلا حاجة تانية خالص مختلفة عن العطور الغربية، بس انتبهي ان استعمالها يبقى خفيف اوين يعني كل ما تقنني استخدامك لها كل ما ريحتها تظهر احلى، لكن كل ما كترتي كل ما تحنقك من شدتها

يا رب اكون قدرت افيدك يا سكرة

ربنا ميحرمنيش منك يا أمل , لكن يا حبيبتى فى عندى خطين رفيعين بين الحواجب :sad: و طبعاً هالات سوداء تفتكرى إن ماسك الرز المطحون ممكن يشيلها ؟ و أنا بفكر أستخدم الماسكات الطبيعية برضه مع كريمات الترطيب من أوريفليم بس من فضلك هى اسمها إيه ؟ و بخصوص العطور الشرقية أنا شوفت إعلان عن برفان اسمه " تدلل" من محمود سعيد يا ترى إيه رأيك ؟ و هل هو موجود فى مصر ؟ و كمان فى حاجة اسمها " مسك العروسة " من عبد الصمد القرشى هل رائحته فعلاً حلوة ؟ أنا بثق فى ذوقك و إن شاء الله اللى هتقولى عليه هعمله . و جزاك الله كل خير :salam:
a
أم الشهداء:
ربنا ميحرمنيش منك يا أمل , لكن يا حبيبتى فى عندى خطين رفيعين بين الحواجب :sad: و طبعاً هالات سوداء تفتكرى إن ماسك الرز المطحون ممكن يشيلها ؟ و أنا بفكر أستخدم الماسكات الطبيعية برضه مع كريمات الترطيب من أوريفليم بس من فضلك هى اسمها إيه ؟ و بخصوص العطور الشرقية أنا شوفت إعلان عن برفان اسمه " تدلل" من محمود سعيد يا ترى إيه رأيك ؟ و هل هو موجود فى مصر ؟ و كمان فى حاجة اسمها " مسك العروسة " من عبد الصمد القرشى هل رائحته فعلاً حلوة ؟ أنا بثق فى ذوقك و إن شاء الله اللى هتقولى عليه هعمله . و جزاك الله كل خير :salam:


جزانا و اياكم صالح الاعمال يا جميلة

شوفي الخطين الرفيعين بين الحواجب لانك بتكشري و انتي مش واخدة بالك، يعني انتي اللي تتحكمي فيهم و الله و الله الكريمات مش حتعمل لهم حاجة حتى لو حتجيبي اغلى كريمات الدنيا. الخطوط دي حتروحح لما تبطلي تشنجي عضلات وشك و لما تسترخي. حاولي و انتي سرحانة دايما تنتبهي انك مش مكشرة و صدقيني مع الترطيب العادي حتروح.

اما الهالات احسن حاجة ليها كمادات الشاي و شرايح الخيار و البطاطس، و النوم الكاااااااااااااااااافي و عدم اجهاد العين

كريمات الترطيب من اوريفليم انا باستخدم حاليا واحد اسمه حاجة Radiance لون العلبة برتقالي كده و هو للنهار بس مش فاكرة الاسم كامل ايه. و بالليل باستخدم الكريم اللي بالتوت البري لون العبوة موف فاتح، معلش نسيت الاسماء خالص. بس بعد ما يخلص اوريفليم حارجع تاني لجونسون الثلاثي المفعول اللي قلتلك عليه لان عاجبني اكتر.

اما برفانات محمود سعيد انا معرفش تلاقيها هنا و الا لا، لكن مسك العروسة اسمع انه في سيتي ستارز بس برضه مجربتش حاجة منهم. انا العطور العربية اللي عندي كانت هدايا من دول عربية، بصراحة مش قادرة افيدك اوي في النقطة دي، سامحيني
a
اما المسك فبلا شك تحففففففففففففففففففة، ريحة نضافة فعلا
أ
sharoo_e5:
احلى حاجه للتجاعيد ماسك رز مطحون ويتعجن مع ماء ورد مرة فى الاسبوع وقبل النوم ياريت تدهنى وشك ورقبتك زيت اللوز المر وكمان ممكن عصير البرتقال تدهنى بيه وشك لانه فى فيتامين سى وده رائع للبشرة للنضارة والتجاعيد وابعدى عن الشمس فى اوقات الذروة واهتمى باكلك كويس واشربى ميه كتيير و]ربنا يوفق
:shy:
ك

جزاكى الله كل خير يا أختى الكريمة فعلاً نصائحك جميلة :clap:
أ
amaladel:
جزانا و اياكم صالح الاعمال يا جميلة

شوفي الخطين الرفيعين بين الحواجب لانك بتكشري و انتي مش واخدة بالك، يعني انتي اللي تتحكمي فيهم و الله و الله الكريمات مش حتعمل لهم حاجة حتى لو حتجيبي اغلى كريمات الدنيا. الخطوط دي حتروحح لما تبطلي تشنجي عضلات وشك و لما تسترخي. حاولي و انتي سرحانة دايما تنتبهي انك مش مكشرة و صدقيني مع الترطيب العادي حتروح.

اما الهالات احسن حاجة ليها كمادات الشاي و شرايح الخيار و البطاطس، و النوم الكاااااااااااااااااافي و عدم اجهاد العين

كريمات الترطيب من اوريفليم انا باستخدم حاليا واحد اسمه حاجة Radiance لون العلبة برتقالي كده و هو للنهار بس مش فاكرة الاسم كامل ايه. و بالليل باستخدم الكريم اللي بالتوت البري لون العبوة موف فاتح، معلش نسيت الاسماء خالص. بس بعد ما يخلص اوريفليم حارجع تاني لجونسون الثلاثي المفعول اللي قلتلك عليه لان عاجبني اكتر.

اما برفانات محمود سعيد انا معرفش تلاقيها هنا و الا لا، لكن مسك العروسة اسمع انه في سيتي ستارز بس برضه مجربتش حاجة منهم. انا العطور العربية اللي عندي كانت هدايا من دول عربية، بصراحة مش قادرة افيدك اوي في النقطة دي، سامحيني

طيب ممكن يا أمل أعرف أسماء أحسن العطور العربية اللى جربتيها , و يا ترى إيه أحسن كريم للعين ؟ و كريم جونسون الثلاثى سعره كام ؟
a
أم الشهداء:
طيب ممكن يا أمل أعرف أسماء أحسن العطور العربية اللى جربتيها , و يا ترى إيه أحسن كريم للعين ؟ و كريم جونسون الثلاثى سعره كام ؟


شوفي هي العطور العربية اللي جربتها كانت من الامارات بس كانت جايالي من زمان و بيقولوا مش موجودين دلوقت. واحد كان اسمه درهم و ده تحفة بجد، و التاني مش فاكرة اسمه!!! حابصلك عليه لما اروح و ابقى ارد عليكي. كمان واحدة صحبتي هدتني عطر بريحة العود، هو ريحته تقيلة بس بتهدى بعد شوية و ثابتة، بس برضه الاسم تايه عن بالي خالص

كريم جونسون ب 11 جنيه بس، لكن بجد حلو اوي و ناس كتير جربته و عجبها، جربيه مش حتخسري. كريم العين انا باستخدمه حاليا من اورفليم اسمه حاجة فيلفت بس برضه مش فاكرة. معلش على اخر اليوم عقلي بيبقى مصفاة!!!
أ
طيب بالنسبة للغسول و التونر بتاع الوجه إيه أحسن ماركة ؟ و تكون مش بتنشف البشرة لأن غسول جونسون معجبنيش , و يا ترى ممكن يا أمل تقوللى أحسن منتجات فى بروموشن أوريفليم :shy:
a
أم الشهداء:
طيب بالنسبة للغسول و التونر بتاع الوجه إيه أحسن ماركة ؟ و تكون مش بتنشف البشرة لأن غسول جونسون معجبنيش , و يا ترى ممكن يا أمل تقوللى أحسن منتجات فى بروموشن أوريفليم :shy:


بالنسبة لغسول الوجه انا باستخدم الفوم اللي من كلين اند كلير، مش رغوة جونسون العادية، و الفوم مريحني اوي. انتي ممكن تسألي في الصيدلية عن منظف يناسب البشرة الجافة، بس انا مش عارفة اسم حاجة معينة للبشرة الجافة. التونر عندي من لوريال، بس أفضل حاجة باستخدمها و مداومة عليها هي ماء الورد، باحطه في التلاجة و بعد ما انشف وشي امسحه بقطنة مبلولة ماية ورد.

اما احسن منتجات في البروموشن انتي اكيد تقصدي بروموشن يناير بقى لان ديسمبر خلاص على تشطيب. عموما استني عليا لما اروح ابص عليه عشان افتكر لاني باشوفه في اول الشهر و اجيب اللي انا عاوزاه و بعد كده بانساه تماما!!! >>>> لاني شبطة و ممكن اروح اجيب حاجات تاني و انا بصراحة مضيعة فلوسي على اوريفليم و عالبرفانات :angry:
أ
يا ترى تقصدى ماء ورد إيفا و لا فى ماركة أحسن ؟ أنا كمان عندى زيت ورد حراز و مش عارفة أستخدمه إزاى لأن ريحته نفاذة جداً ‍‍‍‍‍
ر
[glow=FF9900]:clap: :clap: :clap: :clap: ماشاء الله يا بنات ايه المعلومات الجامدة دي ايوا كده يا بنات مصر يا عسسسسسسسسسسولات:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: [/glow]
a
أم الشهداء:
يا ترى تقصدى ماء ورد إيفا و لا فى ماركة أحسن ؟ أنا كمان عندى زيت ورد حراز و مش عارفة أستخدمه إزاى لأن ريحته نفاذة جداً ‍‍‍‍‍


