الي موعد ولادتها شهر مايو 2007 تدخل بسرعة

سلااااااااااااااااامتكن جدامكن :)

وموعدي معاكن :) 7 / مايو / 2007

والله يسهل على الجميع :)

The MoOoOoN
اني بعد احس بألم بظهري
وألم اكثرر اسفل البطن .. حتى ما اقدر امشي
ما ادري طبيعي او لا؟؟

سنا الوجـد
مرحبا عزيزتي
ياهلا فيج .. منووره
الله يسهل عليج وعلينا وعلى كل الحوامل


اختكم مجبووورة

The MoOoOoN

سلامات شفيه ظهرك؟؟

يمكن من البرد


مجبورة

أي والله البرد ذبحنا بس حلوووووووو خليه جدي

لا تقولوي ألم في اسفل البطن كأنه ألم الدوره .. أنا نفس الشي .. أختي تقول يمكن من البرد

ولما اقوم من الانبطاحه ما اعرف امشي كني عجوز اه بس الله يقومنا كلنا بالسلامه


سنا الوجـد


الله يقومك بالسلامه واحنا بعد


أنا اشتريت طقم للبيبي .. واحترت بصراحه بما انه أول بيبي الله يحفظه ...ويش اخذ ومنين ابدأ كان شعور غريب بس شكلي المره الجايه بروح لاختي بورقه وقلم وبسجل كل حاجه المفروض اشتريها(w)

:shy:

mrsdini
اي والله مثل ما قلتي
ولما اكون منبطحة ما اقدر اقوم ويجي شد جهة اليمين
ما اقدر انقلب ولا اتحرك .. كأني سلحفاة على ظهرها ههههههه

انتي بأي اسبوع الحين؟؟
واني بعد محتارة .. ما ادري ابدأ اشتري شنو؟؟

الله يسهل عليج ويقومج بالسلامة


اختكم مجبووورة

ألم البطن والظهر واسفل البطن شي طبيعي وبيستمر معانا الى الشهر التاسع بسبب تمدد الرحم ونمو الجنين المستمر ..

بالنسبة حق جنس البيبي في الشهر الخامس بسهولة ينعرف ومن الاصل هذا هو الوقت المناسب لمعرفة الجنس لأن البيبي بعد بيكبر وبيلتف حول نفسه وبيصير معرفة الجنس أمر صعب .. اني حاليا عرفت جنس البيبي في الأسبوع 16 وقالوا لي بنت .. شنو عنكم ؟

بنات : صارت لكم تغيرات في الصدر ؟ اني صدري صار اشوي ثقيل والحلمة صار لونها غامق والبشره إلي حواليها مجعده .. الدكتورة في موعدي إلي فات نصحتني أمسح صدري كل ليلة الى الشهر التاسع بزيت الزيتون وقالت انه مفيد للتشققات وبيساعد على الرضاعه الطبيعيه اذا الله قومنا بالسلامه ..

عن التجهيزات اخذت لي بيجامات لبعد الولاده مفتوحه من الأمام وتصلح للإستقبال .. ( إستغليت فرصة التخفيضات إلي عندنا ) ... واخذت طقم وردي كامل للبيبي من مذركير .. واخذت كاميرا فيديو وديجيتل علشان اصور كل لحظات البيبي من الولاده .. وعطوني معاهم ألبوم خاص للأطفال علشان الصور .. وان شاء الله هالشهر ناويه آخذ لي اشوي اغراض بعد لان ناويه أجهز قبل الشهر التاسع .. اذا وصلنا الشهر التاسع بتتراكم الأغراض علينا ولازم بننسى بعض الأشياء .. وبعدين بيكون علينا ضغط بسبب الثقل .. فمن الحين يا بنات جهزوا في اغراضكم اشوي اشوي ...

