تجمع لبنـــــــات الكويـــــــت ((حياكم الله))

الورده المكنونه ياحياتي الله يبارك فيج واميييييييييييييييين يارب 0

ام فرووحه ياحياتي امييييييييييييييييين يارب ان شالله 0

الله يعينج غاده ويصبرج

هلا ام فروحه
قعدت الساعه ست ونص
علشان ولدي اول يوم حضانه على ما لبس وتريق الساعه سبع ونص وديته الحضانه
ورحت المدرسه وصلت الساعه ثمان
الباجي كلهم على الساعه ثمان ونص وتسع
والناظره من قدها على العشر شرفت

مدرستي طريقها جذيه عشر دقايق

سلام بنات شلونكم مع الدوام اليوم الله يعينكم


هلا خاص والله ضحكتيني وااااااي في اشقر وحنطاوي وابيض....يا خوفي يطلع اسيود معصقل وشعره مفلفل

لوووووووووووووووول لا لا تخافين العرج يحن مثل ما يقولون والعرج عيمي يعني لا تحاتين الجمال أبدا بس انتي وافقي ولا يهمج ترا واحد طار رقمله وحده ومصر يبي يتزوجها لحقي على الباجي لوووووووووول


غادة اليم الله يعينج وصبرج مالج الا الصبر وان شاء الله بعد ما يصير عند عيال يتعدل ولو ان قناعتي تقول الخاين يتم طول عمره خاين حتى لو عن طريق الانترنت بس لا تخلينه بروحه قربي منه أكثر عشان يقرب منج حتى لو لقيتي صد في البدايه مع الوقت يتعدل كثر الدق يفج للحام مثل ما يقولون وعادي عيد الميلاد أنا هالسنه ريلي نسى عيد ميلادي :sad: لأول مره بس أنا ما بينتله اني زعلانه بس ثاني يوم تدلعت عليه ولما قرب يمي قلتله اشدعوه ما اسمع منك كلمه كل عام وانتي بخير مع اشويت دلع تأسف وراح شرالي طقم ذهب وكيكه واحتفلنا أنا معاه مع العلم ان كل سنه اسوي حفله وعزم الأهل كلهم يعني خلاص اللي اتزوج ترضى بالأمر الواقع هذي الرياييل ومستحيل نلقى الدلال اللي شفناه عند أهلنا
واذا على رايي في الزواج ما أقول الله يلعن اللي تزوج قبلي وما قالي واللي تزوج بعدي وما شارني:shy:

شلونكم بنات شخباركم ؟؟؟
عذروني من زمان ماسولفت معاكم لاني اشوي لاهيه مع اليهال وتجهيز شقتي ...

غاده أليم : الله يعينج .. مالج غير الصبر والدعاء وانج تكلمينه موتسكتين عنه .. عشان يعرف انه عنده مره .. واذا سكتي عنه راح يطنش ولايلتفت عليج .. وعشان ينتبه انج عارفة بكل اللي قاعد يصير حواليج موهبله ماتفهم شي ..
خل يعرف انج فاهمه وذكية واذا مانفع معاه الكلام لازم اتكلمين احد من اهلج أو أهله عشان يكلمه لان هذي موعيشة .. اول شي راح تتعبين وراح تتعب نفسيتج .. ووراج ولاده وياهل وخاصة قتره الاربعين فتره تلووع الجبد تكون فيها النفسية حدها تعبانة وضيييقه خللق فلازم أهو يقعد معاج ويهوون علييج مويخلييج ويرووح .. والله حريتيني هاالاشكال ماتنسكت عنهم ...

انتي شوفي يمكن يتغير لما تولدين ويشوف ضناه .. واذا ماتغير كلميه واذا مافاد معاه الحجي دخلي اي احد قريب منه من اهله مثلا ابوه ..
والله يكون في عوونج

شلووونكم بنات شخباركم والله ولهانه عليكم وايد وايد بس ماكو وقت مع البيبي تلخبط الاوقات و بالليل يصير مخلوق شرير .... بس شره حلو

غادة
الله يعينج حبيبتي بس ترى صح كلام البنات انتي لازم ما تسكتين عنه

:)

ام فرووحه.....اي عفيه مدحيني جدام الورده المكنونه...طلع العرج عيمي يعني اخوانها مزاين...ترى انا خوش بنيه.....بس عاد فشله معلش الورده المكنونه انا اعتذر مضطره ارفضهم.....مو حلو الريل ابيض من مرته....(صج عانس تتشرط خخخخخخخخ)

