حوامل شهر ابريل 2007

شكرا لكي انسانة وهمس القلوب ادري اني افشل واحس ااني الى الحين طفلة حتى اقول الى زوجي ياهل وبتييب ياهل ماادري اشلون بصير ام هههههههههههههههههههههه وشكرا على المعلومة.

وينكم بنات اشفيكم سكتون مرة وحدة شنو اخباركم مافي اخبار جديدة
انا عن نفسي يوم الثلثاء عندي موعد علشان اسمع نبض الجنين والله متشوقه موت علشان اسمع نبض الجنين .

هلا هلا بحوامل هر ابريل

تراى أنه وحدة منكم وفيكم

وهذا حملي الأول و موعدي أن شاء الله 2/4/2007

وانا رحت مستشفى أبن النفيس أول مرة وبشروني اني حامل ورحت لهم مرة ثانية وطمنوني كلشي أوكي بس بيني وبينكم ناوية أكمل المشوار مع المركز الصحي لأن كلشي تمام والحمد لله ...أما الوحام انا كله أبغي أنام وأحس بغثيان طول اليوم والله يصبرني...


وعلى طاري التشري أنا أشوف السالفة توها الناس راح ابدي نهاية الخامس على بداية السادس:)

الله يثبت لنا

هلا بيج اختي لووووووزة نورتينا والله يصبرك على الوحام حبيبتي وصج على سالفة التشري تو الناس بس آنة وايد متحمسة ودي اشتري اليوم قبل باجر لولا الفشيلة بيقولون متخرعة ههههههههههههههههههههه لكن والله بموت على مااشتري اغراض ولي العهد الله يثبت لنا مافي بطوننا انشاء الله ويرزق كل محروم.
الحمد الله رب العالمين.

مرحبا يا بنات .. شخباركم ؟؟
بنت نواعم .. ان شاءلله بكره تروحين وتسمعين نبض طفلك وتطمئنين عليه ..

تدرين .. انا عرفت اني حامل بتاريخ 2/8/2006 بس كان وايد تصيدني آلام تحت بطني.. رحت المشتسفى بتاريخ 6/8/2006 وسوت لي الدكتورة الألتارساوند عشان تبي تتأكد ان في حمل بما اني مسويه تحليل في المنزل وتحليل دم في العياده .. المهم قالت لي لازم اروح وأشرب ماء الين أملأ مثانتي .. ذاك اليوم بالصدفه امي وابوي معاي اقولج صادوني خلوني أشرب 4 قراش ماء - أروى - صج فطست و انا اشرب والممرضه كل شوي تتصل فيني تسأل اذا كنت جاهزه ولا لا .....!!

المهم رحت لهم مره ثانيه و سوا لي الالتراساوند وشافت كيس الجنين وتأكدت ان في حمل وانه الحمدلله داخل الرحم و ان كل شئ طبيبعي ... صورته لي و عطتني اياه وانا كلش واصله حدي ادور وين الحمام !!! :gum:

المره الثانيه 20/8/2006 رحت لها عشان تشوف نبض النونو .. زوجي كان معاي .. وانا كنت وايد خايفه واحاتي عشان هي قايله لي ان في هذه المره راح تتأكد اذا كان النونو بخير ولا لا .... يعني فيه حياه ولا لا .. تخيلي وضعي شلون كان ..............

هالمره خذيت احتياطي من البيت قعدت اشرب في الماء .. وصلت عند الدكتورة قالت لي ما تشوف شئ .. هني انا شوي و اصيح :confused: قالت لي اختار يا اني ارجع بعد أسبوع او انها تكشف علي من تحت ..... أكيد اخترت الخيار الثاني عشان لو ما تأكدت جان طول الأسبوع باكون في عالم ثاني .....

المهم، فحصت علي وشفنا النونو الحمدلله رب العالمين كل شئ كان طبيعي .. بس انا من خوفي ما انتبهت حق شئ ... بس زوجي فرح لما شاف نبض الجنين ... عطتني الصورة الثانيه مع موعد عقب شهر .. يعني يوم الأحد الجاي .... وما تتخيلين شقد انتظر الموعد :shy:

بس انا مشكلتي اللحين في الغازات .. وايد تنفخ بطني .. بالاضافه الى ان دمي قاصر و عندي انخفاض في ضغط الدم !! الله يستر .. من أولها جذي ...

بكره خبريني عن تجربتك .. مو تنسين ..

اختك ..

إنسانة

هلا حبيبتي انسانة فعلا شعور جميل عندما تحين ان في شئ ينبض في احشائك الاي انا متشوقة موت وحبيبتي نصيحة مني اليكي لا تخلين الدكتورة تكشف عليكي من تحت وايد لان مو زين الى الجنين انا مااخلي الدكتورة اتسوي لي قالت لي هالمرة الدكتورة فكرية بس ماخليتها.
بالنسبة الى الغازات يمكن يكون من حبوب الفولك اسيد انا سمعت في بعض النساء مايناسب لهم فيسبب غازات .
لازم تاكلين حبيبتي علشان البيبي يمكن ماتاكلين عدل من جدي دمك ناقص.

وانا لازم بخبركم عن تجربتي بكرة الين ارجع اشوفكم على خير .

انا بعد حامل ف الثاني وموعد الولاده بالنسبه لاخر دوره 25-4-2007 و ان شاء الله اكون حامل ف بنت ... وسويت التراساوند من اسبوع و عندي موعد عقب اسبوع عشان نبض الجنين ...وان شاء الله كل شي اوكي لانه كنت مسويه عمليه و اشعه مقطعيه لراسي و انا حامل وماطلع ف الفحص المنزلي .. بس الدكتوره قالت عاادي .... انا اراجع ف مستشفى الزهرا ء عند الدكتوره اميره

هلا حبيبتي اماراتية نورتينا وانشاء الله تكوني حامل في اجمل بنت وانشاء الله يكون كلشي اوكي بالنسبة الى نبض الجنين وخبرينا عن تجربتك الين رحتين الى النبض. تحياتي لج.

سلام خواتي

الاخت بنت نواعم .. اولا شكرا على نصيحتك لي .. بس تدرين .. انا الوالده كانت رافضه الفكره بتاتا ان يكون في كشف من تحت .. بس لما رحت ثاني مره وقالت لي الدكتورة ان الكشف بيكون من تحت .. صج في البدايه ترددت بس الدكتورة قالت لي :

1. ان الكشف يبتعد 15 سم عن الرحم .. يعني بيكون بعيد عن الجنين وما له تأثير
2. في ناس يجامعون ازواجهم طول فتره الحمل (حتى في الشهور الأولى) ، السؤال: اي واحد يكون أعمق؟ الجهاز ولا الجماع ؟؟؟

بعدين صدقيني هو شئ عادي بس احسه يعتمد على مدى خفه يد الطبيبه. فلا تخافين اذا قالوا لك انهم في يوم راح يكشفون عليج من تحت .. لأنه شئ عادي جدا بس خلج ريلاكس وتوكلي على الله سبحانه.

اختك .. إنسانه

أنا بعد وياكم في الشهور الاىلى الله يهونها علينا وعليكم يا رب ...... انا موعد ولادتي 21 من ابريل ...... الله يثبت حملنا ويرزق كل محرومه يااااااااااااااااااااااااااااااااا رب

هلا اختي الفلاسية نورتينا ماقلتين لنا شنو اخبارك ويا الحمل والوحام انشاء الله مايكون في وحام .
والله يثبت حملنا انشاء الله ويرزق كل محروم.
الحمد الله رب العالمين.

اختي انسانة اهم شئ ماصار فيج شئ لا انتين ولا الجنين اما بالنسبة لي فانا جدا جبانة يعني اموت لو الدكتورة تقول لي كشف من تحت الله يستر في الولادة .
المهم رحت اليوم عندي كان موعد في المستشفى توقعت ان بتسوي لي نبض الى الجنين لكن ماسوت تقول اليحين مايصير الموعد الثاني بتسوي لي ودي اطمن على الجنين وجيني افكار ان الجنين مات في بطني امي كلة اتهاوشني تقول لي لا تفكرين خلي كلشي على الله ماادري ليش اتجيني هالافكار .
الله يساعدني من الحين الى الموعد الثاني.
بس خذوني على قد عقلي وقولوا لي هل الجنين لو يموت على طول ينزل ولا يبقى في الرحم ؟

اختي نواعم
اولا تعوذي من الشيطان ولا تخليين الوساس يلعب في عقلج
بس انا بعد مثلج .. دائما هالافكار تجيني .. وللحين ما احس ان صج حامل .. اقول حق زوجي شكلي ما بتأكد اني حامل الا اذا حسيت بشئ يتحرك في بطني .. وهو يقول لي انا ما باصدق الا اذا شفته بين يدي ... يعني للحين مو عايشين الدور صج !!!

بس الحمدلله اللي مريحني اني شفته مرتين وان شاءلله المره الثالثه يوم الاحد عشان اشوف الايادي والارايل :) ما فيني صبر كلش !!

بالنسبه حق سؤالج .. الصراحه ما ادري بس اتوقع ان (بعيد الشر) انه على طول بينزل يعني بالكثير بعد اسبوع من وفاته .. اسم الله عليج وعلينا و على الجميع .. والله يتمم علينا بخير

ما قلتي لي .. انتي شقد صار لج متزوجة ؟

كيفكم يا بنات

وحشتوني .. ووحشتني سوالفكم ..

أعذروني حبيباتي ما قدرت اتواصل معاكم في الفترة اللي راحت عشان الدراسة والدوام

الظاهر يا بنات إن همومنا مشتركة أنا بعد دايماً أفكر في الجنين اللي في بطني خاصة أني لحد الحين ما سمعت النبض ..

قالت لي الدكتورة الأسبوع اللي فات اني بالاسبوع العاشر وحاولت تسمع نبض الجنين لكن :sad:

انا أتابع بالمركز الصحي وعطوني موعد 16رمضان وقالت لي انه في الموعد الجاي راح أقدر أسمع نبض الجنين :clap:

ونصحوني بالإقلال من التوابل والحلويات والمشروبات الغازية وانه لازم اشرب أو أكل ما يعادل 4 كاسات حليب وقالوا لي أن :


كأس اللبن = كأس حليب

شريحة الجبن التشدر = كأس من الحليب

1 كيري = كأس حليب

2 جبن مثلثات = كأس حليب

في انتظار المزيد من أخباركن عزيزاتي

تحياتي
فاطمية

اختى نواعم حالتي صعبه وباهالوحام احس وزني نقص الله يعينا انا شاءالله ........... انا عندي
راي ثاني بالنسبه لراي ا ختي انسانه لانه الكشف من تحت في الشهور الاولي ما انصح فيه لانه صديقتي فقدت جنينها من هالحركه اتكون مشيمه البيبي ضعيفه وووايد وبعدين مب كل دكتوره اتعرف اتسوي هالفحص ..... بس انا اقول الاحتياط ووواجب

هلا بيكم خواتي شخباركم مسامحة انقطعت عنكم كم يوم كنت في بيت اهلي كم يوم يعني تغير جو .
المهم اختي انسانة والله الافكار بتجنني بس الحمد الله قرات ان من علا مات موت الجنين بعيد الشر عنا وعنكم توقف اعراض الحمل .وانا صار لي سنة وثمانية شهور متزوجة وحملت مرة وطرحت وبعد عشرة شهور هذا جنيني في بطني والحمد الله.
وانتي من متى متزوجة؟

هلا بيج اختي فاطمية انا بعد الدكتورة قالت لي نفس الحجي بس انا قلت بروح خاص احسن لي علشان اطمن وانتي بعد روحي خاص حتى لو زيارة وحدة اطمني على البيبي بعدين كملي في الحكومي .وشكرا لج على المعلومات المفيدو والله الحين مااشتهي اشرب لبن ولا حليب بس آكل روب.

اختي الفلاسية الله يعينك على الوحام انا راحت عني كم اسبوع ورجعت لي من كم يوم بس لوعة بعد اقول الحمد الله انشاء الله مو ازيد وجاي رمضان الله يستر انا مستانسة اقول هالسنة مابيصير على ولا يوم شكلي بعيد الشهر كامل هههههههههههههههههه .
الله يهون علي وعليكم يارب ويثبت حملنا ويرزق كل محروم.
الحمد الله رب العالمين.

أهلا خواتي .. شلونكم ؟
أمس كان موعدي الثالث إني أشوف النونو :) كنت وايد متحمسه اني اشوفه واشوف اذا كبر .. كأني في طريقي اروح اقابل شخص عزيز جاي من السفر !!
الحمدلله رب العالمين تطمئنت عليه، شفت نبضات قلبه وشفت الايادي والأرايل بما اني ما كنت عارفه ولا شئ .. اقصد اني ما اعرف ان هذه عباره عن يد ولا هذا عباره عن الراس ... حتى الدكتورة تقول لنا .. شوفوا حاط يده فوق راسه (قاعد يفكر في مستقبله) :shy:


تطمئنت ان كل شئ الحمدلله طبيعي وان ما يعاني من تشوهات لا سمح الله

بس الدكتورة كتبت لي حديد وكالسيوم وفوليك اسد قالت لي لازم اخذهم لمده شهر كامل .. يعني الين موعدي القادم بإذن الله ....

بس اللي حيرني انها قالت لي اني لازم ما اصوم شهر رمضان وذلك لظروف صحيه اعاني منها بس اتوقع اني راح اصوم على الاقل 3/4 لأني كل سنه اصوم وما في مضره !! حتى لما قلت حق امي قالت لي لازم تصومين واذا حسيتي روحج تعبتي في هاي الحاله فطري ..

وفي الأخير عطوني مجموعه جديده من الصور (5 صور) عشان اضيفها في مجموعته :clap:

تحياتي

إنسانه

اختي بنت نواعم
انا صار لي حاليا سنه و4 شهور متزوجه .. حملي صار من بعد ما كملت سنه وشهر .. انا بطبيعتي وايد احب الاطفال فكان خاطري اني على طول من اتزوج احمل عشان يكون عندي بيبي يملي علي دنيتي .. بس الحمدلله كل شئ في وقته حلو .. بعدين الحمدلله في فتره السنه ذي انا وزوجي سافرنا كم مره واستانسنا .. غير عن طلعات وزيارات ووووالخ
يعني خذينا راحتنا ع الآخر، اتخيل لو كان عندنا طفل صغير ما كنا بنقدر نسوي شئ ..
بس اللحين حان الوقت .. والحمدلله رب العالمين .. احنا مستعدين نفسياً مادياً ومعنوياً حق العضو الجديد بالعائله ...

الله يتمم علينا بكل خير :)

تحياتي

إنسانة