حوامل شهر ابريل 2007

اليوم تعبت وايد ونزلت علي افرازات بنيه.... رحت المستشفى وسوت لي سكان سمعت نبض البيبي لاول مره... قالت لي المشيمه نازله وعنق الرحم متوسع عطتني ابره وادويه وان شاء الله يثبت الحمل

المشكله لو البس جلابيه على طول بيفهمون

لان هذا اول حمل لي الحمدلله

والله يثبت حملك ياعمري ويثبت حملنا كلنا ان شاءالله ويرزق كل محرومه اللهم امين

ولاتهملين نفسك انا دكتورتي قالت اذا طلع معك دم على طول نامي على ظهرك وارتاحي راحه تامه والله يعين

حبيبة قلبي انا عن نفسي كلهم الاهل يدرون اني حامل علشان جدي متشوقة اني آخذ لي ثياب حمل يهبلوووووووووون الى الحين مو حاطة في بالي شكل معين لكن بروح وبشوف صدقيني اخذ ثياب حمل اذا مااخذتين الحين متى بتاخذين وخلهم يدون انتي في العيد بتكونين في الرابع يعني حتى لو ماقلتين لهم بيعرفون حتى لو شنو بتلبسين نصيحة مني ثياب حمل.

ماتشوفين شر حبيبتي مااحد ابد حاولي انج ماتهرقين روحج وايد انا بعد كان ينزل علي بني لكن رحت الى الدكتورة وكتبت لي مثبت والحمد الله وقف علي.
بس بغيت اسالك ينزل عليكي مثل الدورة ولا افراز بني؟
عرفتي قصدي يعني انا ماكان ينزل على البني تبع الدورة لا كان افراز بس بني .

صباح الخير بنات :) شلونكم؟
ماشاءلله عليكم انتوا متى تقعدون على النت ........

والله شاقول لكم .. امس حسدت روحي .. في روحتي الدوام الصبح كنت اقول حق روحي غريبه صار لي كم يوم ما لاعت جبدي ولا رجعت ... اكيد خلاص كملت عني النسا .... والله بس وصلت الدوام الا حالتي حاله .. وموب طايقه اكلم حد ولا اشوف حد .... في نهايه الدوام قام يزيد علي .. رجعت البيت الا حالتي حاله .. على طول الله يعزكم ترجيع وصادني الم فضيع في بطني ورقدت من الساعه 4 ونصف الين 6 .. قعدت شوي ورديت رقدت الين الصبح .. حسيت اني وايد مقصره مع النونو اني كلش امس ما اكلت شئ مفيد .. اي شئ آكله ارحعه .. هل معناه ان النسا للحين موجوده؟ اقصد يعني ما خفت ؟

بالنسبه حق الم الظهر، فعلا هو يزيد اذا كنت واقفه وايد او اذا سويت حركه غلط وساعات يصيدني حتى وانا نايمه ع ظهري ... احسه ابه الم غير طبيعي .. مسكين زوجي اخليه يسوي لي مساج خفيف، الم يروح وقتها وبعدين يرجع العن من قبل !!!
كنت ناويه امس اروح التمارين، بس عقب اللي صادني قلت اقعد في البيت احسن لي ....

حبيبه قلبي .. تدرين ان سؤالج جاء في وقته :)

احس ان مثل ما قالوا خواتي ان الجلابيه بتكون انسب اختيار ... بس بعد يعتمد عليك .. انتي طالع لك بطن واضح ولا لا ؟ يعني اذا كان جوابك اي .. فمعناه ان من اللحين الين العيد اكيد راح تكبر عليج اكثر ... انا بصراحه للحين موب عارفه شنو راح اختار .. بس اول ما اقرر راح اخبرك :)

تحياتي لك ..

اختي ما حد ابد
عمري ارتاحي ولا تتعبين نفسج ... اذا كنتي موظفه او طالبه اخذي لك اجازة كم يوم .. بس اهم شئ لا ترهقين نفسك .. حتى جهاز الكمبيوتر حاولي انج ما تستخدمينه وايد .. ولا تنسين انج تطمنينا عليج ...

بس يا اخوات .. شنو اسباب نزول المشيمه ؟ واتساع عنق الرحم ؟

إنسانة

-=- ما حد أبد -=-

تسلمين يالغالية .. وبحر جميرا ما استوى حلووو الا من مديحكم له ..

وعن الافرازات .. اتحملي تشلين اي شيء .. وخلي حركتج بطيئة قدر الامكان ... وانسدحي وتغذي عدل ... والله يسهل عليج .. ويثبت البيبي ان شاء الله ...