غادة اليم.....الله يعينج....تصدقين عاد يا غاده انا ادري بسالفتج لأنج لفتي نظري بإحد المواضيع لما قلتي انج مع ريلج بأمريكا....عقب سالفتج بصرااااحه وعقب ما شفت فوزيه الدريع اليوم..أقدر اقووووول وييييييييييييييع يا الرياييل.....بس مالنا غناة عنهم

انا مو متزوجه لكني ماني صغيره وسمعت قصص كثييييييييره عن هالرياييل مع حريمهم بالدوام واسمحي لي اقول لج هالكلام...إذا الريل موقاعد يخربط بعلاقات مع الحريم ومقتصر على العاده السريه....فأقول لج حمدي ربج لأن العلاقات الجنسيه مع الحريم إهي اللي تخوف خصوصا مع هالامراض....صديقاته بالنت...الكل الحين عنده صديقات للأسف ...اعرف وحده معاي بالدوام ريلها تزوج عليها عن طريق النت ومن بنت ما سبق لها الزواج و مسكينه الاولى استخفت وبالاخير رضت بالامر الواقع ....رياييل عمرهم فوق 45 سنه الحين يغازلون بالنت وسوالفهم تفشل....والمصيبه ان البنات صار عنده عادي تسولف مع متزوج وتتزوجه بعد...!
موضوع انكم لما تردون الكويت يخليج عند اهلج واهو عند اهله.....شي مو طبيعي والمفروض انج تروحين عند اهله دام انه مايبي يأجر شقه.....معلش استحملي وضغطي على روحج...لكن لا تخلين الحبل على الغارب وتغضين الطرف.
لا تناقشينه كثير بموضوع البنات والعاده....تكلمي معاه في جلسة صراحه مره وحده وكوني فيها حازمه ...وإياني وياج تحنين وتزنين على راسه...لأ خليه يحس انج واثقه فيه....وترى انا سمعت وايد رياييل لما تحمل مرتهم ما يقربون لها وبعضهم تثيرهم الحامل...يمكن انتي من نفس النوع الاول يخاف تتعورين او شي من هذا القبيل يا قلبي محد مرتاح لا المتزوجه ولا العزابيه كل واحد شايل همه لكن نلتمس الاعذار ونحاول نصلح روحنا بالاول علشان الطرف الثاني يتقبل منا...شوفي شنو سبب البعد بينج وبينه يمكن اسلوبج او إحساسه انه مو مالي عينج ...ترى الريال يمووووووووووت على شي اسمه مدح وتدلع...اشتغلي عليه وصيري امه ...ادري مقثه بس شتسوين..كوني له أمه يكن لك عبداً.....وان شاء الله عقب الولاده يتعدل ونسمع اخبار زينه عنج يا رب

lolu
حلو سالفة مخلوق شرير بالليل...الله يعينج على وااااء ووووووي

ام فرووحه اليوم رحت لدوامي الساعه 9 و ربع...اخر وحده ولله الحمد وماشاء الله البنات طالبين بوفيه من اخت لاعب المنتخب فتحي كميل علشان عندنا كم مدرسه كانوا ولادين بفترة الصيف فكانت بادره حلوه منهم جزاهم الله خير

هلا و غلا بكل البنات :)

غاده اسمحيلي تأخرت عليج بالرد..

و ماشاء الله ردود البنات وايد كانت حلوة..

تبين نصيحتي؟؟

شوفي يا الغالية..

الكلام اللي بقوله لج عن تجربة..

مهما كان الريال يسوي اللي يسويه..استحاله تقدرين تغيرينه الا بشروط.. و بقولج عنها بعد شوي..

يعني دام انج متأكده و قاريه حواراته و ان كان بيخربط مع وحده..بصراحه هذا ابد شي مو هين و تخلينه يمر بسهولة..

انا اقولج اياها..ان ماراح يتغير الا بحاله وحده..

اذا انتي تغيرتي..و مو اي تغيير..لا..



أهم تغيير بحياتج عشان اهو يتغير..إنج تكونين قريبه من رب العالمين..

انا ياما امر بمواقف احس خلااص بنفججججر مو قادره و لا حتى تغمض عيوني..و لم امسك القرآن و اقرا...احس بعالم ثاني مثل احد قاعد يغسل قلبج..


و حاولي دايما تدعين بصلاتج ان الله يهديه لج..خصوصا بالسجود..

و قوليله حديث الرسول عليه الصلاة و السلام بما معناه: ان من يزني يزنى به ولو في جدار بيته..

و في قصص وايد وايد عن هالحديث..

ان مثل ما انت تسوي بالبنات..ترا بيسوون فيني نفس الشي حتى لو اني محبوسه بالبيت و ما اطلع!!

خليه يخاف..

و ما ادري عنه اذا كان يصلي او لا..اذا لا..او يقطع..دايما حرصيه و خليه يهتم..

كل ماكان يخاف ربه مستحيل يسوي هالسوالف..

صج اعرف دينين بالاسم لهم خرابيط..بس هذا اهو بالاسم..يعني شكلا بس..لكن من داخل فاضي مافيه ذرة ايمان..


و آخر نصيحة..اشتري كتاب اسمه: الرجال من المريخ و النساء من الزهرة..كتاب معروف..

ابتستفيدين منه وايد و تعرفين شلون الريال يفكر..




و ما اقول الا حسبي الله و نعم الوكيل..صبري و نهاية الصبر الفرج ان شاء الله..

كلام البناااااااااات كفااااااا وووفىء وكل كلامهم ميه بلمييييه الله يجزاهم خيرررر


ولاتسكتين علييييييييييه ضغفج ترا خلاه يتمدااااا ...... اله يصبررررج ويعينج عليييييه


حبيت اطل عليكممممممم واسلم انشااااااااالله كلكم بصحه وسلاااااامه

مشكورة على هالموضوع بس أبي أنصحكم

حراااااام تولدون بمستشفى خاااااص أنا وحدة من

ضحايا الخاص لأنهم لعبوا فيني جربت الحكومة فرق عناية فظيعة ويتحملون المسؤوليييية حيل مهما

صار وارتحت حييييل بلا جناح ملكي ولا امبراطوري أهم شي صحتج وصحة البيبي

ومراجعات الخاص بس لدكتور يقول اطلعي عالسونار هذا كل شي إذا تعب نفسه

وصدقوني مو علشان الفلللللوس تدرون أي كويتية عادي تولد بالخاص هذي نصيحتي

هلا ليدي عسل شخبارج؟؟

حياج الله كروانه معانا :)

بس ماقلتيلي شلون تأذيتي معاهم؟؟

و هذا اي مستشفى اللي ماتمدحيه؟؟ ياليت تقوليلنا عشان نستفيد

السلام عليكم
هاااااااااااااااااااي بنات الكويت اشلونكم وشخباركم
انا جديدة اهني في المنتدى بكبرة وحابة اتعرف عليكم كلكم بدون استثناء
ومدام انا اهني بقولكم على شي كسرني وحطمني
ومو بس انا ... وامي بعد

ياجماعة انا قدمت بطلب القبول في جامعة العربية المفتوحة اللي عندنا بالكويت وسويت كل شي

علشان ادرس وزوجي مشجعني الله يخليه لي
بس للأسف ماقبلوني السنة هاذي وقالو ان السنة هاذي صار العدد فوق المتوقع وسوو المفاضلة والنسب الاعلى اهي اللي تدخل

انا طبعا يومها اخنقتني العبرة واسحيت احط عيني بعين امي اللي كانت تبيني ادخل واكمل دراستي وقالتلي كان من المفروض تشدين حيلج من الاول وتدخلين جامعة حكومية
انا ادلاي بس كانت فترة لعب وطيش وطااااااااااااااااااااف من امة
بس الحين ودي ادرس وافتح كتاب وما اطلع من داري
ادعولي اني انقبل في الكورس الثاني ...

وابي رايكم بصراحة وتحطون مكانكم بمكاني
ادرس 4ثانوي مرة ثانية عشان اجيب معدل قوي يدخلني الجامعة؟
ولا انطر الجامعة العربية المفتوحة الخاصة

اتمنى انكم تساعدوني وتعطوني رايكم بالموضوع هاذه؟؟

سلملم

هلا فيونه و حياج الله معانا حبيبتي :)

طبعا اللي فات مات ماراح نتكلم فيه..بس حلو انج تعلمين غيرج مثل خواتج او اللي اصغر منج هالدرس عشان يستفيدون وما يلعوبون بالثانوي..

عاد انا بالنسبة لي صراحة دراسة الثانوية وايد كانت اصعب من الجامعه..

عموما..

بالنسبة لي لو انا مكانج..

طبعا حجي انج لم تدخلين الجامعه بتحطين راسج بالكتاب و ماتطلعين من غرفتج خصوصا انج متزوجة..لان اصلا بتملين حدج..

لكن لو انا منج ممكن ادخل الدورات الخاصة خصوصا الكمبيوتر..و اتعلم على التصميم و هالسوالف كلها..

ترى مرغوبه بالوظايف..

و كلها سنتين و تخلصين..

انا مازال حلمي اكون خبيرة بسوالف التصميم بالكمبيوتر و اعرف حق اغلب البرامج..

فاذا عندج هالميول ليش ما تجربين بدال قعدة البيت؟؟

و قوليلي شيصير معاج..و موفقة :)

سلاااااااااااااام عليكم ...

شلوونكم خواتي شخبااااركم ؟؟؟؟

كروانه : أنا معاج وأأيدج بهالموضوووع .. انا ماجربت الخاص بس وااايد اسمع سوالفهم ..
ولا وحدة مدحتلي الخاص .. الاغلبيه قالولي ماكو غير الصباح .. أحسن شي ويهتمون فيج اذا لاسمح الله صار فيج شي .. أما الخاص لاسمح الله اذا صار فيج شي بيقطوونج بالاسعاف ويقولوونج احنا مانستقبل هالحالات روحي الصباح !!! موتنقهرين لما يقولونلج جذي ؟؟

ام فرووحة : شلووونج شخباارج ؟

سلام بنات شلونكم وشخباركم اليوم الدوامات ماخذتكم :)

خاص ليش جذي من أولها رفضتي وأنا اقول مرت اخوي هههههههه
عاد تصدقين اليوم بنروح نشوف وحده عاجبه واحد من اخواني ان شاء الله تكون حلوه عاد واخلاقها زينه ادعيلنا ودي اشوف عرس واحد منهم بس لعانه ما يبون يتزوجووون

lolu الله يعينج بعدج ما شفتي شي أنا ما ارتحت بنومتي الا لين صار عمر بنتي سنه ولا وبعد ما عطيتها مصاصه ابدا يعني علت قلبي صج

أم فروحه فعلا هالكتاب عجييييييييييب الرجال من المريخ و النساء من الزهرة

كروانه مستشفى الحكومه الله يزيدها اختي ولدت فيها لعوزوووها وقعدت طول الأربعين تعبانه من الخياط ختى راحت بيتها وهي تعبانه وبنت جيرانا ماتت عندهم الله يرحمها اسم عليكم

فيونه حياج الله معانا وانا برايي بدال ما تقعدين بطاليه درسي 4 ثانوي هالسنه عشان السنه اليايه اذا الجامعه العربيه ارفضتج ادشين جامعة الكويت ولا منتهم :)

يالله بنات أنا رايحه اشوف العروس اللي ماخذه قلب اخوي ادعوا ان شاء الله تطلع حلوه وخوووش بنيه واخلاقها زينه

بنات صدقوني الكل يمدح ولاده مستشفى الفروانيه إسلاميه

من غير بنج أو عندج العدان أو الولاده اللي بالصباح وصدقيني

لا تروحيني للخاص إلا إذا ودج

بسونار مستعجل غير كذا بيلعبون فيج

بس أمدحلكم عاليه الفضلي بدار الشفاء على ما أعتقد ماشاء الله عليها

حبوبه وهي تولدج دمها حيل خفيف وادعولي



عروس الشووق

بنات إشلونكم أولا

أختي اللي سألتي عن المستشفى إهو السلام خياطي فية أذية حيل والدكتور ما كتب

حالتي في الملف كنت أحبي مثل اليهال وبعدها رحت طيبة كلينك كان علاجي غالي الثمن طبعا

غير الولادة اللي في السلام طبعا كل شي إهون في سبيل صحة الوحدة ومحد بيبخل على نفسة

بس الدكتورة عالجتني وآخر شي قالت خلاص بنسويلج عملية إنشيل اللحم الزايد فيج اللي من

الخياط وصراحة كنت خايفة عبالي لمرض الشين بعيد عني وعن جميع المسلمين إن شاء الله

العدان لما رحتلة أستفسر عن هالشي قعد يضحك الدكتور وقال هم عايزين فلوسك بس ولا فيكي

حاجة بس ذا عايزة نكوية بنيترات الفضة أو ممكن مع الوقت حتروح وفعلا راحت مع الوقت

بعدها حملت ولدت بالعدان وأخذت إبرة الظهر حيل مريحة وكانت عناية فائقة وقالولي

الأطباء إنتي خايفة ليه إحنا عندنا كلي حاجة كمام إبرة لأني صراحة كنت خايفة من كثر ما

يقلولون عن مستشفيات الحكومة ولا دفعت إلا دينار حق الغرفة الخاصة وكلة أوكي

وأرد وأقول يابنات روحو مستشفى لعدان وايد زززين أطباء خبرة مو أي كلام مارة عليهم حالات

وايدة ويعرفون إتعاملون معها




أتمنى كل حامل تولد بسلامة وأرجو أني ما طولت عليكم