لما رحت موعدي إلي فات عطوني إبره التسمم الجرعه الأولى .. والجرعه الثانيه بتكون في موعدي الجاي .. والجرعه الثالثه بعد الولاده ان شاء الله .. وجرعتين للحمل الثاني .. يعني يصير المجموع 5 جرعات ضرورية في مرحلة الحمل ..

يالله بنات خبرونا عنكم ...

tatee82
هلا والله .. صار لي كم يوم ما شفتج؟ شلونج وشلون النونو؟؟

اني بعد صدري وايد تغير
صار غامق واكبر ودائما تجيني حكه قوية

صح كلامج المفروض ما نتأخر اكثر
وناخذ اغراضنا شوي شوي من الحين
بعدين بنثقل وبتصير حركتنا اصعب .. ما بنقدر ناخذ شئ براحتنا
الله يستر .. ما اخذت ولا شئ للحين

واني بعد اخذت ابرة التسمم .. آخر جرعة
لان من قبل كنت ماخذتهم .. لما كنت صغيرة
وتقول الدكتورة المهم تكونين بالحمل ماخذتهم كلهم
وبعض البنات ما عطوهم ولا جرعة لان اخذوهم وهم صغاار

مجبووورة

الله يقومك ويقوم كل الحوامل على خير

ألحين دخلت الاسبوع ال20 وعرفت جنس البيبي من الاسبوع 18 الحمد لله

إنت بأي اسبوع؟؟؟؟

tatee82

اذا على الصدر والسواد الله يصبرنا لين الولاده ... عادي عادي خليكي ايزي كله بيروح بعدين

شاطره والله اخذتي لج بجامات للاستقبال انا بعد قلت بستغل التخفيضات وبروح .. طبعا باخذ صيفي علشان ولادتي بالصيف

بس ايش ابره التسمم هذي؟؟؟؟؟؟؟؟ أنا سألت دكتورتي عن تطعيمه الكزاز اليي تعطى للحامل قالت مش ضروريه ...

[CELL="filter:;"][ALIGN=center]هلا بنات

ايش الاخبار ان شاء الله كل شئ تمام!!!

وعلى فكره انا ابرة التسمم ما اخذتها ولا قالي الدكتور الي اروحله اذا لازم اخذها ولا لا

اما على التغير الي في الصدر انا تعبني لأن حجمه تغير وكبر وغير الحلمه صارت اكبر مساحتها ولونها اتغير وصار غامق غير الحكه والي متعبني كل ما اروح اشتري Bra اكبر ما اعرف كم اخذ مقاس ومره يطلع كبير مره ومره يطلع صغير واحسه ضيق شوي ودي اكون مرتاحه وتكون على مقاسي الحين


اما على اللبس اخذتلي قميصين مع اروابهم للاستقبال بعد الولادة وهي خاصه للرضاعه وعشان لسه ما عرفت جنس البيبي اخذت واحد لونه ابيض وفيه تطريز من تحت باللون البنفسجي الغامق وحركه ناعمه من فوق والثاني لونه اخضر فاتح (عشبي) وعليه تطريز بيج

اما للبيبي ما اشتريت شئ بأستى اعرف اذا كان ولد ولا بنت وبعدين اشتري اغراضه

انا الحين بالأسبوع 19
لكن المشكله اوقات احس اني بطني صغيره على وحده دخلت الخامس [/CELL]

السلام عليكم
اخباركم يا حوامل ؟
ان شاء الله كلشي تمام

الم الظهر و ايفل البطن سالت الدكتورة قالت انه عاااااااااااادي
الم البطن بسبب تمدد الرحم و كبر حجمه
والظهر بسبب كبر حجم البطن

ان شاء الله ربي يقومنا بالسلامة

اختي مجبورة انا الحين بشهري الخامس

للحين ما جهزت ولا شي الا افكار
و جبت الورقة القلم و كتبت شنو اشتري و بشنو ابدأ
واكيد بسال اختي عن كل شي لانها عندهه طفلين يعني خبرة

