الجزء السابــــ7ـــع من تجهيزات عرايس قطر 2006

مملكة النحل شلووونج حبيبتي ؟؟؟

بشرينا صديقتج لقت لها فستان ؟

لوسمحتوا بنات وين محلات تأخير فستاتين الاعراس؟

وين احسن المصممين حق تفصيل فستاين الاعراس؟

دلوعوووه ^_^ <<< دلع أحلى ..
اممم الحمد لله تمام .. أنتي شخبارج ؟
ناقصتني شوية أغراض ( كم جوتي و نعال الله يعزج + زيادة ملابس ) .. التشطيبات الأخيرة بإذن الله ..
بخصوص الكوشة خذتها من اكسوتيكا مع الإضاءة و الحمد لله الحمد لله سعرهم مع بعض أقل من اللي حاطته حق الكوشة بروحها : )
بخصوص الطاولات .. أنا في بالي فكرة إن شاء الله ما راح تكلفني و أقدر أنفذها ..
مب حابة أحجز طاولات لأن : العرس بسيط و الناس مب وايد + أشوف السالفة مب مستاهلة ..
الفكرة ::
باغير مفرش الطاولات >> باسوي باقات ورد بحركات جذي ( ما راح أعلم ^^ ) >> باحط تحت الباقات تور >> بانثر على الطاولات فولك و ترتر يعني أشيا تلمع بنفس ألوان الكوشة و الورد ..

أو // سلمت المهمة حق أهل المعرس يتصرفون بهم : )

الضيافة ما ضيافة هم متكفلين بها ..

مشكورة حبيبتي على إهتمامج ..

..

أحلى أم ..
موضوعج وايد حلو .. كتبي فديتج في ركن الشؤون ..

..

البنفسج*
حتى أنا حضرتها أمس صج صج صج مفيدة وااايد .. بس حسافة ما شفتج .. مرة ثانية إن شاء الله ..

..

تايم آوت ..
جربي شرايح البطاطا .. بتخفف لج السواد بإذن الله ..

..

سحابة حب ..
أنتي تقصدين غسول للأسنان ؟ و لا غسول المنطقة ... ؟
إذا للأسنان : اورال بي ,,,, و إذا تقصدين الثاني في غسول اسمه سيتيل تلقينه في الصيدليات غرشته طويلة .. ممتاااز و ريحته ريحة معقم ..

..
.

بنات باسألكم :
عندي بدلة فوشية و هي شيفون .. تهقون حلوة تنلبس حق ثاني يوم الصبح ؟ و لا ؟

..

صباح الخير على كل الموجودين معانا
حبايبي قريت انكم تسالون عن شاي الرشاقة انا استخدمه الصراااااااحة اللي تبي ثضعف او تسوي ريجيم تشربه الصراحة روووعة وتلقونه بالصيدليات ...........انا اشربه وبعد 8 ساعات يبين مفعوله الله يعزكم اروح الحمام بس اربع مرات ماله اي اثار جانبية ولا شي اللي يسببه بس الم في البطن وانتي في الحمام بس الله يعزكم وهاي انا تجربتي معاه والله يابنات انا جسمي اوكي وحلو بس اذا حسيت ان كرشتي شوي طلعت او احس وزني شوي زاد او اكلت اكله دسمه .على طووووووووول اروح واشربه .ممتاز روعة ولا اسوي ريجيم ولا رياضة ولاعوار راس .......شاي الرشاقة وبس .........<<<<<<<شفيه الشيخة بتسوي دعاية عن شاي الرشاقة هاهاهاهاهاها.......الله يوفقكم بنات.....

شموخ عنادي ..
الله يوفق الجميع .. بالنسبة حق الاعشاب تحملي ترى مرة خذت اعشاب وخربت لي الدورة وما اعتدلت الا بطلعة روح .. صج ضعفتني بس احس خربت اشياء ثانية :(
بالنسبة حق سد الشهية .. انا رجيمي معطتني اياه اخصائية تعذية بوزارة الصحة ووايد حلو .. ضعفت عليه 3 كيلو في اسبوعين ماشاء الله بس الاخت تحب تخرب على نفسها :(..
يوم كنت عندها وحدة جاتها وقالت لها انها ضعفت 6 كيلو في شهر ..
المهم نظام المرة بسيط جدا .. اهم شي انج توزعين الوجبات على 5 وجبات بدال 3
الماي تكثين منه .. تاكلين اشياء قليلة الدسم وتقسمين الصحن 4 اقسام ربع سلطة وربع خصراوات مسلوقة او سلطة وربع دياية مشوية او سمكة كبر حجم الكف او لحم بنفس الحجم تقريبا ..و8 ملاعق عيش .. صراحة نظامها وايد سهل وصحي .. على قولتها المفروض هاي نظامنا طول العمر

روح قطر واصدق احساس ..
مبروك على الوظيفة ان شاء الله ترتاحون فيها يا رب :)

دلوعة ..
اشتاقت لج العافية :) تدرين مشغولة مع هل التجهيزات بس احاول ادخل كل ما لاقي فرصة ..


احلى ام ..
لاتزعلين موضوعج وايد حلو بس المشكلة القوانين صارمة شوي هنيه :(

جواهر الدوحة ..
نصيحة لا تجازفين في تصوير مب موثوق
حاولي تروحين للاشياء المضمونة :)

تايم اوت ..
جربي عصير البطاطس .. انا ما جربته بس يقولون زين ..



فوفو الحلوة ..
انا مسويه فستاني عند لورين الامريكية ..
المميزات : دقيقة في المواعيد .. سلمت لي فستاني قبل الوقت اللي متفقه عليه
شغلها راقي من وجهة نظري :)
تاخذ وتعطي معاج لين ما ترتاحين نفسيا
العيوب : ان اذا تبين فستانج يبين فيه الشغل لازم يكون فوق ال 15000 الف
واي اضافة بتزيد المبلغ غير القماش وووو اللي بتجيبينه
يعني عادي يوصل ال 20000 الف

الفراشة شغله حلو بس عيوبه .. يكرر في الموديلات وغير دقيق في المواعيد .. وانا المواعيد الشي اللي يقهرني ما اداني حد يوعدني ويتاخر دقيقة ..


عمري قطر ..
شلون رتبتي الخلة عطينا افكار :)
ويا ريت رقم ام احمد ابي وحدة تجيني البيت تسويلي حمام مغربي



دوحانية :)
ماشاء الله زين انج قربتي تخلصين . .. يوم عرسج بيكون يوم حنتي عشان جي احس مافي وقت :)

ان شاء الله تطلع الكوشة حلوة يا رب وبالنسبة للطاولات خل اهل المعرس يتكفلون فيها .. هاي رايي :)
بالنسبة للبدلة :
اممممممممم يتروالي تنفع بس انتي تقدرين هل الشي يعني على حسب الشغل اللي فيها :)

السلام عليكم ورحمة الله وبركاته

فوفو الحلوه
هلا فيج حبيبتي
بالنسبه لفستاني فصلته بإيجار عند لامودا
وبيكلف 9500 ريال ولو ملك لي بيكون 18000

دوحانيه
خسارة والله ما شفتج
بتحضرين يوم الخميس؟؟


بنات انا حاجزه مكياج عرسي عند سعاد القطرية عقب ما كنسلت سعاد البحرينيه حجزي
بس خالتي خرعتني منها..تقول اللي سالتهم عنها ما امدحوها ..وانا خايفه ومتردده
ساعدوني

هلا كلاسيك ..
الله يسمع منج .. اي خلاص ما عاد به وقت .. بدينا العد التنازلي ..
..
بخصوص البدلة ..
ناعمة .. ما فيها شغل وايد الفخامة اللي فيها من القطعة نفسها .. لكن أسأل عن اللون .. حلو للصبح و لا ألبس لون فاتح و هادي ؟
و بخصوص الطاولات .. باشوف ما قررت لين الحين ..

لقيتي ألبوم ؟

..

هلا البنفسج ..
اعجبتني الدورة .. و حتى برنامج يوم الخميس شكله حلو ..
بس تعرفين المشكلة في الوقت يعني بعد ما تطلعين ما يمديج تسوين شي ..
مب محتاجة دورة للمكياج .. لكن باشوف على حسب ظروفي اشلون ..

..

جواهر
والله عملي عملج يا وخيتي مادري انا سمعت انها شاطره

الي وايد دشوا علي خاص يبون يعرفون عن غسول كير فري
تلقونه في جمعيه في الدوحه صوب الفوط الصحيه
وهاي صورته

البنفسج ..
اي وحدة اللي ما مدحوها لج القطرية ولا البحرينية ؟


دوحانية :)

اممممممم اشوفه لون حلو ..

انا محتارة فصلت لي جلابية فخمة للصباحية ويقولون لي البسي فستان احسن ..
ومب عارفة .. احس الجلابيات ممكن تنلبس مرة ثانية بس الفستان مرة وحدة وبينقط

مرحبا عرايس

مملكة النحل حبيبتي ودي اجرب شاي الرشاقه بس اخاف ان يجيني الم البطن مع الحمام الله يعزكم وانا برى والا في زياره وااااي فشله

كلاسيك ..
رفيجتي قالت لي عن الجلابية .. و هي ترى حلوة للصبح و للظهر .. و للمغرب تلبسين فستان ..
أو ممكن تشوفين لج فستان ناعم .. تلبسينه الصبح ..

السلام عليكم ورحمة الله وبركاته

انا كنت حاجزه عند كريستال للتصوير بس كلفني وايد فكنسلتهم وحجزت مكان ثاني


بس دفعت عربون 2000 ريال

وقالت ما يرحعونها


قلت انزين باخذ الالبوم قالت ما يصير هذي خاص للي يصورون عندنا


الحين شاسوي؟؟؟؟؟؟؟؟؟؟؟؟؟


وايد 2000 تروح علي :(

حبيبتي احلى ام انا استخدمه شلون مثلا اليوم من الصبح اعرف اذا بطلع اولا هاي اول شي وثاني شي احسب 8 ساعاعات شلون انا عادة اخذه الساعة 4 العصر لين الساعة 11 بالليل صدقيني انا بعد 8 ساعات على طول الله يعزج في الحمام وبعدين حبيبتي لاتخافين من الم البطن هو الم عادي وبسيط وانتي في الحمام بس ويروح على طول لاتخافين ولاتحاتين يالغلا خذيها مني كلمه جربي وماراح تخسرين شي .......يلا جربي وقوليلي شنو صار معاج..........

السلام عليكم ورحمة الله وبركاته

انا اقصد سعاد القطريه...
في حد شاف مكياجها على عروس
ارجوكم جاوبوني

شموخ عنادي ..
الله يعوضج .. تدرين أنا بعد ما كنسلت حجزي لظروف و تأجيل العرس .. و بغيت أسترد العربون لوعوا بجبدي .. ما بغيت أرده وااايد يماطلون و بين روحة و ردة و حشرة و صكة .. و كنت دافعة لهم 5000 عربون .. الله يعينج ..
بس ليش بتكنسلين حجزج ؟

..

مملكة النحل ..
شاي الرشاقة من وين ينوخذ .. و ما له أعراض على المدى البعيد ؟

حبيبتي دوحانية ماله اي اعراض قبل مانتي تسالين انا سالت على فكرة انا اشتغل في المجال الطبي واعرف وعلشان جذي اشربه واتوكل على الله صدقيني هاي السنة الثانية وانا اشربة .............حبيبتي تلاقينه في جميع الصيدليات

لانهم نصبو علي وثاني شي كلفني عندهم 25 الف

ورحت محل ثاني نفس الاشياء بالضبط كلفني بس 8300

مب حرام؟؟؟؟؟

انا ما اقدر على تصوير بس 25الف

بنات اليوم ليلة حنة رفيجتي اللي قلتلكم عليها ادعولها الله يوفقها وعرسها ان شاء الله الجمعه .......وبالنسبة لفستانها الحمدالله استاجرته من دار لارا ..........

الله يوفقها ان شاء الله وييسر امورها


ويعدي كل شي على خير


بشرينا عنها عقب اوكي؟؟؟؟؟؟؟؟؟؟؟

السلام عليكم شخباركم يابنات إن شاء الله بخخخخخخخخخخير

حبيت أقول لكم عن محل شوبان

شفت تزيينه للصواني شي حلوووووووو وراقي من قلب وفخم فخم فخم بكل معنى الكلمه .
واللي راحت عرس يوم الأحد في الشيراتون (( قاعة الدفنه )) أكيد شافت هالشي بعينها .

مشتغل بالمخاد وحاط شموووع فالصواني وكريستالات نازله .

عجبني شغله وايد وخلاص نوايه تضييف المستشفى من عنده ، مع ان قالوا اسعاره غاليه ، بس بعد شي فالخاطر بسووويه لان لاعت جبدي من المحلات الثانيه .

خاطري اسولف معاكم بس ماعندي وقت وبعد ماعندي شي أضيفه .

الله يوفقكم