تجهيزات احلي عرايس مصر ( الجزء الخامس)

يا بنات اللى عندها قشرة فى شعرها
أول حاجة وصفة أمه الله اللى هى كوبيتين ماء دافى وأربع معالق خل تفاح وتتساب على اشعر شوية بعد الغسيل دى ممتازة :clap:
كمان من الصيدليات شامبو selsun blue الشامبو فرنساوى بــ 32 جنية ممتاز ممتاز وغير كدة بيخلى الشعر حرير والله قررت أنى موقفش استعماله لأنه وهمى وفى نفس الوقت طبى وده أحسن عشان الكيماويات الزايدة اللى فى الشامبوهات التانية وده مع الحجاب والحر والعرق كويس للشعر

بنات
حد يقولى أماكن فيها بيجامات ستان شيك اللى هو الستان الرقيق الناعم أوى ويا ريت أرواب
وسؤال كمان فين بيجامات ستان رجالى كويسة

ماشى يا ولاء يا أحلى لولو صح هو دة غسول افون اسمه بس دة مش بخاخ هو شكله كدة واللى جوه سائل بس للأمانه أنا لما يخلص هجيب بتاع أوريفليم لأنه ريحته أجمل دى ريحته طبية أوى إنا التانى معطر شوية وكمان المسك يا ولاء سمعت أنه كويس أوى بس من برة يعنى تجيبى حجر المسك وتدوبية فى ماء أو ماء ورد وبقطنة من بررررررررة وبعدين بعد كدة يبقى من جوة وبرة :shy: :shy: وده ريحة حلوة وتطهير وطبعاً ده من سنه رسولنا عليه الصلاة والسلام والمسك موجود فى العطارة الهندية ال 6 وحدات ب 15 جنية وطبعاً هو تحفة تحطية بين الهدوم اللى هتخزنيها عشان الريحة

طيب هو بتاع اوريفليم بكام يا داليدا ممكن اعرف

أظن ب 34 حاجة فى الحدود دى
دة السايت بتاعهم خدى لوك كدة وهتلاقى الأسعار
www.oriflame.com.eg

داليدا اسالى الاول خطيبك هو حيلبس بيجامه ستان ولا لا , لان معظم الرجاله مابيحبوش البيجامة الستان خاااااااااالص , عشان كده حرام تضيعى فلوسك عليها , احسن انك تجيبى بيجامات عادية جيل او قطن وفي بيجامات بيير كاردان تحفة وقماشتها زى الجيل , كمان ماركة الامبراطور بيعملوا بيجامات و اندر وير رجالى حلوين اوى وليهم محل في سيتى ستارز , بالنسبة للبيجامات الساتان الحريمى انا رايي ماتجيبيش منها لان كتير اوى قالولى ماتلبستش و بتحر جدا يعنى خليكى فى القطن احسن ولو عايزة بيجامة ستان هاتيها شورت و بتكون موجودة فى محلات اللانجيريهات , وممكن تلاقى فى جنينة مول فى الدور الارضى فى كذا محل وفى فاليزير فى جنينة وسيتى ستارز ممكن تلاقى عندهم

e_walaa:
محدش رد عليا ليا هو انتوا مش بترحبوا بالاعضاء الجداد

اهلا وسهلا يا لولو

ربنا معاكى ويتمم ليكى على خير لا طبعا منورة والكل مرحب بيكلى بس اكيد البننانيت مشغولين
اسالى وان شاء الله اكل هيساعدك

مارو_82:
داليدا اسالى الاول خطيبك هو حيلبس بيجامه ستان ولا لا , لان معظم الرجاله مابيحبوش البيجامة الستان خاااااااااالص , عشان كده حرام تضيعى فلوسك عليها , احسن انك تجيبى بيجامات عادية جيل او قطن وفي بيجامات بيير كاردان تحفة وقماشتها زى الجيل , كمان ماركة الامبراطور بيعملوا بيجامات و اندر وير رجالى حلوين اوى وليهم محل في سيتى ستارز , بالنسبة للبيجامات الساتان الحريمى انا رايي ماتجيبيش منها لان كتير اوى قالولى ماتلبستش و بتحر جدا يعنى خليكى فى القطن احسن ولو عايزة بيجامة ستان هاتيها شورت و بتكون موجودة فى محلات اللانجيريهات , وممكن تلاقى فى جنينة مول فى الدور الارضى فى كذا محل وفى فاليزير فى جنينة وسيتى ستارز ممكن تلاقى عندهم

ميرسى يا مرمورتى قوليلى البيجامات البيير كاردان دى موجودة فين
ويا ريت كمان تقولولى محلات بتبيع حاجات لاسو لأن الراجل اللى جبت منه مش عنده كل الكتالوج

داليدا العطارة الهندية دى فين و ياترى مكعبات المسك اللى عندهم كويسة لان اللى فى القرشى اكيد حتباه غالية , كمان عايزة اسالك الغسول النسائي بتاع اوريفليم استعمله من دلوقت . و المناديل بتاعتهم بتاعة المنطقة الحساسة كويسة ولا لا و ياترى فعلا الغسول بيفتح المنطقة دى

dalida_palace:
e-walaa
أول حاجة عايزة أقولك أن فى حراز فتح فى رويال هاوس اللى قدام الميريلاند بصراحة كات هى اللى دلتنا عليه وبجد كل ما اروح هناك ادعيلها لأنه وفر المشوار خالص بس هو عنده نسبة كبيرة من الحاجان بس أكيد مش كلها بس كل اللى اتكلمنا عليه عنده
هبتدى أنا اقولك جبت ايه من هناك
الحمام المغربى بس هاتى اللبفة من اللى فى سيتى ستارز اللى مارو قالت عليه قدام استقبال أو من العزبى الليفة 35 جنية
الصابون المغربى أفضل تجبيه من حراز العلبه ب 22 متهيألى مش أكيد
حمام العروسة لتبييض الجسم العلبة 15 جنية
زيت لوز حلو عشان الهالات السودا علبه صغيرة ب 5 جنية
ماء ورد لأن فعلاً مياة الورد بتاعته غيى أى حد 2.5 جنية
وأخيراً الراااااائع حمام النخاع اللى هنام برضة بـ 15 جنية بجد تحفة للشعر شئ خراافى ومن أول غسلة

شكرا على دعواتك وانا اقول كل حاجه سهله ليه:clap:

علشان داليد بتدعى لى

انا بجد فرق معاى جدا انه فى رويال علشان معنديش وقت انزل الجيزه علشان برجع من الشغل متاخر

فى كمان زيت ضفاير الشعر ممتاز هو بالتوم وكان ب15 تقريبا:clap:

cat2006:
[QUOTE=monayaaam]
اهلا ياجميل

انتى مختفيه فين(f)

سلام عليكم ورحمة الله
ازيك يا قطقوطة عاملة اية ؟
معلش كنت تعبانة شوية ومش ليا مزاج كدة فمحبتش اكون غلسة معاكم
انا الحمد لله كويسة

بس مش ليا نفس اعمل اى مسكات ولا الحمام المغربى جبتة وركنتة
ادعولى يا بنات

داليدا البيجامات البيير كاردان موجودة عند كل الناس حتى فى التوحيد والنور و عمر افندى وجنيمة مول وسيتى ستارز انا شفتها فى اكتر من مكان وفى منها شورت وبنطلون و بالنسبه لمحلات لاسو انا معرفش ليهم مكان محدد بس حسال واقولك لانهم موجودين عند محلات اللانجيريهات العادية

dalida_palace:
بنات
حد يقولى أماكن فيها بيجامات ستان شيك اللى هو الستان الرقيق الناعم أوى ويا ريت أرواب
وسؤال كمان فين بيجامات ستان رجالى كويسة

عندك فى جنينه بيجامات رجالى فى شهر العسل بس انا شايفه انك لازم تسالى خطيبك الاول

انا سالت خطيبى لقيته مش بيحبه خلاص:sad:

والحريمى عندك تشانس وكل المحلات فى جنينه وسيتى ستارز ملينه

مارو أول حاجة العطارة الهندية موجودة فى الشارع اللى قدام جنينة مول اللى على ناصيته بيت الدونتس امشى شوية فيه كأنك رايحة عكس جنينة مول هتلاقيه هناك وطبعاً السعر غير القرشى بالرغم من أن أمه الله قالت أن بتاع السعودية بالظبط زى اللى جابته من فتح فى اسكندرية.
بالنسبة للغسول أنا معايا دلوقت بتاع افون وهو كبيير وبستعمله من دلوقت لأن ده من برة وه تطهير ونظافة بالنسبة للمناديل هى نفس الغسول بس عشان لو خارجة بس أنا ممكن اجيبها بعد الجواز إن شاء الله
التفتيح لأ مقدرش اقول أن الغسول بيفتح بس كذا عامل وبعدين لو مفتحش فهو على الأقل بيقضى على الجراثيم والبكتريا وبيضمن نضافة المنطقة دى

داليدا عايزة اسالك على حمام كريم النخاع هو فعلا كويس و ياتري بيتقل الشعر ويطوله ولا لا

cat
ربنا ييسرلك كل أمورك أنت وكل البنات وأنا كمان يا رب
نانى
إن شاء الله الشامبو هيعجبك

بصراحة يا كات أنا هغلس مش هسأله وهجيبله ستان يعنى هو أنا اتولدت وانا بلبس لانجيرى شوية تضحية وبعدين أنا هتجوز فى الشتا هقولم يا بيجامه ستان يا بيجامة كستور تعذيب بقى :gum:

مارو_82:
داليدا العطارة الهندية دى فين و ياترى مكعبات المسك اللى عندهم كويسة لان اللى فى القرشى اكيد حتباه غالية , كمان عايزة اسالك الغسول النسائي بتاع اوريفليم استعمله من دلوقت . و المناديل بتاعتهم بتاعة المنطقة الحساسة كويسة ولا لا و ياترى فعلا الغسول بيفتح المنطقة دى

ممكن ارد
العطاره الهنديه فى عبد الرازق السنهورى امام البطروى فى مدينه نصر

عارفه سمراء ادخلى شمال على طول
على فكره جانبه محل لبس دلع للبيت بس تحفه ورخيص بس مش فاكره اسمه:sad:

الغسول اللى فى اورفليم تحفه جدا والمناديل كمان بس المناديل لو انتى بره

على فكره الغسول نزل فى شهر 8 ب 19 جنيه بدل من 3:clap:

مارو حمام النخاع انا استعملته مرتين بالظبط فمش هقدر اقولك أنه بيطوال أو يتقل لكن اللى اقدر اقوله أنه مخلى شعرى ناعم وحساه فيه صحة كدة بصى أنا بالنسبة ليا النخاع دة أحسن شئ للشعر وبعدين اهنمى بالتغذية بتاعت الشعر وهو هيطول