وان شاء الله لما اكمل القائمة
اكتبها لكم بالتفصيل

السلام عليكم
اخباركم يا حوامل ؟
ان شاء الله كلشي تمام

الم الظهر و ايفل البطن سالت الدكتورة قالت انه عاااااااااااادي
الم البطن بسبب تمدد الرحم و كبر حجمه
والظهر بسبب كبر حجم البطن

ان شاء الله ربي يقومنا بالسلامة

اختي مجبورة انا الحين بشهري الخامس

للحين ما جهزت ولا شي الا افكار
و جبت الورقة القلم و كتبت شنو اشتري و بشنو ابدأ
واكيد بسال اختي عن كل شي لانها عندهه طفلين يعني خبرة

وان شاء الله لما اكمل القائمة
اكتبها لكم بالتفصيل

[CELL="filter:;"][ALIGN=center]هلا اختي البصراوية


ياليت والله اذا كتبتي القائمه تكتبيها لنا وتصيري سويتي معروف فينا
وان شاء الله كل وحده تكتب ايش جهزت وايش اشترت عشان نذكر بعض [/CELL]

The MoOoOoN

ايش هي ابره التسمم ؟؟ هي نفسها الكزاز ؟؟

السلام عليكم كروشات كيف اخباركم إنشاء الله كلو تمام،،انا في الإسبوع الإثنين وعشرين بس لسه ما شفت جنس البيبي زوجي بموت ويشوفه بس المشكله هنا في امريكا الإجرائات معقده بس إنشاء الله ربنا يسهل واشوفه المقابله الجايه،،،لسه ما بديت اشتري حاجات البيبي منتظره إجازه الكريسمس لانه المولات بتكون زحمه الايام دي ،،،إختي بصراويه انا منتظره القائمه ،،،منك لإني بالجد ما عارفه ابدا من وين ،،،يا بنات ياريت توروني لو فاهمين لهجتي السودانيه ولا اكتب ليكم بالفصحي،،عشان الفصحي مع الحمل بتعمل لي وجع حلق،،،،،،،،،،،،،،، :dd: :dd: :dd: :no: :no:

هلا يا بنات ...
بغيت اسألكم .. شلونكم ويه حركة البيبي ؟ حسيتوا بالحركه والله للحين ؟ اني قرأت ان الحركة تبدأ مع نهاية الرابع وبداية الخامس .. بس اني حسيت بس بنبضات خفيفه الظاهر هذي هي حركات البيبي .. لأني توني أول مره حامل وما اعرف اميز حركة البيبي للحين ..

خبرونا عنكم ..

mrsdini
تسلمين عزيزتي
اني لي الحين 21 اسبوع و6 ايام
يعني بكرة 22 اسبوع

الدكتورة شافت شهادة ميلادي
والتطعيمات اللي اخذتها من يوم ولدوني
وشافت ان آخر جرعة لأبرة التسمم ما اخذتها .. فعطتني اياه
وكان ويايي حوامل وما عطتهم لانهم اخذوها قبل

يعني انتي اخذتي كل تطعيماتج من قبل

The MoOoOoN
عجبني القمصان اللي اخذتيهم
من وصفج وايد حلوين
الله يهنيج ويفرحج بالبيبي وتقومين بالسلامة
عادي توج بالخامس .. يكبر البطن مع بداية السابع يقولون جذي
وبعض البنات ما يطلع لهم بطن كلش

البصراوية
ويقومج بالسلامة عزيزتي
اني مثلج ما شريت شئ
انتظر القائمة باخذ مثل اغراضج هههههه

nanna2
اخذي راحتج عزيزتي
كلامج حلووو ومفهوم
الله يعينج بالغربة ويارب يسهل عليج وتولدين بالسلامة
هذا اول مولود لج؟؟

tatee82
اني بعد ما اعرف
قالوا لي ان حركة البيبي جذي بداية الخامس مثل النبضات
حركات خفيفة
اني حسيت بعد مثلج


