الي موعد ولادتها شهر مايو 2007 تدخل بسرعة

ضايق صدري يا بنات ..... صديق زوجي جايب هديه المولود من الحين وهي حلوه وعجبتني بس ...

جايب سرير للبيبي مو خشب لأ .. هو سرير وهو حباسه وهو فخم بس انقهرت لاني أنا ابغى اختار أول سرير لاول طفل لنا والشي الثاني أن السرير كبير نوعا ما لونه اخضر فكيف اركب له دولاب .... وأنا ابغى الدولاب خشب + سطح من فوق علشان تغيير ...

ادري هو كريم الرجال وما قصر بس حرمني من متعه شراء أول سرير للطفل .. ومن جاب السرير وأنا افكر ويش اسوي

شرايكم اخليه جنب سريري وأنا والده ولما اروح شقتي اخليه في غرفتنا أنا وابوه واخذ سرير خشب زي ماابغى واحطه في غرفته للمستقبل.... ؟؟؟؟؟؟؟؟؟؟؟؟؟؟

السلاعليكم أمهات مــــــــــ 2007 ــــــــو
كيفكم ....
يمكن اكون جيت متأخره شوي وفاتتني لحظات حلوه معاكم
بس مو مشكله .... أهم شي تقبلوني معاكم في الرابطه :shy:

أنا الحين خلصت 22 أسبوع وهذا اول حمل لي وموعد ولادتي ان شاء الله بيكون في 9/5
الله يسهل علينا كلنا يارب ....

تصدقون لو قلت لكم اني تقريبا خلصت تجهيز ملابس البيبي ( استغليت التخفيضات )
باقي الاشياء الثانيه مثل السرير والمهادات وأغراض الاستحمام
<<<< ملحوسه

بالنسبه لحركة البيبي أحس فيها بوضوح ولله الحمد
والفتره هذي أحس انه يتكور ويتجمد كثير خاصه لما اكون نايمه على ظهري
يعني احيانا احس اني اتلمس شي كذا مدري وش يطلع راسه ايده رجله المهم انه شي غريب
بس شعور حلو صراحه ....

بس مدري قريت عن ابرة التسمم عندكم مااشوف الدكتوره جابت لي طاري :sad:
<<<<<<<<<<<<<< خلص بسك خلهم يقبلونك اول وبعدين اكتبي قصة حياتك :gum:

سامحوني طولت عليكم بس وش اسوي من فرحتي فيكم (f)
حبيبتي mrsdini لا تتضايقي ولا تشيلي هم انتي اكيد بتفصلين طقم فراش وستاره للسرير والا؟
اذا بتسوين راح يغطي شكلها ولونها على لون السرير اصلا

تحياتي لكم كلكم
ولي عوده قريبه

mrsdini
لا تضيقين خلقج
اشتري السرير اللي تبينه واللي مخططه له وافرحي فيه
مو مشكلة لو صار عندكم سريرين
والله يتمم فرحتج بالمولود ان شاء الله

شوق العيوووون
ياهلا فيج عزيزتي
منووره الرابطة حياج الله
ما شاء الله عليج كملتي اغراض البيبي .. الله يعطيج العافية
وهاذي الابرة مو لازم الكل ياخذها .. حوامل وايد ما اخذوها
ويارب الله يسهل عليج ويقومج بالسلامة


اختكم مجبووورة

شوق العيوووون

هلا حبيبتي منوره .... ابره التسمم هذي مو كل الحوامل ياخذوها أنا سألت الدكتوره قالت مو ضروري

ما شاء الله عليج شاطره اخذتي اغراض البيبي ... الله يهنيج فيهم وتفرحي بشوفه ضناك فيهم ..... بس ممكن اسأل من وين اخذتي الاغراض وايش احسن مكان من خلال لفتك بالسوق ؟؟؟

الله يسلمك ولا تشوفي وحش بالنسبه للسرير وغرفه البيبي لأ مابسوي فيها ستاره لانها موجوده بس اه ه ه محتاره ويش اسوي اشتري سرير خشب زي المتفق ولا ايه مش عارفه (((( قلبت مصريه )))

على العموم حياك الله معانا ولا تقطعي

مجبوره

حبيبتي والله شكلي بسوي اليي براسي والله يعين بس

.. والله يسمع منك وإنت بالمثل عيوني

بصراحه كل ما افكر في كثره الاغراض اليي المفروض اخذها يعورني راسي واتعب مع ان التسوق والتجهيز متعه كبيره لنا احنا الستاااااات ..
خصوصا مرحله جديده وهي الامومه..
زي لما كنت اجهز للزواج تعب في تعب بس لما اتذكرها كانت فتره جميله .... صح ولا أنا بس افكر جدي

طولت عليكم تحملوني وبصراحه شفيهم حوامل مايو مافي مشاركات زي قبل العيد وين رحتوا
أكيد معذورين الحمل صار متعب اكثر من قبل

أنا صارت تجيني حموضه حرقه مادري ... زي الحاجه تحرق في اخر الحلق ولما اجي انام تطلع من تحت إلى نهايه الحلق كأن العصاره حقت البطن تطلع الظاهر البيبي يضغط على بطني

وحاجه ثانيه احس بصعوبه الهضم وبسرعه تجيني حومه من الاكل خصوصا الدسم

سلامااااااااااات باي

[CELL="filter:;"][ALIGN=center]علوجة يابسة
مشكوره اختي على الموقع


nanna2
العفو حبيبتي لا شكر على واجب وان شاء الله ربي يقومنا بالسلامه


مجبورة
سألت عنك العافيه حبيبتي
سبحان الله الجنين كمان يحس بالأم في هذه الفتره ويتأثر بالتقلبات المزاجيه الي تمر فيها...


mrsdini
هلا اختي
حبيبتي ليش تضيقي صدرك على السرير وعادي خذي الي ودك فيه وهذا خليه بغرفة نومك للبيبي لما يكبر شوي ويتحرك كثير واما السرير الي تشتريه هو الي يصير جنب سريرك بعد الولادة لانه صعب تحطي سرير كبير وشكله ما بيصير حلو اصلا

شوق العيوووون
هلا والله فيكي اختي معانا بالرابطه
ما شاء الله عليكي حلو انك استفدتي من وقت التخفيضات وماراح يبقالك غير الشئ البسيط..
اما على الابره انا ما اخذتها ولا قالي الدكتور عليها وعادي اذا ما اخذتيها[/CELL]

[CELL="filter:;"][ALIGN=center]بنات جبتلكم بعض مواقع لاسماء المواليد ان شاء الله الي محتاره بأسم تلقى اسم يعجبها بهذه المواقع

أسماء المواليد الذكور-أسماء الأطفال - أسماء الصبيان

أسماء المواليد

أجمل الأسماء العربية [/CELL]

السلام عليكم اخواتي جميعا .. شخباركم واخبار الحمل معاكم ؟؟ مسامحه على الإنقطاع الفتره إلي فاتت بسبب الإمتحانات الجامعية بس الحين الحمد لله عدت على خير .....

الحمل صار متعب هذا الشهر اكثر من غيره ... الله يساعدنا الثلاث الشهور الجايه ... حاليا اني في اول اسبوع من الشهر السادس .. الحموضه الله لا يبليكم .. ما آكل شي الا وارتفعت الحموضه لحلقي خصوصا وقت النوم .. واحيانا اظل بالجوع علشان بس اتجنب هالحموضه وبعد ما في فايده ... الدكتورة عطتني حبوب مولتينيوم آخذها قبل الأكل والحمد لله احسها اشوي تخفف ..

الثقل زاد والبطن صار بارز وكبير ... الله يعينا اذا وصلنا التاسع ... اني قررت هالشهرين أخلص كل اغراضي واغراض البيبي .. الثقل ما يسعنا على المشي والتسوق بعدين .. اضافه على ان الولاده امر وارد من الشهر السابع .. فنجهز اغراضنا من الحين ونرتاح بعدين ..

النوم صار واجد متعب .. وارق على طول ونوم متقطع ... اني قررت آخذ لي مخده خاصه من المذركير للنوم ..

الإمساك لا زال موجود .. وآلام تحت البطن والظهر للحين بسبب الثقل ...

