الي موعد ولادتها شهر مايو 2007 تدخل بسرعة

كيفكم يا كروشات إنشاء الله كلو تمام ،،،كيفك مجبوره الله يبارك فيك وسلامتك الف سلامه،،،البصراويه الف مبريك علي الولد ربنا يجعله من الصالحين إنشاء الله،،،،ذا مووون عاش من سمع صوتك إنشاء الله المره الجايه تشوفي جنس الجنين وتفرحي فيه،،،،مرسديني كيفك والله يبارك فيك،،،بنات عندي سوال لمن شفت البيبي في الالتراساوند كان راسه تحت وانا في الإسبوع السادس والعشرين هل هذا طبيعي(})

The MoOoOoN

أي والله لما يشرف النونو ما راح نقدر نسوي شي عاد أنا ألحين 24/24 على النت بعدين ما بشوف ريحته

بالنسبه للمواساه عندي أختين يمدحوا فيه واجد خصوصا د/ حنان و د/ فاطمه الزهراء ود/ غاده في الولاده روعه بصراح أنا كنت محتاره أولد فيه ول سعد بالخبر بس ما كثر ما مدحوا في المواساه استقريت عليه ولانه قريب بعد فتشجعت مره

مدام انفينيتي

هلا حبيبتي ......... يعني مو بس البكريه تدخل العاشر ؟؟؟؟ الله يستر علينا .... طيب بعد الموعد بكم يواجد ولا ؟؟؟

نانا

لا تخافي وضع البيبي طبيعي (( أعتقد )) بالعكس أنا بدعي ربي يكون راسه لتحت من ألحين علشان ما اقعد احاتي مني للتاسع متى ينزل ... الموعد الجاي بتأكد

[CELL="filter:;"][ALIGN=center]nanna2
هلا اختي
وطبيعي وضع البيبي لا تخافي وتقعدي تحاتي وان شاء الله كل شئ تمام


mrsdini
هلا والله وعقبال ما تولدي وتقومي بالسلامه حبيبتي
انا باحط المواساة بالقائمه وان شاء الله ربي يسهل علينا الولادة وين ماكنا ..آميييين يارب[/CELL]

سلااااااااام لأحلى حواااامل
كيفكم وحشتووووني....

نانا...
مبرووووك البنت نانا والله يقومك بالسلامه ويجعلها من الذريه الصالحه يارب

مجبوره....
سلامتك ألف سلامه وماتشوفي شر
مثل حالتي انا زكام وسعله
كله كوم وزكام الحامل وسعلتها كوم ثااااااااااني :sad:
احس البيبي يطفر من مكانه لما اسعل :sad:

ساد بييت
كيفك .... مدري بس قريت على الفكس انو ماتستخدمه الحامل او المرضع الا باستشارة طبيب

عايشة18
هلا والله كيفك مبروووك الولد ويتربي في عزكم وربي يجعله من الذريه الصالحه

البصراوية
هلا والله شخبارك
مثلي انا بعد كانت ملامح النونو واضحه فدييييته يشبه امه :shy:

ذا موووون
هلا والله كيفك ..... عاش من شافك
اي ماتنلامين القمر مايطلع الا مره وحده في الشهر :gum:
شكلك قريبه معي انا الحين 25 اسبوع بس انتي حاسبه اسبوع الدوره والا بدون؟؟؟
وبالنسبه للألم انابعد يجيني بس انا جهة اليمين انا على بالي انه الم في الكلى
بس انتي طمنتيني انو الم ظهر
<<<<<<< ماتميز الكلى من الظهر :shy:
بسألك عيوني ال 4D ultrasound هي نفسها الاشعه الملونه والا غير؟؟؟