اختكم مجبووورة

nanna2

عليكم السلام والرحمه.... كلامك مفهوم خدي راحتك.... واضم صوتي لصوتك ونطلب من البصراويه تنزل القائمه :shy: ... إنت بالاسبوع 22 وأنا إليي كنت مفكره نفسي أكبر وحده في المجموعه (r)

أنا لسه في 20 والله يقومنا بالسلامه

tatee82

هلا حبيبتي
أنا حسيت الحمد لله بالحركه وخصوصا لما بجي أنام .... إنت حطي ايدك على بطنك وصبري لين يتحرك وساعات يعاند لما يجي البابا يبغى يحس فيه

مجبورة

اهلين
عاد من وين اجيب شهادي ميلادي ؟؟:sad: وما اتذكر اذا كنت اخدت كل تطعيماتي وأمي الله يخليها نسايه

السلام عليكم

اشلونكم يا بنات ، شوقتوني للمشاركة ، أنا حامل وموعد ولادتي 20/5/2007 وهذا رابع مولود بإذن الله .

طبعاً بداية الحمل تعبت جداً جداً، مع ان هذا مب حملي الأول بس سبحان الله الوحدة فينا تنسى الأعراض والآلام.

الله يهون علينا جميعاً ويرزقنا الذرية الصالحة. آآآآمين:shy:

السلام عليكم يا حوامل اخباركم ؟؟

بنات من زمان و انا ادور على موقع يحسبلي اسابيع الحمل
يارريت الي عندهه تعطيناه و اكون شاااااااااااااااااكرة لها

طيب نرجع للحوامل اخباركم ؟ و اخبار شهيتكم ؟ انفتحت ولا لسة ؟
انا تقريبا شهيتي عادية يعني اكل لكن ولا كاني حامل

احاول اكل الاشياء المفيدة و اهمها الخضروات و الفاكهة و الحليب و اللبن
اما عن الجهاز لسة ما بجهز لاني انتظر السونار في موعدي القادم ان شاء الله

والقائمة انا بوعدكم اني بنزلها لما تكمل اصبروا شوي ليش مستعجلين هههههههههههه

اختي نانا لهجتك مفهومة تماااام خذي راحتك بالكلام و لا تتعبي نفسك بالفصحى هههه
صحيح حركة الجنين بحس فيها دايما و خصوصا لما بجي انام
فديته كانه بيكون لاعب كرة قدم لانه بيضربني كاني كورة

ان شاء الله تكون ولادتنا سهلة ولا نحس باااااااي الم ان شاء الله

صحيح من ناوية تاخذ ابرة الظهر ؟
انا عن نفسي مستحيل باخذهه لانهه اطول الطلق وانا اتمنى اولد بسرعه وارتاح
وبعدين انا سامعه ان فيها خطورة
ما معقول ان الم الولادة ما بينحمل صح ؟ والا كيف ولدونا امهاتنا بدون ابر ههههههههههههههه

نتوكل على الله والي بيصير يصير وان شاء الله الكل يقوم بالسلامة

البصراوية

هذا موقع يحسب لك اسابيع الحمل وأي خدمه تدللي بس


http://go.3roos.com/em7NhN3hmXC

هلا حبايبي اشحالكم واشحال الحمل وياكم

انا اول مره شارك وياكم بس على طول كنت اتابعكم

وانا موعد ولادتي 29-5-2006

وانا بنهاية الرابع وان شاء الله الجمعه داش الخامس

وللحين ما بينت الكرش واللي يشوفني ما يقولي حامل لا جسمي ما تغير فيه شي

والبيبي الحمدالله حسيت بحركته بس واايد خفيفه

واكثر شي احس فيها فالليل

وبصراحه احسااس واااااااايد حلو

وخاصة هذا اول بيبي لي ""الله يخليه لي ان شاء الله ويفرحني فيه""

وعن اغراض البيبي احس بعده في وقت ليش مستعجلين

وانا الله يخلي الوالده بتساعدني يوم اشتريله الاغراض

والله يعينا ان شاء الله