الله ييسر امورنا .. ونخلص شهور الحمل بسرعه ونرتاح ..

mrsdini
اي والله واني بعد نفسج
من افكر بأغراض البيبي والتجهيزات الوايد
يعورني قلبي ويعورني راسي
احب اتسوق لكن المشكلة ما اقدر امشي اتعب بسرعة
مع اني ما ثقلت وايد
صج هي مرحلة حلووه وصج ذكرتني لما كنت اجهز لعرسي واحاتي وافكر هههههه
كنت اظن بس اني احس بالحومه اقول اني مو طبيعية ههههه
الظاهر الكل يصير له جذي بهالفترة
الله يهونها ياارب

The MoOoOoN
يسلمووو على الروابط الحلووه
الله يعطيج العافية عزيزتي
جا يوم موعدج او بعد؟؟

tatee82
هلا عزيزتي .. لج وحشة والله
اني بعد يصير لي جذي .. يعني هاذي يسمونها حموضة؟؟
تبهدلت واكره الاكل والسبب جذي
والامساك بعد ذابحني
ولما قلت للدكتورة غيرت لي حبوب الفيتامينات والحديد
وصرت لما اكلهم الحين يجيني اسهال؟؟ تعبت والله
اي توني اقول ما اقدر امشي وتعب واايد
الله يكون بعونا
اني شريت بعض الاغراض لكن على خفيف وبكملهم هالشهر ان شاء الله
يارب الله يعينا ونكمل كل شئ بسرعة
ويارب يسمع منج وتهون وتعدي هالشهور على خير



اختكم مجبووورة

كيفكم يا بنات عندي ليكم اسماء حلوه خالص بس لازم تدعوا لي؛؛
اسماء البنات ؛
تاله-ومعناه النخله الصغيره
جهينه-القروب والدنو
ديمه-مطر دائم في سكون
ميره- غذاء القلوب والنفوس
اسماء الاولاد؛
تالد-الشئ القديم والعتيق
تليد-المجد القديم
مرثد- الرجل الكريم
وسيل- كل ما يتقرب به الي الله(}) (}) (}) ({) ({)

nanna2
يسلمووو على الاسماء الحلوووه
عجبني ميره وتليد .. حلووين
مشكوورة واكيد بندعي لج عزيزتي .. الله يسهل عليج ويقومج بالسلامة

حواااامل
اليوم رحت المستشفى وسوت لي الدكتورة فحص السكر
قالوا لي قبل اصوم من الساعة 8 الليل الى 8 الصبح
ولما رحت لهم عطوني اشرب عصير حلووو سكره زياادة
وانتظرت ساعة واخذوا مني عينة الدم
النتيجة ما تطلع الحين .. في موعدي الجاي ان شاء الله بعد اسبوعين
ياااارب يكون خير وما اتبهدل لاني سمعت وايد عن سكري اللي يصير في الحوامل
دعوااااتكم يا غاليات

وانتوا شلونكم؟؟ وين وصلتوا في اخر موعد لكم؟؟

اختكم مجبوورة

The MoOoOoN

مشكوره على المواقع الحلوه ووافينا بالجديد دايما

tatee82

لا تذكريني بالنوم صاير صعب مره والتقلب الله لا يوريكم علشان اتقلب مشروع وسالفه الله يعين أنا فكرت اشتري المخده ورحت المذركير ونسيت اشوفها لما تشتريها قولي لي كيف هل تنفع ؟؟؟ وبكم بعد:shy:

لا تنسي تطلبي الكاتلوج من مذركير مره مفيد وينفع
مجبورة
اشووووووووه في احد زيي يعوره راسه من التفكير بالجهاز :qaq:

nanna2

الله يقومك بالسلامه ويرزقك بكل ماتتمنيه
بس لقافه مني إنت ايش قررتي تسمي ولدك أو بنتك؟؟
مجبورة

الله يطمنك إن شاء الله وتطلع النتيجه طبيعيه لا تخافي أنا زيك سويت التحليل وتعبت واجد من الصيام ولا اخذوا مني دم وانا صايمه وبعدين شربت الجلكوز وبعد 3 ساعات رجعت واخذوا عينه دم وكل هذا وانا صايمه عورني راسي :sad: وقعدت احاتي بس الحمد لله كل شي طبيعي

حوامل عندي لكم كم نصيحه من خلال تجربتي وخبرتي البسيطه في الامساك والحموضه

للتخلص من الامساك .. وتفاديه
1/ شرب عصير البرتقال ويفضل اكله وبما ان الحديد هو المسبب للامساك يفضل شرب العصير بعد اخذ حبه الحديد ... المهم اكلوا برتقااااااااااااااال

2/ أنا شخصيا ماخذ حبه الحديد إلا بعد الاكل علشان الدم يمتصها

3/ كثر القعده تسبب ركود للدوره الدمويه والجسم ككل والامعاء خصوصا ... امشوا ولو ربع ساعه وادعوا لي ... الامساك بيروح على طوووووووووول

4/ شرب الماء شرب الماء شرب الماء شرب الماء علطووووووووووول

أما بالنسبه للحموضه .... لاحظت الدهون هي المسببه لها حاولي تقللي منها

ودعواتكم لي يابنات وصدقوني بالنسبه للامساك مجربه اشربوا ماي وامشوا وركيض الحمام:clap:

سلاااااااااام لأحلى دوبيات رشيقات :salam:
كيفكم وكيف حملكم ان شاء الله بخييييير

هلا والله الغاليه mrsdini
حبيبتي حتى انا في تجهيز زواجي كنت مطفوقه واحاتي
بس مثل ماقلتي تعب بس ذكريات حلووووه
<<<<<<< اكيد حلوه مو فيها سوق خخخخخخ

شوفي عيوني انا جهزت اكثر شي من "مذركير" و" اوبيبي "
اوبيبي شغلاته راقيه صراحه بس مقاساتهم اصغر شي شهر
يعني مااخذت من عندهم كثير مره
والمذركير تدرين ملابسه مريحه للطفل
اوعي تاخذي بدل واشياء ثقيله للبيبي لاتنسين انه بينلف
احسن شي الشبك الكامل والقطنيات مره مريحه
طبعا انا مو جالسه اتكلم عن خبره بصراحه:shy: لانها تجربه اولى
بس يعني تدرين ناخذ ونعطي مع بعض وكل وحده تفيد الثانيه والا مو:gum:
بس الحين محتاره من وين اشتري المهد ابي على الاقل اخذ اثنين ولاادري من وين
ناس كثير نصحوني بمحل جاكادي بس يقولون غالي بصراحه انا لسه مارحت

مراحب The MoOoOoN
ثانكيووووووو عنوني على المواقع
بس ماقلتي لنا انتي وش ناويه تسمين:shy:

هلا خيتو tatee82
والله عين العقل ... انصحك تخلصين نفسك والبيبي الحين
مثل ماقلتي بعدين الثقل بيخلينا نحس بالكسل وماراح نتسوق برواقه
وأما على النوم ياقلبوووو يوووه قبل الحمل لو أنام تسع ساعات مستحيل اتحرك في نومي
الحين كل خمس دقايق انام على جهه:sad: اذا نمت على جنب توهقت وحسيت بألم
واذا نمت على ظهري عورني الله يكون في عونا يارب.......

مراحب nanna2
يسلمووووووو الغاليه على الأسماء الحلوه
ويارب يقومك بالسلامه

حبيبتي مجبوره ....
لاتشيلي هم وان شاء الله مافيه الا كل خير والنتايج تطلع عال العال
انا لسه ماقالت لي الدكتوره عن هالتحاليل
تصدقين اصلا الدكتوره ماعملت لي الا تحليل دم واحد في اول شهر بس
وللحين ماعملت لي غيرو.....
المهم اول ماتطلع نتايجك لاتنسين تطمنينا حبيبتي

بنات أخبار تشققات البطن معاكم طلعت والا باقي
وتسون شي عشان تمنعونها والا كيف ؟؟؟
أنا عني للحين ماطلعت وكنت استخدم الفازلين وزبدة الكاكاو على طول
بس الحين شريت لي زيت من كلارنس خاص للتشققات هذي
يقولون كويس ويمنع ظهورها ولاادري

أقوووول كأنه لي ساعه اقرقر حشي واجد :gum:
السمووووووحه الغاليات لو طولت
تمنياتي بالصحه للجميييييع يارب

