حوامل شهر ابريل 2007

ما حد أبد * مشكورة عيني على اسم الحبوب

بنت النواعم * مشكورة حبيبة قلبي وانتي ويانا على طوووووووول لا تتركينا ؛)

أي والله ياروح الحب والله مشتاقين للحظه اللي يتحرك فيها الطفل

عموماً ماراح تحسين بحركة البيبي إلا في نهاية الرابع أو بداية الخامس

وإذا كنتي بكريه أكيد في الخامس بتحسين فيها


أما الغثيان حدث ولا حرج بس عليكي بحبوب نيفودوكسين

أنا عليها الآن والدكتوره صرفتها لي وتقول كل الحوامل يستخدمونها للغثيان

وبصراحه جربتها وافتكيت من الغثيان

:clap:

واو .... وأخيراً لقيت الموضوع اللي يناسبني

أنا الموعد اللي عاطيني إياه للولادة 5/4/2007

وإن شاء الله الأسبوع الجاي بسوي أشعة رباعية عشان أشوف جنس البيبي

خاطري أشتري له شيء :gum: أدري لسا بكير بس أتمنى أشتري شيء أي شيء حتى لو قفاز خخخخخ

:shy: أول حمل ومتخرعة

وما حابه آخذ لون محايد أبي أزرق أو وردي

بس :qaq: إن شاء الله ما يعند بيبيي ويكون وضعه مناسب لمعرفة جنسه

أنا ما تفرق معي ولد ... بنت بس أبي أعرف ... الفضول ذابحني

هلا أم الريم

هلا رقم

كيفكم شخباركم

يالله هانت كلها كم اسبوع ونفتك من الوحم



روح الحب

أنا مو من لرياض

أنا من تبوك

والله يعينك عالرشح

مالك إلا الفواكه ( برتقال وليمون ) والزنجبيل حلو بس فيه ناس يقولون انه يسقط

وأنا رشحت قبل شهر وشربته مع الحليب والحمدلله ماصار شي

لكن للإحتياط لاتشربينه

وحاولي ماتشربين أشياء بارده

والله يعينك أصبري واحتسبي

مرحبا بنات
انا بالاسبوع 13 يعني بربي بابريل صح
بس مشكلتي بعد السونار الدكتوره قالت راس البيبي تحت ورجوله فوق وماعرف وش اسوي
انام على ظهري قد ماقدر ****** بنات في اي اسبوع تعرفون ولد ولا بنت؟؟؟؟؟؟؟؟
الله يستر بس

السلام عليكم ... شخباركم يا حوامل أبريل ؟
ادري اني اختفي فتره بس في الاخير ارجع لكم ... :clap:

بالنسبه لي .. دخلت الاسبوع 15 ولله الحمد، الاسبوع الماضي كان عندي زكام وشويه تعب، لما رحت المستشفى قالوا لي ان ضغطي نازل فعطوني اجازة من الدوام 3 ايام عشان ارتاح فيهم .. بالنسبه حق الزكام والبلاعيم عطوني كذا نوع من الدوا بس بصراحه ما خذيت منهم ولا شئ ما عدا حبتين باندول والباقي كله عصير برتقال ...

النونو الحمدلله بخير، تطمنت عليه، ماشاءلله عليه بدأ يتحرك داخل الرحم بس للحين ما حسيت بحركته، الدكتورة خبرتني اني راح احس بحركته بعد 4 - 5 أسابيع يعني بالشهر الخامس .. بالنسبه حق الوحام، الحمدلله وين قبل ووين اللحين .. وااااايد خف عني عشان اني كملت الـ3 شهور الاولى

بعد شنو ... اي .. طلع لي بطن صغير، يعني صارت الناس تلاحظ اني حامل :shy:

كل اللي اتمناه ان الله سبحانه و تعالى يتمم علينا بالخير ويرزقنا و يقومنا بالسلامه .. آمين يا رب العالمين

انتظر ردودكم

تحياتي

إنسانة (f)

هلا والله انسانه ومبروووك ارتحتي من النسا الفال لنا والله تعبانه والزكام هد حيلي
الله يعديها على خير

هلا بنات

انا بعد معاي انفلونزا مثل اختي Soul Love والزكام ذابحني

بس لازم يأخذ وقته قالوا لي مال تغيير الجو خبركم جو الخليج الحلو ...

والله الحالة اللي انا فيها حالة لا يعلم بها إلا الله ،، أحس بضيق تنفس فضيع وآلام فضيعة أسفل البطن والحوض والظهر ... رحت للدكتورة وقالت لي احتاج راحة وعطتني إجازة كم يوم من الشغل وسوت لي سونار واشفت البيبي واطمنت عليه ... على قول الوالدة انسي الوجع والآلام وفكري انه بيجي في حياتك شي حلو جديد وهذي سنة الحياة ...
بس بعد أرد واقوووول اني تعابنة من هالحمل والله يتمم علي وعليكم وبالصحة
ويرزق كل محرووووم يا رب العالمين

هلا والله بالحوامل .. بإمهات 2007

شحالكم ..؟؟ انشالله كل شيء على ما يرام ...

الله يسهل علينا وعليكم ...

