الجزء السابــــ7ـــع من تجهيزات عرايس قطر 2006

اف اف اف طاح قلبي تحت@@
خلاص بكنسلها
بروح العرس ليله في العمر وهالمره تحوس فيني لايبا
صراحه مافي الا دينا ولا عبير بس وين اصيدهم الحين؟؟

انزين شموخ ماعليج امر عطيني رقم سمر
وقولي لي كم اسعارها؟؟وكم طلع عليج
وكارولاين في موجود في الدوحه ؟؟

بنت قطر حبيبتي للعرايس افضل دينا الخوري او عبير تلفت
عبير مكيجتني للهديه من الساعه 3 والاساس كان رهيب ولا اخترب مع ان بشرتي دهنيه
حاولي تخلينهم يدعسونج مع العرايس

اما امنه شاهين وبثينه انا اصنفهم تحت دينا وعبير

بثينه مكياجها حلوو وراقي وامنه شاهين بعد انا حطت لي سموك اسود وعنابي وذهبي وبيج وحطت لي رموش طوويله ومايله عالجوانب الموضه الحين وعجبني الحمد لله

وحطت لاختي اخضر ووردي بس مو سموك لا قوس والكل اعجبه مكياجها كان نعوم وحلو ومصغرها بزياده

وهي نفسيتها اوكي انتي اذا ما لقيتي عند دينا وعبير ترى البنات يمدحون سعاد البلوشي حاولي تتصلين لها وبعدها شوفي يا بثينه او امنه شاهين

ولا تحاتين حبيبتي كلهم فنانات ماشالله عليهم

فديتج عمري قطر
انا مابي اغامر لان تعرفين انا العروس مو عرس رايحه كان مو مشكله ودينا وعبير اكيد احسن شي
بس انا قلت ابي اغير لان الحين اي وحده اشوفها مسويه من عند عبير ولا دينا اعرفه يعني كنت ابي اغير

ونصيحه مني لكل البنات

قبل لا تجيكم مالت الشعر اخذوا لكم دش سريع
وطبعا بتبلش فيكم مالت الشعر استشوار ولف

وبعدين بتروحون عند اللي بتمكيجكم اول ما تقعدون عالكرسي قولوا لها مثلا انا احب الناعم او السموك احب الشي اللي يبين عيوني وساع وابي لون بشرتي طبيعي او افتح من لوني او ابي بودره تكون مايله للوردي او البيج براحتكم

واختاروا معاها الوان الشدو واساليها شالطريقه اللي تناسب عيونج القوس او السموك وقولي لها اذا تبينها تنحف مناطق معينه بويهج مافيها شي اليوم يومكم مثل الخد او الذقن او الانف

واذا تحبون لون الروج فاتح او غامق بقلوس والا مطفي براحتكم

وطريقة الكحل مفتوح والا عادي والا مرفوع من الزوايا الخارجيه للعين

والبلاشر اذا تبينه واضح وقوي او خفيف

واللمعه اللي عالجسم والا الشدو

والرموش وكثافتها وطولها

يعني قبل لا تحط لكم شي تكلموا معاها بخصوص طريقة المكياج وانشالله بتحط لكم اللي يرضيكم

انا حتى عن لون العدسه شاورتها اي لون احط وشاللي يناسب مكياجي وهيك ودينا ما قصرت معاي وارفعت معنوياتي وايد يحليلها وقالت لي انتي قمر امشي بثقه ومدري ايش اذكر اني قلت لها تنفعين دكتور نفساني انفجرت من الضحك لوووووووووووووول

بنوته ما عليج من غيرج كل وحده برزتها وكشختها وجمالها واخلاقها تبرز المكياج
لاتقولين كل العرايس يحطون عندهم معناته كلهم يتشابهون لا حبيبتي هم خبره في العرايس
اتصلي لاي وحده فيهم وان لقيتي حجز ادفعي لها العربون وتوكلي على الله حبيبتي

صبااااح الخير..عرايس..


اخباركم اليوم؟...

انا امس نمت نومه ما يعلم فيها الا رررررررربنا!... من كابوس لكابوس!..

كل هذا عشان فستان هالخطوبه!... الله يعين فستان العرس والبلاوي المتلتله!!...

bntqtr

نعيما على القصه..


عمري قطر..

مشكورة وااايد الغاليه..وشيكي الخاص بليز,,


طلب صغنون.. وابيه ضروري الحين..حد يعرف وين ( كــــلود)؟ هو مصمم بالسد بس ما ادل وين!!


والبنات اللي جربوا السعفه..(دنيس).. شرايكم فيه؟.. اوك؟.. يجهز الفستان بالوقت المطلوب؟..ولا؟

بنت الغالي؟

وينج دبه مختفيه؟؟....والله يشافي جدتج..ويقومها بالسلامه

كلود ناصيف اسم محله سبيسيال دونا
اممم بس مافي امل يجهز لج ومواعيده مو مضبوطه وبطيئ بشغله بس فنان
ومكانه شفتي الدوار اللي عند سبلاش اللي بالسد بين البيوت اللي وراه انشالله فهمتي علي جنب بقاله

يسلمو حبيبتي على النصايح فديتج
الله يوفق الجميع

العفووو حبيبتي واي سؤال انا حاضره

هلا بنت قطر انا لامخطوبة ولا شي ... توه ماجاني عريس الغفلة .....خخخخخ

بس لان في وحدة سألتني عن دي جي المنى قلت اسألكم اشلون اوكي ولا لأ؟؟

واستأذن الحين مع السلامة..

كلود بيسافر اخر 7

امي وخواتي مفصلين عنده حق عرسي

بيسلمهم الفساتين قبل بشهر حتى فساتين عرس بنت خالتي في شخهر 9 بيسلمنا الفساتين كلهم اخر 7

واشوف وايد يجونه ويتصلون له يرفض

من شهر 4 وهو خلاص ما يقبل

مره جات وحده ويوم قال ما اقدر قعدت تترجاه شوي وتصيح قال لها شاسوي والله ما اقدر ما اقدر اقول اوكي بعدين ما يجهز في الموعد

طلعت وضربت الباب ضربه قويه كلنا خفنا زين ما انكسر :(

انصحج تروحين شيك ليدي

اخر عرسيت الفساتين اللي عجبتني كله يقولون شيك ليدي

واسعاره حلوه

bntqtr:



انزين شموخ ماعليج امر عطيني رقم سمر
وقولي لي كم اسعارها؟؟وكم طلع عليج
وكارولاين في موجود في الدوحه ؟؟

بطرش لج رقمها على الخاص


كارولاين موجود في صالون قنطار

اغلى من سمر بس سمر بعد غاليه لو اقدر اروح الحسا ما شريت من عندها


انا الاساس والبودره في اليومي وفي حق السهرات يعني كم نوع طلع ب 730 ريال

اكثر شي يطلبونها عرايس وتسوي لهم شنطة مكياج من كل شي

بس اتوقع يطلع مبلغ كبير


انا ابي اعرف اذا كرايلون موجود في الخبر ولا لا؟؟؟؟؟؟؟؟؟؟

دينا وعبير مواعيدهم مب حلوه


رفيجتي مسكينه تاخرت عليها اكثر من ساعتين

واول ما دخلت وصلت كوشتها الا المعرس وراها

هو وصل وهي لين الحين تتمكيج:(

صبااااااااااااااااااح الخير يا أحلى عرايـــس


أخباركم إن شاء الله بخيييييييييير ؟!


[ ميس أنجر ]

فديتج توكلي على اللهـ ولاتفكرين وايد ترى بتعبين ومثل ماقلت لج لي بغيتي تروحين السوق
خذي امج وياج واذا كنتي مقتنعه بالشغله ماعليج من أحد لأن انتي اللي راح تلبسين الفستان
وانتي اللي راح تتمكيجين عرفتي حبوبه ... واللهـ يوفقج ان شاء اللهـ ...


[bntqtr ]

نعيما فدييتج عالقصهــ ...



بناااااااااات أنا ملاحظة شي وااايد أجوفكم تمدحون مكياج أمنه شاهين مع أنه الكل يذمه !!

وبغيت أسألكم بنات منو تمدحون أحجز حق الحنه ؟!!



وبخصوص أم أحمد السوادنيه بنات تكفون خبرووني هذه زينه في التنظيف ؟!!


[ عمري قطر ]

تسلمييييييييين فديتج على النصيحهـ .. واللهـ يوفق الجميه يارب ..

ليش محد رد على سؤالي
:(

مرحبا بنات ......سوري تاخرت عليكم امس مادخلت النت مع جدتي الله يحفظها ....

قريت الردود عالسريع وبجاوب عالي اعرفه.........

دوحانيه .....خياط مهاالجزيره في السد عندهم وحده اسمهاصباح تاخذقياسج وتضبطه لج........

تايم اوت ...... هلاوغلااااااااااااااااا نورتي حبيبتي

ميس انجر .......بتنضربين انتي ليش تقولينلهم ان فستاااااااااااان خطوبتج بيقعدون يتفلسفون علييييييييج تدرين ان نفس الفستان لوماكان لخطوبتج بتفرق عندهم الااااااف .........نصيحه اذا رحتي خياط ثاني لاتقولين فستان خطوبه ؟؟ عادي قولي فستان لعرس صديقتي .......... عشن مايتضربون عليج بالاسعاااااااااااااااااااااااار ......اقول اقول مري علي العصر خل نروووووح ههههههه ........شوفي اذا عندج الموديل روحي موداليدي أو اممممممم السعفه يمدحونه بعد !! بس روحي لاتطولييييييييييييين ترى محد بياخذلج عقب ...... التكسير موضته لين الحين داااارجه ماراحت وحلو بيطلع فخم ...... ومره ثانيه ياعسل لاتقولين ماعندي خوات احم انا اختج بالرضاعه الصناعيه يعني امي وامج شربونا من نفس القوطي ههههه ...

سحوووبه .......تامرين امر ياعيوني الحين احط لج ........

" alt="" loading="lazy">

لعيون سحوبه اعيد الرد

[frame="7 80"]مستلزمات حقيبة شهرا لعسل :

1-فرشاة أسنان + معجون + غسول (إذا كنتي ممن تستخدمين الغسول)
2-واقي شمس
3- اكسسوارات الشعر.
4- مشط.
5-- ملابس داخلية (على حسب المده )
6-- قمصان نوم وحسب الحاجة والذوق.( طبعا مع قميص نوم ليلة العرس )
7- ملابس خفيفة للغرفة كالبودي والشورت .. الخ.
8- اسبرين (مزيل الألم).
9--فوط صحية + فوط للا ستخدام اليومي.
10- ملابس للطلعات ولا تنسي تأخذي شي يصلح للسهرة حتى وإن كان بتتعشي في الغرفة انت وزوجك بس.
11- شيل وعباية إذا كنت بتلبسينها.

12- سجادة صلاة وقرآن.
13- جواتي 2 مريحات للطلعات العادية وواحد حلو للسهرة..
14-النسبة للذهب والمجوهرات لا ـاخذي شئ الا إللي بتلبسينه يوم السفر:
- خاتمين + سلسلة + إسورة+ حلق+ ساعة
وممكن تاخذي خاتمين زيادة بس حطيهم في شنطتك.
15-لاتنسي غاليتي (اعزك الله) ..ان تاخذي ايضا سليبر(شبشب) مختلفين على الاقل اثنان فقط ...
16-خذي انواع راقيه من المكياج ... وبالوان تناسب اللبس الي اخذتيه معك في الشنطة ...

يعني بلاش تاخذي كل المكياج الي اشترتيه خذي بس الي بتحتاجينه ... وحطيها بشطنة انيقة وصغيره ..
تستطيعين حملها في اي مكان ... وايضا تستطعين وضعها في شنطة يدك ...

17-كريمات للعناية بنعومة الجسم ذو رائحة عطرية .... وعادة تكون في طقم متكامل ...

يحتوي على مرطب لليدين ..... وكريم للجسم .... ومرطب للشفاه ..... وعطري زيتي ...
وتلقيناها متوفرة في محلات البودي شوب ... وزهور الريف ...

18-طقم متكامل من مناشف الاستحمام مع الروب الخاص .... لكي ولزوجك .....

19-مجموعه متكاملة للاستحمام ... من سائل للجسم .... صابون للوجة .... ورغوة للبانيو ...

وتلقينها دوما تباع في مجموعه متكامله .... وبروائح عطرية مختلفه .... في محلات البودي شوب
وزهور الريف .. ونكتار ...اختاري منها مايناسبك ..

20-دهن العود والعطور المخلطة .....
واكيد اجمل وارق العطور الفرنسية ....

21-الشامبو المناسب لشعرك مع البلسم ... وكريمات عنايه للشعر....


22-منظفات للبشرة بعد المكياج وقبله ... وعند الصباح والمساء....



23- الاستشوار( مجفف الشعر ) ولفافات الشعر المناسبة لشعرك ....


24-ماكينه مزيل الشعر ... .... وطبعا في منها انواع ....اختاري النوع الي يناسبك..



مستلزمات حقيبة اليد :


باكيت صغير للكلينكس.
- نعناع أو أي حلاوة لنفس منعش.
- زجاجة عطر صغيرة.
- علبة كريم صغيرة لليدين(عادة تيوب).
- فوطة صحية واحدة.
-المكياج اليومي[/frame]

جزااااااج الله خير بنتنت
كان في اشياء ناسيتها زين اللي سألت

بخصوص الغسول ؟ شنو احسن نوع!!


بنااااااااات دعواااااااااااتكم .. بدى العد التنازلي

هلا مرحبا خواتي

الصراحه سوالفكم تجنن
صج اني مو عروس بس حبيت ارد على الاخت بنت قطر واقول لها تحملي تتمكيجين عند امنه شاهين ترى مكياجها لوعه

تحط الوان غامقه ورموشها كانه الشيول مال الزرع
انا مت من القهر اشوى ان شريفه المهندي كانت عندنا تمكيج جزء منى عدلت لي المكياج
فستاني كان برونز واخضر ذهبي
يجنن
حطت لي مكياج القوس
مع ان مو مدح فيني لكن انا اي حد يحط لي مكياج يضبط علي اي حد

حطت لي اخضر غامق زيتي غامق فوق عيني والاجناب اسود وعنابي

وداخل عيني ابيض مع انه مايناسبني
بس بودرتها واااااااااااااااااااايد حلوه الصج ينقال
تعرف ترسم ماقول لا

بس ماعندها ذوق
ماعندها ذوق في دمج الواان
وخواتي وااايد حطت لهم اسود مع السموك
كانهم دراكولا
وشكرا

سحووبه روحي الصيدليه وشوفي في انوااع للغسول اخذي الي بالنعناع مطهر ........ولو كان فيه على فواكه اخذي انا مره خذته بس من لندن كان وااااااو انشالله يكون عندهم ..........