الجـزء الثانـي..تجهيـــزات عــــرايس الامـــــارات,,وحيالله عرايس خليجنا معانا,,

طحالب عاد يا بنت زياد
جيه سمج
خخخخخخخخخخ
فديت روحج والله
ولا يهمج الغلا
اذا في خاطرج الحمام المغربي
سوي ولا تحاتيين
100% له فوائد

هلا باحلى عرايس واطلب من الله يتمم زواجي وزاجكم على خير ..ااميين يارب العالمييين
والله حالتي حاله بصراحه عرسي كنا متفقين على اخر شهر 8
بس لظروف قدمنا العرس على اخر شهر 6 يوم 28
وانا ما خلصت من زهبتي باقي شوية اغراض والشقه مافرشناها وغير بشرتي اللي يبغى لها عنايه خاصه وشعر حالته حاله بعد يبغى له شغل جامد ... حشى ماصار شعر:gum:
والفستان والقاعه والكوشه والتصوير والمسكة ماحجزتهم الله يعيني وغير دوامي
......
الحمد لله على كل حال.... مادري من وين ابدا محتاسه والله
دعواتكن لي

بنت جميرا 6: اني تايم حبوبة

فراشة بوظبي: فديتج والله مشكورة اختي و صدقج هاي احلى فترة بس مادري ليش متوترة.. و عن الحلاوة و الحنا ترا بينهم يوم الأثنين (الملجة) و ما بتحنى فيه و بخلي الحنة حق العرس ان شالله :) و احتمال اكنسل المغربي لأنه ما ينفع اسويه عقب الحلاوة.. و مشكوووووووووووووووورة مرة ثانية فديتج و الله ايوفق الجميع ان شالله :)

الغلا كله: ميرسي فديتج والله و صدقج (عسى ان تكرهوا شيءأ و هو خير لكم) :)

perfectionest: من جي افكر اختي اني اكنسل المغربي و اسويه عقب شهر العسل.. ما فيه جسمي يتبقع من التفريك :( ثانكس عزيزتي و الله ايوفقج ان شالله :)

عايشة18: مبرووووووووووووكين الغالية و لا تحاتين ان شالله بتلحقين و اتخلصين :) ترا كلنا العرايس نيلس انوسوس ( و انا اكبر مثال ) و صدقيني كل شي بيكون من احسن ما يكون..

تقدرين تبتدين اول شي بحجز الفندق لأنه اذا اكدتي الحجز بعدين تقدرين اتشوفين الكوشة و البطاقات.. عقبها ابتدي بالفستان و الزفة و المسكة (لأنهم بيعتمدون على ثيم العرس).. و اذا بغيتي اي شي انا و خواتي في المنتدى حاظرات :)

هلا بالاميرة النائمة

صدج وانتي تقرين الموضوع ........... ههههههههههههه

يالله وينج غطيتي عنا ........ لج وحشة

الظاهر في اخبار حلوة ...:)

الغلا كله بسويه انا لول شسوي والله متعايزه اسوي خلطات بنات المنتدى واذا سويت اعرف عمري مره وحده وبسسس خخخ عيازه والله

+++++++++


احب اسال البنات جمام المغربي متى اسويه قبل الحلاوه ولا بعده ولا قبل العرس بفتره ؟

malaanahمبرووووووووووووكين الغالية و لا تحاتين ان شالله بتلحقين و اتخلصين :) ترا كلنا العرايس نيلس انوسوس ( و انا اكبر مثال ) و صدقيني كل شي بيكون من احسن ما يكون..

تقدرين تبتدين اول شي بحجز الفندق لأنه اذا اكدتي الحجز بعدين تقدرين اتشوفين الكوشة و البطاقات.. عقبها ابتدي بالفستان و الزفة و المسكة (لأنهم بيعتمدون على ثيم العرس).. و اذا بغيتي اي شي انا و خواتي في المنتدى حاظرات :)[/QUOTE]
تسلمين يالغلا وماتقصرين والله
بس خاطري اسوي ديكووور احمر في احمر لاني امووت ع هللون والزفه اممممممممم مادري والله شو احطي والكوشه مو شايله همها..بس مادري اذ الوقت بيكفيني ولا لا

خواتي بغيت أسألكم
انا مابى أسوي حمام المغربي في الصالون
أخاف ياختي
عادي اسوي روحي في البيت؟؟
ووين ممكن أحصل حمام مغربي مضبوط وزين؟؟

السلام عليكم يا عرايس ..

إن شاء الله الجميع بأسعد حال ..

بنات عندي نصيحتين ..

أولا يوم بتسافرون لا تشلون شنط ماركات (شنط الملابس) .. و لا شنط كشخه وايد ..

ليش ..

لأنهن أكثر عرضه للسرقه .. هذا واحد .. و الشي الثاني بيخيسن خياس حتى لو تغلفن و هذا عن تجربة ..

أنا قريت هالشي في كتاب عن السفر .. إنه الواحد ما يشل هالشنط وياه لأنهم و في أي مكان في العالم حرامية و ممكن تكون فرصة إنها تنسرق أكثر عن أي شنطة عادية .. لأنهم يتوقعون إنه فيها أشياء غالية و ثمينه بما إنها ماركة ..

الشي الثاني .. عن طرحة العروس و عن التاج ..

حاليا الموضة مب موضة تاج .. بس طرحه .. و طبعا لازم يكون في الطرحة شغل و كريستال من فوق .. عشان تبرز العروس بمنظر ملكي ... و طبعا التسريحة إلها دور ..

و نصيحتي لكل بنت تدخل الصالة إنها تقرا على عمرها قبل المعوذات و آية الكرسي .. و بعدين تحاول إنها تاخذ نفس عميق .. و تشل عنها الخوف .. صدقوني العروس يوم يكون شكلها مرتاح و مب خايفه يطلع شكلها يجنن .. لكن إذا خايفه بتطلع جذيه :eek2: يعني عيونها طالعة ..
و تذكري إنها ليلتج .. و مظهرج لازم يكون هادي مع ابتسامه خفيفه .. مب وايد عشان ما يقولون ما صدقت تعرس :shy:

لو تتبعين هذي النصيحه بتطلعين أميرة ..

نصايح ولا اروع يا طاغي الزين
تسلمين يا الاصيله
بس عاد عن الابتسامه
انا عاد ما اروم ايود عمري
على طول مبتسمه
بمناسبه وبدون مناسبه
في الملجه الكل كان يقول احلى ما فيج ابتسامتج
ففالعرس ناويه عليهم اعقهم بابتسامتي
ههههههه

جزاكم الله خير ......وايد استفد منكم بس حبيت أسأل وين يبيعون القمصان التنانير الكويتية ردوا علي بسرعة

هلا بعرايس الامارات ربي يوفقكم انشالله

ممكن خدمه ابي اعرف مصانع عجمان وين بالضبط ؟؟ وجزاها الله الف خير الي بتساعدني

هلا والله ب sjm
والله ما عندي علم الغاليه
بس انا اضم صوتي لصوتج
ابى اعرف وين تنباع

البطه المشتطه:
هلا بعرايس الامارات ربي يوفقكم انشالله

ممكن خدمه ابي اعرف مصانع عجمان وين بالضبط ؟؟ وجزاها الله الف خير الي بتساعدني

هلا ببطوطه
انا بخبرج وين المصانع
الحين انتي يايه من الشارجه مثلا
عندج الجسر
لا تركبينه امشي تحت
بتيج لفه على اليميين لفيها
امشي سيييييييييييييييده لين تلقين محطة بترول ايبكو
لفي يميين وامشي سيده
هناك منطقة المصانع

