الجزء السابــــ7ـــع من تجهيزات عرايس قطر 2006

مرحبا بنات .............ماشالله امس الساعه 1 مسكره النت ورجعت الحين لقيت 3 صفحات .برد عالي اتذكره ...

دوحانيه ....لوعندج لوني أهدى من الفوشي بيكون أفضل لان العروس حلاتها هاديه اول يومين لها :)
البنفسج .........اان شفته .......وايد كان حلو.......انا ماعرف شلون ذوقج اذا تحبين النعومه يعني نفس اللبناني بيعجبج اكيد
شموخ عنادي ......شفيج يمه متخرعه هدي هدي عادي الا عرس ههههه ...فديتج حاولي تبعدين الخرعه عشان تطلعين احلى
حلا قطر ..........باقي من الزمن 7أياام ههههه >> تخريعه
مملكة النحل ......الله يوفق رفيجتج..رفيجتي بعد اليوم حناها بس عشان ظروف جدتي ماقدر اروح وعرسها الجمعه ..
فوفو الحلوه .....حياج معانا حبيبتي .. المصممين عندج مودا ليدي يضبطون الشغل وايلي ابوراشد
قطر .....أشوف اسمج تحت يللا شاركي وحشتينا
أحلى أم .....فديييييييييييييييييييييييييت رووووووووووووووحج لاتزعلين مني ترى والله لانهم سكروا موضوعنا كذا مره والسبه السوالف حطي موضوع في قسم الشؤون الاجتماعيه وبنشارك ....... (f) (f) :) :)

كلاسك
انا رايي من رايهم دام انها صباحيه ترا اسم بس لان اغلب الصباحيه الحين تكون عشان لان الكل تعبان وعلشان جيه الحين الموضات ان تلبسين فستان بس يكون شي ناعم يعني حرير مثلا ووحطي بروش على الفستان الحين ردت موضه البروشات والجلبيه انا احسها تصلح لو كان الصباحيه اذا غدا

البنفسج
اي سعاد انتي تقصدين الي تشتغل في وديان؟؟

ممكله النحل
الله يوفق رفيجتج ويسهل عليها ويبارك في زواجها وان شاء الله يطلع احسن مايكون

قطر
اي سمعت عن شوبان وحتى حلوياته خيال شكلي بحجز من عنده
بس احس ان رحت موضه التقديم الحين اغلب الاعراس الي اروحها كل شي محطوط على الطاوله؟؟
مادري انتي شرايج؟

شموخ عنادي تسلمين يالغالية
كسرتي خاطري حرام عليهم والله العظيم حرامية واااايد الصراحة ليش حبيبتي من البداية ماسالتي محلات وااايد عقب اختاري انا والله جذي اسوي في كل شي .........يلا طمنينه شنو بصير معاج حبيبتي ....

بنت قطر ........انتي ماتبين سعاد ابلوشي ؟؟ حلو مكياجها والله وسعاد القطريه ..اانا بالنسبه لي هال2 توووب ...

:sad: بنات ساعدوني ابي افكار حق الكوشه
انا في طريقه عرسي اغلبيته عربي شرقي يعني كل شي عربي ابي اصمم كوشه بس مافي شي في بالي
الي عندها افكار تساعدني..

بنت الغالي ليكون حنة رفيجتج هي نفسها العروس رفيجتي يلا بسرعة قوليلي هي ولا لأ...وسلامة جدتج ان شاء الله

بنت الغالي والله تخربطت
الحين سعاد البلوشي اهي سعاد القطريه ولا البحرنيه؟؟؟
وسعاد سمعت انه حلو بس ممو حلو وايد؟

مممممممم بنت الغالي شاركت فدييييتج :)

بنت قطر :
مادري عنج والله ، بس عالطاولات ماتقدرين تحطين كل شي ، يعني اذا تبين مثلا حطي الموالح عالطاوله ، ودوري بالسويت والبتيفورات .

بس تدرين العرس اللي رحت له مافي شي عالطاوله ، يمكن لانهم نزلوا البوفيه عالطاولات وعشان جذي مايبون يسوون زحمه .


شوفي انا في عرسي أكثر شي سويت حلويااااااات حتى من كثر الانواع بس سوينا قهوه ماسوينا شاي عشان مانمحر الناس ، ونزلنا عصااااير .

وحتى ماسويت فطاير عالطاولات لانهم تصير بارده وياااااااااااااااااااااااااااابسه من قلب على وقت مايجون المعازيم ن وانتي اكيد تشوفين هالشي بعينج اذا تروحين عرس .

بسألكم بنات :

انا بسوي شي عند الافغاني اللي فالستي وبكتب عليه كلام مثل الأهداء ن وأبي اوديه محل يسوي لي قاعده ويزينه بورد حلووو وراقي ، بس بشرط يكون ورد مجفف ومايتنتف عشان يتم العمر كله ان شاء الله ...

وين تنصحوني بمحل يسوي تزيين بورد مجفف ...؟؟؟

مجفف ولا صناعي ؟

إذا صناعي .. شوفي الشاهين يسوي حركات مب صاحية .. يمكن يفيدج ..

ممممممممم بعد فكره الصناعي ماجات في بالي والله بشوفه ان شاء الله ..

زين ومجفف ماتعرفين ؟؟

بنت الغالي : اسمحي لي بعيد بعض مشاركاتي السابقه وبحطها ، لان احس وايد بنات ماقروا الأجزاء السابقه ، انتي شرااااااااااايج ؟؟؟؟

قطر
في الشاهين مجفف وطبيعي وكل شي واذا ماعنهم اشتري انتي مجفف واهم يسون لج
ترا عندهم حركات حلوه ومش غالي مثل المحلات

هلا بنات




ممكن رقم سعاد القطريه

مشكورين خواتي كللللكم ع الدعوات الحلوه فديتكم احبكم في الله .. الله يوفقكم ويتمم لكم على خير ..

دلوعوووه لا لا ماخنتج هههههه للحين p=

بنت قطر ولا يهمج بس خلني ابدا دوام هههههههه ...

البنفسج اختي انا جربت مكياج سعاد القطريه "سعاد فكري" لانه في اكثر من وحده .. ومكياجها حلووو لبناني نفس ماقالت لج بنت الغالي .. بس على عروس مو متأكده لانه يوم عرس وحده تقرب لي قالو لي سعاد وكان ناعم بس مادري البلوشي ولا هذي لانهم تقريبا نفس الستايل ..

انزين اذا انتي مو مرتاحه ليش ماتختارين وحده انتي شايفه مكياجها على عروس ؟

مملكة النحل الف مبروك لرفيجتج والله يتمم لها على خير ويهنيها ويسعدها اللهم آمين ..

[grade="FF1493 800080 4B0082"]احلـــــى أمــــ [/grade]لا تزعلين من البنات فديتج انتي ماتدرين قبل كم مره صارت سوالف ويتسكر الموضوع وانذار وتحذير .. من جي متعقدين ولا موضوعج روعه وصدقيني بنات واايد بيشاركون ..=)

امم بنات سؤال .. الحين لهدرررجه كريولان كشخه ؟؟ اشوفكم واايد مشتطين وانا الصراحه ولا مره جربت هالماركه !!!

بنت قطر اقصد وين لقيتي المكياج في قطر؟



والبنات اللي قالوا عن محل تورك في الحسا (شارع الماجد)
المحل مشهور ولا لا ؟ يعني وين مكانه بالضبط احتمال اروح بعد جم يوم



دوحانيه
يحليلج والله واخيرا بتعرسين
انتي الوحيده اللي بقيتي من البنات القدامى خخخ(احسسج انج عيوز)
والله احس اذا رحتي عنا الموضوع ماله حلاه مع ان الكل فيهم الخير والبركه
والله بتوحشيناااااااا مثل ماوحشتنا الموناليزا وام شيوخ وباقي البنات
طيب تبين نساعدج بشي محتاجه شي؟
امري وتدللي
وبالنسبه للبدله أي حلوه
اذا بتروحين فيها بيت ابوج مثلا
احس الشيفون قماش راااااقي وبنفس الوقت ناعم
ومع شوية ميكب نعوم بتطلعين رووووعه


