تجمع لبنـــــــات الكويـــــــت ((حياكم الله))

و انتي من اهله لولوه :)

هيييييييله اوووووووووف حدها قويه !!!

صج نصصصصصصب..اتصدقين وايد اسمع يذمونه هالمستشفى!!

و انا توني ادري ان فيه ولادات..لكن عمري ماسمعت وحده ولدت فيه..

احسه بعييييد...

ليش رحتيله دام انه غالي!!

صراحه شنو 750 هذا سعر ولاده!

هلا هيله..

بصراحه انا من قلب باخذ امومه ان شاء الله..

قبل عبالي ان الامومه بس مره وحده تاخذينها حق ياهل واحدج و ان بنص معاش..

طلع لا عادي كل مره تقدرين تاخذينها هم بنص معاش..

بس مو متاكده من معلوماتي ان اذا اول مره تاخذينها بنص معاش ولا معاش كامل!!


اذا تعرفين معلومات اكثر يليت تقوليلي..

و اكيد انصحج من قلب انج تاخذينها..وليدج اولى من الدوام..


انتي تربية صح؟؟

صباااح الخير .. شلونكم ينات ديرتي ...

بصراحه انا قريت اول صفحه واخر صفحه بهالتجمع الحلووو ...

بس شفت كله عن الولاده بخاص والا حكومه ... السهاله من الله حتى لو كانت ولادتج في البيت ..

انا عندي ولدي الله يحفظه عمره 5شهور .. بقولكم شنو اللي صار فيني ..

انا من اول حمالي لين التاسع مافيني شي ولا اشتكيت من شي ..

وحامي كان خفيف واخر الاشهر ماحسيت بالثقل ... كنت اراجع بالصباح عند دكتوره استشاريه بس

اكتشفت بالاخر انها فاشله للاسف .. راح تقولون شلون اكتشفت ؟؟؟

في بدايه التاسع رحت كنت بفتح ملف بالسلام عشان اولد بخاص..دخلت على دكتوره وقالتلي انتي

حوضج صغير واحتمال تولدين بعمليه؟؟؟ انا انصدمت وحتى ريلي ولما طلعت قلت بس هامهم الفلوس

ونفسيتي تعبت ونطرت موعدي بالصباح وقلت للدكتورة وحده من اهلي قالتلي حوضج صغير

وبصراحه خوفتني ... قالت اي خلاص نشوف نجرب نحطلج طلق صناعي واذا مانزل البيبي نسويلج

عمليه .... والا شرايج تدخلين على طول عمليه عشان ماتتلعوزين بالولاده والطلق ؟؟؟؟

قلتلها لا ابي اجرب الطلق .......وطبعا دخلت الشهر العاشر ولاحسيت لابطلق ولا نزل ماي ولا شي ..

واكتبتلي لازم ادخل الولاده عشان اولد لاني طفت موعدي اسبوعين ...

وبما اني اعرف دكاتره بالولاده توصي فيني وماقصروا .. بس كانت المعامله زفت وقعدت يومين

بالولاده ماشفت امي ولا حتى اي احد من اهلي لان ممنوع احد يدخل عليج ...

والغرفه تكون فيها 2 .. يعني تسمعين صراخ اللي يمج واللي بالغرفه الثانيه لانهم مفتوحين على

بعض .. وانا كنت اول مره لي ولاعمري سمعت هالصراخ ..

والممرضه تكون تشرف على غرفتين ... ومرات تروح اناديها بصراخ ويقولولي راح تشرب شاي ..

اخر شي باليوم الثاني ...قعدت اخوره بالكلام وادعي عليهم ... طبعا كنت ماخذه ابره ظهر ..

وسبحان الله تبطل عنق الرحم 10سم وحاولت بس الظاهر ولدي كان خوااف :) مثل امه ....

مارضى يطلع .. قالولي خلاص عمليه .. تعبت بعدها لكن الحمدلله دام انا وولدي خلودي بخير وبصحه

وبعافيه هذا اهم شي ...

