حوامل شهر ابريل 2007

اختي انسانة فعلا شعور جميل والله وانا قاعدة اقراة اتخيل روحي مكانك يعني اني اشوف طفلي وكانت دموعي بتنزل .المهم الحمد الله انك تطمنتي علية والفالة الينا انشاء الله.
اللهم ارزق كل محروم .
الحمد الله رب العالمين.

شكرا ع ردك
فعلا شعور حلو ومميز .. انج تشوفين شئ حي داخل بطنك .. سحبان الله :)
ع فكره .. انتي قط سوا لك تلفزيون ولا لا ؟
ترى نصيحه مني .. روحي سوي واحد او حتى تابعي بالخاص ... بالنسبه لي الخاص وايد احس من عوار الراس بالحكومه .. يعني مثلا .. الحكومه قعدي نطري لج فتره طويله .. انا رحت حق تحليل دم تميت هناك ساعتين ونصف .. لا احد يعبرج ولا شئ .. ولما امس رحت موعدي والله ما اكذب عليج .. وصلنا هناك 5 الا 5، موعدي الساعه 5 ..ما صارت الساعه 5 و ثلث الا احنا طالعين .. خلاص ...
ع الاقل يحسون بقيمه الوقت ........

ما قلتي لي .. طلع لك بطن ولا للحين ؟

حبيبتي انسانة معك حق انا قلت باخذ موعد في الخاص هالسبوع ودي اطمن علية وانا سويت تلفزيون لما كنت في بداية الثاني وقالت لي الدكتورة مايبين عدل لان صغير بس احسة ان الحين كبر لان طلعت لي شوي بطن ههههههههههههه الله يستر من تاليه كل احاتي الين كبر بطني اشلون بطلع وبشوف الناس والناس اتشوفني لكن الحمد الله هذه ضريبة الامومة هههههههههه .
بس قوليلي متى آخر مرة سويتي تلفزيون قبل هالمرة يعني وهل شكلة كبر وايد هالمرة يوم اتشوفينة والله متحمسة ابي اشوفة ادعي لي الله يطمني علية .
تحياتي لك اختي.

هاااااااي ياامهات الكروش خخخخخخخخ

كيفكم وكيف حالكم وكيف حال النونوات ياربي الله يخليهم ويثبتهم لنا

بس بغيت اسال انا اراجع بمستوصف خاص وانا حاليا بالاسبوع العاشر لما اخذت لي الدكتوره الاشعه عشان نسمع نبض الجنين وسمعناه ولله الحمد بس انا استغربت مااشوف لا ايدي ولا ارجل ولا حتى راس اشوف فيه شي صغير وبس مع ان صديقتي حملت معي بالزبط وهي بالاسبوع العاشر وراحت قبلي بيومين لمستشفى حكومي وقالت لها شوفي راسه ورجوله ويدينه

انا استغربت شسالفه ؟؟؟ ليه انا مااشوف ملامح او اجزاء يعني دكتورتي غبيه او انا الغبيه؟؟

هلا اختي حبيبة قلبي وينك شنو هالغيبة وشخبارك ويا الوحام ؟
بالنسبة الى سؤالج حبيبتي والله ماعندي فكرة انا بعد كم يوم بروح اشوفة وآخر مرة شفتة كان جدا صغير والحين ماادري.
واختنى انسانة تقول بعد شافت اعضاء جسمة وهي معانة بنفس الشهر وهي شوقتني اكثر علشان اروح اشوفة لان طول الوقت اتخيل انة كملت اعضاء جسمة .
ممكن هي تفيدك والدكتورة وشنو قالت لج هل كلشي طبيعي؟
والله يطمنك ويطمنا انشاء الله.

