الي موعد ولادتها شهر مايو 2007 تدخل بسرعة

شوق العيوووون

هلا والله .... أنا بصراحه كنت مفكره المهد اليي هو سرير البيبي اليي يجي شكل السله ويكفي ل6 شهور تقريبا

أنا اسمي الشي اليي يحملوا فيه البيبي أول الايام(( منام))) ...... وهو يجي زي الكيس ومن فوق

مثلث (( إن شاء الله وضحت فكرتي ))

وإن شاء الله راح اكمل اغراض البيبي بس شوي شوي وراح اخذ من كل مكان كم قطعه .. رح اشكل يعني


صح حوامل لقيت المخده الخاصه بالنوم وللحوامل بس ما تشجعت اخذها لانها كانت منفوخه مررررره وأنا ماحب شي يضايقني بين فخودي
موجوده في ستي بلازا ورخيصه بعد

زي هذي بس اكبر



وهدي



وفيها فايده ثانيه نقدر نستخدمها وقت الرضاعه هنا



من جربتها؟؟

شوق العيوووون
هلا والله ....منوره الرابطه المهد اليي هو سرير البيبي اليي يجي شكل السله
مجبوره
شخبارج مع الحمل ان شاء بخير يارب
بنات معكم الاسبوع 23
mrsdini
هاي مخده وايد مريحه كنت بأخذها بس ان شاء الله اقرب وقت

nanna2
هههههههه اكثرنا ما عندنا خبرة
واني بعد اللي يشوفني انصح واجاوب
يقول هاذي عندها درزن عيال هههههه
اني بعد مثلج اول حمل لي .. واسمع كله كلام البنات
واخذ خبرة منهم هههههه

شوق العيوووون
ما ادري الله متى تكون ملامح البيبي واضحة؟؟
بس اتوقع بأسبوعج انتي الـ 24 ما يبين واضح
يمكن بعد ما تكملين اسبوع الـ 27 او الـ 28 اتوقع جذي
يعني بالشهر السابع
تقريبا اني مثلج شريت بس الملابس واخذت بعد اللفات والفوط واخذت لحاف
وسرير صغير مثل السلة لبداية الاشهر

mrsdini
اني ما جربت مخدة جذي
يعني اكيد تنفع وما تضايق؟؟
اني بالليل ما اقدر انام يجي ارق وطول الليل اتقلب
من الحين جذي؟؟ شلون اخر شهر؟؟
اللي تجربها تقول لنااا

علوجة يابسة
الحمدلله اني بخير
انتي شلونج؟؟ لج كم يوم ما شفتج
شخبارج وشخبار النونو؟؟
ما شاء الله دخلتي الاسبوع الـ 23 .. الله يعدي الباقي على خير
وتقومين بالسلامة



اختكم مجبوورة

السلام عليكم حوامل .. اشحالكم إن شاء الله بخير



كنت مارة فحبيت أسلم عليكم وأشوف شو أخباركم ،،،



ولي عودة إن شاء الله ...

mrsdini
هلا بك الغاليه ... اي الحين فهمت وش تقصدين :clap:

علوجة يابسة
الرابطه منوره بوجودك والله
على فكره انا سابقتك بأسبوع تقريبا


مجبورة
هلا بك شخبارك ... ماطمنتينا على فحصك والا باقي ماطلع
على فكره انا كان عندي امس موعد وعطوني موعد ثاني لنفس تحليلك هذا
يمكن اروح اسويه بعد أسبوع...
وشفت النونو في التصوير ياقلبي فدييييته يشبه امه خخخخخخخ
حسيت بدت ملامحه توضح شوي مو مره واضحه يعني
بس قدرت اميز العيون والخشم والفم ياقلبي عليه

مدام انفينيتي
هلا فيييك منوره كلنا بخير الحمد لله
ونسأل عنك ...

