تجمع لبنـــــــات الكويـــــــت ((حياكم الله))

هلا و غلا بلوولوه انتي شخبارج ؟؟

وين غاطه عنا هالجم يوم؟؟

الرياييل اذا حب انه يقبل الدلع تقبله واذا ما يبي والله لو تسويله اللي تسوين

عباله اتنحيلق نبي شي اتسوين واتعجلين وتشرين وتخب الوحده روحه اذا وده ضحك

واذا مو على باله كل شي راح هبائن

مره مسكينه وحده .......يايه من الصبح تدعي عليه تتحلطم

المسكينه تسمع البنات اللي تقول انا شريت ولنل سويت ليله حمره وليله صفره

جان تقوم المسكينه بعد ما اغسلت من الدوره يكرم قدركم

راحت الصالون وتسنعت وكانت شاريه قميص يديد وكفر يديد

وشرت العشا واليهال لعبتهم لين داخو وخمدو

ودزله مسج تقوله مشتاقتلك يا حبيبي تعال ابيك بسالفه

الحلو طبعا يه ولا ريحته زقاير من الديوانيه جان تقوله غن اسبحك

اهي قالتله ما شافت عينكم الا النور

جان يقول لها انا ياهل وشنو امسويه بروحج وليش ريحت الدار اكل

وجان يقلب الدنيا قلاب لا ............... وراح رحع للدوانيه لان كان يوم جمعه

تدرون شسوت


ماني قايله انتو قولو وبعدين انا اقولكم بس زين ما سوت فيه.......

رش رش

وش سوووووووت فيييييييييييه رشه علميناااا


هيييييييييل ريحي عمرج ماعليج منه العيال لج مو له انتبهي على نفسك حبيبتي وتبطحي وتسدحيييييي

تشاااااااااو بنااااااام بس هاااااااه رشه علمينا شسوت!!!!!!!!!!!!!!!!!!!!!!!!!!!!

هلا ام فروووحه

اى والله انا قاطعه سشوي شوي انشغلنا والله عرس اختي بعد اسبوعين ان شالله والوظيفه وان شالله انا تزوج قولوا امين انا وخاص بيوم واحد يارب


هيل وزعفران ياحياتي فديتج الله يبارك فيج وان شالله اميييييييييييييين يارب والله يوفقج يارب ويهديلج ريلج يارب ويسخره لج قولي امييييييييييين

ام فرووحه هههههههههههههههههههه (( انا وخاص )) عادي يجي ونوريه نجوم القايله بعز الظهر بس هديه علينا ومالج شغل 0


خاص

الله يبارك فيج قلبي هههههههههههههههههههههه ضحكيتيني والله هههههههههههه

الشراكه هاه خايفه عليه مووووووووووووووووو

فديتج يالغاليه

ليدي عسل ان شالله يارب حبيبتي تسلمينلي والله



رشة مطر وااااااااااااااااااااااااااي قهر والله شنو سوت ؟؟؟

سلام بنات شلونكم وشخباركم

خاص خلاص اتفقنا مرت اخوي بس عاد اي واحد تبين من الثلاثه تبين الأشقر ولا الحنطاوي ولا الابيض :)

هيل وزعفران حبيبتي ولا يهمج عادي كل الرياييل جذي تصدقين أنا أول حمال كان ريلي جذي وكنت تعبانه حيل ومالي خلق عمري بس هديت البيت ورحت قعدت عند أهلي لي الشهر السابع وحاول معاي أرد حقرته بس في الحمال الثاني دلعني يقول ما توقعت انج تعبانه صج عبالي اتدلعين بس يوم شفتج وقت الولاده كسرتي خاطري والحمدالله فرق كبير بين معاملته في اول حمال والحين عشان جذي اقولج صبري يمكن ريلج عباله اتدلعين عليه

رشت مطر ههههههههههه والله ضحكتيني عادي هذي الرياييل كل شي توقعي منهم

أم فروحه شصار على صور قرقيعان ما طرشتيلي بخلص قبل رمضان

الكاسكو مبروك وعقبال ما أشوفج تركضين ورى اليهال بالروضه :)

سراب 2000 حياج الله معانا

واي رشة مطر انا هذا اللي يقهرني..

ان تضغطين على نفسج و تتسنعين و تتعدلين ولا حتى كلمة هذا حلو ولا ذاك زين..

الله يعينها هذي..بعد شيسوون الحريم ابهالحالة..بالغرفه و صياح..ولا اذا جدامها شي كسرته هههههه هذا حالنا شنسوي بعد؟!


مثل هالبنات اللي بركن الافكار و الخبرات الله يهنيهم اللي تقولج هذي لعبة العبها مع زوجي..لعبة الحب و لعبة الرومانسية..

مره وريته قتله اشرايك انجرب؟؟



شنو تتوقعون رد..؟؟




















اشهالخرابيط.....!!!!!!!




:(


طبعا الرد كان حده احباط و انا كنت حدي متحمسه بجرب..


هههههه عادي..تعودنا!!




ويييييه لا أاثر عليكم..ترى الريايل مو كلهم نفس الطبع..اكو حريم بعد ما يحبون هالسوالف..


خاص و الكاسكو..احسن شي وقت الخطبه اطلعون كل الاسئلة اللي براسكم حق زوج المستقبل عشان ماتنصدمون بعدين..

و يارب عقبال ما تعزمونا بعرسكم :)




هلا و غلا بورده..

من اللخبطه عبالي دزيتلج الرساله..ماعليه الحين ادزلج اياها عالخاص :)

وااااااي في اشقر وحنطاوي وابيض....يا خوفي يطلع اسيود معصقل وشعره مفلفل :)

لا لا ....الله يهديج عيب تخليني اختار...واي فشله...لازم امثل اني مستحيه :shy:

ههههههههههه الله يبارك لكم فيهم ويرزقهم بالحريم الصالحات>>>>>>>>>>>>> يعني انا وكاسكو احم احم .

ام فروووحه...اخاف اسوي هالحركه وينحاش ...لا يبه ...محنا متحجين اهوا بس خل يشرف وبعدين نتفق على التفاصيل ......وابشري بنعزمج عالعرس.....بس لا تنسين تدعين لنا ....:)

الله يرزقكم بالرياييل اللي يسعدونكم و يهنونكم يا رب..

هههههههههه خاص ضحكتيني..

اي خلاص هذي المره السنعه اللي ماتحب أذية ريلها..


>> يعني أمدحج جدام الورده المكنونة عشان اييون بسرعه يخطبونج..


هههه


هاااااااااا مستعدييييييييييييين حق باجر الدوامات؟؟؟


شكلكم من الحين كل وحده بفراشها :(

يله قوموا تو الناس الساعه بعدها 11..

وااااااي
ودي ابجي
مو قادره انام
باجر الدوام ماني مصدقه

هههههههههه اي والله لبى قلب وليدي..

انا بعد مو مستوعبه لم الحين!!

متى تيي العطله اليايه بسرعه ان شاء الله ههههههه


الساعة جم بتقومين باجر؟؟

عسى دوامج قريب من بيتكم؟؟

هاي بنات ديرتي شلونكم
انا متضايقه حيل وماعندي أحد أسولف معاه غيركم ودي أفضفض
وقلت ماكو الا انتو انا لاني مو بديرتي حاطه حرتي بالنت
وهم صاكه فيني الدنيا من كل شي
وأولهم ريلي
كان بودي أحط مشكلتي بالركن الثاني بس قلت انتو بنات ديرتي وراح تفهموني أكثر
اذا قريتوا انا كتبت لكم لما بغيت أعرفكم بنفسي اني بالثامن والحين بأمريكا
بس انا مابي أحطلكم مشكلتي الحين لين أسألكم سؤال
اذا بعيد ميلادكم ماقالكم كل عام وانتي بخير أو حتى ياب ورده
تسوون نفسه ولا تقولون كل عام وانت بخير؟؟؟؟؟؟

هلا حبيبتي غادة اليم..

أول شي ان شاء الله ترجعين بالسلامه..

انتي اشكثر بتقعدين برا؟؟



المهم اذا هذا اللي امضيق خلقج عن ان ما قالج كل عام و انتي بخير بعيد ميلادج ردي علي؟؟

ناطرتج

من ناحية مطولين اي يعني هذه مو أول سنه
بس اللي مضيق خلقي ان مثل المراهق يوم عيد ميلاده يكتب بالنت حق رفيجاته اليوم عيد ميلادي
ويبي يسمع منهم
بس انا مايتقبل مني شي
والحين ماقالي كل عام وانتي بخير مغلقه وصاكه فيني الدنيا يعني يذكر الكل الا انا

غادة اليم لا تزعلين ولا تتضايقين عااااااادي اصلا من كثر ما يسووون فينا الريياااييل

وخاصه الكوييتيين صرنا احنا الريياااااييل

انتي لي صار ميلاده حطيه وعاتبيه بورقه قصدي رساله او شعر

اي شي يطلع براسج لا تهتمين اوفي عند الدريشه وشمي هالهوا البارد

وعليج بألف عافيه :) وضحكي وابتسمي ترى كل ما يشوفج مبتسمه يحتر

كلهم جذيه

والله بنات من القهر صرت أمشي وأتكلم وأقول ريلي مو زين
بس بعدين شفت ربي مايتقبل مني دعائي قلت يمكن لاني أمشي وأتكلم وأقول مو زين
الحين صايره أجذب على الكل وأقول ان ريلي مافي أحسن منه
وحتى أمي وأبوي علشان لا يكرهونه
بس انا مخنوووووووووووووووووقه

عاااد اقولكم شسوت بالحلووووو

قصصت قمصانها كللللللللللللللللللللللللللهم بمقص وكل شي كانت اتحطه حقه من شموع

من مكياج خاص حتي امهات الخيط وانتو رايحححن

والهدايا اللي كااااااااااااااااااااااااااااااااان معطيها اياه

وحطتهم بكرتون ذرب وراحت البريد وقالت لهم بريد داخلي

طبعا اهم يتصلون فيه ويقولوله لك طرد خاص واستانس من وين راح ركضه اكيد يعني

وافتحه بالسياره وانصدم صدمه

عاد اشوه طلع ر.......... وعزمها على عشا ولما خلصو نزلها البيت وقالها الدوانيه وبرجع

وسلامتكم.

غاده لا تنخنقين ولا شي صدقيني ترى الجيل هذا من الدلع الزايد كل شي يتجاهلونه

ولا تتضايقين ولا تنخنقين بالعكس كسري عينه وعزميه باجر وقدميله انتي ورده بيضه

واذا قالج ليش هالورده عاد انتي زهبي رساله لا تتكلمين

كتبي فيها امس عيد ميلادي وانت ما فرحتني حتى بكلمه وهديتك الورده

البيضه عشان ابينلك اني مو شايله عليك شررايج بالهفكره؟

فكرتج حلوة بس انا مو بديرتي تخيلي حتى مصروف مايحط بيدي
والله انا مو النوع أتشرط واشترلي وسولي
ودايما متجاهلني والله شقولكم غير مصايبه اللي اكتشفها ولا يوم اعتذر الحين خوفوني يقولون
لازم يجامعج علشان تتسهل ولادتج انزين اجبره؟؟؟؟؟؟؟؟؟
اذا اهو مايبيني
اهو يحب دايما يسوي هالشي بروحه
يعني من بداية زواجنا مو من حملت واهويمارس العاده السريه وانا منطمه وساكته
شسوي ياربي تعبت من هالدنيا

غاده..الله يصبرج و يعينج..

انا سألتج اذا ضايق خلقج بالنسبة حق موضوع العيد ميلاد..ان يعني ماقالج كل عام و انتي بخير..

اتوقع وايد ريايل ما يعترفون ابهالشي..

مثلا بالنسبه حق زوجي هالشي حرام و مايجوز..فماعندنا اي مناسبة نحتفل فيها ..

و لم تأكدت فعلا طلع مايجوز..حتى قبل كنت اعترف بعيد الأم..و لم سمعت مره بالرادو من شيخ..ان هالعيد طبعا ياينا من الاجانب و سبب احتفالهم بالعيد..ان اهم لم يكبرون يقطون اهلهم بدار العجزة او ان يفترقون عنهم ولا يسألون فيهم..فسووا هاليوم مثل تكفير للذنب اللي سووه بآبائهم..

من بعدها قمت ما اعترف بعيد الام..

فماقمت ازعل منه اذا مايابلي طاري او حتى كلمة كل عام و انتي بخير..

صار هاليوم عادي مثل باجي الايام..

و انا بعد طبعا ما اسويله شي بعيد ميلاده دام انه مايجوز..

و طبعا من الحين يقولي ديري بالج اتعلمين عيالنا اعياد عيد ميلاد و هالخرابيط..مع ان يهال العايله لااازم يسسوون حق عيالهم كل سنة..


المهم بالنسبة لمساوئة..تأكدي ان بعد البيبي وايد راح يتغير..

لأن بيصير بحياتكم شي يديد..و بيصير ابو..

بس انا قريت ان يكتب حق رفيجاته بالنت..انتي متأكده من هالشي..يعني جدامج اشكره يقولج ولا انتي عارفه هالشي من وراه؟؟؟

لان هذا شي المفروض ماتقعدين ساكته لم الحين لازم تتناقشون فيه..و ينتهي الموضوع..

يعني قوليله ترضى انا اكلم شباب على النت؟؟

اكيد بيقولج لا..

فخلاص اللي ماترضاه على مرتك ماترضاه عليك..

و هم بخصوص العادة السرية..اشدراج؟؟

أم فروحه أنا متأكده من رفيجاته والعاده السريه مثل ما متأكده من اسمي
والله العظيم اني شفتله محادثات من وراه ان كان يبي ينام مع وحده متزوجه
ولما ردينه زياره حق الكويت تعمد يخليني في بيت أهلي واهو في بيت أهله
ولا أجر شقه
تخيلي والعاده السريه ماسواها جدامي لا انا اكتشفت يعني احنا حريم ونشيل ونحط بالملابس
وغير جذي من حملت حاسة الشم صايره عندي قوووووووويه
لدرجه ادش الغرفه أشم والله
ولما قعدت معاه علشان نتفاهم والله العظيم بدون صراخ قام يصرخ علي
وجنه انا الغلطانه