مدام انفينيتي
هلا دوبااا منفوخه :shy: شخبارك
هاه وش جهزتي خبرينا خل نشوف وش ناقصنا

mrsdini
شخبارك ...وين وصلتي في التجهيز الحين

اختكم
شوق العيووون

هلا خواتي شخباركم ،،،


أنا عندي موعد يوم الثلاثاء الياي بتاريخ 06/02/2007 وإن شاء الله الأمور تكون طبيعية ويطمنوني على البيبي... (أهم شي)


شوفي الغالية mrsdini

أنا في عيالي كلهم تأخرت عن موعد الولادة إلي عاطيني إياه في المستشفى (ويقولولج في المستشفى قبل الموعد بأسبوعين أو بعده بأسبوعين طبيعي) هذا على أساس إنه ما استوى الحمل بعد الدورة مباشرة...



وإنتي يا عزيزتي شوق العيوووون


ما أذكر كل الأغراض إلي خذيتهم أو كم العدد بس عشان خاطر عيونج بكتب إلي أذكره وعالله

بالنسبة لي أنا إلين ألحين ما خذيت غير الجلابيات حق الرضاعة (إلى أقدر أفتحهم من جدام) وحق المستشفى تقريباً ستة وبعدني ما خلصت بس كل ما أسير مكان وأشوف شي عيبني أشتريه...


أما بالنسبة للبيبي ،،،،

خذيت 6 كنادير بقماطاتهم مع الرباط مالهم ألوان (يعني ييج الدانتيل أو الشريطة أو التطريز ملون)
خذيت يمكن 4 فوانيل (هايله إلي يتسكر من تحت) حق عمر 3 شهور وتقريباً 12 حق عمر 6 شهور
خذيت مرضعتين صغار واثنين كبار مع فرشاة التنظيف
خذيت يمكن 6 بدل حق الطلعة
والله يسلمج 3 فوط للنونو ألوان (أبيض ووردي وبيج)
و 3 قماطات قطن من غير
ولفة شكله حلو حق برع



وهذا إلي أذكره للحين وسلامتج ،،،

[CELL="filter:;"][ALIGN=center]شوق العيوووون
هلا والله الغاليه
انا الحين نهاية الاسبوع 24 يعني مثلم تقريبا
واسبوع الدوره مو من ضمن الحساب ......
اما على الم الظهر يقولو انه بسبب تمدد الحوض وضغط الجنين .. بس انا لما يجيني الالم ما اقدر امشي زين واحس اني اعرج غير هذا ما اقدر اشيل شئ لا ثقيل ولا خفيف ... الله يعين على الشهور الاخيره ما ادري ايش بيصير فينا هذا وانا لسه الشهر السادس
بس انتي لازم تتأكدي من الالم الي يجيكي لان التهابات الحالب والمثانه وارده في الحمل

اما بالنسبه لسؤالك عن 4D ultrasound هي نفس السونار العادي بس مو ابيض واسود يكون اوضح يمكن هو الي قصدك عليه ملون ويكون شكل الجنين اوضح ......




مدام انفينيتي
ان شاء الله تروحي موعدك ويكون كل شئ تمام وتتطمني على البيبي ....
ما شاء الله عليك اخذتي بعض الاشياء للبيبي انا للحين ما اخذت شئ ان شاء الله قريب ابدا اشتري حق البيبي [/CELL]

شوق العيون

باقي لي قماطات ما شريت للحين مو لاقيه وباقي مفارش التقديم قلت خليهم للثامن أو التاسع يمكن المحلات تجيب بضاعه جديده ........طبعا شنطه للخروج ....