يا صباح الفل يا جميلة

ايوة أقصد ما ورد ايفا، او الشبراويشي، أو ماء ورد اليمامة اللي بيتباع في السوبر ماركت جنب الخل و دبس الرمان و زيت الزيتون و الحاجات دي. بصراحة انا مش عارفة زيت ورد حراز فمقدرش افيدك بخصوصه

بخصوص العطر اللي كنت ناسية اسمه هو أداء و ده ريحته حلوة اوي و مميزة، بس لما سألت اصحابي في الامارات عليه قالولي الاسماء دي مش موجودة دلوقت. تقريبا كل فترة فيه حاجات بتختفي و حاجات تانية بتاخد مكانها

اما كريم نهار اوريفليم اللي كنت ناسية اسمه هو كمان، اسمه Light Radiance Illuminating Day Cream. هو حلو جدا في الترطيب لكن لا فيه لايت و لا ريديانس و لا حاجة مميزة عن كريمات الترطيب و كان غالي انا فاكرة بس ناسية السعر كان كام بالظبط. عشان كده باقولك من تجربتي لحاجات كتير من بينها نيفيا فيزاج و لوريال، كريم جونسون اللي قلتلك عليه بيدي نفس نتيجة الترطيب و بيحافظ عالبشرة من الجفاف و بسعر أقل. و كمان فيه حماية ضد أشعة الشمس

ناني، انا شفتلك اسم البرفان الرجالي التاني اللي كنت ناسياه، Rebel حلو اوي هاتيه مع السبراي بتاعه.

رفيدة، اهلا بيكي معانا يا جميلة منورانا، ياللا شاركينا انتي كمان بأي معلومة عندك او حاجة جربتيها و كانت كويسة
ن
الف شكرا يا امل يا حبيبتي على اسم البرفان

انا عجبني جدا ايكلا الرجالي من اوريفلام وهجيبه ان شاء الله
وكمان هجيب اللى انتي قلتيلي عليه باذن الله

اما برموشن يناير فهو جميل وفي عروض كتير جدا وتخفيضات ل 50 %

وعلى فكرة غسولات ارويفلام حلوة جدا ومش بتجفف البشرة حتى اللى منها للبشرة الدهنيه
انا مجربه غسول شجرة الشاي ومرتاحه معاه جدا جدا
لان بصراحة انا بشرتي دهنيه والغسول دة بيقلل الزيوت في بشرتي وبينضفها وفي نفس الوقت بحس انها طريه جدا ومش مشدودة ولا جافه

وكمان في يناير في اي شادو جديد بالفرشة زي الجلوس بتاع الشفايف اللوانه حلوة اوي بصراحة هجيب منهم لانهم عجبني جدااااااااااا
ن
أم الشهداء:
يا ترى تقصدى ماء ورد إيفا و لا فى ماركة أحسن ؟ أنا كمان عندى زيت ورد حراز و مش عارفة أستخدمه إزاى لأن ريحته نفاذة جداً ‍‍‍‍‍

انا بستخدم ماء ورد حراز
وبالنسبة لزيت الورد يا ام الشهداء دة جميل جدا
وريحته حلوة جدا
ابقى حطيه لاي طريم تركيب وادهني جسمك بيه بعد الدش

بس اوعي تحطي الزيت دة على وشك
انا مرة جربت وحرقني جداااااااااا جدااااااااااااااااا وكنت بصرخ منه مش عارفة ليه
اللى خلاني اجرب اني قريت هنا في المنتدى ان زيت الورد مزيل جيد جدا للميك ابه
بس للاسف المعلومة دي غلط جدا جدا هو اه شال الميك اب بس حرقلي وشي جداااااااااااااااااااااااااااااا
a
ايه يابنات الموضوع الرائع ده؟ انتو بترغوا في المكيب هنا ومش قايلين ليا؟؟

ده انا هفتح بيوتي سنتر اول مانزل مصر وطبعا كلكم هتعملوا فيه فررررري بس اول مره بس متاخدوش عليها كتير

أم الشهداء ياسكر مسك العروسه يتاخد كده وانتي مغمضه بس غالي يا حببتي اوي ، انا اشتريت منه توله والتوله دي اسم علبه صغيره اد الصابع الاوسط و اسمها كده في محلات العطور العربيه وتمنها من مسك العروسه مايعادل 400 جنيه ، يادوب تحطي منها نققطططه بسيطه ورى كل ودن ونقطه للجسم كله وهتقعد معاكي سنتين او اكتر التوله دي
نصيحتي ابعدي عن دهن العود ، انا بدوخ منه ، تقيل جدااااااااا وليه ناس متعودين عليه ماظنش يناسبنا


أ
و الله يا بنات حقيقى ربنا يجزيكوا كل خير و ميحرمنيش منكم :clap::flower: طيب يا ترى اللزقة اللى بتتحط على الأنف علشان النقط السودا مفيدة ؟ و يا ترى يا أليكس برايد مسك العروسة البودرة برضه سعره 400 جنية ؟ :shy: :shy:
X