كلاسيك
حلو والله خلج ماشيه على هالنظام ولاتنسين قبل العرس تركزين على اكل الفواكه والخضار
ويوم العرس لاتاكلين شي غير الفواكه او اشيا خفيفه وابتعدي عن الدسم نهائيا
وبالنسبه لفستانج دامه عند لورين اكيد توووووووب ورووووووعه مشالله عليها الكل يمدح شغلها ومع اني ماشفته بس لاني اعرفها فمن خلال اسلوبها وكلامها احس كلامج صح تفهمج وتسولف معاج وتتم خطوه بخطوه لين ترتاحين للموديل وبالنسبه لفستان عروس مو مشكله السعر اهم شي ترتاحين للفستان
وللصباحيه اول شي لى رحتي بيت ابوج البسي الجلابيه وبعدين لى وصلوا الناس البسي فستان افخم



وفي ملاحظه
اشوف اغلب العرايس الحين يسوون الصباحيه بالليل اريح لهم
انتوا شرايكم؟


احلى ام
وانا مثلج ودي اجربه بس اخاف



شموخ عنادي
يعني مصرين لازم هالالفين حق التصوير؟
انتي حاولي معاهم وعطيهم العين الحمره او كلمي مدير المحل
ولو ما وافقوا خليهم يصورونج في الصباحيه والهديه والحنا
يعني مب كل الافلام مره وحده



مملكة النحل
شجعتيني المشكله عندي شكثر اعراس ومناسبات هالاسبوع وبعدها بجم يوم السفر
احتمال اجربه لى رجعت
هو اسمه شاي الرشاقه؟
من أي صيدليه تاخذينه وشلون شكل العلبه وبكم
والف مبروك والفال لج
باركي حق رفيجتي وقوليلها بنات عروس يسلمون عليج خخخخخ
والحمدلله انها لقت فستان



بنت قطر
روحي المناسبات عنده كوشه عربيه او شرقيه وتوها نزلت بعرس واحد على علمي
المهم انها يديده وماشفتها بس رفيجتي قالت لي عنها تقول شنو فخممممممممممممه وفيها مثل شمس وتنفتح من النص وحركات مثل الف ليله وليله
ولو تبين تصممين تقدرين وخل يحطون لج ريش طاووس ومخدات كبار وحركات جيه


روحوه
احم احم شكلي انا اللي بخونج خخخخخخخخخ
وعن كريولاين أي ياختج الماركه فضيعه وثااابته حق الاعراس تعجبج واغلب القطريات اللي يمكيجون يستخدمونها

دلوعه
يعني تهقين كم اسعار الكوشات هناك؟؟؟؟؟؟؟؟؟؟؟؟؟؟


تم التعديل بواسطه angel eyes
الرجاء تظليل الصور

يصلح حق ثاني يوم زواج يعني الصباحيه
بس يكون في الليل
شي ناعم وخيال
شكلي ببوق التصميم واسوي نفسه ههههههههههههههههههههههههه

بنات بسألكم سعاد القطرية اهي نفسها سعاد فكري؟؟؟؟؟؟؟

اي هي نفسها على ما اظن

بنت قطر حلووو وايد الموديل
واسعارهم الصراحه ناااار بس لان الكوشه مستخدمه بتكون ارخص
ولو نزلوها في اعراس ثانيه بتكون ارخص عن قبل

دلوعة...

مشكووووووورة حبيبتي...

والله قاصين علينا ندفع 20 الف واكثر حق كوشه واخرتها يحطونها عندوهم ويأجرونها حق غيرنا


من ذي سعاد فكري@@
طول الوقت على بالي سعاد البلوشي؟؟؟
حلو مكياجها سعاد فكري؟؟؟