لكل الأمهات المتعبات ... شعار .. لا حفاضات بعد اليوم.

كنافه بالقشطه:
يالله يااخت اسماء مستنينك احنا واولادنا الكبار للدرس الثاني :gum:
تسلمين عالموضووووع المهم:shy:

القيوانيه:
انا بعد خليت ولدي طول اليوم بدون حفاض وكل شوي اوديه الحمام ويسويها.. والحمد الله كل شي اوكيك.. واليوم بحاول انومه الظهر يدون الحفاض... والله يستر...

ويا الله يا اسماء احنا بانتظار الدرس الثاني...

الوردة الحزينه:
هلا خواتي

الظاهر اني متاخره علي الدرس

مشغوله برمضان والوحام معذبني

انا ولدي عمره سنه وسبع شهور مولود مع مريم بنت مرموم ...نفس الفتره

انا ماجله تعليمه ليصير عمره سنتين لاني احسه ما يفهم علي .

بس عمتي وبنتها ما تتخيلون تعليقاتهم اني وايد متاخره ولازم انظفه بسرعه وكان المفروض قبل وها الشيء وترني وخلاني احس كاني ام مهمله .

بس انا جربت لما كان عمر ولدي سنه وشهرين بس ما يفهم علي يوم اقوله حمام يروح جهت الحمام بس يرفض يقعد علي النونيه

وانا الصراحه اريده يتخلص من الحفاظات قبل ما اولد واتخلص من كلام الناس الي ما يرحم

ساااعدوني

MoonLady_qa:

السلام عليكم

جزاك الله خير على هذا الموضوع الراااائع.... الحمد لله انا علمت ابني على ترك الحفاظ من اربع شهور تقريبا وبنتي من شهر (أعمارهم متقاربه) بس في الليل البسهم الحفاظ.
حاولت مع الولد لكنه يصر على شرب الماء قبل النوم،، قمت اصحيه مرتين واوديه الحمام لكن أحيانا مايسوي شي في الحمام ويعملها عقب نص ساعه في السرير :qaq:
وانا بصراحه أخاف عليه من المكيف،، يعني لو ما انتبهت له وتم في البرد وهو مبلل نفسه :sad: ،، فرجعت لبسته الحفاظ في الليل.

ساعديني جزاك الله خير.

رانيا البحرينية:
ولدك أولى ، روحي سمعي له، وخلي بالك منهم وأحنا لاحقة علينا إن شاء الله..
وبإنتظار فكرتك.. لأن الحين كلمت البيت قالوا كل مرة كان يدخل الحمام بسهولة،، الا ذيك أصر على الحفاظة ولبسوه وعملها في ثواني وردوا شالوا الحفاظة...

مرموم:

السلام عليكم ورحمة الله وبركاته

معلش يا أم عبد الله...و الله أنا ملتزمة...بس الظرف أخرتني...

خلاص بقعد في آخر صف...مش مشكلة...الحمد لله أنا طويلة ممكن أشوف :)

سؤالي نفس سؤالك...خايفة البيت يعفن لو مريم عملت على الأرض و رشيته بالماء كل مرة...

فعلا نفسي حتى لو راح تعملها أحجزه عن الأرض...أعتقد أن هذا هو سبب ضيقي من الموضوع...

مش عايزة أنسى أشتري النجوم اليوم :)

رانيا البحرينية:
كل مرة آكتب مايصير مادري شصاير بالنت ، على العموم نبدأ..

مرموم، مرة ثانية لا تتأخرين عن الصف ترى ماراح نحجز لك كرسي، ولازم تروحي تشتري الملصقات ،، آنه أخذت ورق مقوي وسويت فيه مربعات متساوية وكل مرة يدخل الحمام نحط له نجمة، طبعا خبرناه إذا اكتملت المربعات خالو اسماء يتهديك هدية (آظن يقول بينه وبين نفسه من وين طلعت خالو اسماء اللي عمري ماشفتها او سمعت عنها) بس والله أدعي لها ليل ونهار اللي سهلت لي فكرة النجوم وخلت الولد العنيد يسمع الكلام،، طبعا الجدول موجود في بيت أهلي واحد يكون فترة النهار يحطون له وجدول بالشقة لما نكون هناك.. ماعليها شر مريومة وأنتظري إن شاء الله تصير بخير وبعدين جربي معاها..

وصايف قطر، حياج معانا بالصف ولا تتأخرين مرة ثانية،وقبل لا تدخلين الصف خذي بنتك للدكتور وطمنينا عليها..

خالو اسماء،، ماحب ولدي يعملها في ملابسه او على الأرض،، مافي حل ثاني؟؟؟

redflower:
ماشالله عليكم يا بنات والله اني متابعتكم من البداية بس ما عندي وقت اجلس على النت و أكتب
المهم انا بنتي عمرها سنتين و باحاول معاها لي فترة بس البنت ما تبغا تجلس على الحمام ولا على النونية ...أنا باخليها الصباح بدون حفاضة وأجلس وراها كل شوية أشيلها على الحمام بس فييييييييييييييين البنت ما تسويي تمسكها و بعدين تسوي في الأرض أمس جلست وراها من الصباح إلى العصر عشان تسوي الكبيرة في الحما لكن تخيلو إنها ماسكتهاا أليييييييين الليل عشان ما تسوي في الحمام معايا !!!!!!!!! ايش اسوي يا بناات البنت ما هي راضية تتجاوب معايا جبتلها هدايا لكن قولتلها ما تاخديها غير لما تسوي في الحمام لكنها ما سوت ولا مرة كله في الأرض و في الحفاضة

malaak:

السلام عليكم ورحمة الله وبركاته

رانيا البحرينية

الله يحفظلك عبود بجس ما قدرت أمسك روحي من الضحك على حركاته اتخيله وهو يصارخ حفاظة ومسكين اخوج تبهدل وياكم انتي وولدج والحفاظات الله يحفظه لك يا رب

*^*

مرموم

والله عورني قلبي على مريومه حرام عليك بشويش على البنت

وانا عندي لكم حركة حلوة

جيبوا الصبورة الصغيرة البيضا تعرفونها ؟؟؟؟؟؟ بدل لا توسخون جدران الحمام الله يعزكم جيبوا الاستيكرات ولصقوها على مغناطيس وكل ما يعلموها عيالكم بالحمام حطولهم استيكر

او حتى ترسمون لهم بقلم الصبورة وجه مبتسم وكل ما يرحوا الحمام خلوهم بروحهم يرسمون الوجه المبتسم وفي حاله عملوها خارج الحمام او على ملابسهم شيلوا الوجه المبتسم امامهم وارسموا بداله وجه حزين

وكمان فيه فكرة حلوه لما تحطوا الطفل بالمرحاض الله يعزكم اعطوه لعبه ينشغل فيه صغيرة ويدوية عشان ما يحس نفسه معاقب وينسى نفسه لأنه لو دقق كثير على انه مجبور ينزل شي راح يمتنع تلقائيا لآن الممنوع مرغوب

فيه حاجة ثانية ممكن تشترون استيكر نجوم كل ما يعملها تلصقون على قميصه نجمه بيستانس حيل والتصفيق كل ها الامور بتخليهم يستانسون وحتى لو تثبتون بالونات مو منفوخة بلصق او بمغنايس على الصبورة اول ما يخلص يختار لنفسه بالونه يعني حطوا كذا بالونه وهو بيحصل بالونات على حسب كم مره بيسوي باليوم

وان شاء الله تقدروا تربوا عيالكم بطريقة حضارية وواعية وتشوفوهم بأحلى الأوضاع بس اصبروا عليهم ما يصير كل شي بالشد والصراخ

الوردة الحزينه:
هلا خواتي

الاخت اسماء انتظر ردج علي والله اني محتاره

وسلمتي

القيوانيه:
مرحبا ... شخباركم اليوم؟؟

اما انا خليت ولدي بدون حفاضه وكل شوي اقوله حبيبي بتروح الحمام يقول حمام ويأشر عليه بس ساعات يسوي شي وساعات لاء تعبني مره وانا بكرشتي.... والله ودي يقولي يبا يروح الحمام لما صدق يبا يروح...مو يكذب عليه... والحم الله الحين ينام الظهر بدون حفاضه ولا يسوي شي...

يا الله بانتظار الدرس الثالث