بنات امس الدكتوره قالت لي انه لي 24 أسبوع وكم يوم
يعني تقول توني أول أسبوع في الشهر السادس:qaq:
وأنا كان على بالي ان 24 اسبوع يعني خلصت السادس
تحطمت :sad:

<<<<<<<< تحسووون وحده تبي تولد مطفوقه
تحياتي لكم حبيباتي

سلامات يا بنات كيفكم وكيف اخبار كروشكم،،،،شكرا شوق العيون علي ردك إنشاء الله راح ابدا الشهر الجاي في تجهيز اغراض البييبي ،،،وإنشاء الله بعد بكره عندي مواعيد في المستشفي عشان إعرف جنس المولود ما تتخيلوا انا قدر إيش متحمسه وفي نفس الوقت خايفه يعني احاسيس مختلطه مع بعض ساعات اقول كل البجي من ربنا كويس بس من داخلي نفسي إول ولده لي اجيب ولد عشان حلو البكر دايما يكون ولد ،،،وانا عارفه إنه زوجي نفسه في الولد عشان حيكون إنشاء الله اول حفيد في اسرتهم واسرتي كمان،،،،،إدعوا لي يا بنات الله يخليكم،،،بنات عندي ليكم سؤال هل علاج الاسنان مضر للحامل لاني عندي مواعيد مع دكتوره الاسنان ولازم تعمل لي شغل كتير بس كل صديقاتي بيقولوا إنه علاج الاسنان للحامل ما كويس والدكتوره تقول عادي بس انا خايفه فطمنوني الله يخليكم(}) (}) (})

مجبورة
الحمدلله اني بخير
كنت مشغولة حبيبتي في تجهيزات لبيبي حمدلله تقريبا خلصت
النونو حمدلله بخير
اتريا بفارق الصبر و الله يعدي الباقي على خير
وانتي بعد وتقومين بالسلامة يارب ....

شوق العيون
شخبارج يالغالية .... ان شاء الله بخير

nanna2
لازم تستشيرين دكتورتج احسلج عشان اطمنين على البيبي اكثر عشان في ادوية مضره لبيبي

مدام انفينيتي
وعليكم السلام .. هلا والله
من زماان ما شفنا طلتج عزيزتي
شلونج وشلون البيبي؟؟ ما طمنتينا عليج؟؟
بأي اسبوع وصلتي؟
كرري مرورج علينا مرة ثانية .. تنورين الموضوع

شوق العيوووون
اني بخير عزيزتي
والله مواعيدي كلش متباعدة .. كل شهر مرة تقريبا
وهذا اللي يضايقني ما اعرف نتايجي بسرعة وخاطري دائما اتطمن على البيبي واشوفه
قالوا لج تصومين؟؟
العصير زين طعمه واني كنت عطشانة وايد شربته بسرعة ههههههه
اذا صار لج 24 اسبوع وكم يوم .. معناه باقي اسبوعين وتكملين السادس
وتدخلين السابع ان شاء الله
الشهر السابع بالضبط يبدأ من 26 اسبوع و 4 ايام .. يعني في الاسبوع الـ 27
كلنا مستعجلين ومطافيق نبي نولد بسرعة هههههههههه

nanna2
نفس احساسي لما افكر بجنس البيبي
تحسين ما ادري شلون؟؟ صج مشاعر مختلطة وما تعرفين توصفينها
كل لحظة برأي وتفكير
يارب يجيك اللي في بالك واللي تتمنين ولد صالح سليم يااارب
لما كنت بالشهر الخامس رحت لدكتورة الاسنان علشان تنظيف
عادي ما صار شئ
والدكتورة كانت تقول اذا وحدة حامل بتسوي اي شئ بأسنانها
افضل شئ الشهور اللي بالوسط .. الرابع والخامس والسادس
اذا قبل ببداية الاشهر ممكن يسبب اجهاض لا سمح الله
واذا بعد هاذي الاشهر ممكن يسبب ولادة مبكرة .. هذا كلامها
يارب ما عليج الا العافية .. ما تقدرين تأجلين علاج الاسنان الى بعد ولادتج ان شاء الله؟؟

علوجة يابسة
الله يسمع منج عزيزتي
ويعطيج العافية يارب .. التسوق يجيب لي حالة نفسية ما اقدر امشي هههههه
الله يكون بعونا


اختكم مجبووورة

nanna2
هلا بك الغاليه ... الحمد لله بخير انتي كيفك
هاه لاتنسين تقولين لنا وشو اللي في بطنك:shy:
<<<< لقافه
وان شاء الله يطلع ولد زيك القمر مثل ماتتمنين
مع انو أهم شي الصحه والله

علوجة يابسة
هلا بك عيوني أنا بخير ... انتي كيفك وكيف البيبي
بما انك معي بنفس الفتره وش تحسين
مو حركاته زايده شوي هالفتره ....

مجبورة
هلا والله شخبارك .... مثلي أنا بعد مواعيدي متباعده
اي قالوا لي أصوم 6 ساعات على الأقل....
بس بسألك انتي رحتي الصباح والا عادي أي وقت
يعني مثلا أصوم من 3 العصر كذا لين 9 وأروح ؟؟؟؟

الله يوفق الجميييع يارب
أختكم ... شوق العيووون

شوق العيوووون
اهم شئ تصومين عدد الساعات اللي قالوا لج عنها بأي وقت
لكن اني رحت الصبح وكنت صايمة من الليل
لان مختبر فحص الدم يفتح بس الصبح .. وقت ثاني ما يفتح
فإذا انتوا بعد نظامكم جذي .. فما عندج وقت الا الصبح


اختكم مجبووورة

سلامات بنات كيفكم ،،باركولي طلعت بنت في الالتراساوند مع إني كنت متوقعه ولد بس الحمد لله ،،،زوجي قال لي البنت بشري من رب العالمين والحمد لله إنها كويسه ،،،،،بس هي كانت مقفله رجولها والدكتوره تقول &#1641;&#1641;&#1642; بنت،،،،والمضحك إنها كانت حاطه يدها علي وجهها كانها البنت خجلانه ،،،سويت فحص السكر بس من غير صيام والنتيجه إنشاء الله بعد يومين ،،،،يلا يا بنات ساعدوني بالاسماء الله يخليكم ،شوق العيون ومجبوره كيف اخباركم إنشاء الله كلو تمام ،،:shy: :shy:

nanna2
الف الف مبرووك
يارب تجيك احلى بنوته .. صحتها زينة ودبدوبة هههه

والله اني كلش تعبانة
صار لي يومين حالتي حالة
حرارتي مرتفعة وزكام وسعال
وراسي يعورني ويدووور كل شئ فيني
في الليل ما انام الزكام ذابحني ما اقدر اتنفس
ما ادري شنو اسوي علشان يروح؟؟ ما ابي ادوية ولا حبوب
انتوا شلونكم؟؟



اختكم مجبووورة

الله يعينج اختي مجبوره

انا مريت بنفس الحاله وما كنت ارقد

بس كنت اييب ماي حار وحط داخله فكس واستنشقه

وتقريبا بعد يومين ارتحت

عالعموم اشحالكم بنات وشخبار الحمل

انا حاليا احس بنشاط وساعات انسى اني حامل لان الكرش صغيره

ومع وجود الم في الظهر

وطمنونا عليكم

مـــــــــــــــــــــــــــــــــرحبا بكـــــــــــــــــــــــــــــــــم
الغاليات اسمحلولي على التقصير يمكن شاركت مرة ولامرتين بالموضوع
وان شاء الله موعد ولادتي ان شاء الله 13/5/2007
وبصراحة سواليفكم وايد روووعه وان شاء الله راح اكون ع تواصل دايم
واخبركم اول بأول ان شاء الله شو يصير معاي:shy: :shy:
والله الحين مادري باي اسبوع انا
بس ع تاريخ 13 او 14/2 بدخل ان شاء الله بالسابع
وع فكرة انا فحصت عالسونار وطلع>>>>>>>>>>>>> ولد الله يحفظه
وريلي كان خاطره في ولد يحليه وايد مستانس وانا دوم اقول السونار احيانا مايطلع مضبوط يمكن تكون بنت هههههههههه العب ع اعصابه
ولحد الحين ماشريت ولاشي للبيبي ريلي يقولي بعده عالتاسع واانا ارد عليه شنو يضمنك يمكن اربي بالسابع وهو مو مقتنع بس ان شاء الله خلال هلاسبوع بسير اتشرى له الاغراض:ok:
وبالنسبة للرقاد أرق ع طول والالام بالظهر والركب
وخبرتكم قصة حياتي هههههههههههههههه:gum: :gum:
وان شاء الله بكون ع تواصل وياكم وماراح أقطعكم

السلام عليكم يا حوامل شخباركم ؟

اختي مجبورة الف سلامة ان شاء الله ما تشوفين اي شر

شربي يوميا كوب ماء دافيء و اعصري فيه ليمونه و ملعقة كبيرة عسل
واذا كوبين بعد احسن وهو مفيد وما في اي ضرر
انا بعد اول ما حسيت ان راح يصيبني زكام شربته و على طول شفيت الحمد لله

موعدي بعد اسبوعين ان شاء الله والمواعيد بعيده كل شهر تقريبا
عطتني تحليل دم ان شاء الله بسويه قبل الموعد بيومين