اختكم ...شوق العيوووون

كيفكم يا بنات إنشاء الله كله تمام ،،،،
شوق العيون والله حاسداكم عشان عندكم مذركير وانا بحب حاجاتهم كتير بس هنا في امريكا ما عندنا ،عندي لك سؤال يا شوق العيون كم كلفتك اغراض البيبي يا ريت اعرف لاني الي الان ما بديت في التجهيز وعاوزه اعرف الميزانيه لاني لازم ارحل من الشقه الي انا فيها ولازم ارسل لوالدتي عشان تجي تولدني يعني قصتي طويله،،،mrsdini والله لسه ما شفت البيبي بس إنشاء الله بعد إسبوعين عندي مواعيد ومحتاره مع الاسماءالاولاد عاجبني إسم زين العابدين ،وتالد بس إمكن نسمي علي جده قرشي،،،،اما البنات محتاره بين مريم،حبيبه،تالا،زينه،مسكه،،،إختاروا معاي،،،
كيفك مجبورعن فحص السكر الدكتوره قالت لي راح تعملوا لي المقابله الجايه بس ما قالت لي اصوم ما عارفه هل النظام عندنا بختلف ولا كيف بعدين قالت لي النتيجه بتطلع بعد ساعتين،،وإنشاء الله تكون نتيجتك زي الفل بس إنتي ماتخافي وخلي تكالك علي الله(}) (}) (}) ({) ({)

mrsdini
اي والله واني بعد تعبت بذاك اليوم
اني على طول جوعانه وقالوا لي صومي .. كنت ميته جوووع ههههههه
الحمدلله ان نتايج مالتج طبيعية ويارب اكون مثلج .. دعواتج
تسلميين عزيزتي على النصايج
اني وايد اعاني من الامساك واحاول اشرب ماي وايد وعلى طول اكل برتقال
الامساك قل عن قبل .. بس بعد موجود
بحاول اتبع نصايحج كلها ومشكوورة وايد

شوق العيوووون
مشكوورة عزيزتي
واذا طلعت النتايج اكيد بقوول لكم
هذا ثاني تحليل دم تسويه لي
اول واحد كان بأول شهر مثلج
واكيد بتسوي لج تحليل الدم علشان تعرف نسبة السكر بدمج
لكن لما توصلين الشهر السادس .. انتي بأي اسبوع؟؟
اني بعد استخدم زبدة الكاكاو .. وايد زين

nanna2
ان شاء الله عزيزتي
اكيد من دعواتكم بيكون كل شئ بخيير
طريقة الفحص نفسها .. تصوم الحامل وبعدين تشرب العصير اللي بسكر
وبعد ساعة ياخذون الدم
شفت في برنامج اجنبي عن الحمل كان جذي
ولما رحت موعدي سوت لي الدكتورة نفس الشئ



اختكم مجبووورة

مراحب يا حوامل والله هدرتكم تجنن ... وإن شاء الله نكون صحبه علطول حتى بعد الحمل والولاده بس عاد لما يجي البيبي راح ننشغل أكيد مو زي الحين :qaq:

شوق العيوووون

أي والله السوق يدوخ والمغريات تتعب النسوان

اوبيبي أين يقع ؟؟؟:gum: بصراحه أنا لفيت السوق واخذت اكثر شي من سيتي بلازا وبس إن شاء الله قريب اكمل

على فكره ترى أنا بعد مو خبره ... هذا أول نونو لي الله يجيبه بالسلامه

بس ليش تاخذي مهدين كفايه واحد إلي يجي على شكل سله وبعدين الكبير وبالنسبه لجاكادي بضلعته صحيح أغلى من غيره وما لقيت شي يستاهل السعر وهو بالكاتلوج لو عجبج شي مو موجود ... نصيحه لا تطلبي منه شي بالكاتلوج (( زوجه أخو زوجي)) طلبت منه طقم سرير ومفرش وشنطه وبعد ما دفعت العربون بعد اسبوعين جت تستلم لسه حضرته ما عمل الاوردر ..:angry: فأنا قلت لو شفت شي موجود باخذ(w)

خذي راحت في القرقره :qaq: قرقرتج حلوووووووه:shy: واحنا حريم نحب السوالف


nanna2

اسم تالد غريب وحلو واسم زينه حلو بعد ... إن شاء تلقي اسم على مزاجك .... احنا للحين ما قررنا

