الجزء السابــــ7ـــع من تجهيزات عرايس قطر 2006

تسلمييين حبيبتي جواهر الدوحه

السلام عليكم ورحمة الله وبركاته

حبيبتي تايم اوت
هذي وصفات ماخذتها من النت بس ما اعرف صاحبتها
بس جزاها الله خير وانا بحطها للفايده
[frame="2 80"]
للهالات اللي تحت العين نامي زين
قبل النوم حطي فازلين تحت عينك اوكي وهذي وصفات طبيعية
1 -ضع ورق نعناع مدقوق حول العينين مدة 5 ـ 10 دقائق و تزيد علية شوي نشا أبيض وبعدين تحطة على العين ولة مفعول قوووووي .
2ـ دلك المنطقة بزيت اللوز قبل النوم.
3ـ ضع كمادة قطنية مشبعة بالحليب على العينين المغمضتين 5ـ10 دقائق.
4ـ استخدم شرائح الخيار أو البطاطا كمادات حول العينين مدة 20 دقيقة.
5ـ كمادات ماء الورد 10 دقائق.
6- كمادات ماء باردة.
7ـ شرائح ليمون مدة 10 ـ 15 دقيقة.
8ـ لبن زبادي مع عسل حول العينين طوال الليل
وهديتي لك زيت الصنوبر تراه روووووعة[/frame]

يعطيج العافيه حبيبتي البنفسج وماقصرتي بس بعطيكم خبر ترى اللي كتبت الموضوع مساعه اختي فلا تستغربون اذا حزات لاحظتوا الكلام او الاسلوب يختلف
لان انا وياها ندخل بنفس النك

وعالعموم بعطيها وصفاتج وانشالله تفيدها

ويسلمو حبي

يالله بنوتات تصبحون على خير حبايبي

شموخ عنّادي:
هو 3 انواع

واحد كريمي وواحد بودره والثالث لمعه بودره

لازم تحطين الثلاثه


وايد عجبني مثل اللي في التلفزيون


ما اعرف اشرح لوووووووووووووووووول

واااااااااااااااااااااااااااو طلعت محظوظة
البارحه دقت خالتي على سمر وطلبتها على يوم الاربعاء
قالتلها بكون في لبنان

قالتلها خلاص عيل تعالي باجر يعني اليوم

ردت عليها بحاول لان اخر يوم وعليها اشكثر طلب عسب جي يمكن مادرت عليكم
وهي مابترد الا 1-8
يعني الله يعينها اللي بعدها ماشرت مكياج كريولان وتبي هالماركة

كانت وايد مستعيلة وعلى حظي حصلت موعد اليوم وياتني العصر
وسوت ديسكاونت حلو لانه شاريين من عندها من قبل
بس وايد اشياؤ كانت مخلصة ولا اخر حبة
وبخصوص هالنوع شريت الثلاث انواع وشكلهم فضيعين

نور الحلوه:
مرحباااا بنوووتااات
شلوونكم شخبااركم؟؟

يوم الاربعااااء انا راايحه الاماارت بغييت اعررف محلالات الماركات مثل الفندي وديوور وووغوتشي في اي مجمع ياااريت لوووتفييدووني؟؟
وبغييت اعرف وين احصل فساااتتين جااهزه وتكوون رااااقيه وفخمممه؟؟

مااتااامروون على شي من هناااك؟؟

تحياااتي لكم
اختكم
نور الحلووه

هلا والله

انا عندكم هني وانتي رايحه هناك
ان شاء الله تقرين ردي قبل لا تسافرين

اذا في بوظبي سيري مارينا مول وفيه وايد ماركات
ولا في دبي عندج الامارات مول ولا برجمان وهذيل فيهم اغلب الماركات

وفي الخالدية مول في بوظبي وكله مال باريس غاليري دورين كلهم باريس غاليري وعندهم شنطا ونظارات وكل شي

انا بعد يو رحت حق سمر كل شي مخلص او اخر حبه

بس احس استعجلت بالاساس

انا لين الحين ما جربته بس احسه غامج علي

كان كله اخر حبه وقالت لي يناسبج

يوم طلعت من عندها وانا في السياره حسيت اللي على يدي فيه فرق اغمج من لون يدي



وتسلمون البنات اللي نصحوني والله امشي بس مب كل يوم يكون عندي وقت ااصلا اقوم 5ونص الصبح وارجع البيت 2ونص من الدوام يادوب ارتاح ساعه او ساعه ونص واروح اخلص مشاويري

على ما ارجع باللي حيلي مهدود

حتى ما اعندي وقت اعتني ببشرتي واشوف هالايام وايد تطلع لي حبوب في ويهي :(

السلام عليكم ورحمة الله وبركاتة

أنا عروس وحابة انضم لكم ودي تساعدوني؟

أبي اعرف احسن المصممين لفستيان الاعراس

ويابنات قول لي انتو مفصلين فستان العرس عند من؟

عليكم السلام ورحمة الله وبركاته

هلا فوفو الحلوه

على حسب ميزانيتج

الفراشه شغله حلو واسعاره مناسبه

اما الباقي احسبي من 22 الف وفوووووووووووووووووووووق

اي بنات بالنسبه للريجيم

انا صار لي اكثر من 3 سنوات اكل اكل صحي وما اكل عيش وكله سلطات وكنت امرن

بس الحين في الضغط وهالوقت احس اني مب قادره اتحكم في نفسي:(

مع اني استمريت على لفتره طويله

ابي مصصمين شغلهم حلو وراقي لفساتين الاعراس
خاطري الفستان يكون فية لولو وكريستالات
ممكن تقولون لي وين مصصمين فستاينكم وبكم؟