أي على طاري التجهيز ..... تذكروا سالفه السرير اليي جابه صديق زوجي طبعا بعد تفكير عميق مني قررت إني اخليه لمده 6 شهور وراح اخذ السرير اليي في بالي وبكده ارضيت نفسي في اني اختار لاول بيبي لي سرير وراح اشتريه من بعد الاربعين لما ارجع شقتي إن شاء الله

أي صح عندي سؤال لذوات الخبره مفارش السرير الخشب كلها مقاس واحد في كل مكان ولا شلون؟؟؟

وإنت ياشوق العيون بديتي تجهيز للنونو؟؟؟

مدام انفينيتي

هلا يالغاليه
أهم شي ماتتأخر الولاده عن 42 اسبوع .. والله يقومنا بالسلامه كلنا

The MoOoOoN

الله يسمع منك وإنت بالمثل

هلا بالغاليات

mrsdini
هلا فيك والله قصة حياتك شبيه بقصة حياتي نفس الشي مافي استقرار:sad:

بالنسبة لي اراجع بمستوصف الروضه بالدمام عندهم دكتوره ممتازه ولله الحمد بعد الله تم الحمل على ايدها
والحين اراجع عندها الى الشهور الاخيره ان شاء الله


The MoOoOoN
هلا والله فيك حلو متقاربين بموعد الولاده على خير ان شاء الله وبالنسبة للاسم اذا تاكدتي من الجنس
راح يجيك الحماس تدوري الاسم

الولاده ان شاء الله راح تكون بالدمام لان المستشفيات هناك احسن عندك اسطون وانصحك بالمواساة يمدحون عنايتهم
اما المشتريات للبيبي اكثر شي اخذته من بيبي شوب ستي بلازا والاشياء الثانيه من اماكن متفرقه بس من ناحية الملابس احسن شي من بيبي شوب

nanna2 حبيبتي وضع الطفل طبيعي ولا راح يستقر على ذا الوضع بيتغير >>مسويه نفسها خبره بس هذي فايدة حشر الدكتوره بالاسئله:ok:

نشوفكم على خير وتكونو بصحه وعافه

قلـ انثى ـب

صدتيني ههههههههههههههههههههه ليه إنتي وين ساكنه وليه مافي استقرار؟؟؟ شكلك مادام تراجعي في الدمام يعني ساكنه فيها وأهللك وين؟؟

لقافه بس شسوي أبغى احس إن في حد زيي..........

بس أنا بالعكس ساكنه بالرياض وودي أستقر بالشرقيه يارب قريب

mrsdini

نفس المعاناة انا حاليا عند اهلي بالخبر وبعد الولاده ان شاء الله رايحه الرياض مع زوجي

