تجهيزات احلي عرايس مصر ( الجزء الخامس)

مارو انا طول عمري بالبس شورت و برضة مفييييييييييييييش فايدة برضة اسود يعني اسود ثانيا انا استعملت كل الوصفات اللى على العناية بالبشرة و برضة مفيش فايدة ده غير انى سألت على مرهم البيتادين قالولى انه مجرد مطهر زي اي مطهر ومالوش علاقة بالتبيض اساسا رغم انى والله معتنية جدا بالنضافة والاغتسال والتنشيف اعمل ايه تاني انا معقدة:sad: طيب تفتكري الحمام المغربي يجيب فايدة انا مجربتوش بس ممكن اجربه وانزل اشتري حاجاته لو ممكن بس نبذة سريعة عن طريقة عملة اكون شاكرة جداااااااااااااااااا و اسفة على الازعاج:salam:

نانى فيبس سورى انا اسفة بجد نسيت ارحب بيكى فى المنتدى بتاعنا , انا اسفة بجد لانى بقالى كام يوم غايبة عن المنتدى و مااخدتش بالى ان فى عرايس زى القمر نورت المنتدى بتاعنا .
لو كنتى محتاجة اى حاجة انا وكل بنات المنتدى فى خدمتك .
كات حبيبتى انتى فين وفين مشاركاتك الجميله

حبيبتى walaa مفيش ازعاج ولا حاجة , الحمام المغربي اكيد مفيد لانى جربته وبجد حسيت بفرق انا دلوقت بايت بستخدمه بدل الشاور جل وفعلا عمل فرق , هو بيكون زى الكريم ومش بيرغى اوى , بتحطيه على جسمك و تقعدى خمس دقايق وبعد كده تتليفى بالليفة المغربى وتركزى على المناطق الغامقة و تشطفى جسمك بعد كده ولما تخرجى من الحمام ادهنى اى بدى لوشن و صدقينى النتيجة تحفة

[QUOTE=احبكم في الله9]انا ابتديت في حمامات البخار والزيوت مثل دهن العود وكمان المسكات ابيضيت باركولي[/QU

سلام عليكم ورحمة الله وبركاتة
ممكن اعرف عملتى ملتى اية يعنى حمامات البخار والدهن والماسكات وجزاك الله خيرا

ايه يابنات محدش عبرني انا قلت لكم عملت الحمام وابيضيت ولا حد بارك ولا حاجة مكنش العشم ع العموم في غير دهن العود زيت العنبر وده ريحته تحفة وع فكرة اغلي 3 اضعاف تقريبا وع فكرة انا جايبة زيوت بريحة كتير ده غير جايبة بودرة صندل ومسك ومية نعناع وورد ولافندر مروقة نفسي وكل يوم بعمله ع فكرة خطيبي قالي ان حمام البخار بيقلل الوزن وانا كمان بعمله بحس ان الدم بيجري وبيترج في عروقي وكمان بقعد في البنيو مرة احط ملح وبابونج وليمون ومرة خل تفاح ومرة ماء ورد بنوع حتي المسكات بنوع في انواعها وكمان زيت اللوز تحفةةةة انا بردو عملت بيه مرتين وكمان لتفتيح الهالات السودا استخدمت ليمون مع اللبن ونقعت فيهم خيار ووزعتهم ع وشي كله والخيار تحت عيني ابتدي الحتة دي تفتح وادعولي اني مش أبوش لحد ماينزل لحسن ماما بتقولي يابت حتبوشي من الحمي

e_walaa:
السلام عليكم يا احلى بنات مصر انا عضوه جديده كنت مكتفية اني اتفرج بس خلااااااااااااص اخيرا اتجرأت و قررت اشارك معاكم ممكن لو فى غلاسة حد يقولى اشترى الصينى منين والاسعار كام انا من القاهرة ولو رديتوا عليا تكونوا مشكورين ولو مرضتوش :sad: يمكن ابطل اشارك تاني بس عموما انا عندي ميت سؤال فى ميت موضوع و فعلا محتاجة اراء بنات مصريات لذاذ زيكوا ششكراااااااااااااااااااااا:salam:

وعليكم السلام
اهلا باحلى عروسه:shy: منوره

بصى انا لسه مشتريتش الصينى

بس شفت واحد فى استقبال اللى فى سيتى ستارز حلو وكان ب2000

بس هنزل الاول حمام التلات علشان اشوف قبل ما اشترى

شكرا مارو حبيبتي ومفيش داعي للاسف يا قمر اكنك رحبتي واكتر . انا سؤالي نفس سؤال بيتكرر من اشخاص كتير وهي طريقة الحمام المغربي وياترى نقدر نعمله في البيت لو اشترينا الادوات ولا هيكون صعب؟

الف مبررررررررررررررررررررروك احبكم في الله 9 ... بس احنا عايزين نعرف عملتي ايه ياقمر ولو سمحتي هنتقل عليكي شوية عشان عايزين نعرف بالتفصيل الخطوات . ويارب تبيضي وتحلوي كمان وكمان يا سكر

ناني فيبس:
شكرا اختى احبكم في الله 9 على تعاونك بجد دة كان موضوع محيرني لان العاطارين كتير بس طبعا الحاجات عنهم مش حلوة . انا بقى كنت سمعت عن طريقة لازاله النمش من الوجه وانا جربتها وفعلا جابت نتايج حلوة اوي الطريقة عبارة عن :
اقراص خميرة من الصيدلية العبوة رخيصة ب 6 جنيه وماء مقطر .ندوب قرصين خميرة في معلقة كبيرة من الماء المقطر ونضعها على الوجه بفرشه او بالايد لحد ما تجف بس وبعدين نغسلها بماء فاتر وبعدين ماء بارد بس بجد جميله جربوها

اهلا وسهلا

شكرا على النصيحه الحلوه:clap:

انا هجربه وان شاء اقولكم على النتائج

شكرا ياجميل:shy:

احبكم فى الله ياريت نعرف ايه الحاجات اللى اشتريتيها ومنين وانتى بتعملى ايه بالضبط , وايه اكتر حاجة جابت معاكى نتيجة , انشاءالله مش حتبوشى وحتباى احلى عروسة

احبكم فى الله ياريت نعرف ايه الحاجات اللى اشتريتيها ومنين وانتى بتعملى ايه بالضبط , وايه اكتر حاجة جابت معاكى نتيجة , انشاءالله مش حتبوشى وحتباى احلى عروسة:salam:

dalida_palace:
بنااااااااات سؤال اليوم

مين جربت ماركة لاسو (lasso) فى اللانجيريهات؟؟؟

السؤال التانى

كل واحدة تقول إية ماركة السشوار اللى هتجيبه إن شاء الله

داليدا ممكن اقول

علشان نرد شويه من خدماتك الكتير

لاسو حلو جدا طبعا هى فيها حاجات حلوه

انا لسه من اسبوع كنت جايبه منهم اطقم اندر وار بس حلو جدا وشيك:clap:

monayaaam:
[QUOTE=احبكم في الله9]انا ابتديت في حمامات البخار والزيوت مثل دهن العود وكمان المسكات ابيضيت باركولي[/QU

سلام عليكم ورحمة الله وبركاتة
ممكن اعرف عملتى ملتى اية يعنى حمامات البخار والدهن والماسكات وجزاك الله خيرا

اهلا ياجميل

انتى مختفيه فين(f)

أيوة كدة يا بنوتات عايزين نشاط فى الموضوع
شوفى يا مارو أنا بصراحة عجبتنى لاسو أوى لأن الخامات نضيفة أوى وأسعارها حلوة وصح زى ما قلتى الموديلات أنا شفت الكتالوج بتاعها فى كذا حاجة لطيفة بس ماركة أوليفيا دى مشفتهاش يا ريت تقوليلى محلات بتبيعها وأنا خمسة كدة وهاجى أون لاين عشان بدونلود حاجة مبطأة الدنيا عندى .
طيب قوليلى بالنسبة للسشوار يعنى كويس بيفرد أنا الحمد لله شعرى ناعم بس عودته أنه زم يتلف وأنا نايمة وطبعاص مش ممكن أنام كدة ادام الكابتن وإلا هتبقى فضيحة فيا ترى السشوار دة حلو يعنى بعد الغسيل والشعر مبلول هيفردة ولا إية النظام اه وسمعت حاجة صحيح عن سشوارات براون أنها لما بتسخن بتفصل يا ترى الكلام دة صح ولا إيه

بصراحة ياداليدا انا اللى سمعته ان سشوارات براون احسن حاجة وبالنسبة للسشوار اللى جبته انا جربته وطلع كويس معايه و بيفرد الشعر , بس برده اسالى تانى عن موضوع انه بيفصل

e-walaa
شوفى يا توتة تفتيح المناطق الغامقة أول حاجة فى وصفة عباره عن 1/2 فنجان ليمون
1/2 فنجان زيت لوز
1/2 زيت خروع
1/2 فنجان زيت زيتون
أن مش متأكدة من المكايل لأنها فى البيت لما اروح هتأكدلك دى أنا شفت كذا حد اتكلم عنها أنك تدهنى بيها الأماكن الغامقة بس انا لسه هبتديها إن شاء الله
تانى حاجة استعمال غسول نسائى feminin wash بجد بيفرق جداً جداً عندك فى من افون وفى من اوريفليم
ثالت حاجة التنشيف التنشيف التنشيف
كمان الحمام المغربى زى ما مارو قالتلك
وكمان حمام العروسة بردة من حراز

يا احلى بنات مصريات انا الحمد لله عقدت العزم اني انزل اروح حراز و ابطل كسل و اهتم بنفسي شوية خصوصا ان فرحي ممكن يتحدد فجأة و ملحقش اعمل اي حاجة المهم بئة اني قصداكوا فى خدمة ويا رررررررررررررررررريت مش تكسفونى كل واحدة اشترت من عنده اىىىىىىى حاجة للشعر للبشرة للجسم و فاديتها تقول عليها فورااااااااااا والا .................. :shy: المهم كمان تقولوا بتعملوا بيها ايه ويا ريت بكام معلش الميزانية زي ما انتوا عارفين :confused: يا رب تردوا انا متعشمة فيكوا :clap:

نانى فيبس
ميرسى يا جميله كلك ذوق
أحبكم فى الله
مبروك البياض بس يلا ادينا وصفاتك السحرية
cat 2006
خلاص يا قطقوطة إحنا هنسيب موضوع حمام التلاتا ده عليكى تشوفى وتدينا رأيك
مارو
أنا كمان سمعت أن البراون أحسن سشوارات وكنت ناوية عليه بس لما قالولى كدة خفت عموماً هتأكد إن شاء الله وبصراحة أنه بالفراشة على طول دة اسهل ويبقى فى الإنجاز

e-walaa
أول حاجة عايزة أقولك أن فى حراز فتح فى رويال هاوس اللى قدام الميريلاند بصراحة كات هى اللى دلتنا عليه وبجد كل ما اروح هناك ادعيلها لأنه وفر المشوار خالص بس هو عنده نسبة كبيرة من الحاجان بس أكيد مش كلها بس كل اللى اتكلمنا عليه عنده
هبتدى أنا اقولك جبت ايه من هناك
الحمام المغربى بس هاتى اللبفة من اللى فى سيتى ستارز اللى مارو قالت عليه قدام استقبال أو من العزبى الليفة 35 جنية
الصابون المغربى أفضل تجبيه من حراز العلبه ب 22 متهيألى مش أكيد
حمام العروسة لتبييض الجسم العلبة 15 جنية
زيت لوز حلو عشان الهالات السودا علبه صغيرة ب 5 جنية
ماء ورد لأن فعلاً مياة الورد بتاعته غيى أى حد 2.5 جنية
وأخيراً الراااااائع حمام النخاع اللى هنام برضة بـ 15 جنية بجد تحفة للشعر شئ خراافى ومن أول غسلة

ميرسي داليدا على ردك يا قمر على فكرة انا اسمي ولاء يعني ممكن تقوليلي كده ولاء على طول ملكيش دعوة بأسم الدخول المهم بئة هو غسول افون ده اللى هو لونة اخضر وببخاخ ولا ايه ؟