والله حيرتونا على من اختار المكياج
الييازي
الله ينعم عليج حبيبيتي
وعن الحنا انا احب فنون نقشهم حلو بس عيبهم ان لما عروس تسوي مع خواتها تسوي العروس نفسهم بالضبط والسعر العروس اغلى والنقشه نفس الشي
بس الصراحه وايد حلو فنون ولونه غامج ويطبع عدل انا ماجرب الا فنون
وفي حنايه يقولون عنها اسمها ناديه اليهري بعد يمدحونها بس ماتجي البيوت انتي لازم تروحين لها بس بادره اطول مع العروس واعتقد ماتاخذ الا العرايس
شنو سؤالج سحابه حب؟؟؟؟

سحابه
استعملي غسول كير فري ماركت الفوط الصيحه تراا عجييييييييييييب والله
انا ماستعمل الا هو حق المناظق الحساسه ريحته خفيفه وايد بس يخلي ريحتج بيبي
بنك
منوره معانا يا عزيزتي وان شاء الله نستفيد منج وتستفيدين منا
بس على شريفه المهندي شلون طريقتها انتي شفتي منيره الانصاري يعني نفسها ولا لا؟؟

روحي قطر
الله يوفقج ان شاء الله ويستر عليج يا رب وتتباركين ان شاء الله على الوظيفه الجديده بس ها اول الراتب تعزمينا على العشا مالنا خص ههههههههههههههههههههههه

سحابه حب
العروس اهي الي ترتب
انا انصحج تروحين محلات الي فيها ورد او محلات الكشخه وتقولين لهم ابي ترتيب حق غرفه العروس في الفندق
في عرس مرت اخوي دخلت الغرفه كان ودي ادخل ولا اطلع فيها سوا اشياء ولا في الخيال تحسين انج في الحديقه حتى الحمام كرمج الله مزيينينه
كان الطريقه ان منثرين ورد على الارض بس مرتب لين السرير وعند السرير حاطين الهدايا (طبعا الهدايه الي قدموها الناس حق العروس والمعرس وتقدرين انتي بنفسج تحطين الهديه حق زوجج)بس سوا اشياء ولا في الخيال

بنت قطر حبيبتي مرت اخوج تعاملت مع اي محل ؟

شموخ عنادي
والله علمي علمج ماعرف بس اذا انتي تعرفين رقم الوكيل الي في السعوديه او في الشرق الاوسط اسئلي ويعطونج الاماكن الي تنباع انا شهر 7 مسافره الدمام بروح بسئل ان شاء الله

حلا قطر
موفقه يا رب والله يطرح فيج البركه وانشوف عيالج وعيال عيالج
انزين اعزمينا نبي نشوف تنظيم عرسج؟؟؟هههههههه


دلوعه قطريه
شنو الي وين لقيته مافهمت؟؟
سوري من كثر الردود وماشاء الموضوع حااااااار وماروح ورد الا العالم تكتب نسيت عن شنو؟؟
اما شعري قصيته علشان التسريحه تتطلب شعر قصير لان مفلول شوي وبعد ابي اغير

احلى ام
والله موضوعج حلو وكان ودي اجاوب بس مانقدر لان الشرفات مانعينا من الدردشه يعني بس نكتب عن الاشياء المهمه والي نحتاجها:sad: والله حرام

سحابه
اي سويت تقصدين الفندق ولا الي في البيت
اذا على الفندق ماعتقد انج بطبينه لان ماعندج وقت وثاني شي لو بتتعاملين مع محل خليه يودون الاغراض بنفسهم او طرشي حد يقرب لج خواتج او اي احد لان صدقيني قبل العرس بيوم وقت العرس وبعد العرس بيوم محد فاضي وخصوصا انتي
البنفسج
الله ينعم عليج يا رب

بنت قطر انا يوم عرسي رحت الفندق الساعه 11 الظهر ورتبنا الخله وزيناها وكان في وقت عادي لان الشعر والمكياج اقل شي بيبدون فيج الساعه 6 المغرب

فوفو الحلوه

والله الي اسمع عنه ايلي ابو راشد وايد يمدوحونه وحتى الفراشه وايد مرتب حق العراس

عمري قطر
مرت اخوي خذت من المناسبات
وتلقين اي محل مثل مافي حق تجهيز المواليد الي حق المستشفيات اكيد تلقين حق المعاريس
بس بعد العروس تروح ترتب بنفسها صدقيني ماراح تحس في التعب الا بعدين
وتعرفين الحوسه العرس والكل مشوش والكل باله موعنده يعني تعتمد على غيرها احسن
مادري هاي رايي

انا بعد بروح 7\7 الدمام :)

صباح الخير ..

بنت قطر..
انا اعرف ان نادية اليهري تحط مكياج وانا شفت مكياجها..وسمعت بس مب متاكدة انها ماصارت تحني..بس انتي تأكدي..