الجنين ما شاء الله ربي يحفظه يتحرك كثير وهذا اروع احساس بهذه الفترة
لكن بين فترة و فترة تجيني دوخة قوية احس اني بطيح اذا ابقى واقفة
بسرعه اكعد او انام حتى تروح الدوخة و يصيبني هبوط بالظغط

الدكتورة كالتلي ان الهبوط عادي بسبب كثرة فقد السوائل
اشرب ماء على طول حتى اتخلص من الدوخة و الامساك و الهبوط

عملت التراساوند و شفت البيبي ما شاء الله عليه كان يصفق ههههههههههه
وشفت ايدينه و رجليه صغيييرة و روعه هههههه و عطتني صورة لوجهه
ملامحه مبينه فديته العيون و الفم و الانف و الحواجب
وكالتلي ان 95% ولد الحمد لله و الشكر

وانتم شخباركم ؟؟

[CELL="filter:;"][ALIGN=center]السلام عليكم


والله وحشتنوني احس اني افتقدتكم وافتقدت سواليفكم الحلوه عن الحمل خلال هذه الاسبوعين ....
بس ايش اسوي كان غصب عني...


اما عني وعن الحمل الحمد الله اوقات احس اني نشيطه ولا كأني حامل واوقات يجيني تعب ما اتحرك من السرير انا الحين 24 اسبوع

اخر موعد لي عند الدكتور عطوني ابرة الكزاز واستغربت انه ما اعطوني هي من بداية الحمل على بالي مو مهمه والابره الثانيه بعد شهر ان شاء الله بس من جد تألم الابره ولا حسيت بألمها إلا من ثاني يوم اخذتها واحس يدي ثقيله ومكانها متحجر وجامد وقالتلي الممرضه سوي تمارين ليدك عشان يخف الألم

اما على البيبي سويت سونار والحمد الله كل شئ طبيعي لكن جنس الجنين للأسف ما كان واضح لانه مقفل رجوله وحاول الدكتور يحركه عشان يفتح رجوله لكن للأسف الخجل ذابحه مو راضي يفتحه عشان كذا حسيت انه ممكن بنت بس مو متأكده
وقالي الدكتور الموعد الجاي بيحاول يسويلي 4D ultrasound عشان يكون اوضح واعرف جنس الجنين

وعلى فكره انا صار يجيني الم في اسفل ظهري من جهة اليسار واوقات ما اقدر اتحرك ابدا من الألم وقالولي هذا طبيعي والالم بيستمر معاكي حتى تولدي ...الله يعين بس ويحملنا الشهور الجايه


اما حركة البيبي اوقات احس فيها كثيره واوقات يمر يوم كامل ولا احس فيها واخاف....

اما على الاسم لسه ما اخترت اسم لو كانت بنت لانه اذا ولد ان شاء الله بأسميه على اسم عمي الي هو ابو زوجي
اما اسم بنت انا عاجبني اسم" جنا "لكن زوجي ماعجبه وبأشوف اسماء ثانيه


وان شاء الله نستمر مع بعض كذا على طول حتى بعد الولادة ما شاء الله علينا صراحه احس رابطتنا نشيطه وان شاء الله على طول بهذا النشاط
على فكره ودي اعرف اذا في وحده من رابطتنا من اهل الخبر او الجبيل ؟؟؟؟ [/CELL]

السلام عليكم

كيفكم يا حوامل ان شاء الله اموركم طيبه

والله اني مقصره معكم تو ادري ان الحمل متعب كذا :bigsmile: للاسف الفتره اللي راحت كنت تعبانه كثير
بسبب نقص الحديد بالدم واصل عندي 9 بس الحين الحمد لله مع الابر اللي اخذهم علشان ترفع نسبة الحديد

وغير التهاب الاذن الوسطى اللي مسبب لي دوخه وضعف في السمع ولي ماله علاج مع الحمل الحمد لله نحتسب الاجر ان شاء الله
انا الحين في الاسبوع 25 وان شاء الله الولاده في 15\5 وبديت اجهز للبيبي

والحمد لله البيبي بخير وان شاء الله تمر الايام على خير ونشوفهم بين ايدينا بصحه وسلامه

اختي The MoOoOoN اسم جنى حلو جدا حاول في ابو الشباب لما يرضى

وبالنسبة لسؤالك انا من اهل الخبر ان شاء الله اقدر افيدك بشي

اتركم في حفظ الرحمن (f)

مبروك البنت (( نانا )) والله يقومك بالسلامه

مجبوره ............ الله يعينج والله الزكام كريـــــــــــــــــــــــــه خصوصا وقت النوم الله ....إذامره مو قادره تتحملي روحي الطبيبه وأكيد عندهت العلاج المناسب لفتره الحمل ما تشوفي شر

عايشة18 وينك من زمان ما سمعنا عنك اخبارج ..........أي صح أنا وإنت رح نولد بنفس اليوم إن شاء الله 13/5/2007 بس عسى ما بنولد بنفس المستشفى ...:qaq: يو إنت اماراتيه وأنا سعوديه

:clap:

على فكره بنات وين تراجعون ؟؟؟ في أي مستشفى ؟؟ عني أنا في المركز التخصصي الطبي بالرياض عند د/ ناديا ماشي حالها زينه بس بولد إن شاء الله بالدمام عند أهلي في المواساه لأني عايشه بالرياض بس أصلي شرقاويه .وأهلي كلهم وأهل زوجي بعد بالشرقيه:salam: ........... قلت قصه حياتي ............ عقبال ما نستقر فيها يااااااااااااااارب


البصراوية....
sad beat The MoOoOoN قلـ انثى ـب


وين عنكم من زماااااااااااااااااااااااااان؟؟

ها حومل وين تراجعون مواعيد الحمل ؟؟؟

باي

[CELL="filter:;"][ALIGN=center]هلا والله اختي قلـ انثى ـب

كيفك مع الحمل ان شاء الله تمام ... انا ان شاء الله موعد ولادتي بعدك بيوم 16/5
اما على الاسم انا بأحاول فيه اذا مالقيت اسم ثاني يعجبني بس ودي اتأكد اول شي اذا بنت ولا ولد
انتي من اهل الخبر ؟؟
طيب بسألك انتي وين بتولدي لأني اراجع مواعيدي في الجبيل لكن ان شاء الله ابغى اولد بالخبر عند اهلي وودي اعرف مكان ممتاز اولد فيه ....... لا وموعد ولادتنا متقارب يمكن نولد مع بعض بنفس المستشفى خخخخخخخ
غير كذا وين احسن اماكن قضيتي منها للبيبي في الخبر او الدمام لأني لسه ما اشتريت له شئ ...




mrsdini
هلا والله
انا الحمد الله تمام ويني من زمان؟؟ عايشه مع البيبي الي لسه ما شرف الله يستر لما يشرف ما راح تشوفوني مرررررررره ههههههههههههههههههه
انا ببداية حملي كنت اراجع في المواساة الي بالجبيل الصناعيه والحين اراجع بمستشفى القاعده البحريه عند الدكتور روبرت لكن الولادة ان شاء الله بأجي عند اهلي بالخبر عشان اولد وللحين ماقررت على مستشفى اولد فيها
طيب كيف المواساة بالدمام يمدحو الولادة فيها ولا كيف ؟؟؟؟؟[/CELL]

السلام عليكم ورحمة الله وبركاته ،،،


إشحال خواتي الحوامل اليوم إن شاء الله أحسن (يالله الله يعدي هالفترة على خير ويقومكم بالسلامة إن شاء الله)


الغاليات أنا عطوني موعد الولادة من 28/04/2007 حتى 11/05/2007 بيكون طبيعي وبما إني أعوشر فتوقعت الولادة تكون في أول شهر مايو ...


أما عن الحالة فالحمدلله وأنا ألحين في الأسبوع 27 وحاسة عمري منفوخه وايد حتى الوالدة تقولي ليكون فيج اثنين .. بس جد رايحة كم مرة حق السونار وقالولي ولله الحمد بنت (أجحل فيها عيني شوي)


وأنا من فترة أشرى حق النونو وريلي حاشرني توا الناس عن الشرا أقوله ما تضمن يمكن أربي في السابع جان يقولي شو يعني يستوي قلتله هيه يستوي وخصوصاً عندنا ألحين تنزيلات علشان المهرجان فرحت بيبي شوب وما قصرت خذيت إلي أبغيه وإلي ما أبيه ..


المهم بديت أجهز حقي وحق البيبي بشوف شو خذيت وشو ناقصني وبرد عليكم


نشوفكم على خير حوامل والله يسهل عليكم ويساعدكم إن شاء الله



((((مع السلامة )))