هلا بالبطة المشتطة

المصانع الله يسلمج ورا اسواق الامارات في عيمان

ووصفه بالضبط ما اعرف

بس وانتي سايرة هناك اسئلي اي تاكسي وبيدليج

الغـــ كله ـــلا:
نصايح ولا اروع يا طاغي الزين
تسلمين يا الاصيله
بس عاد عن الابتسامه
انا عاد ما اروم ايود عمري
على طول مبتسمه
بمناسبه وبدون مناسبه
في الملجه الكل كان يقول احلى ما فيج ابتسامتج
ففالعرس ناويه عليهم اعقهم بابتسامتي
ههههههه

هلا بأختي الغلا كله .. إسم على مسمى

على الإبتسامه .. ابتسمي على طول أنا أقولج .. تدرين أنا كنت مثلج والله ..

و الكل يقوللي إني أحلى شي يوم أبتسم .. يستوي ويهي طفولي ... و على فكرة بكل معنى الكلمة تطلعين أميرة ...

و هذي نصيحه لكل عروس .. ما بتكونين حلوه إذا دخلتي و إنتي خايفه .. يبين على شكلج على طول .. لكن إذا مبتسمه .. تطلعين غير .. و أصلا ما فيه شي يخوف .. و هذي ليلتج و استغليها عدل ..

و الغلا كله .. لا تنسين إعزميني ..

الغـــ كله ـــلا:
هلا والله ب sjm
والله ما عندي علم الغاليه
بس انا اضم صوتي لصوتج
ابى اعرف وين تنباع

ما ظن لها مكان عنا في الامارات .. جان بتحصلينهم صدفه في المحلات ..

أو إذا عندج الموديل ترومين تفصلين .. وإذا حد يعرف مكان معين يبيعون عندهم هالبدلات يخبرنا ..

ويعطيكم العافيه يا حبوبات ..


وعن مصانع عيمان ..
البنات ما قصروا .. واقولج مثل ما قالت بنت بوظبي ادخلي عيمان واسألي أي تكسي عن مصانع عيمان وهو بيدليج .. لأنه عيمان شوي صعبه من ناحية الوصف ..

بس منطقة المصانع منطقة شبه عوده .. يعني لازم تعرفين شو تبين تاخذين من هناك .. تحطين أسامي المحلات في بالج .. وهاي المحلات معروفه بشوو ..

وانشاالله هالشيء بريحج في الشرى ..

وبالتوفيق لكل العرايس

مرحبااااا عراااايس

انا عرسي باخر ثمانية ان شالله والحمدلله خلصت اشيا واايد بس باقي العبي والمخاوير وبديت بفستان العرس والحمدلله ان شالله كل شي يطلع مثل ما ابا

ووانا بعد محتارة شو احط في شنطة السفر وبعد شاريه كمن بنطلون جينز واخاف بو الشباب يمنعني اني البسهم خصوصا اني شارتنهم حق السفر اذا بنسير ملاهي او غيره كيف اقنعه ..

وعلى طاري النفسيه الحمدلله والشكر حسااااسه ومتوترة بشكل فظيع الله يستر ويعين

بنااات بوظبي ابا اعرف محلات تفصل نعلة الله يعزكم لاني ابا افصل نعال العرس ياريت دلوني على المحلات اللي في بوظبي

مراااااااحب بنوتات

هلا اختي طاغي الزين

مشكورة على النصايح العسل

ومثل ما قلتي اهم شي الابتسامة :)

ابتسموا ابتسامة حلوة احلى عن ابتسامة الموناليزا

ويعطيج العافية

هلا بروح الغلا

ما ادري وين محلات تفصيل نعل

بس انتي ليش بتعبين عمرج وتفصلين ... اريح لج الجاهز ....

بس احيد في محل في الخالدية يفصل ما احيد اسمه

بس مكانه مقابل محل مراكش للازياء المغربية ومحل قطع نسيت اسمه

يكون مقابلهم تقريبا

والله يوفقج يالغلا