مافي استقرار انا بمكان وهو بمكان مالنا الا الدعاء

ان شاء الله ينقلونه الشرقيه ونستقر


والفال لك انتي بعد وتستقرين

هلا والله حبيباتي عساكن بخير
ومثل ماوعدتكم أكون ع تواصل وياااكم واحنا عندنا في بوظبي احسن مستشفى ولادة
هو مستشفى الكورنيش وان شاء الله ناوية ع باجر اسير افتح لي ملف هناك لاني كنت اراجع في مستشفيات خاصه وريلي بعد كان يباني اربي بالمستشفى خاص اونه عاد العناية والاهتمام اكثر
بس بعد ماشفت أكثر من موقف بجد بايخ جدا جدا منهم مع انه المستشفى من اكبر مستشفيات بوظبي وعنده فروع وايد ومو حابه اذكر اسمه
المهم ما اطول عليكم سرت لهم مرة لانه كانت تجيني حالة انقباضات في الرحم وطبعا انا اراجع عندهم عند نفس الدكتوةر يعني عندي ملف روحت عندها وقلت لها ان اولا حابا اشيك ع البيبي وثانيا عندي وجع في منطقة الحوض والرحم وقالت لي يلا ارقدي ع السرير الكشف قلت لها ماشي ورقدت والا اشوف الذكية جايبة جهاز حديد ايش كبره واظني اسمه حلج البطه وقالت لي بسويلج
كشف انا اول ماشفت الجهاز قلتها ياحبيتي مستحيل اخليج تحطين فيني لانه كبير وايد وثانيا انا ما احتمل انا جبانه وقالتي برايج ماتردين تتعالجين وقلت لها ماشي طريقة ثانية تكشفين علي قالت لا.......... وشليت نفسي وطلعت منها وانا حيل متضايقة واتصل بي ريلي يسالني وانا خبرته
كل السالفه وراح هو اتصل عالمستشفى وطلبها وسالها قال لها ماشي طريقة علاج ثانية على اقل اطمني على الياهل وراحت قالت ليش هي حامل ؟؟؟ تصوروا بكل برودة اعصاب تسأل اني حامل
وقالت اصلا الجهاز هذا ما ينحط لوحدة حامل ابدا وهي تقصدني انا وهي ماقالت لي انها حامل
مع اني اقسم بالله اول شي قلت لها ابغي اشيك واطمن ع البيبي وافرضوا انا ماقلت لها مو الملف جدامها وانا مراجعه عندها اكثر من مرة عني من اول شهر لين ماصار لي موقف شهر الخامس للحمل
الحمدلله انه ربي ستر والا الجهاز خطير يمكن كان يطيح البيبي
وحسبي الله عليهم صدق المستشفيات الخاصه مالهم امان وهاي الدكتورة تقول ع عمرها اخصائية
امراض نساء وولادة وهي خرطي
وصار اني كنت بعد هالموقف كنت اراجع بنفس المسشفى بس عند دكتورة ثانية وهاي كانت طبيب
عام وكنت اشتكي من زكام وراحت وصفت لي ادوية وقبل لانصرف ادوية راح زوجي اللي شكله تعلم من الموقف الاو لي قالها ترى الحرمة حامل وانتي متاكدة من الادوية تناسبها؟ قالت والله حامل طيب ليش ماتراجعون ملف المريض اللي صار له فترة يراجع عندكم وراحت على طول غيرت لي
الادوية اللي وصفتها
وها شو رايكم بالموقفين من جد مو شي يقهر
وانتبهوا يابنات وان شاء الله راح اوافيكم بجديدي اول باول

شوق العيوووون .. mrsdini .. The MoOoOoN .. sad beat
.. مدام انفينيتي .. عايشة18 .. قلـ انثى ـب .. nanna2 .. البصراوية

وكل حوامل الرابطة
وحشتووووووني مووووت
احس من زمان ما شفتكم ومن زماان ما دخلت النت
رحت المستشفى وما خلوني اطلع .. نمت هناك اربعة ايام
حسيتها دهر ههههه
ما احب المستشفيات كلش .. تعبت نفسيتي
لكن الحمدلله الحين صرت احسن

مشكووورين على سؤالكم واهتمامكم
ويارب ما تشوفون مرض ولا شر ان شاء الله



اختكم مجبووورة

[CELL="filter:;"][ALIGN=center]قلـ انثى ـب

هلا اختي
انا اشتريت بعض اغراض البيبي من مذركير وان شاء الله اكمل الباقي


عايشة18
هلا والله اختي
والحمد الله ان ربي ستر ... وصحيح لازم الوحده تنتبه دايما


مجبورة
سلامااااااااااااااااات حبيبتي ما تشوفي شر
والله حتى انتي وحشتينا
وان شاء الله ربي ييسر علينا الحمل لوقت الولادة ويقومنا بالسلامه[/CELL]

قلب انثى

الله يسمع منك ونستقر ......

عايشه

ما تشوفي شر ... بس ايش هذا الجهاز اللي يقيس الرحم ماعرفته؟؟


مجبوره

سلامات ....عسى ما شر ليش تنومتي ؟؟؟؟

على العموم حمد الله على السلامه

بنات ايش تستخدموا لمنع تشققا ت البطن؟؟؟؟؟؟؟؟؟؟؟
أنا كنت احط بالمرز + زيت اللوز وساعات بيبي جونسن بس دكتورتي قالت ماينفع لازم anti srteach mark وكتبت لي الوصفه بس ما لقيته؟؟؟؟؟

بايش تنصحوني أنا سمعت عن جل لوريال من استخدمته؟؟؟

هلا الغاليةmrsdini
الجهاز حسب سمعت عنه يكشفون فيه عنق الرحم وحجمه كبير شويه والحمدلله انه ربي ستر
وهو خطر وممنوع ع الحوامل