انا ماانصح بالصباح .. حتى بعد ماولدت حطوني بغرفه بجناح امراض نساء وولدي تدروين وين ؟؟؟

بمكتب الممرضات لان مافيه حضانه بهالجناح ... باختصار تعبت وااايد حتى امي الله يطور بعمرها

ماقصرت فيني ولا فيني ولدي ... بس فيهم ميزة : الزياره كانت من الساعه 4 لين 7 المغرب

حدي ارتحت من هالناحيه .. راح تسألون وزوجج ؟؟؟ زوجي كان يعرف واحد بالاداره .. يدخله

الصبح ويقعد معاي لين العصر :)

ادري قرقت واايد بس ارد واقول ترى السهاله من الله .. والله يرزق اللي حامل الحين السهاله

بولادتها يااااارب ......

ادعولي الله يهدي ولدي ويرجع زوجي بالسلامه ...

هلا والله بام خلودي..ماشاء الله عليج قدرتي تقرين كل قرقتنا :) هههه

أولا الف الحمدلله على سلامتج و سلامة خلودي..

صراحه صج تجربة صعبة..يعني دام فتح 10 سانتي المفروض يطلع بس سبحان الله اللي ربج كاتبه يصير..

و مشكوره على مشاركتنا التجربة :) و دعواتج الحلوه :)


انزين لو تنعاد تجربة الولاده مره ثانية ان شاء الله وين تفكرين تولدين باي مستشفى؟؟

هلا والله بأختي ام فروحه ..... والله يسلمج من كل شر ..

حاليا انا متفقه مع زوجي نوقف ثلاث سنين .. لاني سالت دكاتره اذا ابي اولد الثاني طبيعي

لاني ابي احاول مرة ثانيه .. قالولي مو اقل من ثلاث سنوات .. وانشالله اذا الله رزقني احمل مرة

ثانيه .. في حالتين اذا اقرو علي عمليه بروح المواساه وااايد يمدحونه ...

واذا انشالله قالولي طلق صناعي او يتني طلوق بالتاسع بروح الهادي على طووول ..

لان كماااامهم الكل يمدحه ... طبعا يمكن تقولين شلون تعرفين اذا طبيعي .. اذا كنت بالثامن

راح يسوون لي اشعه حوض ..اذا قالو حوضج مو صغير ننطر الطلق ... واذا لا راح يقولون لي

عمليه ... الله كريم ..

بالنسبه لقرايه الموضوع انا ماقريته كله ... قريت بس صفحه رقم 1 وشقحت على طول صفحه 93

بنات انا بعد ماولدت زوجي سافر .. ورحتله وخذيت حبوب مانع وبصراحه كانت شهيتي مفتوحه

على الاخر كل شي اكله زبس همي كان الاكل وطول ماكنت مع زوجي بس اسولف عن الاكل

ولما رجعت وخلصت باكيت واحد رجعت لطبيعتي ولاكلي العادي وجبه باليوم او وحبتين بالكثير

...ولاحظت شعري يتساقط واااااايد بس الحين لا ... الكل قالي من الحبوب ؟؟؟

وانا بعد 6 شهور بروح لزوجي .. شنو تنصحوني في الحبوب والا اركب لولب وعند اي دكتور ؟؟

ياليت تفيدوووني ...

ما عندي فكره بالحبوب والله يا ام خلودي..

بس اول مره اسمع ان تقعدين 3 سنين جنه وايد..انا سامعه سنه و نص بالكثير سنتين..هذا اللي اعرفه بعد القيصرية..

اما بالنسبه للموانع..احس احسن شي الموانع الطبيعية ولا هالكيماويات

قالولي سنتين بس انا وزوجي قلنا ثلاث سنين لانه يدرس .. وبصراحه نمونت ولدي ماتشجع :(

اسم الله عليه ملوول بشكل فظيع .. اذا عطيته لعبه يمل منها بسرعه ..حتى اذا وقفت واتمشى فيه

يمل .... الله يهداه لي يااارب

انتي قلتي تجمع بنات الكويت .. واشوفه تجمع حوامل الكويت هههههههههه..

يارب تسهل عليكم ويرزقكم بالذريه الصالحه ...... بسالج صج هذي عطله السبت بدال الخميس

انا توني متخرجه وانشالله مقدمه اوراقي وناطره اسمي ...وانصدمت بهالخبر ؟؟؟

لا حبيبتي ام خلودي..ترى احنا اهني نسولف بكلشي :)

لو تشوفين باجي الصفحات بتلقين ماخلينا موضوع ماتحجينا فيه ^_^

بصراحه ما ادري اشسالفة هالعطله بس لم الحين قاعدين يدرسون الموضوع..و اتوقع ان بيصير..

احس وايد تغيرات قاعده تصير بالديره و هذا منهم..و بيكون قريب..

اولا مبروووووووووووك التخرج :):) حلوووووو الشعووووور


وين مقدمة اوراقج على شنو؟؟ و شنو اللي اصدمج بالضبط قصدج العطله؟؟

هلا ام فروحه تصدقين قاعده انطرج تردين علي طول الوقت والا طلع جهازي معلق
انا اروح للمستشفي لانه قريب مني ويكون فيني نزيف وخايفه حيل اقول على ما اروح العدان ودور وعوار راس الا البيبي مولي

اقولج بس احلى شي فيه غرفتج بروحج بعيد عن ازعاج الحريم اللي بالحكومه
عاد اقولج اول مادخلت المستشفى دفعت 450وقبل لا اطلع جان يقولولي احنا اخذنالج وانتي بالبنج مسحه من الرحم عشان شاكين فيج التهاب والسونار طلع مو بالحسبه وكل يوم يقولون نسوي سونار نتطمن والعلاج بعد العمليه مثل المضاد الحيوي والمسكنات وحتى الابره اللي يغزوني فيها ادفع فلوسها

سلامتج و سلامة جهازج هيله :)

اها الحين فهمت..يعني شكله نفس المستشفيات الخاصه كبير و فيه كافيهات و هالسوالف ولا بس عيادات؟

المستشفى تقريبا 8 او 9 ادوار واظن فيه اكثر من عياده بس اهو متخصص اكثر شي بالام والطفل
وانا سالت مره وحدة من السسترات عن مالك المستشفى بما انه يطلع ملايين من المساكين حالتنا
قالتلي انه ملك شاهين الغانم

مشكورين على افادتي .. اهيه صح غاليه .. بس انا سمعت عن الدكتور باتريك الي فيها و ان واااايد زين قلت اروح اشوف المستشفى و افتح ملف عنده ..

سلام بنات شلونكم وشخباركم

الحمد اله تمااااااااام

بنات انا صرت احب اقراا ردودكم واله ومتابعه لكل صفحه تكتبونهاااا احس معاد فيني حيل ارد

<<<<<<يالله حسن الخااااتمه


الورده المكنونه جهزتي شيء ؟ وين بتولدين ؟؟ وانا محتاااااااره شكلي بولد بصبااح او العدااااان كنت ناويه على الراشد بس هوونت وفعلاااا هي تسهيل من الله والحظ ثانياا

اقنعتني وحده انهم بيكونون مسؤلين لويصير خطاااء لاسمح الله ...وخساره فلوس بعد


اااااااااحد يسواف معي ترا زهجاااانه :(

السلام عليكم شلونكم ياحبايبي

قوه بنات الله يكون بعونكم مع الحر

ام فروحه المهادات اي بالرئيسي يم ستار بكس

وين السراير في اكو رفوف تلقينه تحت على ايدج اليمين اهو عباره عن مثلث

كبير وفيه مثل الكيس مثلث اتحطين داخله البيبي وتلفينه واااااااااايد حلو

وذرب انا لقيت الاصفر .

روحتو لاند مارك؟ اكسسوارات حلوه للبيت

شنو جهزتو لرمضان عطونا من الفناتك

يلا انشوفكم على خير

اليم ما ادري شصار عليها مسكينه محد له خبر فيها؟

وينكم بنات اشدعوه ادور على الموضوع والا القاه بالصفحه الثانيه اخر شي

تكفون ابي اسمع اخباركم وسوالفكم
لحد يقاطع

هيييييييييييييييل شلون الحمااااال معااااش ؟؟؟؟؟ عسى كلش تمااااااام اله يسهل عليش

قووووووووه بنات شلونكم و شعلومكم؟؟

اي والله صج غريبه..احس التجمع حده نايم صاير..عسى ماشر؟؟؟؟؟؟:think:


الظاهر مع بداية الدوامات كلنا امخنسين هههه

صراحه ما الوم اللي يدوامون..صج ارجع من الدوام هلكانه..ادور الفراش بس ما انام فيه هههههههه

<<عيل شكو ادورينه؟؟


المهم انتوا وين مختفين؟؟


رشة مطر..ترى رحت مخصوص المكان اللي قلتي عنه مالقيت عيزت و انا ادور!!!

انا قصدي الجيس اللي يحطون فيه الياهل انتي هذا قصدج؟؟

لان حتى سالتهم قالوا ماعندنا!!

اتصدقين عاد قايله بروح حق لاند مارك اشوف سوالف الاكسسوارات اللي قلتي عنها و نسيت..صج حدي ما آخذ راحتي اذا رحت مع الريل..لازم اروح بروحي..ولا اهو بس يبي الفكه مايحب التمشي..

هذاك اليوم كنت بالسوق ولا وحده مع ريلها..لاحقها كل ماتشوف شي يقولها ها خلصتي؟؟ تقوله لحظه..بعد اقل من دقيقه ها لم الحين ما خلصتي؟؟

ههههه وااااااااااي انا تنرفزت عيل شلون اهيا..

انا بعد يسويلي جذي..منشان هيك تلقيني مستحيل اتسوق معاه..الا اذا شي رايحه مخصوص عشانه و بطلع يعني الموضوع لازم مايطول اكثر من خمس دقايق!!
:down:
ما ادري ريايلكم جذي بعد ولا لا؟؟

ماشاء الله عاد مره شفت العكسسسسس..

كنت بكوكاي..ولا وحده و ريلها.اطلعله كل بدله و تحطها عليها و تقوله حلوه؟؟ و يبدي رايه..و يمسك البدله عنها..و يختار معاها..( الله يهنيهم) اييييي يا هيك ولا بلا



ليدي عسل شخبارج حبيبتي؟؟

ها ما استقريتوا على اسم؟؟؟


خاص وينج ماتبينين اهني؟؟شكلج امطيحه اهناك ها ؟؟ ههههه عطينا ويه اشدعوه؟؟



هيله شفتي شلون؟؟!! حتى انا والله استغربت لقيت الموضوع بالصفحه الثانية..مو عوايده!! كل مره اول موضوع باول صفحه !!!!!

اقولج الظاهر البطاريات مخنسه من الدوام:gum:

عاد هاليومين ماكو عذر خميس و يمعه سهارية لي الصبح :yes:



الورده المكنونه شخبارج و شعلومج..و شلون اليهال؟؟ شريتيلهم هدوم..من هالتنزيلات ترى صايرين اسعار خياليه؟؟ اشكثر عندج اسم الله عليهم؟؟


كويتية 100% شخبارج حبيبتي؟؟؟ ها رحتي المستشفى فتحتي ملف ولا بعد؟؟


ام خلودي شخبارج وينج مارديتي علي؟


غادة اليم؟؟ بشرينا عنج حبيبتي؟؟ لاتقاطعين ترى ان قاطعتينا بنحاتيج (w)



باجي البنات وينكم فصخوا طاقية الاخفا خل نشوفكم ماصارت:think: