تجهيزات احلي عرايس مصر ( الجزء الخامس)

نونا بصي حبيبتي اللي حتحتاجيه من السعوديه مصحف عثماني اسدال صلاه ايه تاني ايه تاني
طبعا ماكينه براون لان اعتقد هناك ارخص مممممم
الميكب حبيبتي هناك انواعه اكتر طقم الصيني عبايه بيت نص كم هناك مطرزه واشيك عشان لما خلاتك وعماتك يجم يباركم حفكر وارجعلك

السلام عليكم ... انا جديدة هنا وبجد عجبني موضعكم جدا لانه مفيد خالص انا كمان فرحي قرب على شهر 10 ان شاء الله وكنت عايزة اعرف اماكن محلات او عطار بيبيع الزيوت الطبيعيه بس تكون حاجات حلوة واصليه ... ياريت حد يقولي بعض الاسماء واماكنهم وشكرا ليكوا بجد مكان جميل جدا والناس الموجودة اجمل

اهلا بيكي ناني العطارة والزيوت من عند حراز ومكانه عند مديرية امن القارهة اللي في باب الخلق الشارع اللي وراها ع طول

انا ابتديت في حمامات البخار والزيوت مثل دهن العود وكمان المسكات ابيضيت باركولي

http://www.3roos.com/forums/showthread.php?p=2381148#post2381148
يابنات ادخلو ع الموضوع بتاعي وضيفوه تعليقاتكم

vetdody:
ايه يا بنات يعنى اللى مستواه متوسط يعنى زى كده بلاش يعنى يتجوز ولا ايه





يا فلور انتى فين مش قولتى هتجيبى الكوافيرات اللى عندك



والبنات او العرايس الجدد المنتدى نور بيهم والاقدام منوريين المنتدى على طول



نونه ناقى عفش براحه وخدى كل حاجه وانتى مقتنعه بيها


متخبيش خيبه صحبتك

والله ياvetdodyانا بدور مش ساكته وفى صحابى قالولى على كوافيرات بس هما كلفو فوق ال 500زى مسيو عبده لو تعرفوه:angry: :angry: :angry: ووفى واحد فى النعام اسمه كوافير نانى وده حلو جدااااا وكانت عامله فيه اختى وكانت بشعرها وكانت ما شاء الله وكان فرحها فى دار المدفعيه فى مدينة نصر لو عاوزه نمرته معايا واديهالك بس انتى عاوزه كوافير فى مدينة نصر ووالله انا بحاول اجيب من صحابى اسامى الكوافيرات اللى راحوها وتكون كويسه وللاسف فى ناس اللى ضاع منهم النمر مش اعرف ازاى نمر زى دى تضيع:sad: بس انا اللى قلتلك عليه ده سنتر روتاج صحبتى قالت انه كويس وانها كانت رايحه ليه عن طريق ناس بيتعاملو معاه كتير وكان ب 250 وقالت انه ناحية ميدان الساعه عند ثرى ام وقالتلى انك لو وصلتى لثرى ام وسالتى اى حد هيقولك مكانه لانه مشهور جدا السنتر ده وان شاء الله ححاول تانى وان شاء الله اقدر اجيبلك

السلام عليكم جميعا
اه اخباركم
اهلا ب افراح الاسلام ...........الف مبروك على الخطوبه وعقبال الفرح
احبكم فى الله.....الف مبروك على موضوعك رائع وفى انتظار الجديد
فلاورر..............الف شكر على المساعدتك وعقبالك
نانى......... منوره
مارو ............حبيبتى انتى فين الصفحه مظلمه من غيرك
كل العضوات احلى سلام لاحلى بنات

يا بنات ميرسى أوى عالموضوع الجميل دة
فعلا بتساعدوا العرايس

أنا عارفة إنى جاية متأخر بس الحمد لله أخيرا لقيت حد يساعدنى
أنا فرحى إن شاء الله فى العيد الصغير وعايزة أسألكم على الصابون المغربى والليفة المغربية دول شكلهم إيه وبيتجابوا منين وسعرهم كام؟أنا من إسكندرية

وهى اليفة دى تفرق فى المفعول عن الليفة العادية يعنى ولا إيه فايدتها؟
ياريت تردوا عليا عشان أنا ماليش صحاب وماما كمان مش قريبة منى ومش بتساعدنى فحاجة خالص
أنا لو طلبت منها حاجة تدينى فلوس ماتقولش لأ لكن هى ماتفيدنيش بأفكار أو تقوللى المفروض تجيبى كذا أو كذا

وأنا كمان عايزة أسالكم المفروض أجيب إيه غير البيجامات وقمصان النوم الطويلة والقصيرة والميك أب والبرفانات؟
قولولى يا بنات المفروض أجيب إيه تانى لحسن أهل العريس يتريقوا عليا ويقولوا مش جايبة حاجة

وكمان المفروض ألبس إيه فى البيت وأنا قاعدة بالنهار ؟ البيجامات ولا قمصان نوم ولا لبس خروج ولا إيه؟

انا حاسة إنى مش عايزة الفرح ييجى عشان أنا مش عارفة حاجة فأى حاجة خالص
أرجوكم ساعدونى ينوبكم ثواب
أنا مستنية ردكم

الف شكر يا فلور على ردك يا جميل طيب انتى اختك زيى اهه فرحها كان فى مدينه نصر بعد الكوافير عن مدينه نصر مش ضيعلهم فى الوقت





طيب هو الكوافير اللى فى النعام عنوانه ايه واخد كام من اختك




وانا ناس كتيره قالولى على سنتر روتاج اللى فى مدينه نصر ده هروح انشاء الله وهبقى اقولك عاملت ايه


ومعقوله كوافير فى مدينه نصر ياخد 250 جنيه بس

قطة شيرازى:
يا بنات ميرسى أوى عالموضوع الجميل دة
فعلا بتساعدوا العرايس

أنا عارفة إنى جاية متأخر بس الحمد لله أخيرا لقيت حد يساعدنى
أنا فرحى إن شاء الله فى العيد الصغير وعايزة أسألكم على الصابون المغربى والليفة المغربية دول شكلهم إيه وبيتجابوا منين وسعرهم كام؟أنا من إسكندرية

وهى اليفة دى تفرق فى المفعول عن الليفة العادية يعنى ولا إيه فايدتها؟
ياريت تردوا عليا عشان أنا ماليش صحاب وماما كمان مش قريبة منى ومش بتساعدنى فحاجة خالص
أنا لو طلبت منها حاجة تدينى فلوس ماتقولش لأ لكن هى ماتفيدنيش بأفكار أو تقوللى المفروض تجيبى كذا أو كذا

وأنا كمان عايزة أسالكم المفروض أجيب إيه غير البيجامات وقمصان النوم الطويلة والقصيرة والميك أب والبرفانات؟
قولولى يا بنات المفروض أجيب إيه تانى لحسن أهل العريس يتريقوا عليا ويقولوا مش جايبة حاجة

وكمان المفروض ألبس إيه فى البيت وأنا قاعدة بالنهار ؟ البيجامات ولا قمصان نوم ولا لبس خروج ولا إيه؟
انا حاسة إنى مش عايزة الفرح ييجى عشان أنا مش عارفة حاجة فأى حاجة خالص
أرجوكم ساعدونى ينوبكم ثواب
أنا مستنية ردكم

اهلا ومنوره ياقطه:clap:
والف مبروك على الفرح وان شاء الله ربنا يتمم بخير
مفيش حد يقول كده ده كلنا نفسنا نكون فى بيوتنا النهارده قبل بكره:shy:

خليكى معنا واكيد هتستفيدى من كل البنات

بصى الواضح انك لسه مششتريش لبس للبيت
زى البرمودا والبدبهات الكات والنص والجيبات القصيره
يعنى لبس خروج بس للبيت ده حلو:clap:

ممكن تلبسيه فى وسط اليوم ومع اصحابك واهلك واهله
للتغير عن القمصان والبيجمات:shy:

واول ما فتكر حاجه هقولك وكل البنات اكيد هيسعادوك خصوصا اللى فى اسكندريه

وقولنا اه اللى عندك علشان نقولك على اللى ناقص واحده واحده

vetdody:
الف شكر يا فلور على ردك يا جميل طيب انتى اختك زيى اهه فرحها كان فى مدينه نصر بعد الكوافير عن مدينه نصر مش ضيعلهم فى الوقت





طيب هو الكوافير اللى فى النعام عنوانه ايه واخد كام من اختك




وانا ناس كتيره قالولى على سنتر روتاج اللى فى مدينه نصر ده هروح انشاء الله وهبقى اقولك عاملت ايه


ومعقوله كوافير فى مدينه نصر ياخد 250 جنيه بس

مساء الخير ياجميل

قوى كلمت ايمى الكاشف ولا لا

الواضح انك ونونا اون لاين معاى

انا مبسوطه

نونا الف سلامه عليكى كان مالك شديد حليك لسه بدرى :confused:

ميرسى أوى يا كات إحنا قطط زى بعض ونفهم بعض كويس هههههههههه
أنا فعلا لسة ماجبتش الحاجات دى
أنا أصلا ماكنتش أعرف
بس إخلاص إن شاء الله أروح أجيب حاجات من دى


وأنا كنت سألت عن الصابون المغربى ياريت تقوليلى لو عارفة حاجة عنه

cat ازيك اخبارك ايه
واخبار البنات كلهم عملين ايه يا قمرات

كات الله يسلمك انا كنت تعبت كان جالى التهاب في الغدد من استعمال مزيل عرق مع انه نوعه امريكى بس طلع بيمنع العرق فعملى التهاب هلكت عبال ما الحمدلله خفيت بس خسيت كتير وعايزا ازيد تانى عشان الفستان كدا يبقىوسع على الوزن الحالى

بالنسبه ليا انا وقفى شراء اى حاجه لغايه مرجع هرجع على النواقص الى انا محددها بالظبط وعارفه هجبها منين ودا هيريحنى لانى لاهفكر او هنسى

انتى بقى وصلتى لحد فين و ايه الى ناقصك لسه

قطه شيرازى يا حببتى الحمام المغربى دا بينظف بشره الجسم و ينعمها دا غير انه بيفتح مع المداومه عليه والاحسن انك تبدئى من دلوقتى عشان على الفرح تبقى منوره

هعمل بحث عن طريقته واجبلك الصفحه الى هوه فيها و منين دا بقى تسئلى فيه الاخوات الاسكندرنيات معانا هنا اكيد هيفيدوكى انشاء الله ومش تقلقى كلنا هنا معاكى

الحمام المغربي

تزايد الاهتمام والحديث في مصر في الفترة الأخيرة عن الحمام المغربي وفوائده، سواء للبشرة والجسد أو للشعر على حد السواء. وتتكون مراحل الحمام المغربي من أربع مراحل، تبدأ بحمام البخار تليها مرحلة التقشير، ثم مرحلة وضع الأقنعة، وأخيرا مرحلة استخدام «الشبة» لغلق المسام.

يبدأ حمام البخار باستخدام الصابون المغربي الشهير، ويباع في دكاكين التجميل المتخصصة، وتكمن خصوصيته في أنه خليط من الزيوت المرطبة الطبيعية، وفي فاعليته على ترطيب البشرة وتخليصها من الشوائب. يترك على الجسم لبضع دقائق، قبل أن يشطف بالماء الدافئ. ولتحقيق أقصى قدر من الاستفادة من هذه المرحلة ينصح بوضع قناع زيت أو كريم مغذ على الشعر وتركه طوال مدة تحضير الجسم للحصول على شعر لامع عند غسله. بعد ذلك تأتي مرحلة التقشير باستخدام الليفة المغربية، التي تستعمل للتخلص من الجلد الميت وتفتيح المسام، وتجديد الخلايا وتنشيط الدورة الدموية. بعدها يشطف الجسم بماء مخلوط بالقرنفل وعشب الخزامى. يفضل عدم استعمال الليفة على الوجه، وان تقتصر عملية التخلص من الجلد الميت وتفتيح المسام هنا على استعمال أنامل اليد، خصوصا أن الحرارة تسهل هذه العملية، كما يمكن وضع خليط من الأعشاب والزيوت التي يتم فردها على الوجه ويدلك بها من خلال حركات دائرية بعد ان تنظف البشرة تماما.

بعد ذلك تأتي مرحلة وضع الأقنعة، وأشهرها قناع الطمي المغربي (الغسول) المعجون بماء الورد ويساعد على شد الوجه وإضفاء النعومة عليه، ثم قناع الأعشاب المغربية المخلوطة بالزبادي ومطحون الحمص، ويساعد في تفتيح الشوائب الداكنة في البشرة ومنحها بعض الصفاء الذي تفتقده. بعد التنظيف والتقشير والترطيب ينتهي الحمام المغربي باستعمال مسحوق الشبة لسد المسام والحفاظ على البشرة نظيفة بمنع اختراق الأتربة والميكروبات لها. بعدها يتم تدليك الجسد بمطحون الترمس وماء الورد لإكسابه الطراوة والنعومة. لكن رغم اختلاف الطرق والمسميات فإن الهدف والنتيجة واحد، ويبقى لكل عروس الخيار بين المصري والسوداني والمغربي.

(f) (f) (f) يا ربى كتبت رد طوووووووووويل واتمسح
مش مشكله نكتب من الأول
سلام لكل الناس الجديدة اللى منورانا
قطة شيراز
شوفى يا جميل الليفة المغربى بــ 35 جنية والصابون كان أظن بــ 22 وسمعت أن الليفة موجودة فى الأزهر وعند صيدلية العزبى بس أنا جبتهم من حراز العطار
حراز ليه مكانين فى الشارع اللى ورا مديرية الأمن وفى رويال هاوس قدام جنينة الميريلاند
بالنسبة للحاجات اللى تجيبيها للبيت انت جوازك هيكون الجو لسة صيف زى ما كات قالتلك برمودات وشورتات وهوت شورت وستوماك وكل الحاجات دى وشميزات مجسمة كات وممكن نص كم وتفتحى زرارين من فوق وتربطيه من تحت بحيث يبين جزء كدة زى الستوماك:shy: وجيب جينز على الركبة مثلاً وبديهات وتجيبى بقى بنطلون جينز طويل ومن فوق مثلاً كام منى درس أو تونيك أو بلوزة كدة عشان لو جالك رجاله فى اللبيت بابه أو أصحابه لكن قدم مامته وإخواته قعدى دلع بردة بس مش ستوماك ممكت برمودا وبادى كدة بقى
لما الشتا يبتدى بقى كام ترينج كدة الحاجات اللى بيكون بنطلونها تايت كدة بيكون جذاب قوى وممكن بنتا كور وكام بلوفر قصير وجيب على الركبة صوف مثلاً تكون كاروة مثلاً بيج فى بنى فى روز وتجيبلها بلوفر روز وبادى بيج وحاجة بنى تلاقى نفسك عملتى 3 حاجات وكدة ولو افتكرت حاجات تانية هقووووووولك
ونورتينا(f)

نانى
فلاور
فرح الإسلام
الينبوعية
نورتووووووووووونا

ميرسى أوى بيا حبيبتى أنا بشكرك جدا على تعبك
أنا بسأل على الصابون شكله هو والليفة عاملين إزاى وبيتباعوا فين وسعرهم كام؟
أصلى خايفة أروح أسأ ل وأنا معرفش شكلهم ولا سعرهم والبياعين يضحكوا عليا ويدونى أى حاجة
وكمان عايزة أعرف فى حد بيبع الطمى المغربى فى إسكندرية؟
أنا مرة شفت محل كاتب يوجد لدينا طمى مغربى ودخلت لقيتهم معاهم برطمان صغير فيه شوية طينة وقالولى بخمسين جنية والبرطمان مش مكتوب عليه أى حاجة ولما سألتهم قالولى دة جاى من المغرب بس البرطمان بتاعه إتكسر فحطيناه فبرطمان مربى بس أنا بصراحة حسيت إنهم نصابين
إيه رأيك فى الموضوع دة؟

بصى يا جميله
بالنسبة لليفة المغربى اللى أنا جبتها لونها بيج ومحطوطة فى كيس شفاف ومرسوم عليها جمل أصفر ومكتوب عليها كيس تكبيس صوف وبرة الجمل الأصلى ومعمول مربع من الجنب مكتوب عليه احذروا التقليد بس البنات قالوا فى واحدة تانية كمان لونها بنى بس ناشفة اكتر على الجسم ودى اللى بتباع فى العزبى .
نيجى للصابون
هو علبه بلاستيك 250 مل مكتوب عليها الصابون المغربى طبيعى 100% لتفتيح وترطيب وحيوية البشرة الجلدية ومكتوب لشركة عبد الرحمن محمد حراز من جوة عامل زى الكريم ولونة بنى فاتح زى رمل البحر المبلول كدة وريحتة حلوة أوى
بالنسبة للطمى أنا شفت اللى قولتى عليه دة الكوافيرة كانت استعملتهولى بس كان فى عابة مكتوب عليها انه طمى مغربى الناس دةول زى ا قلتى اظنهم نصابين لأنه لو كدة طيب معنهومش علبه تانية سليمة
بصى أنا بقى جبته من العطار زى الطباشير كدة وبيدوب بماء الورد بس بجد جميل أوى وبينضف البشرة ويشيل الدهون الزايدة والبلاوى بتاعت الحر دى
أنا كان نفسى أصورلك الحاجة بس موبايلى ملوش كابل كمبيوتر بس لو عرفت اتصرف فى موبايل بكابل هصورهم عشانك وبعدين مفيش تعب ولا حاجة إحنا كلنا إخوات يا قطقط. :)

قطه شيرازي اهل ببنت مدينتي انا كمان من اسكندريه يا قمر وبالنسبه للملابس انا خلصتها ولو تحبي اي نصيحه قوليلي بس الاول قوليلي جبتي ايه بالظبط وانا حقولك اللي نقصك بصي يا جميل بالنسبه لملابس الخروج بتاعه البيت طبعا مش معقول تجيبي جيب ب100 جنيه وتعدي فيه بالبيت لان دي اسعار لبس الخروج دلوقت طبعا ده حرام بصي يا ستي من قريب قابلت واحده في جيم ايام ما كنت بروح ولاقيتها بتدرب ببنطلون برمودا جينز بحوالي 100 جنيه فاستغربت فلما سالتها قالتلي ان في محلات بتبيع بواقي التصدير وباسعار خياليه عشرين جنيه فقولتلها اكيد فيها اخطاء قالتلي لا والله بس هي المحلات دي متخصصه في كده وفيها كل المقاسات المهم سألتها علي العنوان فقالتلي نادي سموحه بوابته ادامها شارع فيها محلات زي القلعه الاسلاميه وسيل و كروكو وكروكو متخصص في الملابس الرياضيه وفي منه كمان فرع في شعراوي وعن النادي الاوليمبي وانا رحت واشتريت حاجات من هناك بصراحه تحفه و كل حاجه حتلاقيها هناك روحي وجربي اي مساعده اختك في الخدمه انا حاسه باللي انتي فيه والدوخه وكمان الشباشب روحي خالد ابن الوليد فيه شباشب بكعب عالي وفيه شورتات قطن برمودا طريه وشيك وتخلي الجسم حلو وفاصلي كويس جدا وطبعا الزنقه روحيها برضه المكياج والاكسسوارات قوليلي فرحك امتي بالظبط وانا حقولك علي محل انا وبنات خلاتي بنجيب منه بيعمل خصم جامد جدا بس المشكله ان ماما هي اللي بتودهولي بس لما اروح حسأله علي العنوان بالظبط وابعتهولك وبالنسبه للانجيري لو ناقصك حاجه قوليلي وحساعدك واقولك اسامي محلات فيها حاجت كويسه وفي الغالي والرخيص زي ما تحبي :shy: