تجهيزات احلي عرايس مصر ( الجزء الخامس)

بنات فينكم من امبارح ما حد دخل ليه :sad:

مش عارفة يا أمة الله راحو فين ع العموم خير انتي عملتي ايه الكام يوم اللي فاتو دول

انا عملت الحمام المغربي بس من غير ليفة مغربي بالصابون والمسكات بس لكن ان شاء الله شويه وحجيب الليفة وكمان عملت جسمي كله سووويت وبعمل كمدات سعد ونقع ترمس علشان الشعر مش يطلع

انا بتفرج علي العفش هنا باخد فكره يعني وحروح دمياط وبعدين اقرر

معلش يا بنات انا اتلخبط وانا بكتبلكم علشان كنت نازله وكتبت بسرعه



انا اجرت الفستان بس الكوافير لسه مش لاقيه حد على اد ميزانيتى محدش يقدر يساعدنى



فلور انتى قولتى هتكتبى عناوين كوافيرات كويسيين هما فين واهم حاجه تقوليلى اسعارهم علشان مروحش اسال وتصدم عندهم وانا القاعه بتاعتى فى مدينه نصر وانا ساكنه فى مدينه السلام



ومش ناويه ادفع فى الكوافير اكتر من 500 بس

ححاول ان شاء الله اجيب عناوين الكوافيرات النهارده او بكره انا كلمت صحابى ومنهم ادونى عناوين بس وصف وانا بصراحه مش بعرف اوصف ممكن اوصف اغلط فقلتلهم يحاولو يدورو على الكارت بتاع الكوافير ويجيبو العناوين بالظبط عشان مش اتلخبط وان شاء الله هجيبهالكم:shy: وان شاء الله اجيبلكو الاسعار كمان

مارو_82:
بنات المنتدى صباح الخير عليكم كلكم يا احلى عرايس , معلش امبارح كانت الكهرباء مقطوعة عندنا فى الشغل عشان كده ماكنتش معاكم , (f) (f) وحشتونى موووووووووووت كات 2006 , داليدا , احبكم فى الله , امت الله , سبايكى , دودى يارب اكون مانسيتش حد فينكم يااحلى بنات فين المشاركات:clap: :clap:

ازيك يا مارو عاملة ايه


انتى كمان واحشانى ووحشنى كل البنات


امة الله


كات

فيت دودى

احبكم فى الله

داليدا

ليكا

مونا يام

فلاور

ياريت منستش حد


يارب تكونوابخير

وحشتونى يا بنات بدون ذكر اسامى عشان منساش حد بس بخص امه الله حببتى لسؤالك عنى

انا الحمد لله بخير بس مكنش في جديد لحد النهارده اتحدد سفرى الحمد لله على 15\7 انشاء الله هشترى شويه نواقص من السعوديه واجيب ماما و اجى عشان اشترى الموبيليا طبعا من دمياط بس يا ريت تفكرونى ايه موجود هناك ومش هنا غير المسك و معطر الفراش و برفان وشويه نواقص في الميك اب في ايه موجود هناك مش هنا و مهم يا ريت تفكرونى

فلور انا عايزه اسماء الكوافيرات ضرورى اصل انا انشاء الله هنزل يوم السبت اشوفهم لان ده يوم اجازتى الوحيد من الكليه




حتى لو مش عارفه العنوان بالظبط قولى كده الوصف وهسال ماما






ايه اخباركم يا بنات عاملين ايه



انا يا بنات تعبت من كتر النزول والمجى ونفسى ااجل جوازى شويه علشان استريح بس طبعا مينفعش




يلا ربنا معانا كلنا

بقولكم ايه يا بنات محدش يعرف كوافير يكون قريب من الرقابه الادرايه فى مدينه نصر ويكون مش اكتر من 500 جنيه

اصل انا قبل كده عرفت ان فى كوافير جنب الرقابه الادرايه فى مدينه نصر وبيخد حوالى 500 جنيه فى العروسه بس ولا اعرف اسمه ولا عنوانه محدش يعرفه



ومتعرفوش مجدى وسيد بيخد فى العروسه كام دلوقتى اصل انا سمعت انه بيخد 700 صح ولا


وانتم يا عرايس يلا هتدخلو فى شهر 8 حجزتم فين



يا ريت يا جماعه رتم الموضوع يمشى بسرعه شويه اصل مفيش وقت

انا كلمت صحبتى والله اللى كانت راحة كوافير فى مدينة نصر قالتلى اسمه سنتر روتاج بتقولى ناحية ميدان الساعه عند ثرى ام وفيه بنت اسمها سماح بتلف طرح كويس جدااا وقبل الفرح راحتلها تجرب عليها الطرحه اللى تليق مع وشها وميكب تحفه هى اللى كانت عامله لصحبتى بس هى دلواتى مشيت منه وراحت واحت تانى بتقولى افخم كتير و وهى ممكن تجى البيت عادى هى ادتنى نمرة الموبايل بتاعتها يعنى ممكن اللى عاوزها يكلمها ويسال على التفاصيل منها يعنى فى الكوافير اللى راحته بكام والبيت بكام ونمرتها ممنوع وضع ارقام الهواتف انا بتكلم عن سماح دى عشان هى اللى جربتها وبتقولى فى بنات هناك كانو بردو بيعملو ميكب لعرايس حلوين بردو بس دى اللى جربتها فى كله فياريت اللى يتصل بيها او يروح سنتر روتاج ده يقول على التفاصيل والسعر وكده عشان كله يستفيد وان شاء الله لو قدرت اجيب ليكو عناوين لكوافيرات تانى هو فى بس انا مش بعرف اوصف خالص لو عرفت اجيب ان شاء الله هحطاهلكو:shy:

vetdody أزيك وربنا يقويكي جوريرة كانت قالت لي ع كوافيرة اسمها ايمي الكاشف في الشلرع اللي جنب سنتر هارون وبتاخد في حوالي 400ج وع فكرة لو رحتي هناك وسألتي حيقولو لك ع الكوافير لأنه معروف

وحشتونى يا بنات بدون ذكر اسامى عشان منساش حد بس بخص امه الله حببتى لسؤالك عنى

انا الحمد لله بخير بس مكنش في جديد لحد النهارده اتحدد سفرى الحمد لله على 15\7 انشاء الله هشترى شويه نواقص من السعوديه واجيب ماما و اجى عشان اشترى الموبيليا طبعا من دمياط بس يا ريت تفكرونى ايه موجود هناك ومش هنا غير المسك و معطر الفراش و برفان وشويه نواقص في الميك اب في ايه موجود هناك مش هنا و مهم يا ريت تفكرونى

السفر اتحدد يوم الابعاء باذن الله يلا فكرونى عشان انا مخى عطلان و مش فاكره حاجه

صباح الخير على كل البنات
فوليت .....واحبكم فى الله....... ايمى الكاشف ممتازه انا عملت عنده فى الخطوبه وكمان 2 من اصحابى هى دلوقتى بقيت ب400 او 350

اللى يعرف السراى مول اللى فى حدائق القبه هى محل تشانس فتح هناك عامل تخفيض من 10 الى 15 اللى ناقصه حاجه ياريت يقدر يروح هو فى شارع ولى العهد

صباح الخير لكل البنات عاملين ايه



عايزه اسالكم هى ايمى الكاشف بتاخد 400 جنيه على ايه بالضبط يعنى مكياج وشعر ولا مكياج بس وايه عنوانها بالظبط يا ريت تقوليلى يا كات علشان انتى جربتيها


الف شكر يا فلور بس انا مش هلبس الحجاب فى الفرح متعرفيش تجبيلى نمره الكوافير اللى فى مدينه نصر علشان اتسال بيهم واسالهم


معلش بتعبكم معايا

vetdody:
صباح الخير لكل البنات عاملين ايه



عايزه اسالكم هى ايمى الكاشف بتاخد 400 جنيه على ايه بالضبط يعنى مكياج وشعر ولا مكياج بس وايه عنوانها بالظبط يا ريت تقوليلى يا كات علشان انتى جربتيها


الف شكر يا فلور بس انا مش هلبس الحجاب فى الفرح متعرفيش تجبيلى نمره الكوافير اللى فى مدينه نصر علشان اتسال بيهم واسالهم


معلش بتعبكم معايا

ان بعت ليكى رقم ايمى الكاشف

اتصلى بها واعرفى التفاصيل واسالى على اللى انتى عايزه

ان شا ءالله تعجبك:clap:

:confused: انا يا بنات محتاسه عايزه انظم نفسي ووقتي بجد محتاسه خالص مش عارفه اعمل ايه يعني بنزل ادور علي العفش قررت حجره النوم خلاص والسفره باركولي حجيبهم من اسكندريه لاكن موديلات الصالون هنا والانتريه مش عاجبني حروح دمياط عجبني هنا صالون واحد بس سعره حرام بالنسبه لصالون 15 الف بس مشكلتي هي الاتي ان انا حجره النوم عجبتني جدا وهي زي ما انا كنت عايزه هي بجرار بس رقيقه جدا ومختلفه عن باقي حجرات النوم اللي بجرار خالص يعني معظم اللي بجرار شبه بعض الا دي المهم بابا ششاف حجره تانيه بجرار هو وماما اغلي من اللي انا نقتها فبابا قال اكيد دي امتن بس موديلها شبه دواليب المطبخ ساده خالص مفهوش اي حاجه خالص نظام الستيل الانجليزي وسريرها مفهوش ولا حاجه المهم انا قلت لماما المهم اكون مرتاحه في حجره النوم ماما قالتلي المهم المتانه مش الراحه بنات اللي انا نقتها النجار اللي كان معانا قال انها متينه وخشبها ارو وزان ومعروف ان الارو والزان كويسين جدا واللي هم نقوها زان بس كمان زوجي شاف الحجره اللي انا نقتها وعجبته جدا والتانيه مش عجباه يعني يرضيكم يكون جي تعبان من الشغل وانا طول اليوم بعمل شغل البيت والوقت اللي حرتاح فيها ملاقيش راحه نفسيه لاني :angry: كرهه الحجره اللي حنام فيها يعني ايه رايكم معايا كمان الانتريه منقين انتريه شبه انتريهات المكاتب كراسي خشب ليها شلتتين ويقولولي انتي نقيتين حجرتين احنا ننقي الاتنين التنين هو مين حعيش علي العفش ده مش انا المفروض اكون مرتاحه وبابا من نزلتين بس معانا بيقول انتي زهقتيني امال انا وماما نعمل ايه بقالنا شهرين بننزل ونلف علي الحاجه :sad: كمان هو في عروسه بتنزل تجيب حاجتها من اول مره دي حاجه العمر كله انا تعبت والله ادعولي لما اروح دمياط الاقي حاجه زي الصالون اللي عجبني ده بنات انا غلطانه تفتكرم مش من حقي اجيب حاجه عجباني:sad: :confused:

طبعا من حقك تجيبي اللي يعجبك وان شاء الله تلاقي في دمياااط

امه الله انا شايفه ان ابسط حقوقك ان شقتك تبقى زى منى عايزه بس حولى تقنعيهم ببساطه و بهدوء مع دمعتين يمكن يتاثرواو يقتنعوا وواضح ان غرفه النوم الى اختروها مفيهاش اى موديل و دى اهم اوضه لازم تكونوا انتى و جوزك الى مخترنها مش حد تانى و الحكايه مش حكايه مين الى بينقى انتى وجوزك الاهم دا غير انهم اكيد بينقوا على موديلات زمان انما الدنيا اتغيرت والموديلات انما اهلينا بحس انهم وقفوا مع عصرهم ولم يتقدموا المهم المتانه مش الشكل و جيلنا عايز الاتنين مع بعض ربنا يوفقك و يحنن قلبهم عليكى و يسبوكى تنقى برحتك انا بابا ريح نفسه و هيجى بعد شراء العفش انشاء الله و انا شايفه ان دا احسن لان الرجاله مش بتحب اللف ربنا معاكى

في محل في دمياط اسمه ابو سنه اسئلى عليه اخت خطيبى بتقول انه كبير جدا ومتخصص انتريهات و صلونات انشاء الله تلاقى عنده حجات تعجبك