الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

شانزليزيه:
افا والله :sad:

الغالية روحي لبوظبي مول عند محلات محمد شريف واخوانه بتلقين الشنط اللي انتي تبينهم

الطابق الاول...

ولاتنسيني من دعواتج بالولد الصالح وبالسلامة.

خواتي اللي تبا تجهز حق شقتها خلها تلحق على التنزيلات في هوم سنتر في مول الإمارات.. مطرشينلي مسج انه آخر يوم للتنزيلات تاريخ 10/6...

أحلى شي في التنزيلات عندهم أطقم الصحون :)


بس حبيت أفيدكم معايه :)

فديتكم يا عرايس ... نصيحه ... خلصوا سوالف الخياييط قبل وافتكوا ... لأنهم واايد يلعوزون ...

وبالتوفيق

بنات بغيت أسألكم ...

الثياب الجاهزة أو الثياب اللي فصلتوها عند الخياييط ..

شو العملية اللي لازم تتم عشان قبل لا نحطهم في الشنط ..؟؟؟

هل نغسلهم ..

وندخنهم ...

وكيف تتم عملية الغسيل ..؟؟

وعملية تدخين الثياب ....؟؟

بليز أبا اعرف

الله يوفقكم يا عرايس

مرحبا بنات

أول شي مبروووووووك حق كل عرايسنا والله يوفقكم ويهنيكم إن شاء الله (f)

وإن شاء الله نفرح بكل بنوتات المنتدى والله يرزقكم بالزوج الصالح اللي يسعدكم (f)


في موضوع سابق طرحته الاخت العزيزة سنو وايت من زماااان عن الزهبة .. وهذا هو الرابط:

احتياجات العروس من الزهبه "خاص لبنات الامارات"

إن شاء الله يفيدكن الموضوع :)

النص الاصلي كتب بواسطة بنت جميرا6

فديتكم يا عرايس ... نصيحه ... خلصوا سوالف الخياييط قبل وافتكوا ... لأنهم واايد يلعوزون ...

وبالتوفيق

هي فديتج صاجه

انا الحمدلله كملت كل شغلي عند الخياييط
وراحه

بس باقي ثوب العرس اترقب وصوله

وان شاءالله يكون مثل ما طلبت

Perfectionist

هلا اختي وينج غطيتي

شو علومج وعلوم التجهيز ؟؟؟

النص الاصلي كتب بواسطة بنت جميرا 6

بنات بغيت أسألكم ...

الثياب الجاهزة أو الثياب اللي فصلتوها عند الخياييط ..

شو العملية اللي لازم تتم عشان قبل لا نحطهم في الشنط ..؟؟؟

هل نغسلهم ..

وندخنهم ...

وكيف تتم عملية الغسيل ..؟؟

وعملية تدخين الثياب ....؟؟

بليز أبا اعرف

الله يوفقكم يا عرايس

هلا اختي
انا بعد تحيرت شو اسوي هل اغسلهم ولا لأ

بس لو غسلتيهم مابيبينن يدد شرات قبل

انا اشوف احسن طريقة تعلقينهم في الشمس او برع عسب الريحه
وعقب دخليه
اكويه واذا عندج كاوي بخار حطي فيه ماي ورد يعطي ريحه حلوة
ورشي عليه معطرات الفراش اللي عندج
وهو رطب بخريه جي بتمسك فيه الريحه عدل عدل

هذي الطريقه دلتني عليها وحده قرتها من النت


واذا لج بارض (يعني متفيجه) حطي كل شي في كيس مرتب له او مثل الكيس اللي تعلقين داخله الملابس ويتسكر

انا عدلت عليها
شريت ماكينه البخار اللي شرات عند المحلات
وبحط ماي ورد ومعطر الفراش مع الماي في الخزان
وبكوي ملابسي وبعلقهم على طول في الكبت في بيتي
وعقب ببخر الملابس

عاد ان شاء الله يخلوني وبسير ارتب اغراضي:gum:

بس تحملي تحطين عطور في الكاوي العادي مال البخار
ترا بنت عمي سوتها وخربت الكاوي

بس مالت المحلات اقوى وتتحمل هالاشياء

النص الاصلي كتب بواسطه بنت بلادها
مرحبا بنات

أول شي مبروووووووك حق كل عرايسنا والله يوفقكم ويهنيكم إن شاء الله

وإن شاء الله نفرح بكل بنوتات المنتدى والله يرزقكم بالزوج الصالح اللي يسعدكم


في موضوع سابق طرحته الاخت العزيزة سنو وايت من زماااان عن الزهبة .. وهذا هو الرابط:

احتياجات العروس من الزهبه "خاص لبنات الامارات"

إن شاء الله يفيدكن الموضوع

تسلملي بنت بلادي والله

يعطيج العافية وماقصرتي

النص الاصلي كتب بواسطه غالية الاثمان

هلا والله بالغلا كله
الا خبره ^_^ الله يخلي بو الشباب
احين الله يهداج الدرهم اطلعه من جبوودهم كنت انا شراتج قبل اترحم عليهم وااايد
لكن احين خلااااااااااااااااااااااص تعلمنا (( الله يخلي بو الشباب ))
وبالنسبه للميك اب اللي شريته آه بس لو تدرين 1500 ما يزتني تخيلي زدت فوقهن الف بعد ...
تبين الصراحه 2500 تيزي وبالرااااااحه والحمدلله نوعت بين الغالي والرخيص والمتوسط
والله يعينا على غلا هالأسعار وما دري لين وين بنوصل ويا هالاسعار

والله يوفجكن حبيباااااااااات قلبي

هلا بعروسة الشهر

شخبارج وشلون الاستعدادات

طمنينا عليج وعلى نفسيتج .....

والله يتمم لج على خير

_______________________________________________

بنات الا بغيت اسال

وينها صاحبة الموضوع غطت عنه

عسى المانع خير

ولا يمكن عرست ؟؟؟؟

فراشة بوظبي:
هلا بعروسة الشهر

شخبارج وشلون الاستعدادات

طمنينا عليج وعلى نفسيتج .....

والله يتمم لج على خير

_______________________________________________

بنات الا بغيت اسال

وينها صاحبة الموضوع غطت عنه

عسى المانع خير

ولا يمكن عرست ؟؟؟؟

هلا وغلا بفراااشة الكل
اخباري الحمدلله يعني احاتي وااااااااااااايد اشياء .. استعداداتي الحمدلله خلصت بس باجيلي انقل السامان للشقه وباجيلي الباقه والزفه ونفسيتي يعني توترررر وخوووووووووووف احاتي وااايد الباقه , الزفه , فستاني يعني :( ادعولي خواتي
والله يتمم للجميع على خير يارب

بس لا تنسوون تدعون لي
وااايد خايفه ومتوتره
وعلى اقل شيء اصيح
من الخوف

يلله الله يعيييين

وانتي غاليتي طمنيني
عنج

فراشة بوظبي:
Perfectionist

هلا اختي وينج غطيتي

شو علومج وعلوم التجهيز ؟؟؟

هلا بطاغي الزين والله
هههههههه
حلوه حركة التقردين
زين خبرتيني
بنزهبلنا كمن نكته قبل مانسير عند الصالونات

بنت بلادها:
مرحبا بنات

أول شي مبروووووووك حق كل عرايسنا والله يوفقكم ويهنيكم إن شاء الله (f)

وإن شاء الله نفرح بكل بنوتات المنتدى والله يرزقكم بالزوج الصالح اللي يسعدكم (f)


في موضوع سابق طرحته الاخت العزيزة سنو وايت من زماااان عن الزهبة .. وهذا هو الرابط:

احتياجات العروس من الزهبه "خاص لبنات الامارات"

إن شاء الله يفيدكن الموضوع :)

مشكوووووره يا بنت بلادي
الله لا يحرمنا من هالطله

Perfectionist

والله حاسة بشعورج.. أنا ميتة من الزياغ.. و باجي بس 4 أيام وللحين متوترة.. الزفة و مب عايبتني و للحين ما وزعت الكروت على رباعتي و الألعن انه الدورة تأخرت علي و يت و خربت البرجرام مالي :( بصيح والله


خواتي بسألكم.. يصير أسوي الحمام المغربي بعد الحلاوة؟؟ أدري انه ما يستوي بس لازم انتظر ليوم الأثنين عشان اقدر اسوي الحمام المغربي و يوم الأثنين بنملج (ملجتي قبل العرس بيومين) و متوهقة ومب عارفة شو اسوي.. كنت ماخذة موعد بالسبت حق الحمام المغربي و الأحد حق الحلاوة و الثلاثاء حق الحنة بس ما شرفت الأخت الا البارحة و خربت كل شي علي :( والله بصيح :(


ساعدوني والله بصيييييييييييييييييح

السلام علييكم بناات

انا عرووس بنضم لكم

بس تقريبان مجهزه كل شي بس باقلي العبي و ال\هب

لانه عرسي كان شهر 7


و الحيين تاجل ليين اخر 11

و عشاان الصاولون حجزت عند وحده اسمها خلوود من بوظبي

مكيااجها اجنن

و التسريحه عند وحده اسمها حناان

بعد وايد يخب

خلوود
تغير شكل الانساان ما تعرفوون اني رمووش الاماراات ابد وحده ثانيه و رووعه خطير


و مكيااجها 2000

بس يووم كلمتها رضت تنزلي ليين 1500
و تسريحه 1000

و اخر شيي رضت تنزل ليين 700

يعني مجمووع المكيااج و يااه التسريحه 2200

بس شغلهم روعه


اما الفستاان رحت محل دمدماني

عيبني فستاان يخبل

قالت بتعطيني يااه 4500
بس روعه ويا تااج و جوتي يخبل


بس باقي المسكه ابي محلاات في ابوظبي اسعارها منااسبه

عشان اساوي مسكه

و خبروني اسعار الذهب و متى احتماال تنزل عشاان ابي اشتري ذهب


و مشكريين والتوفييق للجميع

Perfectionist:

هلا اختي..

مشكوره على السؤال...

حلو الشعور يوم احس انه في حد مهتم فيه :confused:

بقى عن عرسي 16 يوم.. جريييب وايد

واللي بقى لي..

1. أرتب شنطة السفر --- وها أصعب شي..

ماعرف شو أشل وشو ما أشل..

أحس إني أبا أحط كل اللي اشتريته في الشنطه..

2. المسكه...

أنا ماحب فكرة المسكه من الأساس وأحس انها سخافه ..

احنا انقلد الأجانب والأجانب يفرونها في نهاية العرس ولا ماعرف شو يسوون فيها..

بس شو أسوي مافيه يتمون يقولون ما سوت مسكه وما سوت..

3. بروفة الفستان

يوم السبت ان شالله بسير اسوي بروفه..

ان شالله مايكون تغير قياسي بس..

لأني في هالفتره تميت آكل أكثر عن أي فتره طافت..

4. بدكير ولا ماعرف شو يسمونه

اتصدقين انا في حياتي ما سويته..

ضروري اسويه؟؟

ووين أحسن مكان في بوظبي؟؟


ساعديني الله يخليج وتابعيني .. انا محد ينصحني وكل خواتي لاهين عني بدواماتهم :sad:

<------------------- ما صدقت حد يسأل عنها

هلا اختي

كلنا خواتج هني (})

وان شاء الله بنات بوظبي يساعدونج (f)

رموش الامارات:
السلام علييكم بناات

انا عرووس بنضم لكم

بس تقريبان مجهزه كل شي بس باقلي العبي و ال\هب

لانه عرسي كان شهر 7


و الحيين تاجل ليين اخر 11

و عشاان الصاولون حجزت عند وحده اسمها خلوود من بوظبي

مكيااجها اجنن

و التسريحه عند وحده اسمها حناان

بعد وايد يخب

خلوود
تغير شكل الانساان ما تعرفوون اني رمووش الاماراات ابد وحده ثانيه و رووعه خطير


و مكيااجها 2000

بس يووم كلمتها رضت تنزلي ليين 1500
و تسريحه 1000

و اخر شيي رضت تنزل ليين 700

يعني مجمووع المكيااج و يااه التسريحه 2200

بس شغلهم روعه


اما الفستاان رحت محل دمدماني

عيبني فستاان يخبل

قالت بتعطيني يااه 4500
بس روعه ويا تااج و جوتي يخبل


بس باقي المسكه ابي محلاات في ابوظبي اسعارها منااسبه

عشان اساوي مسكه

و خبروني اسعار الذهب و متى احتماال تنزل عشاان ابي اشتري ذهب


و مشكريين والتوفييق للجميع

هلا اختي ...

زين انج كاسرتيهن وخففني عالميزانيه ههههه

محل دمدماني ....>> ابي عنوانه وكم رقمهم :shy:


ووووو

انا عرسي وياج اخر شهر 11

وببدا ان شاء الله اتزهب من شهر 8 :gum:

-=-=- malaanah -=-=-=

10-6-2006 بيكون يوم السبت ... يعني باجر .... آخر يوم لتنزيلات هوم سنتر .. >>> مشكووره

على المعلوومه يا malaanah .



-=-=- Perfectionist -=-=

لا تشيلين هم .. وإنشالله كل شيء بيكون مرتب ..

والله يتمم عرسج على خير ...

--------------------------------------------
1. أرتب شنطة السفر --- وها أصعب شي..

ماعرف شو أشل وشو ما أشل..

أحس إني أبا أحط كل اللي اشتريته في الشنطه..

>>>>>>>>>>>>> شوفي .. أول شيء احسبي سفرتج كم يوم ...

وو شو الأماكن اللي بتسيرنها ( من ناحية الجو )

إذا قلنا سفرتج 20 يوم ..

ملابس الطلعه:
خذيلج 10 ملابس للطلعه .. يعني كل لبسه بتتكرر مرتين بس ..
حطي في بالج .. الاسكارف اللي بتلبسينه مع البدله والاكسسوارات ..

ملابس النوم:
خذيلج تشكيلة حلوه بين القمصان والبجايم.

ملابس عاديه ( يعني حق الفندق .. يوم مثلا تنشين تسبحين تبين تلبسين لج شيء خفيف، أو مثلا يوم ترجعين من طلعه وبتريحين شوي وعقب بتطلعين .. يعني جلالليب البيت الخفيفه)
خذيلج بين 8 لين 10

نقاط مهمه لازم تحطينها في بالج :

لا تشلين أي شيء إ لا وإنتي متأكده إنج بتلبسينه ..

أنا يوم كنت أسافر ويا أهلي .. أكتب كل شيء بشله في دفتر ..

حتى الاكسسوارات .. حطي اللي الاشياء اللي تعرفين بتلبسينهم على شوو ..

ملابس داخليه .. (للبس اليومي ) شلي عدد يعني 10 زين

خذيلج شنطه مكياج من هايله اللينات أريح للسفر ...وخذيلج الأساسيات مع مجموعه حلوه ..

وبالتوفيق <<<<<<<<<<<<<<<<<<<>

---------------------------------------------------------------
2. المسكه...

أنا ماحب فكرة المسكه من الأساس وأحس انها سخافه ..

احنا انقلد الأجانب والأجانب يفرونها في نهاية العرس ولا ماعرف شو يسوون فيها..

بس شو أسوي مافيه يتمون يقولون ما سوت مسكه وما سوت..

>>>>>>>>>>>>>>>>>>>>>>>> تبين رأيي ..
سويلج شيء بسيط وهادي .. خلي أساس مسكتج وروود ..يطلع أهدى وأحلى على فستان ابيض .. ودخلي في مسكتج ورود غريبه .. وصدقيني الباقة الناعمه تعطي نعومه للعروس.<<<<

-----------------------------------------------------------------

3. بروفة الفستان

يوم السبت ان شالله بسير اسوي بروفه..

ان شالله مايكون تغير قياسي بس..

لأني في هالفتره تميت آكل أكثر عن أي فتره طافت..

>>>>>>>>>>>>>>>> هالفستان اللي مخلي كل عرووس على اعصابها لين تستلمه ...<<<<<<>>


------------------------------------------------------------------

4. بدكير ولا ماعرف شو يسمون
اتصدقين انا في حياتي ما سويته..

ضروري اسويه؟؟

ووين أحسن مكان في بوظبي؟؟

>>>>>>>>>>> هو مب ضروري .. بس هو شبه ضروري
اذا الناس ما انتبهت لأظافرج في العرس بينتبهون يوم بيشوفون صور العرس ...

وسويلج فرنج منيكيبر .. هذا اللي طرفه يكون ابيض .. اظافرج بتبين طبيعيه وبشكل مرتب وحلوو

============================



ساعديني الله يخليج وتابعيني .. انا محد ينصحني وكل خواتي لاهين عني بدواماتهم

<------------------- ما صدقت حد يسأل عنها

لا تحاتين كلنا وياج ... وكلنا متابعينج ..