بالنسبة للعضوات اللي مرشحين .. الله يعطيكم العافية

أنا في أقل عن شهر رشحت مرتين بطريقة مو طبيعية ... زجام بكل معنى الكلمة وبلاعيم ليل نهار تحرقني ..

واللي سويته ..

رحت عند د. ميسون القيسي ووصفت لي بخاخ أنف إسمه Otrivin 1% قالت لي .. استخدميه 3 مرات يوميا .. بس أنا ما أستخدمته إلا يوم خلاص ما أروم أتنفس .. بعيد عنكم

وعطتني حبوب حق الصداع .. قالت لي خذيهم يوم تحسين بصداع شديد ..

ويتني وصفات غريبة عجيبة ..

عمتني قالت لي أشرب عصير بصل .. هيه عصير بصل .. وشربت .. :angry:

دخل العصير من هني .. وحسيت بانتعاش ومجاري التنفس انفتحت .. وما كملت دقيقة .. إلا وأنا ركيض عالحمام .. وانتوا بكرامه ... رجعت كل اللي شربته .. آسفة انا مب قصدي ألوع جبودكم ..

بس اتصدقون حسيت بانتعاش .. عمتي قالت لي عقب ..صح انج طلعتي كل اللي شربتيه .. بس البصل دخل في جسمج وسوا مفعولة وطلع ..

ومره بعد شربت عصير طماط ويا ثوم .. ونفس قصة البصل تكررت عندي ..


هذا حق الزجام ..

وبالنسبة للبلاعيم ... نصيحة من تحسين بحرقان خفيف ..
تغرغري بماي دافي + عصير ليمون + ملح ..

واختيه مره الدكتوره قالت لها اشربيه ..

وهذا كله صارلي وانا بين الشهر 2 والثالث .. يعني في عز الوحام ..


والله يقومكم بالسلامه ...


نصيحة قريتها في كتاب ... (((((( الوضعية الفضلى للنوم لدى الحامل ))))

كلما تقدم حملك .. كلما زاد حجمك ... وكلما صار النوم أصعب ...
الوضعية الفضلى للنوم هي النوم على الجانب الأيسر ..
لأن النوم على البطن يؤذي الجنين ..
والنوم على الظهر سيجعل الرحم على الأوردة الرئيسية التي تغذي نصفك الأسفل بالدم ..وهذا الضغط سيؤدي إلى إنخفاض في كمية الدم التي تصل إلى الجنين أو بعض أجزاء من جسدك .. والسفلية خاصة ..

فنصيحة تعلمي النوم على جنبك حتى تعتادين عليه منذ الآن ..
استعيني بالوسادات ..
ضعي واحدة خلف ظهرك لتفادي النوم عليه ..
وضعي واحدة تحت أرجلك واجعلي الساقين متجهين للأعلى


وسلامتكم

مشكوره بنت جميرا على النصايح بس ثوم وبصل الا يهداج وانا ناقصه لوعه...
بس والله انج قويه شلون شربتيهم...؟؟؟؟

بسم الله الرحمن الرحيم
الحمد الله رب العالمين

سلام عليكم
شخباركم بنات
افا ليش الموضوع في الصفحة الثالثة وينكم
شخباركم وشخبار الحمل وياكم انشاء الله كل شي تمام
ها شنو ناوين تشترون اثياب الى العيد علشان تخفي كريشتكم ههههههههههههههههههههههههه
بصراحة وحشتوني لكن شسوي ادخل بس اشوف اخباركم واطمن عليكم
وسلامات حق كل من مريض وانشاء الله مايجي العيد الا وهم صحتهم احسن
سلامي لكم وتحياتي
بنت النواعم

هلا حبيبتي بنت نواعم
شلونج وشخبارج .. عساج بخير ان شاءلله
اولا .. خلني ابارك لك واقولك كل عام وانتي بخير وعيدك مبارك وينعاد عليك بالصحه والسلامه ان شاءلله ....
الحمدلله رب العالمين، احنا بخير دام انتي بخير يالطيبه .. وبالنسبه للثياب والله للحين ما خذيت شئ (درت المجمعات وما لقيت شئ ابدا) قلت ما لي الا الجلابيات :shy:

المهم يالغاليه لا تنقطعين عنا وخلنا نعرف اخبارك ..

تحياتي لك

إنسانة (f)

هلا اختي انسانة
انا الحمد الله اخباري طيبة انشاء الله
وانتي بخير حبيبتي وكل حواملنا بخير
وانشاء الله ماراح انقطع عنكم

حبيباتي محتاجة دعواتكم
الحمد الله رب العالمين
تحياتي
بنت النواعم

هلا بنات

شخباركم

كل عام وانتم بخير

ان شاء الحمل تمام معاكم

اتمنى كلكم بصحه وعافيه

واللي يشكون من الرشح والزكام ان شاء الله تعافوا منه ؟؟؟؟

باسألكم سؤال يابنات

إذا آخر دوره جتني في 15/7/2006

وولادتي راح تكون في 22/4/2007

فهل فعلاً أنا دخلت الأسبوع ال 14 والا لا

ياليت تجاوبوني خصوصاً اللي عندها خبره في الحساب بالأسابيع