اهلين بنات شلونكم ..؟؟؟
انا موعد ولادتي 25_4
اول الحمل كنت كله تعبانه ولايعه جبدي الحين الحمدلله احسن لكني ماكل يعني ما اطيق اي شي مطبوخ الشي الوحيد اللي اكله الفاكهه ....
بعدي ما رحت المستشى تخلوا من زحمه المواعيد عطوني عقب شهر......
طبعا" لفيت السوق اشوف الموجود وصرت عارفه اللي ابيه بس ان شاء الله ما بشتري شي قبل السادس وعلى فكره انا شريت كتاب حلو انجليزي فيه كل شي عن الحمل لكن المصيبه ان في صور ولاده مب سهله شوفتها

هلا بيج اختي مااحد ابد نورتينا وانشاء الله تقومين بالسلامة واحنا معاج.
انت اخذتي موعد في مستشفى خاص ولا حكومي ؟ لان احكومي بعض الاحيان يعطون اذا دخلت الوحدة في الشهر الرابع.
وبالنسبة حق التشري انا بعد اقول ببتدي اشتري من الشهر الخامس او السادس .اذا كنتي من البحرين من وين بتشترين الثياب؟

|آآآآآآآآآآآآآآآآآه بالنسبة الى اي شئ عن الولادة انصحك انك ماطالعين ولا تسمعين شئ علشان ماتتعقدين مثلي .اول ماحملت مااقراة الا عن الولادة من كثر ماسمعت والله صادتني حالة نفسية من الخوف بس الحين الحمد الله قلت الي الله كاتبة بيصير .
الحمد الله رب العالمين.

هلا بنت النواعم انا بحرينيه لكن زوجي سعودي....
انا رحت مستشفى ارامكو لكن بصراحه ماعجبني ولا مواعيدهم زفت قلت لزوجي وحولني للموساه بس بعده ملفي ما تحووول....
الكتاب اللي عندي وايد حلو لانه يماشيج بالحمل خطوه خطوه ... الا الصفحات حقت الولاده انا طاويتها......
انا بتشرى من هني شفت كل شي ابيه في مجمع الظهران....
بس الحين بروح اتشرى ان شاء الله اغراض لي ... بصراحه ستياناتي صاروو صغار وبجاماتي يضايقوني صوب البطن وابي اشتري زبده الشيا من بودي شوب عشان ما تطلع لي خطوط فبطني... وسلامتكم

صبحكم الله بالخير يا بنات (f)

بنت نواعم .. آخر مره سويت تلفزيون من 4 أسابيع بالضبط بتاريخ 20/8/2006 .. في ذاك الوقت كان حجمه 20 ملم وكنا رايحين عشان يشوفون نبض الجنين ، كنت بالاسبوع السابع. بصراحه ما شفت شئ بس عباره عن كيس الحمل. وشكله ما كان واضح ابدا. يعني انا ما اتذكر اني شفت الا نبضات القلب وبس.

هالمره 17/9/2006، ما شاءلله كبر و صار حجمه 32ملم، هو صج توقعته يكون اكبر حتى زوجي يقول ليش ما كبر اكثر ؟ بس الدكتورة طمنتنا و قالت ان الحجم طبيعي. كنت بالاسبوع 11. وشفنا اياديه وراسه . حتى سألتها متى اقدر اعرف شنو جنسه قالت لي في الاسبوع 20.

موعدي القادم بتاريخ 18/10/2006 .......

بس في شغله .. انا اللحين 11 اسبوع و5 ايام وعطوني موعد ولادة 5/4/2007.. بس لما اسوي اتراساوند يطلع لي 10 اسابيع.. وموعد الولاده يصير 15/4/2007 .. بصراحه مو عارفه اي واحد المضبوط فيهم بس اتوقع التراساوند هو اكثر دقه.

الفال لج تشوفينه :clap:

إنسانة

حبيبه قلبي .. شلونج ؟ عساج بخير
والله شاقول لك .. احس ان التفسير الوحيد هو ان الدكتورة كان مركزه ع نبضات القلب فما اهتمت بباقي الاشياء ... نصيحتي لك في المره القادمه حاولي انك تسألينها كل الاسئله اللي في بالك، خليها تراويك كل شئ .. يعني لا تطلعين من عندها الا اذا شبعتي فضولج عدل :shy:
ترى انتي قاعده تدفعين لهم فلوس .. لازم هي تطمئنج ع كل شئ ... متى موعدج الثاني ؟

اختي ما حد ابد ....
ممكن اذا ما عليج امر تعطيني اسم الكتاب ؟ وسعره؟
انا شفت كتاب في مجمع البحرين اسمه (موسوعه الطفل) او شئ جذي .. يتكلم عن الطفل من اول يوم في الاخصاب الين 4 سنوات بس ما اخذته , احس لو كان باللغه الانجليزية بيكون اسهل واوضح.