-=-= بنت نواعم -=--=

تسلمين عالترحيب ... انتوا اهل الخير والبركه

وعن الحمل اللوعه مب مقصره وياي ...
دومي احس حلجي متروس اكل يعني الطعم اللي في حلجي ما يرووح .. مابغي الوع جبودكم .. بس الله يعين الجميع ..

-=- حبيبة قلبي -=-

انا حق العيد فصلت لي فستان الله يستر كيف بيطلع .. قلت حق المصممه انا بكون في الرابع وما اعرف طبيعتي هل بتطلع لي كروشه ولا .. سوت لي موديل ناعم اذا طلعت كروشه بيطلع حلوو ..

وانشالله بطلع مثل ما انا اتخيله ..

بس تحملي تلبسين شيء راص ..

أنا آخر مره الدكتوره منازعتني
مع اني ما فيني بطن ولاكرشه ..

-=-= انسانه -=-=

لقيت لج هالمعلومات اللي ان شاء الله تفيدج

بالنسبة لأسباب نزول المشيمة فهي كثيرة:
1- غير معروفة.
2- عدد مرات الإنجاب أكثر من خمس مرات.
3- إجراء عمليات تنظيف أو أي عمليات أخرى للرحم مثل القيصرية.
4- نزول المشيمة في حمل سابق.
5- تقدم عمر المرأة الحامل.
6- كبر حجم المشيمة وهذا يحدث في الحمل التوأم أو الحمل المصحوب بارتفاع نسبة السكر في الدم.
في كثير من الحالات قد لا يكون هناك أي عارض وغالباً ما يتم تشخيصه عن طريق إجراء الأشعة الصوتية لاطمئنان الحمل فيتم اكتشاف المشيمة.
العارض الوحيد هو نزول دم في الشهر السادس وما فوق من الحمل مما يضطر الطبيب إلى تنويم الحامل في المستشفى إلى أن تتم الولادة أو ترتفع المشيمة هذا يعني الحاجة لإجراء أشعة صوتية كل أربعة أسابيع لمعرفة هل ارتفعت أم لا؟ ومن بين كل مائة حامل يتم تشخيصها في الشهر السادس على أن لديها مشيمة نازلة عشرة في المائة فقط يستمر لديها هذا التشخيص إلى نهاية الحمل في الشهر التاسع.




يا حلوات تحملوا على عماركم .. خاصه اذا كان اول حمل .. انتي ما تعرفين انتي شقى طبيعتج في الحمل .. وبالتوفيق للجميع

السلام عليكم كلكممممممممممممممممممممممم صراحه موضوع حلو ... الحين ما احس اني بروحي !! ههههههههه حصلت حد يآزرني :)


انا موعد ولادتي ان شاء الله 27-4-2007

و عن الوحام بأول شهر انفتحت شهيتي بطريقه مش طبيعيه و الم بالظهر و اسفل البطن و بما اني كنت مسافره و صراااحه ابد ماكنت حاطه في بالي اكون حامل ماحللت و لا شي .. الحين
دايم احس بلوعة فظيييييييييييعه و بشكل مستمر و كارهه كل شي .......نفسي لبسي البيت واحس اني ابي انام..عشان ارتاح و بس :(

ومالي خلق حق شي،

عن التجهيزات احس وااااااااااااااااااااااااااايد بدري لين الحين مافتحت ملف و محتاره وين اربي الكرنيش و لا لا .. الصراحه مش مرتاحه :(


الحين شاله هم الوحام و الوزن :(
خايفه موت اني امتن ؟؟

حوامل انتوا كم زايدين للحين ؟؟ ( الثاني او اواخره ..صح ؟؟))

هلا بيج اختي moon شو اخبارك الصراحة الله يعينك انا بس اتييني لوعة من دون ترجيع وكاره حياتي في بداية الحمل كان اكلي كلش عادي دون زيادة ولا نقصان لكن الحين مااشتهي آكل شي والدورة واللوعة ذابحتني الله يستر في رمضان لكن كلشي هون علشان الحصول على طفل الحمد الله رب العالمين واللهم ارزق كل محروم .
وعن زيادة الوزن انا زايدة الى الان 4 كيلو الله يستر من تالية وانا في الشهر الثالث .

تحياتي لكي اختي.

[grade="FF1493 4169E1 800080 4169E1 FF1493"][/grade]

بعد قلبي والله كلكم ويسلمو على السؤال بنت نواعم .... بنت جميرا... حبيبه قلبي ....انسانه.....
الافرازات بنيه بس الدكتوره تقول لي دم....ولما سوت لي السونار شافت ان عنق الرحم متوسع سته مليمتر.... هي تقولي يمكن انتي طبيعي ها وسعه لكن خطر عليك وانتي توك لج خمسه اسابيع.....
انا والله ما اتعب روحي بس اظن الدرج هو السبب بس والله مستحيه من زوجي واهله يوصلني كلشي لي عندي وانا بس مريحه ... يعني ياوجهه استح.... افكر اروح عند امي لكني مابي اخلي زوجي ادري يحتاس بدوني.....

هلا والله مون ستونز ... وأم الريم...... يامرحبا بكم....

وعلى فكره بنات الادويه اللي يعطوني ايها ترجد تخليني دوم مخدره.......

فلا تخافون اذا غبت عنكم...

هلا بيج حبيبتي ام الريم الله يساعدك على الوحام وانا بعد نفسيتي تعبانة وايد لكن اروح بيت اهلي كم يوم اغير جو وجذي ارتاح وايد . وانا بعد كلشي يجيني الى حد عندي بعد شسوي غصبن عني لكن يلا كم شهر ونعتمد على نفسنا نفس اول خلنا نرتاح من شغل البيت كم شهر هههههههههههههههه كسولة اني.
المهم بروح انام زوجي واقف على راسي يبيني اقوم انام تصبحون على خير.

صباح الخير يابنات

والله شقول لكم البراحة صادني اسهال فضيع وانتو بكرامة دخلت الحمام مرتين لكن بعدين وقف.قبل لا انام دخلت الحمام ولا نازل علي دم بس خفيف جدا خفت قلت اكيد طرح لان انا كنت طارحة قبل 10 شهور لكن الحمد الله وقف هل ممكن يكون الاسهال هو السبب؟
وبغيت مشورتكم في شئ بعد انا كنت استخدم حبوب التثبيت وخلص من كم يوم يصير اني استخدمة مرة ثانية بس من دون استشارت الكتورة يعيني مو خطر الوحدة تستخدة طول فترة الحمل؟ ارجوكم ساعدوني وانصحوني خواتي شكرا لكم .

تحياتي

اختي بنت نواعم
بالنسبه حق سؤالج، اعتقد ان خطر عليج انج تستخدمين شئ بدون استشارة شخص مختص .. انصحج انج تروحين المستشفى وتزورين دكتورتج و تخبرينها عن اللي صار لج (الدم ما بعد الاسهال) وهم سأليها عن الحبوب .. اعتقد هذه الطريقة الوحيده اللي تقدرين تطمنين و تطمنينا معاج

روحي احجزي لك موعد اللحين اللحين .. بدون تردد !!

انا مع كلام اختي انسانه !!! لاتسوين اي شي من غير ماتسالين دكتورتج !!! لاتنسين انتي حامـــــــــــــل و مسؤوووله عن هالروح !!


الله يثبت حملج و طمن قلبج يا رب !!


بنات بسألكم عن الرياضه ؟؟ متى نبدا ؟؟؟

[grade="800080 FF1493 00BFFF FF1493 800080"][/grade]

السلام عليكم
الحمد الله رب العالمين
واللهم لا اعتراض على حكمك

بنات اولا شكرا الى نصايحكم لي وسؤالكم عني
خلاص شكلي بخليكم تكملون مشوار الحمل بروحكم

بعد ماقلت اليكم يوم ثاني زاد نزول البني علي فرحت المستشفى سالتني الدكتورة في اي شهر فقلت اليها في الثالث واول ماشافت التلفزيون استعجبت وتقول لي انتي متاكدة قلت اليها اي وانا كنت متشوقة اني اشوفة لكن ماالله كتب لي قالت لي شوفي المفروض الجنين يبين لكن الكيس جدا صغير وكانك حامل في الاسبوع 5 اتقول لي هو في ثلاث احتمالات
او انك مخربطة في موعد آخر دورة او الحمل حصل متاخر او الحمل هذا مو قاعد ينمو الجنين بشكل صحيح انا هني قلت الحمد الله على كل حال لكن كاني كنت في حلم ابدا ماتوقعت لان كلشي كان طبيعي صحيح ان من اول ماحملت مسنعت نبض الجنين لكن كنت مطمنة لان الوحام حتى بطني ووزني كانوا يزيدون حتى كنت بروح اشتري لي ثياب حمل لكن الله مو كاتب اشوفة.

المهم قالت لي الحمل بينزل اذا كان مو سليم واليوم الصبح نزل على قطع دم ونزل الجنين شفتة سبحان الله .
في الاول زعلت لكن بعدين قلت الله سبحانة وتعالى هو الي عطاني اياه وهو الي اخذ من عندي مااقدر اقول الية لا.
المهم حبيباتي اتحملو بروحكم وفي الي في احشاكم .
الحمد الله رب العالمين .
واللهم ارزق كل محروم.

انا موعد ولادتي 18 ابريل اذا الله راد وكل ماشوف ملابس اطفال اتخبل بس ريلي يسحبني من ايدي ويقولي بعده وقت اصبري .:*_*:. بس خذت بدلتين وهو مايعرف