تجمع لبنـــــــات الكويـــــــت ((حياكم الله))

هلا ماكس..

انا توني داخلة السادس..

انزين انا عندي دكتورتي و اراجع عندها بالعاياده الخاصه..

اروح اراجع عندهم شسوي بالله!!

و شكو يعطوني سعر اغلى :(

اذا عندج فكرة عن اسعارهم ياليت تقوليلي..

ناطرتج

هلا و غلا باخاص :)

شفتي هذا كله هم اهون..اذكرج باجر ان شاء الله


المهم منزمان بقولج جان زين ادزيلي هذا المنتدى اللي تقولين عنه عالخاص..فضيت البريد اول ما قلتيلي انه مليان :)

عاد ان شاء الله مو المنتدى اللي في بالي..اكو واحد حق كويتيات بس بايخ..

يله ناطره رسالتج :)

اي بغيت اسالج شلون هذا النادي اللي تقولين عنه نظيف؟؟

انا اكثر شي يلوع جبدي فالنوادي حمام السباحه مالهم اذا صار وصخ..و تلقين شعر يطفح و طحالب تسبح لووووول

السلام عليكم ورحمة الله وبركاته

شخباركم عرايسنا الحلواااات
بغيت أعرفكم على نفسي هههههههههه
صح إني دخلة عليكم بالعرض وصار لي فتره وأنا اشارك معاكم
بس ما كنت عارفه أشلون أعرفكم على نفسي يعني شنو الاسئله إلي لازم أقولها لكم
عاد الحين عرفت(w) من الفشيله حتى الورده قفطت(w)

معاكم العروسه :أم عبدالرحمن ولي عهد عائلة آل عبدالرحمن
الحاله الإجتامعيه: متزوجه وصارلي ثلاث سنوات وثمانية أشهر و28 يوم وليس لدي أطفال
طالبة بكلية التربيه تخصص معلمة مجال
وسلامتكم وسلامتكم وسلامة الحاظرين

هلا فيج ام عبد الرحمن


بنات بدا العد التنازلي للدوامات استانسوا باخر عطله الصيف

شوفوا ها المسج وصلني
خبر عاجل

توفيت الاخت العطله بسبب حادث تصادم مع الاخ العام الدراسي
وسوف يوارى جثمانها الثرى يوم السبت الموافق 2-9 وسيتم استقبال المعزين في ادااره المدرسه



والله يعينكم على فقدها

[grade="00008B FF6347 008000 4B0082"]ام فروحة منو دكتورتج؟؟؟ اسأليها هي دايما توللد بأي مستشفى... اذا عندها المواساة عادي تولد فيه.. توكلي على الله..

اما الاسعار. ما عندي فكرة عنها بالضبط... لكن خواتي يقولون اذا كنت اراجع عند دكاترتهم يكون السعر غير عن اللي تولد عندهم بس.. وهمن غير اذا كان الدكتور من برة المستشفى..

وانا دكتورتي تبي الهادي لان قريب لبيتها.. ومرتاحتله .. ومعاملة السسترات لمريضاتها تكون خاصة..

لكن اذا تقدرين تروحين للمواساة يكون احسن..

امبيه صايرة مو قادرة اجمع افكاري.. مادري فدتج ولا لأ... ؟؟؟

عادي ... اذا ما فهمتي اسألي لا تستحين..........:shy: [/grade]

هلا فيج ام عبدالرحمن.. :)

ربي يرزقج ان شاء الله بالذرية الصالحة و كل من تتمنى الحمل يا رب..

بس اهم شي خلصي دراستج قبل و لاتستعيليين..

لان احس صعبه يكون عندج اطفال و انتي تدرسين..

ربي يعين ان شاء الله :)



لبى قلب وليدي


لووووووووووول حده عجيب المسج..هههههه

اتصدقين احس شوي متحمسه مو وايد..لأني ملييييييت من قعدة البيت!!

على الاقل نغير جو..سوالف و حب هههه

هلا ماكس :shy:


هههههه عادي انا احس من حملت و انا مو قادره اجمع عدل..

انا دكتورتي ناهده العلي..اي اهي تولد بالمواساة و دار الشفا..

محتارة بين الاثنين..

ودي امر عليه باجر ان شاء الله العصر..

بعد خلاص بتبلش الدوامات..

و انا حدي مشوار واحد باليوم..

يا دوام يا طلعه :)



ماكس ماعرفتينا بالتفصيل عن نفسج..

شكله هذا اول حمل لج صح؟؟ باي شهر؟؟

تدرسين تشتغلين؟؟ جم عمرج؟؟

يامرحبابج أختي لبى قلب وليدي

وبصراحه صح الدوامات ملل بس ولا قعدت البيت تره كل ما زاد عن حده ينقلب ضده


ويا ميت هلا وسهلا بأختي أم فرووحه
احس صعبه يكون عندج اطفال و انتي تدرسين.......
لو مو الفراغ إلي عندي ما كنت رجعت للدراسه بعدين خل إيوعن لعيال بعدين يصير خير
وش أسوي أمي تقولي إنتي شكلج راح إسبعين يعني بعد سبع إسنين راح أحمل قلت أدرس واخلص وأيب إعيال وعلى مايكبرون وزوجهم وارجع مرة ثانيه اقعد أبروحي باليبت يكون طلعة لي الوظيفه شوفي إشلون أفكر للمدى البعيد بعد عمر طولي يارب....

عاد لاتنسونا بعد الولاده وتلتهون بعيالكم تره والله راح نشتاق لكم وااااااايد
الله يسهل عليكم ويارب وتقومون بسلامه وتفرحون بشوفت عيالكم وتقر أعيونكم بشوفتهم

[grade="00008B FF6347 008000 4B0082"]ام فرووحة حياتي.. شتبين بدار الشفا...؟؟؟؟ بدون تفكير المواساة احسن..

اذا دكتورتج متعاملة معاهم يكون همن احسن.. اسألي دكتورتج عن السعر مو تسألين المستشفى .. اوكي

هذا اول حمل لي... ((( ادري مبين علي :shy: ))) وعمري 20 سنة (((زغنووونة واعليا :shy: ))) وانا طالبة بكلية التربية جامعة الكويت تخصص رياض اطفال.... والكورس الجاي ما راح اداومه.. ابي ارتاااح واتهنى بولادتي وارضع البيبي على كيفي.. :shy:
اي انا بالشهر السابع على ما اظن.. تاريخ ولادتي 31/10 الله يعينني عالرمضان والعيد.. مادري شنو البس شنو افصل...:think:

لبى قلب وليدي... عطلتي سوولها انعاش.. بتعيش بالسلامة الكورس الجاي كله.. بعدها يمكن يصيرلها حادث وتتوفى.. الله يرحمها مقدما..:shy: [/grade]

هلا ام عبدالرحمن الغالية :)

فال الله ولا فال الوالده..ليش اتسبعين؟؟!!

ترى انا بعد تأخرت بالحمل..و وايد واايد تأخروا..بس اللي تبذل الاسباب سبحان الله ما تطول المده لي درجة الملل..

شنو قاعده تاخذين علاج الحين..عشان ادليج على بعض الأمور ان شاء الله تفيدج :)

هههههههههههه حرام عليكم خليتونا صج نفتقد العطلة .. شلووووووووونكم ولهت عليكم

السبت دواااااااااااااااااامات يا مدرسات .. ام فروحه ديري بالج على نفسج وعالبيبي

ماكس اي والله عنووووووونه :shy:

انا عشرين بعدي ما تزوجت..

احنا قاعدتنا البنت تخلص دراسة و تتزوج..و ودي اتبع هالشي مع بنتي..احس الزواج لاحقين عليه ان شاء الله..

لان اعرف وايد بنات تزوجوا و تخسبقوا بدراستهم و ماكملوا...و عايشين على معاش الريل ..

عاد مره يعطيها و مره لا..عالمزاج..

فاحسن شي الوحده تستانس بمعاشها و ماتقصر على عمرها..ولو ان الزوجين اللي يخططون للمستقبل غصب الزوجه بتقص نص معاشها عشان ايمعون حق بيت..لان معاشه بروحه مايفرلهم ملحق..


المهم شكلج صفيتي ويانا بسلك التدريس..الله يعينج :)

سكوووووووووووووووون


هلا بالغالية ولهنا عليج :)


ودي كل وحده فيكم تصور روحها يوم السبت قبل لا تروح الدوام و تحطها ههههههه

احس كل ويوهنا مكتأبه..


اي والله سكون جنج تدرين لازم اديربالي ان شاء الله..اليهال اللي عندنا بس يركضون..تقولين حابسينهم بالبيت طول العطله..!

و انا امشي باي مكان كله اخاف احد يدعم ابطني..

بنت خالتي يتها ولاده مبكره و السبه ولدها طقها على بطنها !!

الله يستر..









بغيت أسألكم بنات..مجمع الكوت شنو فيه؟؟ اي محلات أقصد؟؟

ودي اروحله بس ناسيه شنو فيه!!!

ما انروح الا حق سينما و نطلع بس!!

ولا مره تسوقت فيه

ههههههههههههههههههههههههههه اله يعينكمممممم ويك ويك

<<<<<<<عاطله باطله لا شغله ولا مشغله

ذكرتوني با اجامعه اف قرررررررف



البندري وينك انتي الضاهر معي بولادتيييييييي

بناااات اي جهزووو للبيبي ؟؟؟؟؟؟ابعرف كم تبانات (بربتوزات ) يعني ابي شنو شريتووو للبيبيهااااااات ؟؟؟؟؟


بصراحه مدري شقضي بس بعررف الاغراض المهمه .......

انا توني كاتيبه شنو شريت للبيبي برابطة ديسمبر..بكتبلج اياهم اهني..بس مو مع العدد..لان العدد انتي اتحددينه..


مشتريات البيبي..


بذكر الاشياء الكبيرة بالبداية..

شريت السرير الحمدلله..

ادري ان بدري عليه..بس رحنا نشوف ولا طلع المحل مسويت تنزيلات حلوه..و بتخلص بعد يومين..قلنا خلاص نشتريه على طول لان السعر الاصلي بيرجع بعد يومين و مابنلحق..و المشكله ان مع التنزيلات هم كان سعره غالي..

ثاني شي السرير الصغير اللي حق الاربعين هم من نفس المحل..

ثالث شي الكبت اللي كله ادراج..

رابع شي البانيو اللي تغسلين البيبي و انتي واقفه..


هذي اهي الاشياء الكبيرة..

اما باجي الشغلات :


-فوط 2 و صغار خذيت وايد يمكن 14 !! دستتين كل دسته فيها حوالي 7 فوط..

- كيس البيبي واحد..بس اشوف الاغلبية شارين 2..عشان اذا توسخ واحد ..فشكلي برجع ادور على واحد ثاني!

-ملابس نيوبرون ماكثرت منهم لان البيبي راح يكبر بسرعه ان شاء الله...

من 0-3 خذيت بجامات و ملابس للطلعه..

اما نيوبورن ماخذيت شي حلو كله للبيت..يعني بعدني ماخريت ملابس اذا بغيت اقدم البيبي للضيوف..يمكن انطر لم ينزلون الشتوي ان شاء الله..


و خذيت رضاعاتماركة افنت 2 ايون طقم.. و خذيت الحلمات افنت بعد نفس الماركه..لاني سمعت من البنات بالمنتدى انها احسن ماركه..و فعلا لقيتها اغلى وحده من بين الماركات..

خذيت شفاط الحليب من نفس الماركه..

و المصاصه بعد نفس الماركه :)

و خذيت معقمة المراض ماركة اسمها شيكو على ما اظن..

و شنو بعد ..اممممم

الاسفنجه اللي تحطين عليها البيبي لم تيين اتسبحينه..

و ادوات النظافه مشط و مقراضه و الخخ..جنطه ايي فيها ست كامل..

وطبعا كبابيس و دسوس..


هذا اللي اذكره الحين..اذا تذكرت شي بعد بقولكم...



على فكرة وااااااااايد نفعني الموضوع مال اغراض البيبي اللي بالمواضيع المميزة..

ولا ماكنت ادري شنو بالضبط احتاج..

يله اللي ماشرت شدوا حيلكم و اشتروا..

انا قلت اخلص بسرعه قبل الدوام بداية الاسبوع الياي ان شاء الله لاني ما اقدر على مشوارين بنفس اليوم..(w)

هلا والله فيج أم فرووحه

إيه أنا أخذ علاج وصار لي فترة كنت أموقفه العلاج تقريبا ثلاث أشهور
تعبت من المشاوير والروحات والييات من غير فايده قلت ارتاح اشوي ولهي نفسي بدراسه
وكل ما اروح للدكتوره تقولي إنسي موضوع الحمل وإن شاء الله راح يصير بروحه

وش أقولج ياميومه بصراحه تجيني صدمات من الدكاتره ولا اهتم أقوي إيماني بالله وتوكل عليه ولا اهتم بكلامهم وبس سبحان الله الواحد يحن لفطرة ربه خلقه عليها ولو نحاول ننسى الحمل تجي أوقات ماقدر احس نفسي مخنووووووقه مب عارفه شسوي استغفر الله وش أقول غير الحمدلله على كل حال بصراحه صعب صعب الواحد يحس إنه ناقص بس ارجع وأقول ربي كريم ويعلم بحالي

أقول أم فروووحه بصراحه خليتيني اصيح وانا أكتب ولو إني ما احب اصيح جدام احد
الله يرزق كل محروم ومحروم يارب ولا يضيع أجر صبرنا

الله يبارك لكل حامل ويسهل عليها ولادتها يارب

ليدي عسل

اذا كنتي محتاره بعدد شي معين قوليلي عنه و اقولج اشكثر يكفيج :)


البندري وينهي اليوم مابينت؟؟

و طبعا الكاسكو صايره حدها قاطعه..بس زعلانه منج يا الكاسكو(w)

أم عبدالرحمن..على فكرة حاسه باحساسج لأني عشته و عشت أكثر منه بعد..

خصوصا لم احد يقعد يزن على راسج و انتي مابيدج شي..اذا مافي احد يزن فقولي الحمدلله و الشكرلله..

انا عبالهم كأن بيدي عصاية سحرية يبوني استعملها بسرعه..

على فكرة انا طولت بالحمل اكثر منج..

لكن احس مانفعني لا دوا ولا شي...

اللي فعلا فعلا نفعني اني كنت ادعي بالسجوووووود وايد وايد..و كنت واثقه من الاجابة..

و كنت استغفر بعد وايد..

و كنت اقرا سورة مريم..تغسل القلب..لأن فيها معجزة..حمل بدون رجل..

يعني ربج قادر على كلشي..ديري بالج تملين من الدعاء..

تملين من الادوية كيفج بس من الدعاء والاستغفار لا..

و ربي يرزقج ان شاء الله..

و يرزق كل مسلمة اللي تتمناه يا رب..

صبااااح الخييير بنووتاات ادعولي الله يوفقني بمعرضيي
وحياكم الله هنااك في قمصاان للبنطرونات
ودراريع مغربيه

بالعديليه ببيت 32

والي تبي العنوان كامل على الخااص


وااي فديتكم بنات ديرتي