The MoOoOoN
الله يسلمج عزيزتي
الشر ما ييج واني اشتقت لكم اكثر والله
شلونج انتي؟؟ شنو صار معاج بأخر موعد لج؟؟

mrsdini
الله يسلمج ياارب
كنت مريضة وايد زكام وسعال قوي ذبحني
واذني التهبت كنت اتألم وايد
نمت بالمستشفى كانوا بيتطمنون على البيبي ان ما فيه شئ
ظليت كم يوم والحمدلله كل شئ زين
اني استخدم للتشققات زيت السمسم وزيت اللوز وكريم زبدة الكاكاو
كل يوم احط واحد منهم هههههه

عايشة18
هلا والله
اييي سمعت في المستشفى عن هالجهاز
وحدة حامل كنت راقدة جنب غرفتها والمشيمة نازلة عندها
كانت تقول يسوون لها فحص بجهاز اسمه حلج البطة
وكانت تتعب منه وايد وينزل عليه دم اكثر ..!!!
والله تخوف هالسالفة
الحمدلله الله طلعج وما جربتي هالشئ .. الحمدلله على سلامتج
ما عليج من الدكاترة ترى بعضهم اغبياء .. مو اي شئ يقولونه تصدقينه
لازم تتأكدين وتكونين واثقة من الدكتورة زيين


اختكم مجبوورة

((مجبورة)) تسلمين الغالية والحمدلله ربي ستر
وهاي نصيحة للجميع انتةبهوا من العيادات الخاصة

سلامات مجبوره إنشاء الله اجر وعافيه ،،وإنشاء الله هسي إتحسنتي اكتر،عايشه الله ستر والحمد لله بس كليكي مفتحه عيونك دايما وربنا يحلك بالسلامه إنشاء الله،مرسديني لتشققات الجسم انا بس استخدم زبده الكاكاو كويسه خالص وكل الدكاتره هنا في امريكا بنصحوا فيها عني عن نفسي كنت بستخدمها من قبل حتي ما اتزوج،،بنات عندي سؤال كيف كان وضع البيبي لمن شفتوه بالالتراساوند انا وضع البيبي كان زي وضع السجود،،،الشي التاني إني الايام دي حاسه بملل غريب ودايما اقول لزوجي إن عندي إحساس إني حامل لي ثلاثه سنين مع إني اليوم دكلت الشهر السابع بس لسه حابه انه الوقت ما قاعد يمشي،:sad: :sad:

عايشة18
الله يسلمج مشكوورة
والله يحفظج وكل الحوامل ونقوم بالسلامة

nanna2
الله يسلمج
وضع البيبي بهاذي الاشهر مو ثابت
دائما يتغير وكل مرة يتقلب
لما يثبت بالشهر الثامن او نهايته
اي لازم تحسين بالملل لان تفكرين وايد وتحاتين
تحسين الفترة طولت
لكن انتي لا تتوترين وايد وفكري انها احلى مرحلة ولو كانت صعبة
بعدين بتشتاقين الى هاذي الايام لما تذكرينها
وانتي حامل وتتدلعين وزوجج يدلعج واهلج والكل يهتم فيج هههههه
وبتتمنين تحملين مرة ثانية
استمتعي بهاذي الايام ولا تفكرين وايد
ويارب بتعدي بسرعة والله يسهلها لج


اختكم مجبووورة

شكرا مجبوره علي ردك بس ما اظن إني حااشتاق لايام الحمل مره ثانيه لانه صراحه دي اصعب مرحله شفتها في حياتي بالاضافه لاني في بلد غربه في اخر الدنيا،،الحمد لله علي كل شي ،،،بالمناسبه مجبوره كيف البحرين واهل البحرين ،،،انا بحب البحرين زي بلدي لاني عشت فيها 12سنه