تحياتي

إنسانة

صباح النور حبيبتي انسانة
انا بعد لما سوت لي تلفزيون آخر مرة كنت في الاسبوع السابع بس ماقدرت تسمع نبضة كان في بس كيس حمل .
والى الان ماشفتة وحشني هههههههههههههه والحين اني في الاسبوع التاسع واخاف اروح ويقول لي مايبين شئ.
الله يطمني علية انشاء الله.

انا الم ظهري ذابحني .... مادري شسالفه .. احيانا اذا قعدت وايد ما اقدر اتحرك !!!!
الالم يتركز آخر الظهر .. قالوا لي ذي الشئ عادي .. انتوا بعد تحسون فيه ؟
انا سألت الدكتورة قالت لي هذه علامات كسل .. وطلبت مني اروح الدروس الخاصه اللي تسوي فيها تمارين رياضيه .. بس انا مالي مزاج ولا اعرف احد هناك ....

خبروني عنكم؟ في الم ولا بس آنا :sad:

هلا بحوامل إبريل

وينكم من زماااان .. أو ويني أنا عنكم من زماااااان


حبيت أنضم لكم ..

عطوني موعد 7-4 .. وهذا أول حمل لي .. الله يسهل علي وعليكم

أنا من الامارات ..

وحابه أشاركم ..

هلا حبيبتي انسانه
ترى الم الظهر كلش عادي بس خلك منبطحه لين ما يروح الالم وشربي حليب وايد عشان الكالسيوم لان الياهل عشان تكبر عظامه يسحب الكالسيوم من عظامك انتي<<< من اولها نذاله
اسم الكتاب:
pregnancy & birth hand book
Dr.miriam stopparrd
انا شريته من جاشنمال اللي فالسيف ب خمسه دينار وثلاثميه فلس
لون بنفسجي.... روعه معلومات بس اطوي صفحات الولاده لانها تفصيليه.....

بنت جميرا 6:
هلا بحوامل إبريل

وينكم من زماااان .. أو ويني أنا عنكم من زماااااان


حبيت أنضم لكم ..

عطوني موعد 7-4 .. وهذا أول حمل لي .. الله يسهل علي وعليكم

أنا من الامارات ..

وحابه أشاركم ..

هلا والله بنت جميرا... عاد انا امووت بجميرا وبحر جميرا....:shy:
الله يسهل عليك وعلينا وحياج الله

اختي انسانة ترى الم ظهر كلش عادي اني بعد احسة قاعدة يزيد علي غريبة بس انا احسة بالم الظهر اذا تحركت وايد يعني مو من الكسل .

هلا ببنت الجميرا نورتينا وهلا باهل الامارات .
شخبارك وشخبار الحمل معاكي انشاء الله مو تعبانة منة .
وانشاء الله الله يسهل علينا يارب ويرزق كل محروم.
الحمد الله رب العالمين.

اهلين بنت النواعم وانسانه وباقي البنات شخباركم ؟؟؟؟؟؟؟

انا وحامي مره يجي ومره يروح يتدلع علي خخخخخخ

والدكتوره قالت كل شي طبيعي بس استغربت على صديقتي وعطتني موعد في نصف رمضان ان شاءالله عاد ذيك الساعه بذبحهااااا ذبح ان شاءالله بالاسئله بخلي الحريم الي ينتظروني يدعون علي خخخخخخخ <== راحت فيها

وألم الظهر احس فيها بس على خفيف لما اجلس مده طويله ماغيرت جلستي او اوقف كثير

بس قبل كم يوم رحت مع امي للسوبر ماركت قريب لنا بس والله هلكت هلك من التعب وانا مامشيت شي يسوى قلت هذا واحنا تونا اجل بعدين وش بسوي ان شاءالله

بنات بسألكم <== ياكثر اسئلتك

ان شاءالله بالعيد وش ناوين تلبسون ... انا بصراحه طالعه لي كرشه صغنونه من تحت وبنفس الوقت ماقلت لاحد اني حامل الا لامي واخواتي وام زوجي واخواته يعني قرايبنا مايعرفون ولاودي يعرفون عن شي الا اذا ان شاءالله طلعت من الشهور الاولى ولا ابيهم يشوفون كرشتي واخاف تكبر بعدين ومحتاره وش الي يخفيها من الملابس ؟؟؟؟؟؟؟

هلا حبيبه قلبي مالج غير تلبسين جلابيه.........