مجبورة

طمنينا على النتايج؟؟؟؟؟؟؟؟؟

mrsdini
اني بعد اتمنى ان نتواصل بعد الولادة
كل وحدة تعلم الثانية .. دام احنا ما عندنا خبرة هههههه
ان شاء الله اني من هالشهر راح ابدأ اجهز واشتري الاغراض بجد
واحاول اكمل بسرعة لاني تعبت من التفكير والتخطيط
والايام تمر ما باقي وايد
بشوف نتايج الفحص يوم موعدي الجاي .. بعد اسبوعين ان شاء الله
مشكوورة عزيزتي على سؤالج واهتمامج
الله يعطيج العافية ويارب تكملين كل اغراض النونو وترتاحين


اختكم مجبووورة

هلا بنات شلوووووونكم
انتو نفسي ولادتكم شهر 5 انا 3/5

خبروني عن حركة الجنين عندكم شتحسوون بالضبط
وهل يوميا تحسوون بالحركه
اتمنى الكل يشارك

"شمعة ^ الجلاس"
هلا والله
مرحبا عزيزتي .. منووره الرابطة
اني بعد ان شاء الله ولادتي بنفس تاريخ ولادتج 3/5/2007
ايام الحركة تزيد وايام تكون قليلة .. يعني مو كل يوم نفس الشئ
واحيانا يمر عليي يوم او يومين الحركة كلش خفيفة
كنت اخاف و احاتي .. لكن قالوا لي شئ طبيعي
دام انج ما تحسين بأي مشكلة او افرازات او دم .. المهم صحتج زينة
والبيبي اذا وزنه قليل يتحرك .. لكن الام ما تحس فيه وايد لان صغييير
واذا تبين تحسين بالحركة نامي على ظهرج واسترخي بتحسين بضربات خفيفة بعد ما يرتاح ظهرج
فلا تخافين .. ان شاء الله ما فيه وفيج الا العافية
واذا استمر جذي وايد وانتي خايفة .. روحي المستشفى وتطمني


اختكم مجبووورة

اهلا ومرحب شمعه الجلاس نورتي الرابطه وربنا يتممك علي خير ويجعل ولادتك زي نسمه الهوي،،،،انا ولادتي إنشاء الله يوم واحد يعني قبلك بيومين اما عن حركه البيبي فتكون متفاوته خلال اليوم يعني ساعات خفيفه وساعات قويه وزي ما قالت لك مجبوره لو ما حاسه با مشكله تانيه معناها كل حاجه طبيعيه،،،،،انا عامله فيها البنت خبره :bigsmile: :bigsmile: :bigsmile: وده اول حمل لي بس والله ده كله بفضل الله ثم بنات الرابطه الله يقومهم بالسلامه (})

هلا بنات كيفكم وحشتوووووني

هلا فيك الغاليه nanna2
شوفي عيوني أنا جهزت للحين ملابس بس
يعني باقي لسه اللفات والمهد والسرير وأغراض الحمام....

أنا تسوقت في وقت التخفيضات وكلفتني ملابس البيبي ألف ونص
تقريبا والله يوفقك عيوني....

هلا حبيبتي مجبوره...
أخبارك عيوني .... أنا الحين في الأسبوع 24

هلا والله mrsdini
شخبارك حبيبتي....
اوبيبي هذا (OBABY) موجودفي الراشد وفي مجمع الظهران مدري اذا موجود في مكان ثاني او لا
وشو عيوني هذا المهد اللي على شكل سله شكلي اسمي المهد على شغله ثانيه
انا اقصد بالمهد اللي يشيلو فيه البيبي بداية الأيام وأنتي يالغاليه وش تقصدين؟؟؟
بديتي تجهزي نفسك لو باقي ؟؟
ويارب نتواصل بعد الولاده

هلا بك "شمعة ^ الجلاس"
منوره حياك معنا انتي بتولدين قبلي بأسبوع بس هاه رسلي لي مسج طمنيني كيف الولاده:gum:
الله يهل عليك وعلينا يارب
وبالنسبه لحركة البيبي مثل ماقالو لك الأخوات
على حسب تجيه اوقات يركل بقوة وأوقات على خفيف والله يطمنك يارب

بنات اللي في الاسبوع 24 كيف تصوير البيبي في الالتراساوند تبين ملامحه والا كيف
انا اخر تصوير لي كنت في الاسبوع 20 وماكان واضح شي حبيت اسالكم واشوف

بنات لاتقطعووووون
تحياتي لكم